Procedure: preamble

[...]entissimi et potentissimi principis Jacobi Dei [...] tentum apud Perth nono die mensis Julii [...] to per prepotentem dominum Joannem comitem Montif[...] omnes regni status, unacum comite Arrolie consta[... ...]callo et Joanne Moncreif milite pro vicecomite de [...] adjudicatore. Sectis vocatis, curia affirmata.

Legislation

The haill actis following wer red, voitit and concludit be the estaittis in plane parliament.

Act anent the kingis majesteis prerogative

[...]le as the estaittis and haill bodie of this present parliament, considering [...]full discent in the persone of oure most gratious soverane of the [...] of the famous and renowned kingdomes of England, France and Irland [...] far surpassis the wealth, power and force of the dominionis of ony of his progenitouris kingis of Scotland, God hes also joynit ane wonderfull incresce of cair and burding for discharge, quhairof he hes endewed his majestie with sa mony extraordinar graces and maist rare and excellent vertues as he is nocht onlie knawin by daylie and manifest experiences in materis of greatest difficultie and consequence, to the unspeakable conforte of all his faithfull subjectis, to be capable of the happie governament of his saidis kingdomes, bot be his maist singular judgement, foirsicht and princelie wisdome worthie to posses and habill to governe far greater dominionis and numberis of people; and inrespect thairof, the saidis estaittis of parliament, persaveing that be his majesteis exaltatioun nocht onlie in preeminence and power, bot also in all royall qualiteis requisit for the happie discharge thairof, God hes manifestlie expressit his heavinlie will to be that his majesteis imperiall power, quhilk God hes sa gratiouslie inlarged, sall nocht by thame in ony sorte be impared, prejudged or diminissed, bot rather reverenced and augmented sofar as possible they can; thairfoir the saidis estaittis and haill bodie of this present parliament all in ane voluntar, humbill, faithfull and united hairt, mynd and consent trewlie acknawleges his majesties soverane authoritie, princelie power, royall prerogative and privilege of his crowne over all estaittis, persones and causes quhatsumevir within his said kingdome, and his majestie, with express advyse, consent and assent of the saidis haill estaittis, ratefeis, appreves and perpetualie confermis the samyn, als absolutlie, amplie and frelie in all respectis and considerationis as evir his majestie or ony of his royall progenitouris, kingis of Scotland in ony tyme bigane, possessed, used or exerced the same; and lykwayes, with consent foirsaid, cassis, annullis, abrogattis, retreittis and rescindis all and quhatsumevir thingis attempted, enacted, done or heireftir to be done or intendit to the violatioun, hurte, derogatioun, imparing or prejudice of his hienes soverane authoritie, royall prerogative and privileges of his crowne or ony point or pairt thairof, in ony tyme bigane or tocum. And the saidis haill estaittis, for thame selffis and thair successouris, faithfullie promittis perpetualie to acknawlege, obey, mantene, defend and advance the lyfe, honour, saiftie, dignitie, soverane authoritie and prerogative royall of his sacred majestie, his airis and successouris and privilege of his hienes crowne with thair lyves, landis and gudis, to the uttermest of thair power, and constantlie and faithfullie to withstand all and quhatsumevir persones, poweris or estaittis quha sall presume, preas or intend onywayes to impugne, prejudge, hurte or impair the same, and nevir to cum in the contrair thairof, directlie nor indirectlie, in ony tyme cummyng.

Act anent the restitutioun of the estate of bischoppis

In the parliament haldin at Perth, the nynt day of Julii the yeir of God jM vjC and sex yeiris, be vertue of ane speciall commissioun grantit be oure soverane lord to that effect under the great seall, of the date at Hamptouncourt, the aucht day of Februar jM vjC and four yeiris, oure soverane lord, now in his absens furth of his kingdome of Scotland, ernestlie desyring sa to provyde for the just and politique governament of that estait, as his faithfull subjectis thairof may perfytlie knaw that absens breidis nocht in his royall mynd oblivioun of thair gude, bot that he is daylie mair and mair cairfull of sic thingis as may tend maist to the honour, proffitt and perpetuall stabilitie and quietnes of the said kingdome, quhairin understanding religioun and justice to be sa necessar fundamentis and pillaris, as by thame the authoritie of the princes and quietnes of the peopill in all tymes bipast hes cheiflie bene establischit and mantenit, quhill off lait in his majesteis young yeiris and unsetlit estaitt the ancient and fundamentall policie consisting in the mantenance of the thrie estaittis of parliament hes beine greatumlie imparit and almost subvertit, specialie by the indirect abolischeing of the estait of bischoppis by the act of annexatioun of the temporalitie of benefices to the crowne maid in his hienes parliament haldin at Edinburgh in the moneth of Julii, the yeir of God jM vC fourscoir sewin yeiris, quhairby albeit it wes nather menit by his majestie nor by his estaittis that the said estait of bischoppis, consisting of benefices of cure and being ane necessar estait of the parliament, suld onywayes be suppressit; yit his majestie, by experience of the subsequent tyme, hes cleirlie sene that the dismembering and abstracting frome thame of thair levingis hes brocht thame in sic contempt and povertie that they ar nocht hable to furneis necessaris to thair privat familie, mekill less to beir the charges of thair wonted rank in parliament and generall counsaillis and, eftir the example of thair predecessouris, to assist and supplie thair prince with thair counsaill and gudis in tyme of peax and ware, the remede quhairof propirlie belangis to his majestie, quhome the haill estaittis of thair bundin duetie, with maist hartlie and faithfull affectioun, humelie and trewlie acknawleges to be soverane monarche, absolute prince, judge and governour over all persones, estaittis and causes, baith spirituall and temporall, within his said realme; thairfoir his majestie, with express advyse and consent of the saidis haill estaittis of parliament, being cairfull to repone, restoir and redintegrat the said estait of bischoppis to thair ancient and accustomed honour, digniteis, prerogatives, privileges, levingis, landis, teyndis, rentis, thriddis and estaitt, as the samyn wes in the reformit kirk, maist ample and frie at onytyme befoir the act of annexatioun foirsaid, be the tennour heirof, retreittis, rescindis, reduces, cassis, abrogattis and annullis the foirsaid act of annexatioun of the temporalitie of benefices to the crowne maid in the yeir of God jM vC fourscoir sewin yeiris as said is, in safar as the samyn may in ony sorte comprehend or be extendit to the authoritie, dignitie, prerogatives, privileges, touris, castellis, fortalices, landis, kirkis, teyndis, thriddis or rentis of the saidis bischoprikis or ony pairt thairof, with all utheris actis of parliament maid in prejudice of the saidis bischoppis in the premise, or ony of thame, with all that hes followit or may follow thairupoun, and all actis for dismembring of particular kirkis or commoun kirkis of the saidis bischoprikis frome the samyn, or for separatioun of the thriddis of the saidis bischoprikis frome the bodie, titill and twa pairt of the samyn, to the effect the persones presentlie provydit to the bischoprikis of Scotland or ony of thame, or that sall heireftir be provydit to the samyn, may frelie, quietlie and peciablie injoy, bruik and posses the honouris, digniteis, privileges and prerogatives competent to thame or thair estait sen the reformatioun of that religioun, and all touris, fortalices, landis, kirkis, teyndis, rentis, twa pairt thriddis, patronages and richtis quhatsumevir belanging to the saidis bischoprikis, or ony of thame, and use and exerte the samyn, and frelie dispone upoun the haill twa pairit and thrid temporalitie and spiritualitie of thair saidis bischoprikis and all the premises belonging to the saidis bischoprikis, as the saidis actis of annexatioun and remanent actis maid in onywayes to thair prejudice in the premise, and everie ane of thame and all that followit thairupoun, had nevir bene maid nor done, they allwayes intertenying the ministeris serveing at the cure of the kirkis of thair saidis bischoprikis upoun the reddiest of thair saidis thriddis according to the ordinar assignationis maid or ressonable to be maid thairanent. Attoure, becaus his majesteis intentioun is onlie to restoir the bischoprikis quhilkis ar benefices of cure, and nawayes to alter ony thing done in uther benefices quhilkis ar nocht of cure, and for the better satisfactioun of his majesteis subjectis and faithfull servandis quhome his majestie, in his princelie liberalitie, for diverse gude respectis and causes moveing him, hes beneficit, rewardit and advanceit with erectionis, fewis, patronages, teyndis and utheris infeftmentis, confirmationes of landis, rentis, teyndis, patronages and utheris richtis of abbaceis, prioureis and utheris benefices, nocht being bischoprikis, and to the effect they be nocht prejudgeit nor put in mistrust by this act of thair securitie in the premise, his hienes, with advyse of the haill estaittis of parliament, ratefeis, appreves and for him and his successouris, perpetualie confermes the haill erectionis, infeftmentis, confirmatiounes, patronages, takkis and utheris securiteis of landis, teyndis, patronages, richtis and rentis quhatsumevir of the saidis haill benefices foirsaidis, or ony pairt thairof (nocht being bischoprikis), gewin, disponit or confermit be his majestie during the tyme of the said parliament haldin in the moneth of Julii jM vC fourscoir sewin yeiris, of befoir or sensyne maid agreable to the lawis and actis of the said parliament fourscoir sewin and utheris lawis and actis maid sensyne, and faithfullie promittis in verbo principis nevir to querrell nor impugne the samin, directlie nor indirectlie, in ony tyme cumming. As alsua for the weill and securitie of the tennentis of the landis and teyndis of the saidis bischoprikis, quha since the act of annexatioun hes debursit diverse sowmes of money to his hienes thesaurar for making and confermyng to thame of thair infeftmentis, takkis and securiteis of the saidis landis, teyndis and rentis of the saidis bischoprikis possessit by thame, and to the effect that the annulling of the said act of annexatioun bereiff thame nocht altogidder of the saidis landis, teyndis and rentis of bischopprikis acquirit be thame upoun thair large charges and expenses according to the law than standing, and that upoun the uther pairt the saidis bischoprikis be nocht altogidder maid unproffitable be the unlauchfull dilapidatioun of the rentis thairof and hurtfull conversioun of the victuall, caynis, customes and utheris comoditeis of the samin for unequall and unworthie prices, thairfoir his majestie, with advyse of his estaittis foirsaidis, ordanis the saidis persones possessouris of the landis or teyndis of bischoprikis be vertue of infeftmentis, confirmatiounes or takkis of the samin grantit or sett since the said act of annexatioun and conforme to the samin and lawis of the realme at the tyme of the making thairof, sall have the securiteis, confirmatiounes, takkis and richtis of the saidis landis and teyndis of the bischoprikis foirsaidis renewit and grantit to thame in sufficient, perfyte and valide forme be the bischoppis, possessouris of the saidis benefices, the saidis fewaris, takismen and tennentis payand to the saidis bischoppis for gressum, entres and compositioun for renewing of thair saidis fewis of all landis and utheris belanging to the saidis bischoprikis, and als for ratificatioun of thair saidis takkis of all teyndis pertening thairto, off the quhilkis at the day and date heirof thair is ten yeiris croppis of the samyn to ryn, the doubill of the yeirlie silver duetie contenit in thair saidis fewis and takkis, and the singill of the victuall duetie and of all utheris dueteis expressit thairin, and that by and attoure the yeirlie duetie expressit in thair saidis fewis and takkis, the quhilkis dueteis for gressum, entres and compositioun, the haill estaittis of parliament declairis sall be payit be the saidis fewaris, takkismen and tennentis within yeir and day eftir they be lauchfullie cytit to that effect, and for that samyn cause or eftir that intimatioun of the samyn be maid to thame be the bischoppis in thair awin courtis; and incais of nocht thankfull payment of the doubill of the said silver duetie, and of the singill of the said victuall and utheris dueteis within yeir and day eftir the said citatioun and intimatioun as said is, the saidis estaitis of parliament findis and declairis that the saidis fewaris and takkismen sall be astrictit to pay eftir the expyring of the said yeir and day (thankfull payment nocht being maid within that space of the foirsaidis gressumes, enteres and compositioun extending to the quantitie abonewrittin), the quadruple of the silver duetie and the doubill of the said victuall and utheris dueteis foirsaidis to the saidis bischoppis by and attour the yeirlie dueteis contenit in thair saidis fewis and takkis as said is; and the saidis estaittis declaris that gif thair is nocht ten yeiris compleit to ryn of the saidis takkis of teyndis pertenyng to the kirkis of the saidis bischoprikis eftir the day and date heirof, in that caise the takismen onnawayes sall be astrictit to pay ony gressum, enteres or compositioun for the samyn to the saidis bischoppis, bot they to be frie thairof. Attoure, the saidis estaittis declaris that the said act and ordinance of parliament sall nawayes be extendit, comprehend nor prejudge ony fewis of bischoprikis lauchfullie sett and confermit befoir the said act of annexatioun, quhilk wes in the said moneth of Julii jM vC fourscoir sewin yeiris, exceptand and reserveand alwayes furth of this present act all dispositionis maid of quhatsumevir patronages of the kirkis pertening to the saidis bischoprikis disponit be lauchfull titularis and the kingis majestie, and ratefeit in parliament in favouris of quhatsumevir persone or persones, and nane utheris; and findis and declares all and quhatsumevir dispositionis maid of the foirsaidis patronages of all kirkis pertening to bischoprikis disponit be the lauchfull titularis and his majestie, and nocht confermit in parliament, to be of nane availl, althogh the samyn patronages be grantit and disponit be the kingis majestie and titularis thairof, and lykwayes exceptand and reserveand all commoun kirkis pertening of auld to the saidis bischoppis and thair chaptour in commountie, quhilkis ar disponit be his majestie to quhatsumevir persone at ony tyme preceding the date of this present act. And the saidis estaittis declares that gif thair be ony commoun kirkis pertening to the saidis bischoprikis and to thair chaptour of auld, that now pertenis and fallis to thame be vertew of this present act, that thairby the ministeris quha ar lauchfullie provydit to the saidis commoun kirkis be presentatioun, collatioun and admissioun and serveing thairat sall nawayes be prejudgeit during thair lyfetymes, bot that the saidis provisionis sall be sufficient richt and warrand to the saidis ministeris to bruik, joise and posses thair commoun kirkis foirsaidis according as they ar provydit thairto, for all the dayes of thair lyfetymes, nochtwithstanding of quhatsumevir clause contenit in this present act or ony uther act of parliament that micht mak ony derogatioun to the saidis provisionis, exceptand alwayes and reserveand the castell of Sanctandrois and castell yairdis of the samin, disponit to George, erle of Dunbar upoun the resignatioun of George, archibischop of Sanctandrois, dissolvit and dismemberit fra the said archibischoprik be oure said soverane lord and estaittis, with express consent and assent of the said archibischop, personalie comperand in parliament, quhometo oure said soverane lord in place and recompence of the said castell hes gewin and disponit the provestrie of Kirkhill, vicarage and archidenrie of Sanctandrous, to remane with the said archibischop and his successouris by and attoure ane yeirlie pensioun of thrie hundreth merkis gewin to the said archibischop, sua that the said castell and castell yairdis sall nawayes be comprehendit in this present act, nor yit sall be comptit nor estemit in ony tyme heireftir ony pairt or portioun of the patrimonie of the said archibischoprik, bot sall remane with the said George, erle of Dunbar, his airis and successouris as thair propir heretage, lauchfullie disponit to thame and dissolvit fra the said archibischoprik. And in lykmaner the saidis estaittis declaris that the foirsaid act grantit in favouris of the saidis bischoppis sall nocht be extendit nor prejudiciall to the infeftmentis, richtis and titillis maid to Schir Robert Melvill of Murdocarnie, knycht, his airis and successouris mentionat thairin of the landis of Monymaill and Lethame, with the maner place, yairdis and biggingis of Monymaill and patronage of the kirk of Monymaill pertening of auld to the archibischop of Sanctandrous, and declaris the samyn infeftmentis to stand in the awin strenth nochtwithstanding of this present act, provyding alwayes that the said Schir Robert Melvill and his airis sustene and interteny the ministeris serveing at the said kirk upoun the fruittis of the samin kirk. And, nochtwithstanding of this present act and haill clauses thairin contenit, oure said soverane lord, with advyse foirsaid, haveing considerit the fewaris of the baronie of Glasgow to be mony in number and the povirtie of the maist pairt of thame to be suche as they ar nocht abill to furnesche the ordinary charges for renewing thair infeftmentis, haif dispensit and be this present act dispenses anent the foirsaid clause of renewing of fewis, with samony of the saidis fewaris as have takin thair fewis, without diminutioun of the rentall and conversioun of victuall and utheris dueteis in silver, and quha sall obtene ane ratificatioun frome Johne, now archibischop of Glasgow, of the saidis fewis and richtis befoir the feist of Alhallowmes nixtocum; and declaris the fewis lauchfullie sett as said is to the saidis persones valide and effectuall, thair airis, successouris and assignais alwayes entering be the said archibischop as thair immediat superiour and be his successouris to thair saidis landis, rowmes and possessionis be brevis rasit out of the said archibischoppis chancellarie, preceptis of clare constat, resignationis and confermationis as use is, and payand thair few maillis, fermes, multuris, caynis and utheris dueteis to the said archibischop and his successouris in all tyme heireftir, but prejudice to the lettres of gift and pensionis grantit to the Duke of Lennox, Schir George, Schir James and Schir Archibald Erskynnis pensionis furth of the fruittis of the said archibischoprik of Glasgow, to be bruikit be the said lord duik during the said lord dukis lyfetyme alanerlie.

Anent foirfaltit persones

Oure soverane lord, perfytlie understanding that the dew punischement inflictit to tratouris and rebellis, and the rewardis richtlie distributit to faithfull and weill deserveing subjectis incourages the better sorte in weill doing and is ane terrour to the ewill disposit to give withgait to thair inclinatioun; in consideratioun thairof, with advyse and consent of the estaittis of his hienes parliament, ratefeis, appreves and perpetualie confermes the processes, sentences and domes of foirfaltouris led, deducit and pronuncit aganis Francis, sumtyme erle Bothuell, umquhile Johne, sumtyme erle of Gowrie, and umquhile Maister Alexander Ruthven, his brother, thair memorie, togidder with the actis maid anent the inhabilitie of the posteritie of the saidis tratouris, and decernis, declaris, statutis and ordinis that the gratious restitutioun to be gewin be his majestie or ony of his successouris to ony persone or persones alreadie foirfaltit sen his majesteis perfyte age, or quha in ony tyme cumming sall happin lauchfullie to be foirfaltit be his majestie or ony of his successouris, or to thair airis or thair successouris, sall nawayes hurte or prejudge ony of his hienes subjectis in the richt and securitie obtenit, or to be obtenit, be thame or ony of thame of the landis, possessionis, takkis, richtis, gudis or geir pertening to the saidis foirfaltit rebellis and fallin to oure said soverane lord or his successouris be thair rebellioun and foirfaltour, bot that the samin landis, possessionis, takkis, richtis, gudis and geir quhatsumevir fallin to his majestie in maner foirsaid and lauchfullie disponit be his hienes, or heireftir to be disponit be him or his successouris to ony of his or thair faithfull subjectis, sall perpetualie remane with and appertene to the ressaveris of the securitie and dispositioun thairof, nochtwithstanding the said gratious restitutioun to be obtenit be the saidis foirfaltit persounes or thair airis or successouris, quhilk salbe na forder extendit nor have na forder force nor effect bot for the rehabilitatioun of thair persones alanerlie, and nawayes to be extendit to the landis, possessionis, takkis, richtis, gudis or geir pertening to thame befoir thair foirfaltour and lauchfullie disponit to ony of his hienes obedient subjectis at sic tyme as the indoubtit richt thairof stude in his hienes persone, fallin and becum in his majesteis handis be vertue of the said foirfaltour. And becaus the persones foirfaltit, thair bairnis and freindis in prejudice of his hienes donatouris and utheris his majesteis obedient and duetifull subjectis, abstractis and absentis the evidentis, takkis and securiteis of the landis, rowmes and possessionis of the saidis foirfaltit persones, it is thairfoir statute and ordanit that nochtwithstanding the abstracting and absenting be ony persones of the evidentis, takkis and securiteis of the landis and possessionis quhilkis pertenit to ony foirfaltit persones, and quhairof the richtis being ather disponit or confermit be his majestie, the saidis dispositionis or confirmationes ar extant in his hienes register, that the extract thairof furth of the register sall be als gude and sufficient titill and richt to his majesteis donatouris and utheris his obedient and dewtyfull subjectis haveing richt thairto for bruiking and joising the saidis landis and possessionis as gif the principall and originall evidentis, takkis or securiteis wer yit extant, and that the saidis evidentis and securiteis sall nocht be decernit to mak na faith or to be improvin for nocht production of the originall and principall, the saidis extractis or confirmationes being producit be his majestie or his donatouris and utheris foirsaidis, and they being content to abyd at the veritie of the deid and tryell nocht onlie of the treuth of the confirmatioun, bot also at the treuth of the wrytt quhilk is insert in the confirmatioun quhairof the principall is abstractit.

