[1703/5/8]*[print] [email] [cite] [preceding] [following]
Her majesties' gift and commission in favors of William, marquess of Annandale, to be president of her most honourable privy council, read and ordered to be recorded, whereof the tenor follows:
Anna, Dei gratia, Magnae Britanniae, Franciae et Hiberniae, regina, fideique defensor, omnibus probis hominibus suis ad quos praesentes literae nostrae pervenerint salutem. Quandoquidem nos regio nostro animo perpendentes praeclaram fidelitatem servitia fidelissima et eximios animi dotes fidelissimi et dilectissimi nostri consanguinei et conciliarii Gulielmi, marchionis de Annandale, unde pro rite obeundo munere summae fidei et officii secreti nostri concilii antiqui regni nostri Scotiae praesidis usquequaque sit idoneus; noveritis igitur nos nominasse constituisse et ordinasse, sicuti nos tenore praesentium nominamus constituimus et ordinamus praefatum Gulielmum, marchionem de Annandale, secreti nostri concilii dicti antiqui regni nostri Scotiae praesidem durante nostro beneplacito solummodo cum plenaria potestate illi praedicto munere et officio utendi fruendi gaudendi idemque exercendi cum universis honoribus dignitatibus privilegiis immunitatibus et casualitatibus quibuscunque eo spectantibus atque itidem tenore praesentium praedictum Gulielmum, marchionem de Annandale, secreti nostri concilii praesidem antedictum prioritatem et praecedentiam immediate proximam thesaurario nostro soli et principali dicti regni et immediate post locum illum praecedentiae quem thesaurarius principalis perprius retinebat seu retinere debuit omnibus locis et temporibus durante spatio antedicto habere ordinamus. In cujus rei testimonium praesentibus magnum sigillum nostrum appendi praecepimus. Apud aulam nostram de Saint James's, quindecimo die mensis Decembris, anno Domini millesimo septingentesimo secundo et anno regni nostri primo.
Per signaturam manu S. D. N. reginae suprascriptam.
Written to the great seal and registrate the twenty third day of December, 1702. Sic subscribitur, Charles Kerr. Sealed at Edinburgh, the twenty fourth day of December, one thousand, seven hundred and two, by special order till the seal be renewed. Sic subscribitur, Alexander Ogilvie.