[1702/6/15]*[print] [email] [cite] [preceding] [following]
Gulielmus, Dei gratia, Magnae Britanniae, Franciae et Hiberniae rex, fideique defensor, omnibus probis hominibus suis ad quos praesentes literae nostrae pervenerint salutem. Quandoquidem nos regio nostro animo perpendentes fidelitatem continuam et affectum fidelissimi et dilectissimi nostri consanguinei et conciliarii Joannis, domini Carmichael nostri principalis status secretarii pro antiquo nostro regno Scotiae erga nostram personam et regnum et quod diversis insigniis muneribus et stationibus a nobis ipsi concreditis summo cum honore et fidelitate functus sit; et nos ex certa nostra scientia quendam regiae nostrae gratiae characterem in eundem Joannem, dominum Carmichaell conferre benigne statuentes ut sibi et suae familiae durabilis fiat honoris addition; noveritis igitur nos fecisse constituisse et creasse sicuti per has costras patentes literas facimus constituimus et creamus eundem Joannem, dominum Carmichaell, comitem de Hyndfoord, vicecomitem de Inglisberry et Nemphlar, dominum Carmichaell de Carmichaell, infra dictum regnum; dando concedendo et conferendo praenominato Joanni, domino Carmichaell et heredibus suis masculis et talliae illi in terris et statu suo succedentibus secundum ipsius jura et infeofamenta earundem titulum honorem dignitatem et gradum comitis vicecomitis et liberi parliamenti domini cum omnibus et singulis praerogativis praeeminentiis privilegiis praecedentiis et immunitatibus quibuscunque eo spectantibus, quibuscum nos praefatum Joannem, dominum Carmichaell ejusque praedictos omni tempore futuro per praesentes nobilitamus et investimus tenendum et habendum praedictum titulum honorem dignitatem et gradum comitis vicecomitis et liberi parliamenti domini cum universis et singulis praerogativis praecedentiis praeeminentiis privilegiis et immunitatibus suprascriptis per eundem Joannem, dominum Carmichaell ejusque antedictos de nobis nostrisque regiis successoribus in omnibus parliamentis generalibus conciliis ordinum conventibus aliisque congressibus quibuscunque publicis seu privatis in dicto regno nostro tam plenarie et libere in quovis respectu et conditione, ac quivis alius comes vicecomes et liber parliamenti dominus simili titulo honore et dignitate perprius fructus fuit seu quovis tempore praeterito praesenti vel futuro uti et frui poterit. Leoni porro armorum regi ejusque fratribus faecialibus imperamus ut praefato Joanni, domino Carmichael nunc comiti de Hyndfoord talia prioribus insigniis ejus gentiliciis additamenta qualia ipsi illisque hac occasione convenientia videbuntur dent et praescribant ordinando et declarando hasce nostras patentes literas magno nostro sigillo munitas adeo validas efficaces et sufficientes fore illi ejusque antedictis pro possidendo praedicto titulo honore dignitate et gradu cum omnibus privilegiis aliisque eo spectantibus ac si cum omnibus ritibus et solennitatibus similibus occasionibus perprius usitatis ille ejusque praedicti investiti et inaugurati essent. Quocirca dispensavimus perque praesentes in perpetuum dispensamus. In cujus rei testimonium praesentibus magnum sigillum nostrum appendi praecepimus. Apud aulam nostram de Kensingtoun, vigesimo quinto die mensis Junii, anno Domini millesimo septingentesimo primo et anno regni nostri tridecimo. Per signaturam manu S. D. N. Regis suprascriptam.
Written to the great seal and registrat the twenty fifth day of September, 1701. Sic subscribitur, Charles Kerr.
Sealed at Edinburgh, the twenty-fifth of September, 1701. Sic subscribitur, A[ndrew] Home.