Act anent the riveris of Tweid and Annand

Oure soverane lord and estaittis of parliament, understanding that in the act maid in his hienes parliament in the yeir of God jM and sex hundreth yeiris, quhairby the slaying of salmond fische in foirbiddin tyme or of kipper smoltis or blak fische at ony tyme wes declarit to be thifte, and the committeris thairof wer ordanit to be punishit for the samyn as for thyfte, the riveris of Tweid and Annand wer than exceptit becaus the saidis riveris at that tyme divydit at mony pairtis the boundis of Scotland and England adjacent unto thame, quhairby the foirberance upoun the Scottis pairt of the slauchter of salmond in foirbiddin tyme and of kipper smoltis and blak fische at all tymes wald nocht have maid salmond ony mair to abound in these watteris gif the lyk ordour had nocht bene than observit upoun the Englische syd, quhilk impediment, throw the infinit mercie of God, being now removeit by the most happie uniting of the empyre of both the kingdomes in the royall persone of his maist excellent majestie, indoubtit and richteous monarche of the samyn, quhairby the inhabitantis of this haill ile ar equaly subject to his sacred persone and lawes, and the remede of thair harmes and redress of thair abuses, punischement of thair transgressionis and estableissing of thair universall weill belangis to his charge; thairfoir our said soverane lord and estaittis of his hienes parliament, cleirlie understanding that the cause of the said exceptioun is now remowed, ratefeis and apprevis the said act of parliament anent the foirbidding of salmond, kipper smoltis and blak fische in maner abonewrittin, and panis of thifte and death decernit aganis the contravenaris thairof, and retreittis and perpetualy annullis and abrogattis the said exceptioun of the saidis watteris of Tweid and Annand, and decernis and ordinis that in all tyme cumming the controvenaris of the said act, or ony pairt thairof in the watteris of Tweid or Annand, or ony pairt of the samin, sall underly the saidis panis of thift and death according to the qualitie, rank and estait of the committeris thairof, and as gif the first act had bene generall and the said exceptioun had nevir bene contened thairin.

Anent the customes betuix Scotland and England

Oure soverane lord and estaittis of this present parliament statutis and ordinis that the farmeris of the customes in Scotland do keip ane originall buik of all the gudis that ar enterit and schippit for England, the schippis name, place and maister is name and to quhat porte the schip is bound, and to keip the entreis of everie porte by thame selffis, and everie half yeir the farmeris of Scotland to send ane trew copie of the samyn buikis to the farmeris of England, and the fermeris of England to do the lyk to the fermeris of Scotland, and anis yeirlie lykwayes to send the ane unto the other all the returnis quhilk come frome ather kingdome for discharge of thair bondis, to examine gif they be nocht falsifeit, quhilk being examinat sall be returnit bak agane. Siclyk, it is statute and ordinit that the coquett do pas in the names of the principall awneris of the gudis ladin in everie schip and nocht in poore mennis names scarslie knawin in England. Item, that ordour may be takin that na geir nor merchandice be sufferrit to pas by land frome Scotland into England nor frome England into Scotland by the waist groundis and wasches. It is statute and ordinit that all gudis caryit by land frome Scotland to England or brocht frome England to Scotland may pas onlie by the wayes of Berwick and Carlyle and by no other way, to prevent all fraude, and that all mercheandis do bring a certificate frome the fermeris deputeis of Edinburgh to the farmeris deputeis of Berwick and Carlyle, and also the farmeris deputeis of Berwick and Carlyle to gif the lyk certificate for all gudis passing those wayes for Edinburgh or any uther citie or towne in Scotland, and to keip originall buikis thairof under the pane of warding of the persones of thame quha sall contravene this present act or ony point thairof, and escheitting and confiscatioun of the haill gudis, geir and merchandice quhilkis ony persone or persones sall transporte betuix Scotland and England utherwayes nor is prescryved in this present act.

Anent glebis in pasturage and sowmes grass

Oure soverane lord and estaittis of this present parliament, understanding that be the act of parliament anent the designatioun of manses and gleibis to ministeris, it is ordinit that thair sall be four akeris of land designat to ilk minister for his gleib nixt adjacent to the kirk; and seing that by the iniquitie of tyme and disordour of the bordouris and hielandis of this realme in tyme bigane, thair ar sindrie kirkis within the samin quhilkis hes na arrable land adjacent thairto, bot onlie pasturage, sua that be the foirsaid act of parliament maid anent the designatioun of four akeris of land onlie for the gleib of ilk minister and na forder, the ministeris serveing the cure at sic kirkis as hes na arrable land adjacent thairto, bot onlie pasturage, ar greatumlie hurte and defraudit. For remede quhairof, it is statute and ordanit that, in all tyme cumming, thair be designit to the ministeris serveing the cure at sic kirkis quhair thair is na arable land adjacent thairto four sowmes gress for ilk aker of the saidis four akeris of gleib land, extending in the haill to sextene sowmes for the said four akeris, and that of the maist commodious and best pasturage of ony kirklandis lyand nixt adjacent and maist ewest to the saidis kirkis; and ordinis lettres to be direct aganis the possessouris thairof for removeing thairfra in the samyn forme as is appointit be the foirsaid act of parliament maid anent designatioun of manses and gleibis of befoir.

Anent teynding of cornes

It is statute and ordanit be oure soverane lord and estaittis in parliament that in tyme cumming in all teynding of cornes, that the samyn be teindit at thrie severall tymes everie yeir gif the awneris of the cornes sall think it expedient, to wit: the croft infeild corne at ane tyme, the beir at ane uther tyme, and the outfeild corne at the thrid tyme; and declaris that fyftene dayes eftir the compleit scheiring of ilk sorte of cornes being outrun, that it sal be lesum to the awneris at the said fyftene dayes end to mak requisitioun upoun sewin dayes to gif thame thankfull teynding, and gif the awneris get nocht thankfull teynding at the expyring of the saidis sewin dayes, the saidis estaittis declaris that it sall be lauchfull to the awneris of the saidis cornes to teynd and stak the samin thameselffis conforme to the act of parliament maid of befoir anent teynding of cornes in all pointis, and sall incurre na danger thairthrow.

Anent auld decreittis of ejectioun and spulzie in the bordouris

Oure soverane lord and estaittis of this present parliament, being cairfull that the satled and peciable estait happelie begun in those pairtes of this countrey quhilkis wer the lait bordouris foiranent England may be so manteyned, as all occasionis of disturbans thairof may be providentlie foirsene and convenientlie remedeit, and understanding that nathing is mair hable to bring diverse of the inhabitantis of the saidis lait bordouris to disperat courses and turbulent enterpryses than the rigorous executioun of auld decreittis obteined aganis thame or thair predecessouris tuentie yeiris befoir his majesteis happie successioun to his crowne of England, specialie quhair the saidis decreittis of thair awin nature may bring the danger of the yeirlie violent proffeittis upoun the persones aganis quhome the saidis decreittis wer obtened, and thairby surmounting often tymes thair haill valient, gif they be put to extreme executioun will gif the pairty occasioun of suche dispair as may induce thame to attempt so dangerous remedyes as may disturb the generall quietnes and renew or begin hotte and bloody feedes amongis the pairteis; for remede quhairof, and to the effect suche auld decreittis of ejectioun or removeing as wer obteyned tuentie yeiris befoir his majesteis comming to the crowne of England, and na executioun socht and obteyned thairupoun during the said space of tuentie yeiris preceding his majesteis obtening of the crowne of England, may nocht urge and dryve to dispair and miserie such as have these thrie yeiris bigane conteyned thameselffis in all dewtifull obedience to his majesteis authoritie and lawes, thairfoir, his majestie and estaittis foirsaidis statute and ordane that all suche decreittis of ejectioun and removeing and all effect and executioun that ony way may follow thairupoun sall cease and in tyme cumming be voyde, except for obteyning possessioun to the pairteis in quhais favouris the saidis decreittis wes pronunced of the landis thairin contened and payment to thame of the ordinar proffeittis quhilkis the saidis landis have payit to the persones aganis quhome the saidis decreittis wes gewin of the yeiris since his majesteis going to England alanerlie, and of na utheris yeiris preceding the samyn; with special provisioun that incais the persones aganis quhome the foirsaidis decreittis of removeing or ejectioun wes gewin salhappin heireftir to be lauchfullie denuncit rebellis and put to the horne for nocht obedience of the foirsaidis decreittis, they being first chargeit eftir the day and date heirof be all the charges conteyned in the lettres rasit or to be rasit upoun the saidis decreittis to obey the samin, in that caise the saidis estaittis of parliament declaris that the persones obtenaris of the foirsaidis decreittis sall have sufficient actioun aganis the persones defendaris specefeit in the saidis decreittis for the violent proffeittis of the landis mentionat thairintill continewallie sen the obteyning of the foirsaidis decreittis as accordis of the law, nochtwithstanding of this present act.

Act anent directing of lettres of hornyng on schireffis, stewartis and baillies decreittis

Oure soverane lord and estaittis of this present parliament ordinis for the greater forderance and better executioun of justice to all his majesteis lieges, and eschewing of the superfluous and unnecessar charges quhilk they sustene by poinding on decreittis obtenit befoir schireffis, stewartis and baillies, alsweill of royaltie as regalitie, that the lyk lettres and executioun of horning be direct and grantit be the lordis of sessioun upoun all actis, decreittis and sentences of schireffis, stewartis and bailleis, alsweill of royaltie as regalitie, as is grantit and direct upoun decreittis, actis and sentences of provestis and bailleis within burgh conforme to the act of parliament maid thairanent and eftir the forme and tennour of the samyn in all pointis.

Anent coilyearis and saltaris

Oure soverane lord and estaittis of this present parliament statutis and ordinis that na persone within this realme heireftir sall fie, hyre or conduce ony saltaris, coilyearis or coilberaris without ane sufficient testimoniall of thair maister quhome they last servit, subscryvit with his hand, or at leist sufficient attestatioun of ane ressonable cause of thair removeing maid in presens of ane baillie or magistrat of the pairt quhair they come fra; and incaise ony ressave, fie, hyre, supplie or interteny ony of the saidis colyearis, saltaris or coilberaris without ane sufficient testimonie as said is, the maisteris quhome fra they came, challengeing thair servandis within yeir and day, that the pairtie quhome fra they ar challengeit sall delyver thame bak agane within tuentie four houris under the pane of ane hundreth pundis to be payit to the persones quhome fra they passit, and that for ilk persone and ilk tyme that they or ony of thame salhappin to be challengeit and nocht delyverit as said is; and the saidis coilyearis, coilberaris and saltaris to be estemit, repute and haldin as theiffis and punischit in thair bodyes, viz: samony of thame as sall ressave foirwageis and feis. And the saidis estaittis of this present parliament gevis power and commissioun to all maisteris and awneris of coilheuchis and pannis, to apprehend all vagaboundis and sturdie beggeris to be put to labour.

Act anent setting of fewis be subvassellis of waird landis

Oure soverane lord and estaittis of parliament, haveing consideratioun of the act and statute maid be his hienes predecessour King James the Secund of worthie memorie in the fourtent parliament haldin be his majestie and threscoir tuelf chaptour of the said parliament, anent the setting of landis in fewferme, as the act itself at lenth contenis, under the pretext and collour quhairof diverse persones halding thair landis of utheris superiouris for service of waird and releif hes sett the saidis landis haldin be thame as said is in fewferme to utheris thair subvassellis for payment of ane fewferme duetie, quhairby they do manefast prejudice to thair saidis superiouris in altering of the said first halding express repugnand to the meaning of the said first act, quhairas the said halding can be nawayes alterit be the vassellis without sum direct deid done be thair superiouris, tending to approve the said dispositioun quhilk may alter the nature and conditioun of the said first halding; for remede quhairof, oure soverane lord and estaittis of parliament presentlie convenit hes statute and ordanit, and be the tennour of this present act, statutis and ordinis in all tyme cummyng that it sall nawayes be lesume to the vassellis of ony erle, lord, prelat, baroun or ony uther frie halder within this realme, quha haldis thair landis of thair saidis superiouris be service of waird and releiff, to sett thair saidis landis quhilkis ar haldin be thame as said is to ony other persone in few, for payment of ane fewferme duetie in prejudice of thair saidis over lordis quhome of they hald the saidis landis be service of wairde and releiff as said is, without the speciall advyse and consent of thair said superiour had and obtenit to the setting of the saidis landis in fewferme or purchessing of the saidis superiouris confirmatioun to the said dispositioun gif ony salhappin to be maid as said is. And incais ony sic alienatioun salhappin to be maid in ony tyme to come without consent of the saidis superiouris, or thair confirmatioun obtenit to the samyn, oure said soverane lord and estaittis of parliament findis, decernis and declaris all sic dispositionis to be null and of nane availl, force nor effect ather be way of actioun or exceptioun.

Anent laying of lynt in lochis

Oure soverane lord and estaittis of parliament, finding that the laying of lynt in lochis and burnis is nocht onlie verie hurtfull to all fisches bred within the samyn, and bestiall that drinkis thairof, bot also the haill watteris of the saidis lochis and burnis thairby being infectit is maid altogidder unproffitable for the use of man and verie noysum to all the people duelland thairabout; thairfoir, statutis and ordinis that na persone nor persones in tyme cumming lay in lochis and rynnand burnis ony grene lynt under the pane of fourtie schillingis toties quoties for ilk tyme they sall controvene, and als confiscatioun of the lynt, to be applyit to the puire of the parochin within the quhilkis the saidis lochis and burnis lyis, and be the tennour heirof geves power to the sessioun of the kirk of ilk parochin to trye, cognosce and put this present act to executioun, and to uplift the unlawis and to confische and dispone upoun the said lynt to the weill of the pure of the parochin as said is; and ordinis lettres of publicatioun to pas heirupoun in forme as efferis.

Act in favouris of his majesteis vassellis for payment of thair blenshe dueties

Oure soverane lord and estaittis of this present parliament, remembering the great favour schawin and borne be his hienes and his predecessouris to the nobill men, barones and utheris subjectis of this realme and thair predecessouris for thair nochtable and memorable factis and services done to his majestie and his predecessouris in defence and weilfair of the realme in making and granting to thame of heretable infeftmentis of thair landis, baroneis, lordschippis, castellis, touris, fortalices, woddis, mylnis, salmond fischeingis, offices and utheris thairin contenit, haldin of oure said soverane lord and his predecessouris in frie blenche ferme for payment of certane blenche ferme dueteis expressit in thair infeftmentis, nocht as ony burding or yeirlie duetie, bot be way of acknawlegeing and recognoscence, gif the samin dueteis beis requirit alanerlie; and that nochtwithstanding thairof within thir lait and few yeiris the saidis noblemen, barones and utheris oure soverane lordis liegis and subjectis quha haldis thair landis and utheris foirsaidis of oure said soverane lord in frie blenshe ar yeirlie, without ony just cause, burdenit, urgeit and compellit be charges to mak payment in his hienes chekker of certane sowmes of money as for the prices and valour of the saidis blenshe dueteis, thair being na sic sowmes of money nor prices contenit in thair saidis infeftmentis; for remede quhairof oure soverane lord, with advyse of the saidis estaittis, findis, decernis and declaris that the noblemen, barones and utheris liegis and subjectis quha haldis thair landis and utheris foirsaidis of his majestie in blensheferme, ar onlie justlie addebtit in payment of the blenshe dueteis expressit and sett doun in thair infeftmentis gif the samyn be requirit alanerlie, and that they aucht nawayes tobe burdenit, trublit or chargeit for sowmes of money as prices for the saidis blenshe dueteis, and that nochtwithstanding quhatsumevir act or ordinance maid be the lordis of his hienes chekker, or utheris actis or ordinances quhatsumevir of quhatsumevir yeiris bigane or tocum, to the quhilkis this present act sall mak and makis full derogatioun. And thaireftir Schir Thomas Hammyltoun of Monkland, knycht, advocat to oure soverane lord, in presens of the saidis estaittis, protestit in his hienes name that the blenche dueteis and spaces thairof contenit in the foirsaidis infeftmentis be conforme to the kingis majestie and his successouris estaite and dignitie; and thairupoun the said lord advocat askit instrumentis.

Act anent saisingis to be gevin on preceptis of the chancellarie

Oure soverane lord and estaittis of this present parliament ratefeis and appreves the act maid of befoir be King James the Fyft of gude memorie, quhairby it was statute and ordanit that all seasingis gewin be vertue of ony preceptis direct furth of the chancellarie suld be gewin be the schireffs of the schires, baillie or stewart quhair the landis lyis, thair deputtis and clerk, as in the said act of the date the tent day of December, the yeir of God jM vC fourtie yeiris, at mair lenth is contenit, in all and sindrie pointis, heidis, articlis, clauses and conditionis of the samin safar as the samin extendis, or may be extendit, to seasingis past upoun preceptis direct furth of the chancellarie upoun retouris alanerlie. And the saidis estaittis of parliament decernis and declaris the samin act maid be King James the Fyft of the date abonewrittin to have been onlie maid for sic seasingis as ar gewin be vertue of preceptis that passes upoun retouris and to nane utheris seasingis direct upoun ony uther precept direct furth of the chancellarie.

Act in favouris of the burrowis regall

Oure soverane lord and estaittis of parliament ratefeis, apprevis and confermes all actis of parliament and lawes with all fredomes, privileges, immuniteis and liberteis grantit to the burghis regall within this realme be oure soverane lord or ony of his hienes predecessouris at ony tyme of befoir; and decernis and declaris the saidis burrowis and everie ane of thame to have gude richt to bruik thair saidis privileges and liberteis as they wer wount to do of befoir.

Act for staying of all unlauchfull conventionis within burgh and for assisting of the magistrattis in the executioun of thair offices

Oure soverane lord and estaittis of this present parliament ratefeis and appreves all and quhatsumevir actis maid heirtofoir be his majestie and his hienes progenitouris and the estaittis of the realme for staying of all tumultis and unlauchfull meitingis and convocationis within burgh, and ordinis the samin to have effect and to be put to dew executioun aganis the controvenaris thairof in all pointis, with this additioun: that na persone nor persones within burgh, of quhatsumevir rank, qualitie or conditioun they be of, presume or tak upoun hand fra this furth, under quhatsumevir collour or pretext, to convocat or assemble thame selffis togidder at ony occasioun, except they mak dew intimatioun of the lauchfull causes of thair meittingis to the provest and bailleis of that burgh, and obtene thair licence thairto sua that nathing be done or attemptit be thame in thair saidis meitingis quhilkis may tend to the derogatioun or violatioun of the actis of parliament, lawis and constitutionis maid for the weill and quietnes of the saidis burghis, declaring be thir presentis the saidis unlauchfull meittingis and the persones present thairat to be factious and seditious and all procedingis thairin to be null and of nane availl, and the saidis persones to be punischit in thair bodeis, gudis and geir with all rigour conforme to the lawes of this realme. And to the effect the saidis unlauchfull meitingis, with all utheris tumultis, trublances and pleyis that salhappin to fall out within the saidis burrowes, may be substantiouslie suppressit, ordanis the haill inhabitantis of the saidis burrowes at all occasiones to reddelie assist and concur with the magistratis and officiaris thairof for satling of the saidis tumultis and trublances and punischeing of the authouris and movearis thairof; and sic as sall nocht assist and concur with the saidis magistratis redelie or thair officiaris for redding and satling of the saidis tumultis and trublances as said is, sall be repute and haldin as fosteraris and mantenaris of the saidis tumultis and punischit thairfoir in thair persones and unlawit in thair guidis at the arbitriment of the magistrattis and counsaill of the said burgh; and ordinis publicatioun to be maid heirof at the marcat croces of the saidis burrowes that nane pretendand ignorance thairof.

Anent the keiping of the kingis houses

Oure soverane lord and estaittis of this present parliament, haveand ane speciall regaird to the mantenance and uphalding of his hienes castellis, pallaceis and houses as the samin hes bene keipit and mantened thir mony yeiris bigane, decernis and declaris that the haill fruittis and rentis assignit, grantit and disponit for costis and charges of the mantenance and keiping of the saidis castellis, pallaces and houses sall remane with thame in all tyme cumming, nochtwithstanding quhatsumevir act or statute maid in this present parliament, ather speciall or generall, quhilkis may be hurtfull or prejudiciall to the saidis fruittis and rentis assignit to the effect foirsaid in onywayes.

Act anent the taxatioun and collecting thairof

Forsamekill as the estaittis convenit in this present parliament, upoun gude and weichtie considerationis moveing thame, hes frelie and voluntarlie offerrit and grantit to the kingis maist excellent majestie, oure soverane lord, for releif and payment of his hienes debtis and reparatioun of his majesteis houses, ane taxatioun to be payit, collectit and upliftit in maner and at the four termes following: that is to say, for the barones and friehalderis pairtis of the samyn taxatioun, tuentie schillingis money to be upliftit of everie pund land of auld extent within this realme pertening to erlis, lordis, barones, frehalderis and fewaris of oure soverane lordis propir landis haldin be thame immediatlie of his majestie, and payit at everie ane of the four severall termes eftirspecefeit, that is to say, tuentie schillingis at the first day of Februar nixtocum in the yeir of God jM vjC and sewin yeiris, tuentie schillingis at the first day of Februar in the yeir of God jM vjC and aucht yeiris, tuentie schillingis at the first day of Februar in the yeir of God jM vjC and nyne yeiris, and tuentie schillingis at the first day of Februar in the yeir of God jM vjC and ten yeiris. And for the spirituall men and the burrowis pairt of the same taxatioun that thair sall be upliftit of everie archibischoprik, bischoprik, abbacie, priourie and uther inferiour benefice and of everie frie burgh within this realme at everie ane of the saidis four tymes of payment, the just taxatioun of the samin and as the samin have bene accustomit to be taxat unto in all tymes bigane quhansoevir the temporall landis of this realme wer stentit to tuentie schillingis the poundland of auld extent, and the samyn taxatioun to be payit at everie ane of the four severall termes abonespecefeit. And for inbringing of the barones and friehalderis pairtis of the samin taxatioun and of the fewaris and rentalleris of oure soverane lordis propir landis pairt thairof, it is statute and ordinit that lettres be direct chargeing all and sindrie schireffis, stewartis and bailleis, thair deputtis and clerkis, fewaris, chalmerlanis and ressaveris of oure soverane lordis propir landis, that they and ilkane of thame within the boundis of thair offices raise and uplift the said sowme of tuentie schillingis money of everie pund land of auld extent lyand within the boundis of thair jurisdictionis for everie ane of the four termes payment abonespecefeit, and inbring and delyver the samyn to James Hay of Kingask, his hienes collectour generall appointit for ressaveing of the samyn haill taxatioun, or to his deputtis and officiaris in his name, haveand his power to ressave the samyn at the particular termes abonespecefeit under the pane of rebellioun; and gif they failyie thairin, at the bipassing of everie ane of the samin termes, to denunce and escheat etc., and for thair releif that lettres be direct chargeing all and sindrie erlis, lordis, barones and frie halderis, fewaris and rentalleris of oure soverane lordis propir landis to mak payment to the saidis schireffis, stewartis, bailleis and thair deputtis and clerkis, chalmerlanis and ressaveris of oure soverane lordis propir landis, ilkane of thame for thair awin propir pairtis respective, of the said sowme of tuentie schillingis money for everie pund land of auld extent pertening to thame for everie ane of the saidis four termes payment within tuentie dayes nixt eftir they be chargeit thairto under the pane of rebellioun etc.; and gif they failyie, to denunce and escheat etc., and gif neid beis that the saidis schireffis, bailleis, stewartis, thair deputtis and clerkis, chalmerlanis and ressaveris of oure soverane lordis propir landis poind and distrenye thairfoir as they sall think maist expedient, provyding alwayes that the first termes payment of the samyn taxatioun be evir past befoir the nixt termes payment be chargeit for; and that the saidis erlis, lordis, baronis, frehalderis, fewaris and rentalleris of oure soverane lordis propir landis have lettres for thair releif to charge thair vassellis, subvassellis, ladyis of terce, conjunctfearis and lyferentaris to mak payment of thair pairtis of the samin taxatioun within tuentie dayes eftir the charge under the pane of rebellioun etc., and gif they failyie, to denunce and escheat etc., and gif neid beis to poind and distrenye. And for the spirituall mennis pairt of the samin taxatioun, that lettres be direct chargeing all and sindrie archibischoppis, bischoppis, abbottis, priouris and utheris beneficeit persones contenit in the taxt rollis, thair chalmerlanis, factouris and intrometouris with thair levingis to mak payment of that sowme that they and everie ane of thame ar taxt unto for everie ane of the saidis four termes payment to the said James Hay of Kingask, his majesteis collectour foirsaid, his deputtis and officiaris in his name haveand his power to ressave the samyn, at the particular termes abonespecefeit, under the pane of rebellioun etc., and gif they failye, to denunce and escheat etc., provyding alwayes that the first termes payment of the samin taxatioun be evir past befoir the nixt termes payment be chargeit for. And that the prelattis and beneficit persones for thair releif have lettres chargeing thair vassellis, subvassellis, ladyes of terce, conjunctfearis, lyfrentaris, fewaris, takismen and pensionaris to mak payment of thair pairtis of the samyn taxatioun pro rata within tuentie dayes nixt eftir the charge, under the pane of rebellioun etc., and gif they failyie, to denunce and escheat etc, and gif neid beis to poind and distrenye thairfoir as they sall think maist expedient; alwayes declaring that the productioun of suffcient horningis aganis the saidis fewaris, vassellis, takismen and pensionaris sall be ane releif to the saidis prelattis and beneficeit persones, and sall exoner thame pro tanto fra the payment of the samin taxatioun, provyding that the samin horningis, with thair taxt rollis authentiklie maid and subscryvit be the saidis prelattis and beneficeit persones, and be thair vassellis, takismen and pensionaris, contening the particular sowmes that everie ane of thame ar taxt unto, be delyverit to the collectour of the samin taxatioun within the space of fourtie dayes eftir ilk terme, utherwayes he sall be nawayes oblist to ressave the samyn, nather sall the prelate and beneficeit persones be exonerit be productioun of the samin at ony tyme thaireftir. And forder, that the saidis prelattis and utheris beneficeit persones may have thair releiffis of thair saidis vassellis, subvassellis, ladyis of terce, conjunctfearis, lyferentaris, fewaris, takismen and pensionaris to thair greater ease and less truble to thair saidis vassellis and utheris foirsaidis, and to the effect that everie man proportionalie may pay his pairt of the samyn taxatioun according to the quantitie and availl of the frie rent he hes of his landis, pensionis and teyndscheves pertening to him, alsweill the prelat himself as the fewar, takisman and pensionar, it is thocht expedient, statute and ordanit that the saidis prelaittis sall, everie ane of thame severalie, convene his haill fewaris, vassellis, takismen and pensionaris at sic convenient place as he sall think meitest and cause summond thame personalie or at thair duelling places to that effect, and being convenit the saidis prelattis and beneficeit persones sall schaw to thair vassellis, fewaris, takkismen and pensionaris the quantitie of the said taxatioun imposit upoun thame authentiklie subscryvit be clerk of the samyn taxatioun and they, with ane consent, sall distribute the samyn to be payit be everie man alsweill be the prelat as be the vassell, fewar, takkisman and pensionar according to the great or small quantitie of his frie rent that he hes ather of his landis, teyndis or pensioun; with certificatioun to ony of the saidis persones, fewaris, vassellis, takismen and pensionaris that comperis nocht at the day appointit to the effect foirsaid, that sic as sall compeir with the said prelat and beneficeit persone sall procede in the equall distributioun of the samin taxatioun, alsweill amongis thame that ar present as amongis the absentis, quhilkis sall be als lauchfull in all respectis as gif the haill number wer convenit. And for inbringing of the burrowes pairt of the samin taxatioun, that lettres be direct chargeing the provest and bailleis of ilk burgh to mak payment of the taxt and stent thairof to the said James Hay of Kingask, his hienes collectour generall foirsaid, his deputtis and officiaris in his name haveand his power to ressave the samin, at the particular termes abonespecefeit, under the pane of rebellioun etc., and gif they failyie, to denunce and escheat etc.; and for thair releif that lettres be direct chargeing all and sindrie inhabitantis within ilk burgh to convene and elect certane persones to stent thair nichbouris, and the said electioun being maid to charge the persones electit to accept the charge upoun thame in setting of the said stent upoun the inhabitantis of ilk burgh, and to convene and sett the samin and mak ane stent roll thairupoun as efferis within tuentie four houris nixt eftir they be chargeit thairto, under the pane of rebellioun etc., and gif they failyie, to denunce and escheat etc.; and siclyk the said stent roll being maid and sett as said is, to charge the burgesses, nichbouris and inhabitantis of ilk burgh to mak payment of thair pairtis of the said stent to the saidis provest and bailleis conforme to the taxt roll to be gewin out thairupoun within thrie dayes nixt eftir the charge, under the pane of rebellioun etc., and gif they failyie, to denunce and escheat etc., and gif neid beis that the saidis provest and bailleis poind and distrenyie thairfoir as they sall think maist expedient. It is alwayes provydit that na persone quhatsumevir be stentit or taxt within burgh except according to the availl and quantitie of his rent, leveing, gudis and geir that he hes within burgh, nawayes respecting his landis and possessionis quhilkis he hes to landward, for the quhilkis he will be oblist to pay taxatioun to utheris officiaris, provyding alwayes that the first termes payment of the samin taxatioun be past befoir the nixt termes payment be chargeit for. Attoure, his hienes and the saidis estaittis decernis and declaris that the chargeis to be gewin for payment of the samin taxatioun sall be execute befoir the termes of payment abonespecefeit for everie termes payment particularlie be itself, and that the denunciatioun of horning following thairupoun sall nocht be execute till the terme of payment be bypast, quhilk denunciatioun sua following upoun the charge gewin befoir the saidis termes of payment the saidis estaittis decernis and declaris to be valide and sufficient. Attoure, his majestie and the saidis estaittis, considering the great abuse that hes bene useit in all tymes bigane be sindrie of the liegis of this realme, aganis all gude conscience, in causing thair puir fermoraris and laubourraris of thair ground, being removeable, quha ar subject in verie deir fermes, paying to releif thame of the haill burding of the samin taxatioun, quhilk hes bene the occasioun of the impoverisching of ane great number of the saidis pure lauborraris and fermoraris and bringing of thame to utter wrak and ruyne, quhair as of reassoun the saidis tennentis suld be altogidder frie of the payment of ony taxatioun and the samin suld be payit be sic as hes frie rentis, landis and gudis of thair awin; for remede quhairof, it is statute and ordinit that na persoun quhatsumevir exact or compell his tennentis or fermoraris removeable quha payis him ferme for his landis occupyit be thame to pay ony pairt of this present taxatioun or to sute releif of the samyn at thair handis; and gif the samin beis fundin done be ony persones that they sall be callit and convenit thairfoir befoir his hienes justice and his deputtis as violent and maisterfull oppressouris of his hienes subjectis and punischit thairfoir according to justice.

Act anent the granting of the taxatioun

Forsamekle as the haill estaittis of this present parliament nocht onlie seis bot, to thair infinite conforte, by daylie experience, feillis the monyfauld blessingis redounding to thame frome thair maist gratious soverane, the sinceritie of quhose intentionis, richteousnes and wisdome in his actionis and zeall to religioun and justice haveing procurit to his hienes the indoubtit favour of God and man, hes thairwith also bred to this his native kingdome so perfyte peax and universall prosperitie that nather the experience of the present, nor memorie of ony bipast age, is able to recorde ony preceding exampill quhairby ather the ordinar traffique and repair of people hes bene so frielie and commodiouslie dispersit to sa mony sofar distant nationes (quhilkis heirtofoir being onlie knawin to ws by name, ar now for the reverence and lowe borne be all people to oure most renowned king sa favorable patent to all oure commerce as no people is more universallie acceptable and weilcum to all nationis), or that the bowellis and haill boundis of this kingdome wer evir so happelie purged of violence, enormitie and disordour, and so universallie blessed with peace, justice and Christiane policie as by the exceding cair, provydent directioun and great charges of his maist excellent majestie is now establissit, so that we want na pairt of our wisched erthlie felicitie bot the desyrit presence of his most sacrede majestie, quhilk to oure unspeakable comforte his hienes hes bene pleasit by his wyse, humane and most kind letter direct to the estaittis gratiouslie to promeis maist willinglie to remeid by his assured repair to this cuntrey so sone as the necessar impedimentis thairof can be removed. In consideratioun of quhilk so mony so great benefittis, the saidis estaittis trewlie acknawleging how justlie they ar bundin to gif maist hartie and continuall thankis and praise to God, the authour of the same, and to thair sacred soverane, his blessed instrument thairof, and ferventlie to beseik God long to continew his foirsaidis graces with thame and thair most gratious soverane long and happelie to regne over thame. And thairwith also being most willing according to thair bundin duetie to mak effectuall demonstratioun of thair most gratefull myndis to his excellent majestie and to indevoir thame selfis so to remove all impedimentis and ernestlie to advance all meanis and occasionis of his majesteis resorte to this cuntrey as may beir witnes to the world how thankfullie and dewtefullie they acknawlege and foirsie the infinite commoditie and contentment quhilk indowtlie they sall ressave be the same, albeit they be nocht abill to offer or performe that quhilk in ony degrie approches to the large proportioun of his royall bounty and favour to thame, yit hopeing that his majestie in his wounted gudnes will gratiouslie accept of thair most faithfull affectionis, and in his princelie wisdome consider that they now onlie present thair first fruittis of that satled and peceable estait, quhilk being recentlie establessit by his majesteis favour and providence will, with tyme, incresce thair welth and abilitie and mak it mair neirlie to approche nor at this tyme it can, to the full measure of thair most hartlie affectionis, everie way to gratifie and serve his majestie; thairfoir, in most humble maner, the saidis haill estaittis of this realme ernestlie beseik his maist sacred majestie gratiouslie to accept this thair offer of ane taxatioun, quhilk, with most faithfull hairtis as ane plege and arlis of thair most loyall service, humble obedience and unchangeable affectioun, they offer to his majestie to be imposit, collectit and payit to his hienes be the saidis estaittis in maner and at the four termes following: that is to say, the erlis, lordis and commissionaris of schires for the temporall estaite hes grantit that thair sall be upliftit of everie pund land of auld extent within this realme pertening to erlis, lordis, barounes, frehalderis and fewaris of his majesteis propir landis the sowme of tuentie schillingis money at everie ane of the four termes following, viz: the sowme of tuentie schillingis at the first day of Februar nixtocum in the yeir of God jM vjC and sewin yeiris, the sowme of uther tuentie schillingis at the first day of Februar the yeir of God jM vjC and aucht yeiris, the sowme of uther tuentie schillingis at the first day of Februar jM vjC and nyne yeiris, and the sowme of uther tuentie schillingis at the first day of Februar jM vjC and ten yeiris. The archibischoppis and abbottis for the spirituall estait hes grantit that thair sall be upliftit of all the archibischoprikis, bischoprikis, abbaceis, prioureis and utheris inferiour benefices within this realme, at everie ane of the four termes abonespecefeit, the just taxatioun thairof, and as they have bene accustomat to be taxit unto at all the tymes bigane quhansoevir the temporall landis of this realme wer stentit to tuentie schillingis the pund land of auld extent, and the samin taxatioun to be payit at everie ane of the four severall termes abonespecefeit. And the commissionaris of burrowes for thair estait hes grantit that thair sall be upliftit of all burrowes within this realme at everie ane of the four termes abonewrittin, the just taxatioun thairof and as they have bene accustomit to be taxit unto in all tymes bigane quhansoevir the temporall landis of this realme wer stentit to tuentie schillingis the pund of auld extent, and the same taxatioun to be payit at everie ane of the four severall termes abonementionat. And inregaird that his majestie hes erectit sindrie prelaceis in temporall lordschippis, quhairby the awneris thairof may clame to be taxt with the barounes of the temporall estait, and thairthrow his hienes will be defraudit of a great pairt of the samin taxatioun, thairfoir it is statute and ordinit that all erectionis of prelaceis in temporall lordschippis sall in payment of the said taxatioun pay to the collectouris thairof samekill of the samin taxatioun pro rata as gif they wer nawayes erectit and as they wer subject to do befoir the erectioun of the same. And siclyk it is statute and ordanit that all dissolvit benefices within this realme sall be subject in payment of samekill of the samin taxatioun pro rata as they wald have bene subject to pay sua the samin had nocht bene dissolved. And forder the saidis estaittis annullis and discharges all privileges and immuniteis quhatsumevir quhairby ony persones may think thame selffis frie of payment of this present taxatioun (except alanerlie the privileges grantit to the senatouris and memberis of the college of justice).

Legislation: private acts
Ratificatioun in favouris of the Erle of Dunbar of the erldome of Dunbar and utheris landis

Oure soverane lord, remembering the long, faithfull, proffitable and most acceptable services done to his hienes be his richt trustie weilbelovit cousing and familiar counsaillour George, erle of Dunbar, lord Home of Berwick, cheif thesaurar of Scotland, chancellar of the escheker in England, quha, frome his tender youth haveing dedicate his bodie, mynd and haill lyfe to his majesteis service, saiftie and honourable contentment, hes sensyne so constantlie perseverit in that honorable intentioun that in the yeiris of his majesteis minoritie, quhan the distractit factionis of his nobilitie and subjectis of all rankis within the kingdome of Scotland nocht onlie trublit his royall estait, bot verie oft indangerit his most sacred persone, he keythit than so cairfull and waitchefull servitour that, rejecting the pleasures quhairwith men of that age ar usualie delytit, gif nocht overcum, and fixing his heart, eeis and solicitude upoun the espying, discovering and remedeing of his majesteis dangeris, procurit to himself sic hatrent of his majesteis rebellious subjectis, that they cumming to his majesteis presens with sic forces as culd nocht for the tyme be resistit be the small number of his hienes faithfull servandis being than in his grace companie, they resolvit nocht to suffer him quhais treuth they knew to be unchangeable frome his maister to remane ony langer in his grace companie, bot forceit him to reteir and depairt fra court quhair his enemeis, haveing the passages of his retreitt on all handis unbesett for na uther querrell bot his fidelitie to his prince and maister, he hardlie escapit the danger of death; and sua sone as his majestie had libertie to mak choise of his awin servandis, the said George being than callit bak be his majestie to his former place of service, he thairin continewit so faithfullie and cairfullie that nocht onlie within the realme of Scotland, bot als in the foraine pairtis of Norway and Denmark, he gaif sic pruif and satisfactioun to his majestie be the exceding great and monyfauld effectis of his wisdome, secrecie and diligence in materis of cheif moment heichlie concerning his grace honour and contentment, that being thairby thocht daylie moir worthie of imploymentis of greater honour and trust, his sufficiencie provit alwayes capable of moir weichtie charges so that thaireftir, nocht onlie in peciable and quiet tymes, bot also in the trublis aryssing by the rebellioun of Bothuell and utheris, he persevering alwayes constant in his faithfull duetie, they no sonner awovit and utterit thair dissobedience to his majestie, bot thairwith also professing deadlie fead and hatrent to his said trustie counsaillour, his death wes ane of the cheif buttis of thair craift and malice, quhairfra being preservit be the providence of God for his hienes better use, alsweill in the administratioun of the office of thesaurie of the said kingdome, quhan his majesteis great debt and charges forceit utheris officiaris to renunce the burding and cure thairof, and in handling of the greatest and weichtiest affairis of that kingdome, as in the secrete dealing, intelligence and concurrence by counsaill and actioun with those quha wer most willing and habill to prepair the lauchfull and necessar menis of his majesteis happie and peciable attening to the possessioun of his richteous inheretance and kingdome of the crowne of England. In consideratioun of thois and mony utheris, his most singular, proffitable and worthie services done in effect to his majestie sen his passing to England, to the hurte of his bodie, decay of his health and great danger of his lyffe, his hienes being resoluit nevir to leaf the faithfull demeritis of his long approvit servandis unrememberit or unrewairdit, thairfoir, with mature deliberatioun, consent, decrete and approbatioun of the haill estaittis of his majesteis kingdome of Scotland convenit in parliament, upoun exact tryall, cleir probatioun and be thair manifast, notorious and recent knawlege of all the premisses, acknawlegeing, finding and declaring the samin to be great, worthie and acceptable services effectuallie continewit fra tyme to tyme, and to be great, sene and ressonable causes tending to the evident weill of his majesteis persone, crowne and estait, his subjectis and successouris of the said realme, for the quhilk cause, his majestie, with consent of parliament, may dispone the landis, richt of patronages and utheris particularlie eftirspecefeit in maner of halding and for the yeirlie dueteis underwrittin, ordanis ane chartour to be maid under his hienes great seall in the mair forme gevand, grantand and heretablie disponand, lyk as be the tennour heirof, upoun certane knawlege and frie motive eftir all his hienes revocationis, generall and speciall, and eftir lauchfull dissolutioun maid in parliament, with consent of his hienes comptroller, collectour generall and thesaurar of the new augmentationis, and remanent officiaris of estait and Schir Johne Arnochte of Berwik, knycht, his grace thesaurar depute, in place of the said erle, being now thesaurar principall himself, gevis, grantis, heretablie disponis and perpetualie confermis to his said richt trustie and weilbelovit cousing and familiar counsaillour George, erle of Dunbar, lord Home of Beruick etc., his airis and assignais, all and haill the landis and baronie of Greinlaw Reidpeth, comprehending the landis and baronie of Grenlaw, toure, manerplace, houses, commoun mures, mylnis, multuris, annexis, connexis, advocatioun, donatioun and richt of patronage of the personage and vicarage of the paroch kirk of the parochin of Greinlaw; the landis of Brumehill and Blaissinbraid with all thair pertinentis; the landis of Grenlawdene with the myln thairof, mylnlandis, manerplace and astrict multuris of quhatsoevir landis useit and wont to grind thair cornes at the said myln; the landis of Polkehauch and Blassinbraid, alias Blassinberrie; the landis of tennendry Eist Field, Quhytsyd, Markis Worth, Clay Dub and all thair pertinentis; the kirklandis of Greinlaw, all and haill the burgh and towne of Grenelaw, with all privileges and liberteis thairof contenit in the said erle, his former infeftment of the samin; the landis of Horsley with the haill teyndis thairof includit; the landis of Grenewod with the teyndis thairof includit; and the landis of Deringtoun with the teyndis includit, all lyand within the schirrefdome of Berwick unitit and incorporat of befoir in the said baronie of Grenlaw Reidpeth; all and haill the tennendrie of Crumstane, comprehending the landis and ground quhairone the castell of Dunbar is situat, the foirthis, castell steid and haill precinct thairof, with houses, yairdis and peices of land useit and wont to pertene to the said castell; the landis and boundis of the great loch of Dunbar; the landis of Broumepairk with medowes and horsewardis; the lynkis and cunnynger of Eist Bairnis and all pertinentis belanging of auld to the lordschip and baronie of Dunbar; alsua all and haill the landis of Rewlismaynis, Sampsones Wallis, Crumestane with the myln thairof, the landis and akeris besyd and within the towne of Duns with the cottages thairof, the landis of Newtoun Quhitsum, twa husband landis in Hiltoun and landis callit Prestoun Waris, with all thair pairtis, pendiclis, annexis, connexis, dependencis and pertinentis, lyand in the said schirefdome of Berwick, togidder with advocatioun, donatioun and richt of patronage of the benefices and chaplanries following, viz: the denrie of Dunbar, including the personage and vicarage of the parochin of Quhittingem, the archiprestrie or vicarage of Dunbar, including all the kirklandis and teyndis useit and wont of all and haill the parochin of Dunbar, the prebendarie of Duns, including personage and vicarage of the haill parochin of Duns, the prebendarie of Chirnesyd, including personage and vicarage of the haill parochin of Chirnesyde, the prebendareis, chanonreis or personages of Dunbar, Pincartoun, Beltoun and Pitcokis, the chaplanreis callit the Faull Preistis and all utheris chaplanreis fundit of auld within the college annexit thairto, with the commones or commountie teyndis depending upoun the yeirlie fruittis and commoditeis of the foirsaidis as proper pertinentis of the samyn, all unitit and incorporat in the foirsaid tennendrie of Crumstane. And forder, oure soverane lord, with advyse, consent, approbatioun and decrete abonewrittin, gevis, grantis and disponis to the said George, erle of Dunbar and his foirsaidis all and haill the landis, towne and baronie of Fowlden, with tour, fortalice, manerplace, yairdis, mylnis, mylnlandis, multuris, tennentis, tenandreis, service of frie tennentis, pairtis, pendiclis, dependences and all thair pertinentis, with the richt of patronage, advocatioun, donatioun of the personage and vicarage of the kirk of Fowlden; as alsua all and haill the landis, towne and baronie of Edingtoun, with fortalice, manerplace, houses, orchardis, yairdis, the maynis, mylnis, mylnlandis, multuris and pertinentis thairof, comprehending alsua the landis of Clarebald, Reidheuch, ane housband land in the towne and territorie of Hutton, ane husband land in the towne and maynis of Duns, with tennentis, tenandreis, service of frie tennentis and all thair pertinentis unitit and incorporatit in the foirsaid baronie of Ethingtoun, all lyand in the said schirefdome of Beruick; and als all and haill the heretable office of the keiping, captanrie and constabularie of the castell of Sanctandrouse, houses, yairdis thairof, with privileges, liberteis and pertinentis thairof quhatsumevir useit and wont, lyand in the citie of Sanctandrous within the schirefdome of Fyf, with power to the said erle and his airis to mak, creat and constitute capitanes, keiparis and all utheris officiaris necessar for the custodie of the said castell, togidder with the yeirlie feall of sextene chalderis victuall, half quheat, half beir, gude and sufficient stuf yeirlie to be upliftit at the termes of payment useit and wont furth of the reddiest fermes and rentis of the landis of West Barnis, Rig and Fluris, lyand in the lordschip of Dunbar within the schirefdome of Edinburgh and constabularie of Hadingtoun; quhilkis haill landis, baroneis, castellis, townis, mylnis and utheris particularlie afoirmentionat pertenit heretablie of befoir to the said George, erle of Dunbar, with the richt of the patronage of the benefices abonewrittin haldin be him immediatlie of oure soverane lord, and quhilkis wer purelie and simpliciter resignit be him and his procutouris in his name at Quhythall in his majesteis handis, with all richt, titill etc; lyk as the said castell of Sanctandrous wes resignit frelie at Quhythall be George, now archibischope of Sanctandrous, his procutouris and patent lettres in his grace handis with all richt, titill etc. Attoure, oure soverane lord, in consideratioun and remembrance of the faithfull services abone rehersit, beand great, sene and wechtie cause of the preservatioun and weill of his majesteis royall persone, crowne and estait, evident commoditie of his successouris and lieges of the said realme, with mature delyverance, advyse and decrete of the saidis haill estaittis of parliament as said is, and alsua with consent of his hienes comptroller, collectour generall, thesaurar of the new augmentationis and remanent officiaris of estait and Schir Johne Arnochte, thesaurar depute, in place of the said erle, now cheif thesaurar, hes of new gevin, grantit in fewferme, lattin, heretablie disponit and confermit for evir, lyk as be the tennour of this chartour gevis, grantis and in fewferme lattis, heretablie disponis and perpetualie confermis to his said trustie cousing and weilbelovit counsaillour George, erle of Dunbar, his airis and assignais, all and haill the foirsaidis landis and baronie of Grenelaw Reidpeth, containing the saidis landis and baronie of Grenelaw, tour, manerplace, houses, commoun mures, mylnis, multuris, annexis, connexis and richt of patronage of the personage and vicarage of the said parochin of Grenlaw, the landis of Broumhill and Blassinbraid with all thair pertinentis, the landis of Grenelawdene with the myln thairof, and astrict multuris abonespecefeit; the landis of Polkehauch and Blassinbraid, alias Blassinberrie, tennendrie Eistfeild, Quhytesyd, Merkis Worth, Cleidene and all thair pertinentis; the kirklandis of Grenelaw; all and haill burgh and towne of Grenelaw with all privileges thairof; the landis of Horsley, Grenewod and Deringtoun, with the haill teyndis of the samin includit as said is; all and haill the said tennendries of Crumstane contening the landis, ground, foirth, precinct and castell steid of the castell of Dunbar, with all thair pertinentis; the landis and boundis of the great loch, Broumepark, medowes and horswairdes; the cunnynger and lynx of Eist Bairnis, with dowcat and all thair pertinentis; the saidis landis of Rewlismaynis, Sampsoniswallis, Crumstane and myln thairof; the landis and akeris besyd and within the said towne of Duns with the cottages thairof; the haill towne and landis of Newtoun Quhytsum, with tenentis and tenendreis thairof; twa husband landis in Hiltoun and Prestoun Wairis, with all pairtis, pendiclis and pertinentis thairof, with advocacatioun, donatioun and richt of patronage of the denrie of Dunbar; the archiprestrie of Dunbar; the chanonreis and prebendareis of Duns, Chirnesyd, Dunbar, Pynkertoun, Spott, Beltoun and Pitcokis; the chaplanreis callit the Saullpristis, and all utheris chaplanreis foundit or annexit of auld to the said college of Dunbar, togidder with the prebendarie of the parochin of Lyntoun, including personage and vicarage thairof annexit and foundit of auld within the samin college kirk of Dunbar, with the saidis commonis and commountie teyndis pertening and depending upoun the yeirlie rentis of the saidis kirkis as propir pertinentis of the samyn; and siclyk all and haill the landis of Lochend, with medowes and pertinentis thairof; the haill towne and landis of Mekill and Litill Pynkertownes, Quhytrig and burgh, with tennent, tennendreis and all thair pertinentis pertening to oure soverane lord, being partis of his hienes annexit propirtie and patrimonie of the crowne; all and haill the saidis landis, towne and baronie of Fouldene, with mylnis, mylnlandis, annexis, connexis and all thair pertinentis with the richt of the patronage of the personage and vicarage of the said paroch kirk of Fouldene; all and haill the saidis landis, towne and baronie of Edingtoun, with the maynis, mylnis and the speciall landis abonewrittin, unitit and annexit thairto of befoir with thair pertinentis; the said heretable office of capitanrie and custodie of the said castell of Sanctandrous with the said yeirlie feall of sextene chalderis quheat and beir to be upliftit in maner abonespecefeit; and finalie, all and haill the landis and maynis of Fastcastell or Wester Lummisden, Dowlaw, Dudoholme, alias Cauldsyd, Auldtoun, Newtoun, with the myln, multouris, fischeingis and haill teyndis thairof includit with the castell and manerplace of Fastcastell and all thair pertinentis; all and haill the landis of Flemingtoun callit the Natherayton, Reidhall, Natherbyre, Brounisland and Gunisgrene with the corne and walkmylnis, mylnlandis, multuris, pairtis, pendiclis and all thair pertinentis with the haill teyndis thairof includit, the landis of Fernysyd and teyndis thairof includit; all and haill the landis of Lamertoun with mylnis, pairtis, pendiclis and pertinentis thairof, with the haill teyndis of the same includit, all lyand haill within the baronie of Coldinghame and schirefdome of Berwick, vacand now and become in his majesteis handis at his gift, donatioun and dispositioun be vertue of actis of annexatioun of the temporalitie and kirklandis of the priourie of Coldinghame to the crowne be actis of parliament haldin in the yeiris of God 1587 or 1592, or be quhatsumevir utheris actis and constitutionis of the said kingdome of Scotland quhairby the saidis kirklandis of Fastcastell, Flemyngtoun, Fernysyd and Lamertoun, or teyndis thairof, ar fallin and pertenis onywayes to his hienes be quhatsumevir richt, titill and occasioun bigane. Mairover, oure soverane lord, of certane knawlege, with advyse, consent, decrete and approbatioun of parliament abonewrittin, geves, grantis and disponis to the said George, erle of Dunbar and his foirsaidis, all richt, titill, interes, clame of rycht, petitionour and possessour, baith propirtie and possessioun, quhilk his majestie, his predecessouris and successouris evir had, hes or onywayes may have, clame and pretend to all and sindrie the foirsaidis landis, townes, baroneis, castellis, mylnis, woddis, fischeingis, teyndis, tennentis, tenandreis, richt of patronage of all benefices, personages, vicarages, chanonreis, prebendareis, chaplanreis and all uther afoir descryvit with all thair pertinentis, or till ony pairt or portioun of the samin maillis, fermes, rentis, proffeittis and dueteis of quhatsumevir yeiris and termes bipast, be ressone of waird, releif, nonentress, escheatis, foirfaltouris, recognitionis, purpresturis, disclamationis, bastardreis, reductionis of infeftmentis, seasingis, retouris, alienatioun of the haill or maist pairt, or be vertue of quhatsumevir actis of parliament, lawes and constitutionis of the realmes for wanting of originall and utheris evidentis, infeftmentis and securiteis or nocht confirmatioun in dew tyme, or for nocht payment of the byrun maillis, fewfermes and dueteis, diminutioun of the rentall, or be alienatioun, alteratioun and changeing of the haldingis, nocht obtening the present titularis consentis to this infeftment of donatioun of the saidis benefices, or be ony utheris lawes, actis, proclamationis and constitutionis of this realme, or for ony utheris caussis, actionis and occasiones bipast, preceding the day and date heirof, renunceand, quitclameand and transferand the samin with all actioun and instance thairof to and in favouris of the said erle and his airis for evir, cum pacto de non petendo etc., with supplement of all faultis etc., promesing in the word of a prince for his majestie and his successouris nevir to move, actioun, questioun nor pley aganis thame thairanent. And also his majestie, of certane knawlege and frie motive, upoun his royall authoritie and princelie power, with consent and decrete of parliament, unitis, annexis, erectis, creatis and be the said chartour for evir incorporatis all and sindrie the foirsaidis landis, townes and baroneis of Grenelaw Reidpeth, Fouldene, Ithingtoun, Pyncartounes, Lochend, Fastcastell, Flemyngtoun, Fernysyd, Lamertioun, the tenendrie of Crumstane, the castell of Sanctandrois, with the fie thairof, utheris castellis, manerplaces, landis, maynis, mylnis, mylnlandis, multuris, fischingis, medowis, loches, lynkis and all thair pertinentis and thair teyndis includit, togidder with the richtis of patronages of all personages, vicarages, chanonreis, prebendareis, chaplanreis and utheris quhatsoevir, generalie and specialie abonerehersit, with all thair pertinentis, tennentis, tennendreis, pendiclis and dependences, in ane haill and frie erldome, lordschip of parliament and frie baronie, to be callit in all tyme cumming the erldome, lordschip, baronie of Dunbar; and that ane seasing now to be tane be the said erle and be his airis heireftir at the auld manour of Fouldene sall stand and be sufficient for all and sindrie the foirnameit landis, baroneis, townes, castellis, mylnis, fischeingis, annexis, connexis, pairtis and pendiclis, with the teyndis thairof includit, advocatioun, donatioun and richtis of patronages of the foirsaidis kirkis, prebendareis and utheris respective abone expremit, nochtwithstanding the samin lyis nocht togidder, nor contigue, bot in severall pairtis and schirefdomes, als frelie, amplie and largelie in all respectis, comoditeis, liberteis and privileges quhatsovir as ony erle, lord of parliament and baroun haldis his landis, erldome, lordschip and baronie of his majestie within ony his kingdomes and dominionis; and specialie annexis the richt of advocatioun, donatioun and patronage of all the particular benefices afoirmentionat to the said haill landis and erldome of Dunbar, and to everie pairt and portioun thairof annexit thairto per expressum as is befoir declarit to be haldin and to be had, all and haill the foirsaidis landis, townis and baroneis of Grenlaw Reidpeth, Fouldene, Idingtoun, Pincartounes, Lochend, Fastcastell, Flemyngtoun, Fernysyd, Lamertoun, the tennendrie of Crumstane, the castell of Sanctandrous with the feall thairof, utheris castellis, manerplaces, maynis, mylnis, mylnlandis, multuris, fischeingis, medowes, loches, lynx, tennendis, tennendreis and teyndis thairof includit, with the richtis of patronages of all personages, vicarages, chanonreis, prebendareis, benefices, chaplanreis and utheris quhatsoevir, specialie and generalie abone expremit, togidder with all privileges, fredomes and commoditeis belanging and appertening thairto, now unitit, annexat and incorporat in ane erldome, lordschip and baronie as said is, to the said George, erle of Dunbar, his airis and assignais, off oure said soverane lord and his successouris in frie heretage, frie erldome, lordschip of parliament and frie baronie for evir, be all richtis, meithis, merches etc., coill, coilheuchis etc., frie ische and entrie with fork, sok, sak, thole, theme, infang theif, outfang theif, pitt and gallows, tennentis, tenandreis, service of frie tennentis, hillis, valleis, feildis, frie forrestis, vert and venisoun escheatis and amerciamentis of courtis, aggreable to the lawis of forrest, wrak, wair waith and all utheris liberteis, fredomes, privileges, commoditeis etc., with full power to the said erle, his airis and assignais to reduce all and sindrie infeftmentis, richtis and titillis maid to quhatsumevir persones of the foirsaid erldome, landis and patronages thairin contenit or ony pairt thairof, for ony cause, ground or occasioun competent of the law, and to dispone thairupoun at thair plesure. And oure soverane lord, be thir presentis, with advyse of the saidis estaittis of parliament, dissolvis the saidis landis of Pynkertounes, Lochend and utheris within the lordschip of Dunbar and patronage of all the benefices and utheris foundit to the said college thairof, with the saidis landis of Fastcastell, Flemyngtoun, Fernysyd and Lamertoun, and teyndis of the samyn and annexatioun thairof, fra the patrimonie of the crowne in all tyme cumming, as the samin had nevir bene annexit, to the effect this his grace infeftment of the foirsaidis landis and patronages may be effectuall and stand perpetualie valide to the said erle, his airis and assignais, gevand yeirlie the said George, erle of Dunbar, his airis and assignais to his majestie and his successouris for the saidis landis and auld baronie of Grenlaw Reidpeth, towre, fortalice, mylnis, commoun mures, and for the saidis landis of Broumehill and Blassinbraid with thair pertinentis, ane reid rose at the castell of Grenlaw in the feist of Sanct Johne the Baptistes birth day in name of blenche ferme, gif it be askit, onlie; and for the richt of patronage of the said personage and vicarage of Grenelaw, ane quheat rose at the said castell the samin feist day in name of blenche ferme, gif it be requirit, onlie; for the saidis landis of Rulismaynis, Sampsoneswallis, Crumstane, with the myln thairof, the landis and akeris in Duns, the haill towne and landis of Newtoun Quhytsum, the twa landis in Hiltoun and Prestounwaris, with the said richt of patronage of the benefices, chanonreis, prebendareis, chaplanreis, commounteis and utheris annexit and foundit within the said college kirk of Dunbar, tuelf penneis Scottis money on Witsonday at Crumstane in name of blenche ferme, gif they be requirit, onlie; for the saidis landis, townis and baroneis of Fouldene and Idingtoun, annexis, connexis and all thair pertinentis, with the richt of patronage of the said kirk of Fouldene, twa quheyt roises, ane at the said castell of Fouldene and ane uther at the said castell of Idingtoun in the feist of Sanct Johne the Baptist in name of blenche ferme, gif they be requirit, allanerlie; and for the said office of keiping of the said castell of Sanctandrouse, with the yeirlie feall abonewrittin, ane quhyte rose, with dew service in administratioun of the office of captanrie and constabularie of the said castell, at Witsonday in name of blenche ferme, gif it be askit, onlie; payand also the said erle and his foirsaidis to oure soverane lord, his successouris and comptrolleris for the tyme for the saidis landis of Grenelawdene, manerplace, myln thairof, multuris, the saidis landis of Polkhauch, Blassinbraid, alias Blassinberrie, the landis of tenendrie of Eist Field, Quhytsyd, Mark Worth and Claydub, with all thair pertinentis, and for the said towne and burgh of Grenlaw, houses, buldingis, yairdis, killis, barnis, toftis, croftis, privileges and liberteis of the samin, the sowme of fourtie sex pundis vij s. vj d. usuale money of Scotland, with four schillingis sex pennies in augmentatioun of the rentall, extending in the haill to fourtie sewin pundis Scottis money at Witsonday and Mertymes be equall portiones in name of fewferme alanerlie, and doubling the said fewdeutie at the entrie of ilk air as use is; and for the saidis landis, forthes and castell steid of Dunbar, houses, barnis, yairdis, great loch, medowes and thair pertinentis, thrie pundis Scottis money at the saidis twa usuale termes, and doubling the samin at the entrie of ilk air in name of fewferme; for the saidis towne and landis of Mekill and Litill Pynkertounes, Burt and Quhytrig with thair pertinentis, fyftie pundis Scottis money at the saidis twa termes of Witsonday and Mertymes, with ten schillingis of augmentatioun in name of fewferme, and doubling the samin at the entrie of ilk air; and for the saidis landis of Lochend with thair pertinentis, the sowme of fyftie thrie pundis vj s aucht pennies Scottis money at Witsonday and Mertymes in name of fewferme alanerlie; and for the saidis landis of Brumepark and Horswardis, twa chalderis aittis with the measure useit and wont and ane peck aittis of augmentatioun of the yeirlie rentall; for the saidis lynx of Eistbarnis, auchtscoir cupillis of cunynges, as auld duetie accustomit thairfoir, with fyve schillingis Scottis in augmentatioun of the yeirlie rentall at the termes of payment of fermes and cunyngis useit and wont in name of fewferme alanerlie; payand lykwayes the said erle and his foirsaidis to oure soverane lord and his successouris, thair thesauraris of the new augmentatioun and utheris haveing richt for the tyme for the saidis kirklandis of Grenlaw, thrie pundis fourtene schillingis Scottis money; and for the saidis landis of Horsley with the teyndis includit, tuentie tua pundis; for the saidis landis of Grenewod and teyndis thairof includit, fyftie schillingis; for the saidis landis of Daringtoun and teyndis includit, ten schillingis usuale money foirsaid; finalie, for the saidis landis of Fastcastell, with all thair pertinentis and teyndis of the samin includit, for the saidis landis of Flemyngtoun, with mylnis and all thair pertinentis and teyndis thairof includit, and for the landis of Fernysyde, with thair teyndis includit, the sowme of threscoir pundis Scottis money; and for the saidis landis of Lamertoun with mylnis, pendiclis and pertinentis thairof, with teyndis includit, the sowme of fourtie pundis usuale money of Scotland at the saidis tua termes in the yeir, Witsonday and Mertymes in winter, be equall portionis in name of fewferme alanerlie; for all utheris dueteis, burdingis, questionis, taxes, taxationis clames and warding services quhatsumevir that may be askit or requirit off all and sindrie the saidis townes, landis, baroneis, castellis, mylnis, fischeingis, teyndis, annexis, connexis, richt of patronages and utheris quhatsumevir abone particularlie mentionat, comprehendit in the said unitit erldome, lordschip and baronie of Dunbar, or furth of ony pairt and portioun of the samin in all tymes cumming. Mairover, his majestie and estaittis foirsaidis statutis, decernis and declairis that the rentall and yeirlie duetie abonewrittin of the haill landis particularlie befoir mentionat, sett doun and appointit to be payit be the said George, erle of Dunbar and his foirsaidis, alsweill haldin of auld of his majestie and his predecessouris immediatlie or being of his majesteis auld propirtie as now pertening to the crowne be generall or speciall actis of annexatioun of temporall landis thairto, to his majestie and his successouris, thair saidis officeris, chalmerlanes and utheris haveing richt for the tyme to ressave the same for all and sindrie the landis, baroneis, offices, mylnis, fischeingis, teyndis, castellis, kirkis and patronages afoir specialie descryveit, to have bene and to be the just, greatest, best and maist profitable rentall quhilk evir the foirnameit landis, baroneis, offices, kirkis, teyndis and patronages abone rehersit payit to his majestie and his predecessouris, and that the payment of the said rentall and yeirlie dueteis in tyme cumming is, and sall be, ane sufficient rentall, and sall defend and releif the said Erle of Dunbar and his foirsaidis of all actioun, clame, questioun and danger that may be pretendit upoun diminutioun of ony former greater rentall allegeit payit thairfoir to his majestie or his grace predecessouris in ony tyme bigane; lyk as his majestie, for him and his successouris, with advyse, consent and deliberatioun of the estaittis, with certane knawlege and of thair frie motive, renunces and simpliciter discharges all actioun, instance, richt and persute quhilkis they evir had, hes or may haif aganis thame for allegeit diminutioun of the rentall or utherwayes. Finalie, to the effect that the said Erle of Dunbar and his foirsaidis may with the mair perfyte securitie injoy and posses in all tyme cumming all and sindrie the patronages of the kirkis, benefices, prebendareis and chaplanreis abonementionat, thairfoir his majestie, with advyse and consent of the saidis estaitis, hes desolvit and be the tennour heirof expreslie desolvis the unioun and annexatioun of the patronages and advocatioun of all and sindrie the saidis kirkis, prebendareis, chaplanreis and commounteis, with thair pertinentis, pertening of auld to the college, kirk, baronie and lordschip of Dunbar, and utheris kirkis, benefices and patronages thairof particularlie abonerehersit frome his majesteis crowne to the effect the samin may be disponit heretablie and effectualie be his majestie, with advyse foirsaid, to the said erle and his foirsaidis in maner abonewrittin; lyk as be the tennour heirof oure soverane lord, with advyse and deliberatioun of the estaittis foirsaidis and utheris officeris, disponis to the said George, erle of Dunbar all and sindrie the saidis patronages of the kirkis, benefices, chaplanreis, prebendareis and commounteis with all thair pertinentis pertening to the said college and lordschip of Dunbar and all utheris kirkis, benefices and patronageis thairof particularlie abonewrittin, quhilk heretable dispositioun his majestie and estaittis foirsaidis declaris to be now and in all tyme cumming als valide, effectuall and sufficient to the said erle and his airis as gif the saidis kirkis and patronages thairof had nevir bene annexit to his majesteis crowne. Attoure, oure soverane lord and estaittis foirsaidis, with express consent and assent of George, archibischop of Sanctandrous, personalie comperand in parliament, considering how necessar it is to keip, uphald and interteny the castell of Sanctandrous, presentlie altogidder ruynous, nocht onlie for the decorement and weill of the cuntrey, bot also for preserveing of the samin frome forenaris, and that the archibischop of Sanctandrous, inrespect of the great diminutioun of the rent thairof is nocht abill to build, repair and uphald the samin, and that it is necessar that the said castell be in the custodie and keiping of ane nobleman of rank and friendschip quha is hable to build, repair and uphald the said castell and resist the force and violence of forineris, for that effect his majestie disponit the said castell and castellyairdis to the said George, erle of Dunbar upoun the resignatioun of George, archibischop of Sanctandrous, to quhome oure said soverane lord hes gewin and disponit in recompanse of the said castell and castellyairdis the provestrie of Kirkhill, vicarage and archidenrie of Sanctandrous, to remane with the said archibischop and his successouris in recompence as said is, and that by and attour ane yeirlie pensioun of thrie hundreth merkis gewin to the said George, archibischop of Sanctandrous thairfoir; and for the said George, erle of Dunbar, his better securitie, oure said soverane lord and estaittis foirsaidis, with express consent and assent of the said George, archibischop, personalie comperand in parliament as said is, dissolvis and dismemberis the said castell and castellyairdis frome the said archibischoprik in all tymes cumming, to the effect that the heretable richt and custodie of the samin may remane with the said George, erle of Dunbar, his airis and successouris in all tymes cumming, nochtwithstanding the samin of auld [pertenit] to the said archibischoprik and nochtwithstanding of quhatsumevir provisionis, actis, statutis and ordinances maid in favouris of the said archibischop ather in this present parliament or at ony tyme of befoir. And oure said soverane lord and estaitis foirsaidis decernis and declaris that thir presentis sall be ane sufficient warrand to the keparis of his hienes signet, seallis and registris to expede the foirsaid chartour and infeftment to the said Erle of Dunbar of the foirsaidis haill landis, patronages and utheris abonewrittin conforme to the tennour of this present act in all pointis.

Ane acquittance and discharge to the Erle of Dunbar of the kingis jewellis and gardrob

The quhilk day, in presens of the haill estaittis of parliament, comperit personalie Schir Thomas Hammyltoun of Monkland, knycht, advocat to oure soverane lord, in his hienes name producit this acquittance, exoneratioun and discharge underwrittin, maid and grantit be his hienes to his trustie and weilbelovit counsaillour George, erle of Dunbar, lord Berwick, thesaurar to his majestie of this realme, and be vertue of the command gewin to the said lord advocat specefeit thairintill desyrit the samin to be ratefeit and approvin be the saidis estaittis and to be registrat in the buikis of parliament, to have the strenth, force and effect of ane act, sentence and decrete of the parliament of Scotland in all tyme cumming; the quhilk desyre the saidis estaittis thocht ressonable and hes ratefeit and approvin, lykas be the tennour of this present act, ratefeis and appreves the said acquittance, exoneratioun and discharge grantit be his hienes in favouris of the said Lord of Dunbar in the haill pointis, articlis and clauses thairof eftir the forme and tennour of the samin, berand and contenand as is underwrittin, and decernis and ordinis the samin acquittance, exoneratioun and discharge to be actit and registrat in the saidis buikis of parliament, to have the strenth, force and effect of ane act, sentence and decrete of the said parliament of Scotland, in all tyme cumming to remane thairin ad futuram rei memoriam, off the quhilk the tennour followes: James R[ex]. Forsamekill as upoun the long and assured pruif of the faithfull diligence, cair and discretioun of oure richt trustie and weilbelovit cousing and counsaillour the Erle of Dunbar, maister of oure gardrobe in Scotland, we have justlie judged him worthie of greater truste and imployment in offices and services of hier credit and importance, quhairin him self considering that the weiknes and infirmitie of his bodie culd nocht permitt him sufficientlie to discharge the burding of the saidis offices, nochtwithstanding his exceding willingnes and uttermost endevores thairanent, he thairfoir humblie requesting ws gratiouslie to accept in gude pairt his maist willing dimissioun of the said office of maister of gardrobe to the effect that we, making choice of sum of oure faithfull and approvit servandes, quha be thair health, age and greater leasure micht give ws satisfactioun in the faithfull discharge of the samin, oure service suld nocht in ony sorte be dissapointit in his defaulte; quhairby acknawlegeing that he preferrit the weill of oure service to ane gude pairt of his awin commoditie and credite and haveing at his desyre, upoun the ressonable considerationis foirsaidis, acceptit his dimissioun and thairupoun provydit oure trustie and weilbelovit servitour Schir James Hay, knycht, gentilman of oure bedchalmer, to the office of maister of oure robbis, to quhome, according to the charge of his office, the said Erle of Dunbar hes at oure speciall directioun and command delyverit the particular jowellis, robbis and apparrell specefeit in the said Schir James Hay his ticket of ressait of the samin. And becaus the said Erle of Dunbar hes maid particular delyverie of the jowellis eftirspecefeit, quhairof pairt ar layit in the toure and sum uther pairt ar contenit in the said Schir James Hay, his nochte of ressait: they are to say, the jewell callit the H, with the chane thairof and als with the rubie of the samyn. Item, ane jowell of gold with lettres J. A. R., crowned, joyned togidder in a knochtte with a crowne over thame, fullie furnessit with diamondis of sindrie cuttis and bignes with thrie round perlis pendant. Item, ane great ring of gold enameled sett with fyve diamondis with hand in hand in the middis, callit the espousall ring of Denmark. Item, ane cape band of gold contening tuentie thrie pieces, tuelf with tua pearlis in a pece, sex with lettres garneschit with diamondis and fyve with cinques of diamondis. Item, ane croce of gold sett with fyve diamondis; quhilkis, being the jowellis of most importance and valew that wer brocht furth of that oure kingdome with us, and nocht onlie they, but all utheris oure jowellis, precious stones, pearlis, goldsmith wark and utheris quhatsumevir quhilkis come in the said George, erle of Dunbar, his handis and keiping at ony tyme bigane, being all delyverit be him furth of his handis be oure speciall directioun and command, thairfoir we, for ws, oure airis, executouris and successouris, exoneris, quitclames, frelie simpliciter and perpetualie discharges the said Erle of Dunbar, his airis, executouris and assignais of all and sindrie oure jowellis particularlie abonerehersit for now and evir; and by these presentis, faithfullie promittis in the word of a prince to cause thir presentis be ratefeit, confermit and approvin be the estaittis of oure kingdome of Scotland in the nixt ensewing sessioun of parliament thairof, to quhome this oure present directioun and command sall be ane sufficient warrand for ratificatioun of the haill premisses, commanding heirby oure trustie and weilbelovit counsaillour Schir Thomas Hammyltoun of Monkland, knycht, oure advocat, to compeir in presens of oure commissionar and estaitis of oure said parliament of Scotland, and thair in oure name to present and delyver this oure discharge, to be ratefeit by oure saidis estaittis and to be registrat in the register of oure parliament, to have the strenth, force and effect of ane act, sentence and decrete thairof in all tyme cumming. In witnes quhairof we have signit thir presentis with oure hand at Whythall, the aucht day of Aprile, the yeir of God jM vjC and sex yeiris.

Act anent the chapell royall and exceptionis thairfra in favouris of the Erle of Dunbar and Lord of Balcleugh

Oure soverane lord, being of intentioun nocht onlie to mantene the honour, prerogative and majestie of his crowne of this his native kingdome of Scotland, bot also to repair and redress sic thingis as ar done to the harme and prejudice of the samin, to the effect that quhan it sall pleis God to gif his majestie and his royall successouris occasioun to resorte to his said kingdome, the dignitie and ancient markis of soveranitie thairof may be so inviolablie observit as may best stand with his majesteis honour, the reputatioun of the cuntrey and deserve gude reporte and estimatioun amongis strangeris; and understanding that his maist nobill progenitouris of happie memorie, King James the Fourt following the commendable example of utheris civill and vertuous princis, foundit ane chapell royall constitute of ane sufficient number of persones for serveing his majestie and his successouris in musique, and mortefeit, doted and disponit to the said chapell royall and memberis thairof diverse kirkis and rentis for thair leving and intertenement, quhairof the fundatioun is now sa fer neglectit as thair is nather ony sufficient number of qualefeit persones appointit for service thairin, nather is the kirkis rentis and revenus thairof keipit in thair awin integritie according to the fundationis, mortificationis, dispositionis, richtis and securiteis maid to the said chapell royall and memberis of the samin thairanent, bot be the contrair the saidis landis, kirkis, teyndis, patronages, proffeittis and rentis ar annaleit, dismemberit, diminischit and sa mony wayes enormelie hurte that his majestie and his successouris sall nocht at thair cumming to this cuntrey almaist find ony recorde or apperance of the said fundatioun or ony monument of that royall institutioun, the inlak quhairof will breid dirogatioun to the honour of the realme, quhilk onlie among all the Christiane kingdomes will be the meane vant that civill and commendable provisioun of ordinar musick for recreatioun and honour of thair princis; for remede quhairof, and to the effect that be his majesteis exampill the subjectis of the said kingdome may be the forder encouraged to interteny thair fundationis of musick scholis, quhairby youth may be instructit in that liberall science quhilk quicknes the ingyne, gevis plesant and harmeles recreatioun to all estaitis and estaittis of persones, and is ane haly exercise agreable to the religioun and commandit of God for geving of thankis and praise to his holie majestie, oure soverane lord, with advyse and consent of his haill estaittis of this present parliament, ratefeis and appreves the said fundatioun and institutioun of the foirsaid chapell royall, insafar as concernisthe service of his majestie and his successouris in musick and all utheris thingis nocht repugnand to the trew religioun presentlie professit and be the law establissit within this realme, and all landis, kirkis, teyndis, rentis and commoditeis quhatsumevir mortefeit, gevin and disponit to the samin or to ony of the memberis thairof, and becaus it is knawin that nather the said service can be done unles the persones appointit for the samin have thair competent intertenement and auld leving, nather can thair levingis be obtenit gif the patronage of thair benefice be takin frome his majestie and the rentis thairof frome the said chapell and memberis of the samin; thairfoir, his majestie and estaittis foirsaidis retreittis, rescindis, cassis and annullis all alienationis and dispositionis of landis, kirkis and patronages of the kirkis and benefices belanging or quhilkis heirtofoir onywayes belangit to the said chapell royall and patrimonie thairof and memberes of the samin, and all dispositionis, takkis, rentallis, pensionis and utheris richtis, titillis and securiteis quhatsumevir of the landis, kirkis, teyndis, fruittis, rentis, dueteis and commoditeis thairof, annaleit, disponit, gewin or sett to quhatsumevir persone in hurte and prejudice of his hienes patronage of the said chappell royall, or in diminutioun of the best and greatest rentall thairof; and decernis the indoubtit and full richt of the saidis haill patronages of all and sindrie kirkis, quhilkis in onytyme bigane wer dotit or annexit to the said chappell, sall now and in all tyme cumming belang and pertene to oure said soverane lord and his successouris, and that the maisteris and memberis of the said chappell royall alreadie establissit, or heireftir to be provydit or establissit be oure soverane lord and his successouris, to have indoubtit richt to the haill landis, kirkis, teyndis, rentis, proffeittis, dueteis or commoditeis quhilk in ony tyme bigane belangit or appertenit to the said chapell royall and memberis thairof; and lykwayes decernis and ordanis that the nullitie of the saidis alienationis, dispositionis and securiteis of the saidis patronage or thair landis, kirkis, richtis and rentis maid to thair prejudice to ony uther persone in maner foirsaid be ressavit be way of exceptioun or reply without ony necessitie of actioun, persute or reductioun of the samin, and that the samin sall nocht, nor may nocht in ony tyme cumming, be lauchfullie possedit bot be the ordinar memberis alanerlie of the said chapell royall, being astrictit to serve his majestie and his successouris in musick and utheris godlie and lauchfull exerceis agreabill to the fundatioun and nocht repugnant to the trew religioun presentlie professit within this realme, nochtwithstanding ony richt, titill or dispositioun thairof gevin or ratefeit in parliament or utherwayes in contrair the premissis in ony tyme bigane, quhilkis his majestie and estaittis foirsaidis declaris to have bene fra the beginning and to be in all tyme cumming null and of nane availl, with all that hes followit or may follow thairupoun, as gif the samin had nevir bene grantit nor maid, exceptand alwayes and reserveand the advocatioun, donatioun and richt of patronage of the kirkis of the said chapell royall quhilkis wer disponit of befoir to George, erle of Dunbar, or ar disponit to him in this present parliament, sua that the saidis kirkis, fruittis, rentis, proffeittis, dueteis and emolumentis of the samin, the advocatioun, donatioun and richt of patronage thairof, sall nawayes be comprehendit in this present act, bot sall remane with the said George, erle of Dunbar, his airis and successouris as thair heretable patronages, as gif this present act had nevir bene maid, and nochtwithstanding the samin and all utheris actis and statutis maid of befoir and in this present parliament frome the quhilkis the saidis patronages is and sall be exceptit; and als exceptand and reserveand furth of this present act and haill contentis thairof the takkis of the teyndis of the kirk of Sanctmarie Lowis and pendiclis thairof, set to Walter, lord Scott of Balcleugh, and all the takkis sett to him of all utheris teyndis of quhatsumevir kirkis pertening to the said chapell royall.

Procedure: commission
Commissioun anent the erectionis

Oure soverane lord and estaittis of parliament, considering that thair is sindrie benefices pertening of auld to abbottis, priouris and nunnes erectit to sindrie persones in this present parliament be his hienes, with advyse of the saidis estaittis, in lordschippis and baroneis, and alsua that the patronages of the kirkis pertening to the saidis abbaceis, prioureis and nunreis ar gewin and annexit to the samin lordschippis and baroneis to the foirsaidis persones, as alsua that thair ar sindrie utheris patronages of benefices gevin and disponit be his hienes, with advyse foirsaid, in this present parliament to sindrie particular persones, and oure said soverane lord and estaittis foirsaidis, being maist willing that thair be ane yeirlie duetie contenit in everie ane of the saidis erectionis quhilk sall be payit yeirlie to his hienes and his successouris, as alsua being willing that the ministeris serveing or that heireftir sall serve at the kirkis of everie parsonage or vicarage quhairof the patronage is now disponit in this present parliament to quhatsumevir persone ather in thair erectionis or utherwayes be provydit of sufficient stipendis, and that the haill kirkis be plantit with sufficient ministeris to serve the cure at ilk kirk, sua mony of thame as ar alreadie unplantit, thairfoir, and that the premises may be performit, oure soverane lord and estaittis foirsaidis hes gewin and grantit, and be this present act, geves and grantis full power and commissioun to Johne, erle of Montrose, great commissionar, Alexander, erle of Dunfermeling, chancellar of this realme, Alexander, erle of Linlythgw, George, erle of Dunbar, thesaurer, David, lord of Scone, comptroller, Mark, lord Newbuttill, Maister Johne Prestoun of Pennycuk, collectour generall, Schir Thomas Hammyltoun of Monkland, knycht, advocat, Schir Johne Cokburne of Ormestoun, knycht, justice clerk, Schir Richard Cokburne of Clerkingtoun, knycht, lord privie seall, and Schir Johne Skene of Curryhill, knycht, clerk of register, (or ony sex of thame, the said lord commissionar being alwayes ane of thame) to modefie, decerne and declair the yeirlie duetie to be contenit in everie ane of the saidis erectionis, to be payit yeirlie to oure said soverane lord and to his hienes successouris, and the samin duetie to be insert be the clerk of register and his deputtis in everie act of erectioun grantit in this present parliament. And the saidis estaitis declaris that the yeirlie dueteis to be modefeit, decernit and declarit be the saidis persones in maner foirsaid be vertue of this present commissioun sall be alsua valide, effectuall and sufficient in the self as gif the samin yeirlie dueteis had bene modefeit, decernit and declarit be the saidis haill estaittis and had presentlie bene insert and contenit in everie ane of thair erectionis. And siclyk oure said soverane lord and estaittis foirsaidis hes gevin and grantit, lykas be the tennour of this present act, geves and grantis full power and commissioun to the said Johne, erle of Montrose, great commissioner, the said Alexander, erle of Dunfermeling, chancellar, Johne, erle of Wigtoun, lord Fleming, George, archibischop of Sanctandrous, Johne, bischop of Glasgow, David, bischop of Ross, James, bischop of Orknay, Schir Robert Melvill of Murdocarny, knycht, eldar, Maister Johne Prestoun of Pennycuk, collectour generall, Schir Thomas Hammyltoun of Monkland, knycht, advocat, Schir Johne Cokburne of Ormestoun, knycht, justice clerk, Maister Patrik Galloway, Maister James Nicolsoun, Maister Andro Lamb (or ony aucht of thame, the said lord commissionar or the said lord chancellar being alwayes ane), to modefie, decerne and declair to everie minister serveing or that heireftir sall serve, at everie kirk, the cure, thair yeirlie stipendis in all tymes cumming, by thair manses and gleib of all thair kirkis quhairof the patronages ar disponit be oure said soverane lord in this present parliament in the erectionis of temporall lordschippis and baroneis, or utherwayes quhatsumevir, to the effect that the haill kirkis baith alreadie plantit and as yit unplantit may be provydit to sufficient stipendis in all tyme cumming, and that everie kirk may be provydit to ane minister to serve the cure at ilk kirk, and that they have sufficient and competent stipendis provydit to everie ane of thame to serve the cure in all tyme cumming as said is. And oure said soverane lord and estaittis foirsaidis discharges the clerk of register and his deputtis of all buiking and extracting of ony actis of the saidis erectionis or ony uther act of this present parliament quhairin patronages of benefices ar disponit, and alsua discharges the keiparis of the registeris and seallis to exped ony of thair said infeftmentis unto the tyme that oure said soverane lordis yeirlie duetie, and the ministeris sufficient and competent stipendis, be first modefeit, decernit and declarit be the persones foirsaidis conforme to the tennour of this present act of commissioun in all pointis.

Legislation: private acts
Act in favouris of the tennentis of Casche

Forsamekle as the kingis majestie, for inlargeing the boundis of the park of Falkland, caused the fewaris of the towne of Casche renunce the ane half of thair landis to the effect the samyn micht be imparkit with the said Falkland Park, and his majestie, in recompense of thair lose, dischargeit unto thame heireftir in all tyme cumming all fewferme duetie or quhatsumevir uther thing addebtit be thame for the remnant of thair landis nocht imparkit bot remaning still in thair possessioun; thairfoir oure soverane lord and estaittis of this present parliament convenit ratefeis and appreves the said recompanse gevin to these tennentis and fewaris of Casche for thair lose of the imparking of thair saidis landis, and declaris that everie ane of the saidis tennentis in all tyme heireftir, thair airis and successouris, sall bruik and injoy that remnant of thair landis left unto thame in frie blenche for payment of ane penny, gif it be requirit, and ordinis his majesteis thesaurar and utheris officiaris to ressave or exchange tennentis of the saidis landis in that samin forme of blenche halding, quhilk sall be sufficient and valide richt and securitie to the saidis tennentis, nochtwithstanding that the saidis landis hes bene formerllie of the propirtie and set in fewferme for payment of ane duetie thairfoir, and that the samin blenche infeftmentis grantit to the saidis tennentis sall be alsua valiable to the saidis tennentis as gif the samin wer of na pairt of his majesteis annexit propirtie.

Dissolutioun of Huntingtoure and Strathbrawne

Oure soverane lord and estaittis of parliament presentlie convenit, considering that the setting of the landis of the annexit propirtie in fewferme for payment of the auld rentall with augmentatioun is greatlie to his majesteis benefite and proffeitt, his hienes rentall thairby being maid sure, unchangeable, unalterable and nawayes hable to be disponit and annaleit, hes thairfoir dissolvit and be the tennour of this present act of parliament dissolvis frome the act of the annexatioun of the landis of the erledome of Gowrie and lordschip of Ruthven, [the haill landis perteining or belanging to the said earledome of Gowrie and lordschip of Ruthven], and in speciall the landis and lordschip of Huntingtour and the landis of Strathbrawne; and to the effect that the samin haill landis (except sic as ar heireftir particularlie enumerated) may be in fewferme lattin and heretablie disponit for payment of the auld duetie with augmentatioun of the rentall, and that the said act be extendit in ample forme with all clauses neidfull, it is alwayes declarit that the landis underwrittin: they ar to say, the landis of Cowgask, with the teyndschaves thairof, with mylnis, multuris, woddis, fischeingis, pairtis, pendiclis and pertinentis of the samim, the landis of Peill, Lethame, Eister Heichame, Goodlieburne, Hoill of Huntingtour, the landis of Halyland, Few and Wester Heichame, with the pertinentis of the same, being all of the said lordschip of Huntingtour, sall be dissolvit to the effect the samyn may be sett in blenche ferme (for payment of ane penny) to Johne, erle of Montrois etc., and that for mony great, ressonable and sene caussis mentionat in ane particular warrand maid for dissolutioun of the saidis landis.

Act in favouris of Sanctandrous archibischop in satisfactioun of Monymaill

Forsamekle as oure soverane lord hes movit be his princelie directioun George, archibischop of Sanctandrous to quit and renunce the fewmaillis of Lethame, with the patronage of the kirk of Monymaill, in favouris of his hienes trustie servand and counsaillour Schir Robert Melvill of Murdocarnie, knycht, quhairby the said archibischoprik is deteriorat and prejudgeit, thairfoir his hienes, with advyse of the estaittis of this present parliament, in pairt of recompense and satisfactioun of the saidis fewmaillis and kirk of Monymaill dissolvit as said is, hes gevin, grantit and disponit and be the tennour heirof gevis, grantis and disponis and perpetualie mortifeis in favouris of the said George, archibischop of Sanctandrous, for all the dayes of his lyfetyme, and to his successouris ad perpetuam remanentiam, all and haill the personage and vicarage of Kynnell, the personage and vicarage of Logy Montroise, the personage and vicarage of Idwy and the personage and vicarage of Kynnetillis, all lyand within the schirefdome of Forfar and diocie of Sanctandrous, to be incorporatit and perpetualie unitit as ane propir and substantiall pairt of the patrimonie of the said archibischoprik, with frie, plane power to the said George and his successouris to sett, dispone, intromettwith and uptak the haill rentis, fruittis and emolumentis, manses, gleibis and kirklandis of the saidis personages and vicarages, als frelie in all respectis as ony persone or vicar of the saidis kirkis micht have done at ony tyme frome the beginning, reserveand alwayes to the present ministeris, titularis of the saidis benefices, and to the fewaris, tennentis and takismen thairof, thair haill richtis, titillis, provisionis, presentationis, assedationis for lang or schort takkis, fewis, confirmationes and all and sindrie richtis or securiteis maid to thame be oure soverane lord or be the titulares of the saidis benefices in ony tyme bigane insofar as they may stand and indure according to the present lawes and constitutionis, haveing force and authoritie in this realme at this present, provyding alsua that the said archibischop and his successouris sall provyde sufficient mantenance and stipend to the ministeris that sall serve the cure of the saidis kirkis sasone as it salhappin the saidis kirkis or ony of thame to fall in to the patrimonie of the said archibischoprik be the death, dimissioun or deprivatioun of the present titulares or ony uther lauchfull cause. And siclyk oure said soverane lord, with advyse of the saidis estaittis, ratifeis, appreves and confermis that gift and provisioun maid and grantit be oure said soverane lord, with advyse of his hienes ordinar officiaris, to the said archibischop of all and haill ten chalderis and aucht bollis victuall to be payit furth of the priourie of Sanctandrous to the said archibischop yeirlie for his service in the ministrie at the paroch kirk of Sanctandrous during all the dayes of his lyfetyme, conforme to the said gift and lettres conforme grantit thairupoun, quhairof the said archibischop hes bene in possessioun thir diverse yeiris bigane, quhilk gift is of the date at Roistoun, the sewint day of December, the yeir of God jM sex hundreth and four yeiris, and eftir the forme and tennour of the samyn in all pointis.

Act anent the erectioun of the kirk of Leith benorth the brig in ane paroche kirk

Oure soverane lord and estaittis of this present parliament, considering that the inhabitantis of the north and south sydis of the watter and brig of Leith within the regalitie and baronie of Brochtoun hantit and maid repair of auld to thair paroch kirk of Halyrudhous, to preaching prayeris and to the celebratioun of the sacramentis, verie far distant frome thair habitationis, sua that it wes nocht habill for the maist part of thame to repair to thair said parochkirk of Halyrudhous at all tymes, being ageit and seiklie persones, quhairfoir the saidis inhabitantis of the north and south sydis of the said watter and brig of Leyth, upoun thair awin expenses and charges, hes biggit to thameselffis ane kirk upoun the north syd of the brig of Leith, and hes had ministeris serveing the cure thairat and ministring to thame the sacramentis thir tuentie yeiris bigane with the mair, lyk as they have presentlie ane minister serveing the cure thairof, they being ane thowsand communicantis quha cummis and hantis to the samin kirk, duelling within the said regalitie of Brochtoun; thairfoir oure said soverane lord and estaittis foirsaidis creatis and erectis the said kirk in ane paroch kirk to the saidis inhabitantis of the north and south pairtis of the said watter of Leith, to be callit in all tyme cumming the paroche kirk of Leyth benorth the brig, and geves and grantis to the samin paroch kirk and to the haill inhabitantis thairof all privileges, fredomes, liberteis and immuniteis belanging to ony paroch kirk within this kingdome, and dismemberis the samin in all tyme cumming frome the said parochin of Halyrudhous.

Act anent the dismembering of certane townis frome the kirk of Ellon and incorporating of the samyn to the kirk of Slaynis

Oure soverane lord and estaittis of parliament, considering that the paroch kirk of Ellon within the diocie of Aberdene is sua great and large ane parochin being, fourtene scoir of plewes or thairby, sua that the maist pairt of the parochineris within the said parochin may nocht commodiouslie resorte to the said paroche kirk of Ellon, as the inhabitantis of Nather Lisk pertening to the Erle of Erroll, Ovir Lisk, Belschampsie and Auchtmad pertening to the laird of Lisk, and Knapeisleisk pertening to the laird of Collistoun, they being sua far distant frome the said kirk of Ellone; for remede quhairof and for the saidis persones better ease, oure said soverane lord and estaittis foirsaidis annexis and incorporatis the foirsaidis speciall landis, lyand of auld within the said parochin of Ellon, to the paroch kirk of Slaynis in all tyme cumming, and dismemberis the foirsaidis haill speciall townis and everie ane of thame frome the said kirk of Ellone in all tyme cumming. And forder, the saidis estaittis declaris that nochtwithstanding of the premisses that the teyndis of the foirsaidis particular landis sall remane with the persones of Ellon, and that they, nor the patrone of the said kirk of Ellon, sall nawayes be astrictit to pay the minister of Slaynis ony pairt of his stipend althocht the foirsaidis peculiar townis be annexit to the said parochin of Slaynis.

Erectioun of the kirk of Prestoun

Oure soverane lord and estaittis of this present parliament, considering that the inhabitantis of Prestoun and Prestounpannis, sumtyme within the parochin of Tranent, at the leist haveing the benefite of the kirk thair, can nocht resorte to the said kirk of Tranent seing the samin kirk may nocht contene the foirsaidis inhabitantis of Prestoun and Prestounpannis, they being ane great number of persones and daylie incresces ma and ma; as alsua that the said kirk of Tranent is sa far distant frome the saidis inhabitantis of Prestoun and Prestounpannis, and that thair is be the lauborres, paynis and expenses of umquhile Maister Johne Davidsoun, minister, ane sufficient kirk buldit with ane manse to ane minister in Prestounpannis; and siclyk considering that thair is ane gleib provydit to the said kirk be George Hammyltoun of Prestoun of his awin propir heritage, as alsua that the said umquhile Maister Johne Davidsoun hes foundit in Prestounpannis ane schole for teiching of Latine, Grek and Hebrew towngis and language, and for instructing of youth in vertue and learning, and that he hes dotit to the samin his heretage and all his moveable and frie gudis for ane perpetuall stipend to the maisteris at the said schole; thairfoir the saidis estaite creattis and erectis the said kirk buildit in Prestounpannis in ane paroche kirk, to be callit now, and in all tyme cumming, the paroch kirk of Prestoun, and dismemberis the samin frome the said paroch kirk of Tranent and all utheris parochines; and geves and grantis to the said paroch kirk of Prestoun all privileges, liberteis, fredomes and immuniteis belanging to ony paroch kirk within this kingdome, and als ratefeis and appreves the erectioun and fundatioun of the said schole for teaching of the saidis Latine, Greik and Hebrew towngis and languages, and for instructing of youth in vertew and learning, foundit and erectit be the said umquhile Maister Johne Davidsoun, and all and quhatsumevir infeftmentis, giftis, donationis and mortificationis and all landis, rentis and leving gevin and dotit be the said laird of Prestoun and the said umquhile Maister Johne Davidsoun to the ministeris serveing the cure at the said kirk, and to the maister of the said schole and to thair successouris, with the supplement of all faultis and defectionis of the samin fundationis and richtis maid be the saidis laird of Prestoun and Maister Johne Davidsoun eftir the forme and tennour thairof, the quhilk generalitie the estaittis declaris to be als sufficient as gif the saidis fundationis, mortificationis and richtis wer heirin word be word contenit.

Act anent the erectioun of the kirk of Portingcraig

Oure soverane lord and estaittis of this present parliament, understanding the parochin of Lucharis within the schirefdome of Fyf to be of sa great and large boundis and so populous in the self sua that the paroch kirk thairof is nocht capable of the parochineris and induellaris within the said parochin, bot great numberes of thame, throw want of place and occasioun of heiring the word thir mony yeiris bigane, ather abydis at thair awin duelling houses on the Sabboth day, or resortis to utheris parochinnes, and als understanding ane kirk laitlie to be biggit within the towne of the Eist Ferrie of Portincraig, quhilk is the northmaist part of the said parochin, maist distant frome the said kirk of Lucharis and verie commodious to be maid ane paroch kirk for the inhabitantis of that north pairt of the said parochin, thairfoir oure said soverane lord, with speciall advyse and consent of the estaitis foirsaidis, erectis, creatis, makis and appointis the foirsaid kirk laitlie biggit in the Eist Ferrie of Portincraig to be ane paroch kirk in all tyme cumming, and to be callit the paroch kirk of Portincraig, and dismemberis and severis the samin kirk parochin and parochineris thairof in all tyme heireftir frome the foirsaid parochkirk of Lucharis and parochin thairof, quhairof it wes pairt and pendicle of befoir, and geves and grantis to the said paroch kirk of Portingcraig and parochineris thairof all privileges, fredomes, richtis, liberteis and immuniteis belanging to ony parochkirk within this realme.

Act in favouris of the burgh of Edinburgh

Oure soverane lord and estaittis of parliament, calling to mynd the great charges and expenses quhairwith the burgh of Edinburgh, burgesses and inhabitantis thairof ar burdenit in sustening of the ministrie of the said burgh, thair being na pairt of the thriddis of benefices assignit to thame for thair sustentatioun and intertenying of the colleges, hospitallis and pure of the samin burgh; and that for releif of ane pairt of the saidis charges and expenses, his hienes umquhile darrest mother eftir hir perfyte age, and oure said soverane at diverse tymes, gaif, dotit, mortefeit and disponit to the provest, bailleis, counsaill and communitie of the said burgh, for sustentatioun of thair said ministrie and intertenying of thair college, hospitallis and pure sindrie landis, annualrentis, tenementis, provestreis, alterages, benefices and utheris fruittis and rentis generalie and specialie comprehendit and exprest in sindrie giftis, mortificatiounis, infeftmentis, actis of parliament and utheris richtis and securiteis maid to the saidis provest, bailleis, counsaill and communitie for sustening and intertenying of thair said ministrie, college and hospitallis, and being cairfull that the foirsaidis godlie, necessar and profitable workis decay nocht for laik of expenses, oure said soverane lord, with advyse of the estaittis of this present parliament, hes ratefeit, approvin and confermit, and be the tennour heirof, for his hienes and his successouris, ratefeis, appreves and perpetualie confermes all and sindrie giftis, mortificationis, infeftmentis, utheris securiteis and richtis quhatsumevir maid, gevin, grantit and disponit be oure said soverane lord, his umquhile darrest mother or be his hienes self at ony tyme befoir the date heirof, to the saidis provest, bailleis, counsaill and communitie of the said burgh of Edinburgh and thair successouris of quhatsumevir landis, annualrentis, tenementis, teyndis, provestries, prebendareis, alterages or utheris benefices, teyndis, rentis and emolumentis, togidder with all and sindrie actis of parliament maid in favouris of the said burgh, provest, bailleis, counsaill and comunitie thairof, ministrie, college and hospitallis within the samin, in all and sindrie heidis, pointis, articlis, clauses, circumstances and conditionis thairof; lyk as oure said soverane lord, with advyse foirsaid, findis, decernis and declaris the foirsaidis giftis, mortificationis, infeftmentis, actis of parliament and utheris richtis and securiteis maid, gevin and grantit to the saidis provest, bailleis, counsaill and communitie of the said burgh and thair successouris and in thair favouris, to be gude, valide, lauchfull and sufficient richtis for thame and thair successouris for bruiking and joising of all and sindrie landis, tenementis, annualrentis, teyndis, benefices, provestreis, prebendareis, chaplanreis, alterages, fruittis, rentis and emolumentis quhatsumevir, alsweill generally as speciallie comprehendit and contenit in the foirsaidis giftis, mortificationis, actis of parliament or ony of thame, and that the samin sall remane and abyd in thair awin full strenth, force and effect and nawayes to be tane away, hurte nor prejudgeit in ony sorte, nochtwithstanding quhatsumevir act or statute maid in this present parliament, with speciall provisioun that thair be ane ressonable and sufficient stipend modefeit be George, archibischop of Sanctandrous, Maister Johne Prestoun of Pennycuk, collectour, and Schir Johne Skene of Curryhill, knycht, clerk of register, (or be ony twa of thame, the said Archibischop of Sanctandrous being alwayes ane) to the present minister at Currie, for him self and to his successouris ministeris thairat, to be payit thankfullie to thame yeirlie in all tyme cumming be the towne of Edinburgh. The quhilkis thrie persones being all present in parliament, acceptit the modificatioun of the said ministeris stipend at the said kirk of Curry in and upoun thame, to be payit to the present minister and to his successouris ministeris thairat yeirlie in all tyme cumming abonespecefeit.

Act in favouris of the burgh of Perth

Oure soverane lord and estaittis of this present parliament, haveing consideratioun of the antiquitie of the burgh of Perth, decay of thair brig and gude service done be thame and thair predecessouris to his majestie and his predecessouris, his majestie gaif ane new infeftment to the said burgh of Perth, contenand the confirmatioun of the auld infeftmentis of the said burgh with de novo damus and diverse privileges, as the samin under the testimoniall, of the great seall of the date at Halyrudhous, the xiiij day of November jM vjC yeiris, mair fullelie proportis; as lykwayes the quenis majestie, with advyse of his hienes, hes gevin and disponit to the said burgh the mansioun and house lyand within the said burgh sumtyme pertening to the persone of Perth, togidder with the richt of patronage of the personage and vicarage of Perth for intertenement and sustentatioun of the ministrie serveing the cure within the said burgh, as the said gift and dispositioun of the date at Londoun, in the palace of Quhythall, the tuentie day of November the yeir of God jM vjC and four yeiris, at lenth proportis; and thair being diverse controverseis and debaittis fallin out betuix the said burgh of Perth and Dundie, his majestie being cairfull to tak away the saidis controverseis eftir that the samin wer submittit to his majestie and lordis of sessioun be the saidis burghes, oure said soverane lord and lordis of sessioun, be decrete arbitrall, finessit and away tuk the saidis controverseis and decydit the samin to the great ease and contentment of the inhabitantis of the saidis burghes, and now for the help and supporte of the said burgh of Perth and that the foirsaidis richtis and securiteis maid to thame may be the moir effectuall and valide in all tyme cumming, and that they may bruik joise and posses the samin haill dispositionis and privileges thairin contenit without ony stope or impediment to be maid to thame at ony tyme heireftir, hes ratefeit and approvin and, be thir presentis, ratefeis and appreves the foirsaid infeftment, dispositioun and decrete arbitrall in the haill heidis, pointis, clauses and conditionis thairin mentionat; and decernis and declaris the samin to stand in all tyme cumming as valide and sufficient richtis to the said burgh.

Act in favouris of the burgh of Dundie

Oure soverane lord, with advyse of the estaittis of this present parliament, remembering the trew and thankfull service done to his majestie be the provest, bailleis, counsaill and communitie of the burgh of Dundie, hes ratefeit, approvin and confermit, and be the tennour heirof, for his hienes and his successouris, ratefeis, appreves and perpetualie confermis the chartour maid and grantit be oure soverane lord under his hienes great seall to the saidis provest, bailleis, counsaill, burgesses and communitie of the said burgh of Dundie, in all and sindrie pointis, heidis, articlis, clauses, circumstances and conditionis expressit and contenit in the foirsaid chartour, with the haill jurisdictionis, liberteis, salmond fischeingis, mylnis, mylnlandis, customes dueteis, privileges and immuniteis thairin mentionat, alsweill be watter as land, and with the portis, havinnes and herbereis of the said burgh; and als for his hienes and his majesteis successouris foirsaidis, with advyse of the saidis estaittis, willis, decernis and declaris that the foirsaid chartour, with the precept and instrument of seasing following thairupoun, hes bene continualie fra the date thairof, quhilk wes upoun the sextene day of Januar, the yeir of God jM vjC and ane yeiris, is presentlie and sall be in all tyme cumming ane perfyte and sufficient infeftment, richt and securitie to the saidis provest, bailleis, counsaill, burgesses and communitie of the said burgh and thair successouris for bruiking and injoying of the haill landis, mylnis, mylnlandis, multuris, salmond fischeingis, annualrentis, chaplanreis, alterages, advocatioun and donatioun of benefices, customes dueteis, jurisdictionis, liberteis, privileges, immuniteis, portis, havinnis, herbereis and utheris quhatsoevir, alsweill generalie as specialie expressit and contenit in the said chartour, and willis and grantis that this present confirmatioun and ratificatioun sall be of als great faith, force and effect as gif the foirnameit chartour wer word be word ingrossit heirin, quhairanent oure said soverane lord, with advyse foirsaid, be thir presentis for now and evir dispenses; and this alwayes but prejudice to the decrete arbitrall pronunceit be oure soverane lord and the lordis of his hienes counsaill and sessioun of this kingdome of Scotland anent the decisioun of the questionis and controverseis than standing betuix the said burgh of Dundie and the burgh of Perth, tuicheing the libertie of the watter of Tay and certane utheris particularis decydeit be the said decrete, quhilk decrete is of the date at Edinburgh, the penult day of December, the yeir of God jM sex hundreth and twa yeiris.

Act in favouris of the burgh of Aberdene anent the ratificatioun of thair chartour

Oure soverane lord and estaittis of this present parliament, be the tennour heirof, ratefeis, appreves and perpetualie confermis the chartour maid and grantit under his hienes great seall to the burgh of Aberdene, provest, bailleis, counsaill and communitie thairof and thair successouris, off all and sindrie thair commoun landis pertening to the said burgh, mylnis, small customes, salmond fischeingis, liberteis, privileges, immuniteis and utheris quhatsumevir generalie and specialie comprehendit and contenit in the foirsaid chartour in all and sindrie pointis, heidis, articlis, clauses, circumstances and conditionis thairof, as the foirsaid chartour of the date at Falkland, the fourtene day of August the yeir of God jM vjC and ane yeiris, in the self at mair lenth proportis, with the precept and instrument of seasing following thairupoun, and willis that this present ratificatioun and confirmatioun is and sall be of also great strenth, force and effect as gif the samin chartour, precept and instrument of seasing wer word be word heirin ingrossit, quhairanent oure said soverane, with advyse foirsaid, for now and evir be thir presentis, dispenses; and als oure said soverane, with advyse foirsaid, findis, decernis and declaris the foirsaid chartour, precept and instrument of seasing following thairupoun to be ane gude, valide and perfyte richt to the provest, baillies, counsaill and communitie of the said burgh of Aberdene and thair successouris for bruiking and joising of all and sindrie landis, mylnis, fischeingis, salmond fisches, privileges, liberteis and immuniteis and utheris quhatsumevir generalie and specialie comprehendit and expressit in the samin chartour, for payment of the yeirlie duetie thairin contenit; and, gif neid beis, oure said soverane and estaittis foirsaidis ordanis ane new infeftment to be maid, grantit and gewin to the said burgh of Aberdene, provest, bailleis, counsaill and communitie thairof, aggreable word be word with the said chartour, for the quhilk new infeftment this present act sall be ane sufficient warrand.

Act in favouris of the burgh of Aberdene anent the ratificatioun of the chartour grantit be Maister Alexander Hay

Oure soverane lord, with advyse of the estaittis of this present parliament, be the tennour heirof, ratefeis, appreves and, for his hienes and his successouris, perpetualie confermis the chartour maid, gevin and grantit be Maister Alexander Hay, clerk of oure said soverane lordis counsaill and sessioun, to the provest, bailleis, counsaill and communitie of the burgh of Aberdene and thair successouris off all and sindrie the fewfermes and annuallrentis thairin contenit, extending in the haill to tuentie sewin pundis aucht schillingis and aucht penneis, with the superiouriteis of all landis, tenementis, annualrentis and utheris thairin contenit in all and sindrie pointis, clauses, articlis, circumstances and conditiounes thairof, as the foirsaid chartour of the date at Edinburgh, the first day of Februar, the yeir of God jM vjC and fyve yeiris, in the self at mair lenth proportis, with the precept of seasing contenit in the said chartour and instrument of seasing following thairupoun, and willis that this present ratificatioun and confirmatioun is and sall be of als great force, strenth and effect as gif the samin chartour, precept and instrument of seasing wer word be word heirin ingrossit, quhairanent oure said soverane, with advyse, for now and evir be thir presente dispenses.

Act in favouris of the burgh of Irving

Oure soverane lord and estaittis of this present parliament, understanding the great hurte and skaith sustenit be the burgh of Irving and inhabitantis thairof, being his majesteis frie burgh regall of great ancietie and underlying all burdingis as ane of that estait, throw the great incresce of unfrie trafiqueris duelling within the boundis of the libertie thairof, beiring na burding, be keiping oppin buithis, sailing out of this cuntrey with schippis and barkis as gif they wer frie comburgesses and to the prejudice of oure soverane lordis customes, thairfoir statutis and ordanis that na persone duelland within the boundis of the libertie of the said burgh nocht being burgesses and frie men thairof use ony privilege or libertie belanging to thame in keiping oppin buithis with merchandice, sailling and traffiquing out or in this cuntrey with the samin with thair barkis and schippis as friemen, or in trubilling or molesting of thame in bruiking and useing of thair liberteis and privileges conforme to thair awld infeftmentis in ony sorte, and that lettres be direct heirupoun on ane simple charge of ten dayes.

Act in favouris of the burgh of Banff

Oure soverane lord, with advyse and consent of the estaittis of this present parliament, ratefeis and confermis the chartour maid, gevin and grantit be his hienes under the great seall to the provest, bailleis, counsaill and communitie of the burgh of Banff and, with advyse foirsaid, decernis and ordinis the said chartour to be of als great strenth, force and effect as gif the samin wer insert heirin word be word; quhairanent oure said soverane lord be this present act dispenses.

Act in favouris of the senatouris of the college of justice and memberis of the samyn

Oure soverane lord, with advyse of his estaittis in parliament, hes ratefeit, approvin and confermit and be thir presentis ratefeis, appreves and confermis all and quhatsumevir privileges, liberteis and immuniteis grantit of befoir be his majestie and his maist nobill progenitouris to the chancellar and lordis of his counsaill, sessioun and college of justice, baith spirituall and temporall, and to the haill remanent memberis of the said college of justice for mantenance of thame in thair persones, honouris, digniteis and richtis and for bruiking of thair landis, rentis, benefices, pensiounes, thriddis and contributionis of all prelaceis and thair uther richtis in sic forme as is contenit in the first erectioun of the said college, and as they and thair predecessouris hes bruikit and possessit sensyne and presentlie bruikis and possesses conforme to the dispositionis and ratificatiounes thairof in parliament or ony uther actis, lawes, statutis and dispositionis maid be his majestie or his predecessouris in favouris of the saidis lordis of counsaill and sessioun, college of justice and particular memberis and persones thairof in all pointis; and specialie oure soverane lord and his saidis estaitis ratifeis and appreves the gift and richt maid to the saidis lordis of counsaill and sessioun of the superplus of the quottis of testamentis by the ordinar feis and allowances grantit to the saidis lordis be his majestie for thair better residence and administratioun of justice, and of thair richt of presentatioun to oure soverane lord of persones to the offices of quhatsumevir commissarie or thair memberis vacand, with all utheris richtis grantit to thame of befoir thairanent. And siclyk oure soverane lord, with advyse of his estaittis, be thir presentis, ratefeis, appreves and confermis the commissioun and injunctionis, togidder with the haill jurisdictioun and all and quhatsumevir privileges, liberteis and immuniteis and utheris richtis grantit be his majestie and his predecessouris to the commissioneris of Edinburgh and thair memberis in sic forme as the samin is contenit in the commissioun and injunctionis gevin to thame in the first erectioun, as the said commissioun and injunctionis in thame selffis at lenth beiris, and as the saidis commissioneris and thair memberis presentlie bruikis and possesses the samin conforme to thair provisionis in all pointis, nochtwithstanding of quhatsumevir actis, statutis and constitutionis maid, or to be maid, in this present parliament or ony uther parliament preceding or to cum quhilkis may appeir to derogat the samin.

Ratificatioun of the kirk of Nather Airlie in favouris of Schir Thomas Lyoun of Auldbar, knycht

Oure soverane lord and estaittis of this present parliament, for mony great and wechtie causes and considerationis, hes ratefeit and approvin and, be the tennour heirof, ratefeis, appreves and, for his hienes and his successouris, perpetualie confermis the act of parliament maid be his majestie, with advyse of his estaittis, in his hienes fourtene parliament haldin at Edinburgh, the aucht day of Junii the yeir of God jM vC fourscoir fourtene yeiris, anent the dissolutioun of the kirk of Nather Airlie, personage and vicarage thairof, togidder with all and sindrie chartouris maid and grantit be oure said soverane lord at ony tyme befoir the date heirof under his hienes great seall, to his hienes richt trest cousing and counsaillour Schir Thomas Lyoun of Auldbar, knicht, ane of the senatouris of his hienes college of justice, of the richt of the patronage, advocatioun and donatioun of the said parochkirk of Nather Airlie, personage and vicarage thairof, in all and sindrie heidis, pointis, articlis, clauses, circumstances, provisiounes and conditiounes expressit and contenit in the foirsaid act of parliament contening the dissolutioun of the foirsaid parochkirk and in the foirsaid chartour, or ony of thame, with the preceptis and instrumentis of seasing following upoun the saidis chartouris, and findis, decernis and declairis that the said parochkirk of Nather Airlie, personage and vicarage thairof, wes lauchfullie dissolvit fra the abbacie of Couper and patrimonie thairof be the said act of parliament maid the said aucht day of Junii jM vC fourscoir fourtene yeiris, and hes bene lauchfullie dissolvit thairfra continualie sensyne, and sall stand and remane dissolvit fra the said abbacie in all tyme tocum. And that oure said soverane, be vertue of the said act of parliament, hes full and indoubtit richt to erect the said parochkirk of Nather Airlie in ane severall rectorie and vicarage and to dispone to the said Schir Thomas Lyoun, his airis and assignais the heretable richt of the patronage, advocatioun and donatioun of the foirsaid paroch kirk of Nather Airlie, personage and vicarage thairof, and that the foirsaid act of parliament and the heretable chartouris maid be his hienes to the said Schir Thomas Lyoun and his foirsaidis of the richt of patronage, advocatioun and donatioun of the said parochkirk of Nether Airlie, personage and vicarage thairof, with the preceptis and instrumentis of seasing following thairupoun, ar perfyte, sufficient, lauchfull and valide richtis and securiteis to the said Schir Thomas Lyoun and his foirsaidis and utheris haveing richt of thame to bruik, joise and possess heretablie and perpetualie in all tyme cumming the richt of the said patronage, advocatioun and donatioun of the foirnameit paroche kirk of Nather Airlie, personage and vicarage thairof, and that siclyk and als frelie in all respectis as gif the said parochkirk, personage and vicarage thairof, had bene lauchfullie dimittit, dismemberit and dissolvit fra the said abbacie of Couper and patrimonie thairof be ane lauchfull [...], with consent of the convent and chaptour of the said abbacie of Couper, be ressone the said dissolutioun wes maid during the tyme that umquhile Leonard Leslie, commendatar of Couper, wes oure soverane lordis rebell and had remanit and abiddin under the proces of horning be the space of yeir and day, and that nochtwithstanding quhatsumevir lawes civill, cannoun or municipall, and nochtwithstanding quhatsumevir actis of parliament maid in this present parliament, or at ony tyme of befoir, quhilkis sall nawayes be hurtfull nor prejudiciall to the foirsaid act of dissolutioun dissolvand the kirk of Nather Airlie as said is, nor to the heretable infeftmentis grantit to the said Schir Thomas Lyoun of the richt of patronage, advocatioun and donatioun of the said parochkirk of Nather Airlie, personage nor vicarage thairof, nor mak dirogatioun thairto in ony sorte. And willis and grantis that this present ratificatioun and confirmatioun is and sall be of als great strenth, force and effect as gif the foirsaid act of dissolution of the date abonewrittin, with the heretable chartouris abonementionat maid to the said Schir Thomas, wer word be word ingrossit and insert heirin; quhairanent oure said soverane, with advise, for now and evir be thir presentis dispenses.

Act in favouris of Williame, commendater of Towngland

Anent the supplicatioun gewin in to the lord great commissionar and haill estaittis of this present parliament be Williame, commendatar of the abbacie of Towngland, ane of the ordinar number of oure soverane lordis sessioun and college of justice, makand mentioun that quhair oure soverane lord, for diverse gude considerationis moveing his majestie, gaif, grantit and disponit unto the said commendatar for all the dayes of his lyfetyme the teyndis of certane kirkis, quhilkis sumtyme pertenit to the bischoprik of Galloway, and ane pensioun of sex hundreth sextene pundis xviij s. iiij d. usuale money of Scotland grantit be his hienes to him in lyferent, to be payit furth of the temporalitie and temporall landis, few maillis and utheris dueteis of the said abbacie of Towngland and bischoprik of Galloway; and albeit oure soverane lord hes laitlie provydit Maister Gavin Hamyltoun to the said bischoprik, with all and sindrie fruittis, rentis and emolumentis appertening thairto, yit it wes nocht his majesteis will that the said William, commendatar of Towngland suld be onywayes damnefeit, hurte nor prejudgeit in his richt, titill and possessioun of the abbacie of Towngland and kirkis pertening and annexit thairto, teyndis and rentis of the samin, nor in his foirsaid pensioun, and alsua, the said Maister Gavine faithfullie promissit to his majestie nawayes to hurte nor prejudge the said William, commendatar of Toungland, during his lyfetyme anent the premisses, and thairfoir the said Maister Gavine, be his speciall lettres datit at Edinburgh, the nyntene day of Junii, jM vjC and fyve yeiris, actit and registrat in the buikis of counsaill of his awin consent the tuentie tua day of the said moneth and yeir, ratefeit and apprevit for him and his successouris the giftis and donationis grantit to the said commendatar be oure said soverane lord, with the ratificationis and confirmationis of the samin in parliament specialie expremit in his saidis lettres; and upoun deliberat mynd, of certane knawlege, maist hairtlie, frelie and willinglie band and oblist him and his successouris that they suld nevir move actioun nor pley aganis the said commendatar for ony pairt of the saidis fruitis, teyndis, rentis and pensioun disponit to him for his lyfetyme as said is, bot that he suld bruik the samin peciablie without truble or impediment during his lyfetyme as said is, as the saidis lettres registrat in the saidis buikis of counsaill schawin to the saidis estaittis at mair lenth proportis. And seing the estaittis intendis in this present parliament be directioun of oure soverane lord to mak ane act and ordinance for repairing and restitutioun of the estait of bischoppis within this realme, it is verie necessar for the said commendataris quietnes that quhatsumevir thing suld be done in favouris of the bischop of Galloway sall be without hurte and prejudice of ony thing that wes provydit to the said commendatar befoir, and contenit in the said Maister Gavine his lettres of ratificatioun and approbatioun thairof, eftir the forme and tennour of the samin, to the quhilk the said commendatar is assurit the said lord bischop of Galloway can nocht weill mak ony impediment, bot will assent thairto. Desyring thairfoir the saidis estaittis to declair quhatsumevir thing sall be done to the said bischop of Galloway that the foirsaid generall act sall nawayes be prejudiciall, nor hurtfull to sic thingis as ar disponit to the said commendatar for his lyfetyme, bot that he may peciablie bruik the samin conforme to his titillis and richtis maid to him thairof and the said bischop of Gallowayes ratificatioun and approbatioun foirsaid, and to that effect that the saidis estaittis wald ordane the saidis lettres to be registrat in the buikis of parliament ad futuram rei memoriam, that the saidis estaittis limitatioun foirsaid to be maid in his favouris may be the mair cleir, to tak away all questiounes that may occur heireftir, as at mair lenth is contenit in the said supplicatioun. The quhilk supplicatioun, togidder with the foirsaidis lettres obligatouris maid be the said bischop of Galloway to the said commendatar of Toungland, and his haill provisiounes and richtis being red in presens of the haill estaittis and they thairwith being ryplie advysit, the haill estaittis findis and declairis that quhatsumevir thingis is done in this present parliament in favouris of the said bischop of Galloway, that the foirsaid generall act sall nawayes be prejudiciall, nor hurtfull to sic thingis as ar disponit to the said William, commendatar of Toungland, for his lyfetyme, bot that he may peciablie bruik and joise the samin conforme to his titillis and richtis maid to him thairof, and the said bischop of Gallowayes ratificatioun and approbatioun foirsaid. And to the effect that all questionis that may occur heireftir may be tane away betuix the saidis commendatar and Maister Gavin Hammyltoun, bischop of Galloway, declairis and ordanis the said lettres obligatouris to be actit and registrat in the buikis of parliament, thairin to remane ad futuram rei memoria, off the quhilkis lettres obligatouris the tennour followes:

At Edinburgh, the tuentie tua day of Junii, the yeir of God jM vjC and fyve yeiris, in presens of the lordis of counsaill, comperit Mairster Johne Makgill, procutour specialie constitut for Maister Gavin Hammyltoun, bischop of Galloway, and gaif in the ratificatioun underwrittin subscryvit with his hand, desyring the samin to be registrat in the buikis of counsaill, to have the strenth of ane decrete of the lordis thairof, with lettres and executorialis to be direct thairupoun in maner thairin contenit. The quhilk desyre the saidis lordis thocht ressonable and thairfoir hes ordanit and ordinis the said ratificatioun to be insert and registrat in the saidis buikis of counsaill, decernis the samin to have the strenth of thair decrete, and ordinis lettres and executorialis to be direct thairupoun in maner specefeit thairintill, quhairof the tennour followes: Be it kend till all men be thir present lettres, me, Maister Gavin Hammyltoun, bischop of Galloway, forsamekill as oure soverane lord the kingis majestie hes gevin and grantit to me during my lyfetyme the bischoprik of Galloway with all digniteis, fruittis, rentis and emolumentis thairof, and inrespect it is nawayes his hienes will and intentioun that the richt honorable Maister William Melville, commendatar of the abbay of Toungland, ane of the ordinar senatouris of his hienes college of justice, suld be onywayes damnefeit, hurte nor prejudgeit in his richt, titill and possessioun of the said abbacie and kirkis pertening and annexit thairto, teyndis and rentis of the samin, nor yit of the pensioun of sex hundreth sextene pundis auchtene schillingis four penneis usuale money of Scotland grantit be his hienes to the said Maister Williame in lyfrent, to be payit out of the temporalitie and temporall landis, few maillis and utheris dueteis of the said abbacie of Towngland and bischoprik of Galloway, lyk as I faithfullie promesit to his majestie nawayes to hurte nor prejudge the said Maister Williame Melvill anent the premisses, nor na pairt thairof. Thairfoir, and for sindrie utheris gude respectis and considerationis moveing me, wit ye me to have ratefeit and approvin, lyk as I, be the tennour heirof now as gif my provisioun and gift of the said bischoprik of Galloway wer alreadie past and expede the seallis, and than as now, upoun deliberat mynd and of certane knawlege, maist harteie, frelie and willinglie ratefeis and appreves for me and my successouris in the said bischoprik the foirsaid gift and donatioun gevin and grantit be oure said soverane lord under his hienes great seall of the date at Halyrudhous, the sewint day of November the yeir of God, jM vC fourscoir aucht yeiris, to the said Maister William Melvill of the spiritualitie of the said abbacie of Toungland, concerning the speciall kirkis of Traqueir, Towngland, Sannik, Monygoff, Leswalt and the kirkis of Inche and Gretoun, unite, annexit and incorporat thairto be the said provisioun, quhilkis wer of auld kirkis of the said bischoprik of Galloway and pertening thairto as ane pairt of the patrimonie of the samin, and ar now annexit to the said abbacie of Toungland as said is, with all privileges, immuniteis, teyndis, fruitis, rentis, proffeittis and emolumentis belanging to the samin abbacie and kirk foirsaid; and ane uther gift grantit be oure soverane lord under his hienes great seall datit at Halyrudhous, the aucht day of December, the yeir of God abonewrittin, to the said Maister Williame of the yeirlie pensioun of sex hundreth sextene pundis auchtene schillingis money, to be upliftit furth of the temporalitie, temporall landis, fewmaillis and rentis of the foirsaid bischoprik and abbacie, togidder with the speciall act of ratificatioun of the foirsaidis giftis and provisionis grantit in favouris of the said Maister William Melvill be oure said soverane lord, with consent of his hienes thrie estaitis of parliament, haldin at Edinburgh, the nyntene day of December, the yeir of God jM vC fourscoir fourtene yeiris, with the decrettis of the lordis of counsaill pronuncit in favouris of the said Maister Williame concerning the abbacie and pensioun abonewrittin, with the possessioun and uplifting of the rentis and dewteis of the samin in all tyme bigane, with all that hes followit, or may follow thairupoun, in all and sindrie heidis, articlis, clauses, conditionis and provisionis quhatsumevir at lenth expressit in baith the saidis giftis, act of ratificatioun thairof and decreittis following thairupoun eftir the forme and tennour thairof in all pointis, halding this present ratificatioun and confirmatioun alsua valide, sufficient and effectuall as gif the saidis twa giftis of the abbacie and pensioun respective abonewrittin wer heirin at lenth word be word exprest, and as gif the samin giftis and titillis wer specialie and expreslie reservit and exceptit in my gift and provisioun of the said bischoprik. And forder I will, grantis and consentis for me and my successouris in the said bischoprik that the said Maister William, be him self, his chalmerlanis and factouris, sall peciablie bruik, joise and posses all and sindrie the teyndis, fruittis, emolumentis, dueteis, privileges and commoditeis of the said abbacie of Toungland, togidder with the said yeirlie pensioun of sex hundreth sextene pundis xviij s. iiij d., conforme to his giftis, respective actis and decreittis thairof, but ony stope, truble or impediment to be maid be me or my successouris to him thairintill, lyk as I faithfullie promiss, bind and oblise me and my successouris nevir to querrell, nor impugne the said Maister William his giftis and richtis of the premisses, nor yit to move actioun, pley nor questioun thairanent aganis him directlie nor indirectlie in judgement, nor outwith in tyme cumming, under the pane of tynsell of honour, gude name and fame incaise I cum in the contrair (as God forbid); and forder sall reiterat, renew, perfyte, subscryve and delyver to the said Maister William ony uther forme of ratificatioun and approbatioun of his giftis abonewrittin in the maist ample forme can be devysit for his securitie ay and quhill he find him self sure of the premisses, consenting for the mair securitie thir presentis be insert and registrat in the buikis of counsaill, to have the strenth of ane decrete of the lordis thairof, with executions of horning be ane simple charge of ten dayes onlie and utheris neidfull to pas thairupoun as efferis; and to that effect constitutis Maister Johne Makgill, my procutouris, quhome I require to compeir for me and in my name, consent to the registering heirof, promittens de rato etc. In witnes quhairof, subscryvit with my hand, my seall is affixit. At Edinburgh, the nyntene day of Junii, the yeir of God, jM vjC and fyve yeiris, befoir thir witnesses: Maister Andro Knox, bischop of the Ilis, Thomas Quhytfurde, brother to the laird of Quhytfurde, Gilbert Ross, notar, servitour to the Erle of Cassellis, and Maister Johne Makgill, advocat. Sic subscribitur: Maister Gavin Hammyltoun. Maister Andrew Knox, witnes. Maister Johne Makgill, witnes. Gilbert Ross, witnes. Thomas Quhytfurde, witnes. Extractum de libro actorum per me dominum Joannem Skene de Curryhill, militem, clericam rotulorum registri ac consilii supremi domini nostri regis sub meis signo et subscriptione manualibus. Sic subscribitur Joannes Skene, clericus registri.

Act in favouris of Maister Johne Prestoun of Penycuke, collectour to oure soverane lord

Oure soverane lord and estaittis of this present parliament, considering that his majestie, in respect of the mony gude, trew and thankfull services done to his hienes be his richt trustie and familiar counsaillouris Maister Johne Prestoun of Pennycuk, his hienes collectour generall and thesaurer of his hienes new augmentatiounes and ane of the senatouris of his majesteis college of justice, quhairof he hes gewin sufficient pruif nocht onlie in his daylie and continuall awaitting in the sessioun and secrete counsaill for administratioun of justice to his hienes lieges, bot also in diverse utheris wechtie and honorable services committit to him be his majestie, quhilkis he hes faithfullie dischargeit and effectuat to his majesteis great contentment, hes of lait gewin, grantit and disponit to the said Maister Johne during all the dayes of his lyfetyme, and eftir his deceis to Maister Johne Prestoun, younger, his eldest sone and apperand air, during all the dayes of his lyfetyme, and eftir his deceis, all and haill ane yeirlie pensioun of the fewmaillis, fewfermes and utheris underwrittin, viz: of all and haill the fewmaillis and fewferme dueteis of all and sindrie landis, mylnis, mylnlandis and utheris kirklandis quhatsumevir quhilkis pertenit of befoir to the monasterie and abbacie of Jedburgh as ane pairt of the patrimonie of the samin, extending yeirlie to thrie hundreth fourscoir pundis usuale money of Scotland, and alsua of all and haill the fewmaillis and fewferme dueteis of the landis of Evand pertening to the prebendarie of Balligurik, extending yeirlie to ane hundreth sewin pundis ten schillingis money foirsaid, togidder also with the sowme of ane hundreth and ten pundis money and tuentie four bollis meill to be payit yeirlie furth of the first and reddiest fewferme dueteis of the landis pertening to the abbacie of Halywod be Johne, lord Maxwell and the rest of the fewaris, possessouris and occupiaris of the temporall landis of the said abbacie of Halywod, togidder with the sowme of ane hundreth and threttie pundis money foirsaid to be payit yeirlie furth of the reddiest and first of the blenche dueteis of the landis sumtyme pertening to the abbacie of Northberwick and erectit in ane frie baronie to Alexander Home of Northberwick, his airis and assignais, and siclyk of all and haill the fewmaillis and fewferme dueteis of all and quhatsumevir landis, mylnis, mylnlandis and utheris quhatsumevir quhilkis pertenit of befoir to the monasterie and abbacie of Hadingtoun, extending yeirlie to the sowme of thrie hundreth and threscoir pundis money foirsaid, as in the said letter of pensioun under his majesteis privie seall at mair lenth is contenit; quhilk letter of pensioun his majestie faithfullie promittit to ratefie and appreis in his hienes first parliament, to the effect the samin micht remane with the said Maister Johne and his said sone during thair, or ather of thair, lyfetymes as ane testimonie of his majesteis favour and gudwill towardis thame in all tyme cumming. Thairfoir, his majestie and estaittis of parliament, haveing tryit and considerit the causes and respectis of the geving of the said pensioun, and finding the samin to have bene necessar and profitable causes tending to his majesteis weill and proffeitt of the haill realme, hes ratefeit and approvin and, be the tennour of this present act, ratefeis and appreves the said letter of pensioun maid and grantit to the said Maister Johne Prestoun and his said sone during all the dayes of thair, or ather of thair, lyfetymes of the fewmaillis, fewfermes and utheris particularlie abonewrittin, in all and sindrie heidis, pointis, clauses, articlis and conditionis thairin contenit, and willis and grantis and, be thir presentis, decernis, ordinis and declairis that this present ratificatioun sall be alsua valide, effectuall and sufficient in all respectis to the said Maister Johne and his said sone siclyk as gif the said letter of pensioun wer de verbo in verbum at lenth insert in this present act. And for the said Maister Johne and his said sonnes better securitie, his majestie and estaittis foirsaidis, for certane great and wechtie causes moveing thame, hes dessolvit and, be the tennour heirof, dissolvis the saidis fewmaillis and utheris dueteis foirsaidis disponit in pensioun as said is frome the patrimonie of his majesteis crowne of Northbritane during the said Maister Johne and his said sonnes lyfetymes alanerlie, and forder hes, eftir the said dissolutioun, gevin and grantit, lyk as be thir presentis, for the causes abonewrittin, geves, grantis and disponis to the said Maister Johne Prestoun during all the dayes of his lyfetyme, and eftir his deceis to the said Maister Johne Prestoun, his sone, during all the dayes of his lyfetyme all and haill the saidis fewmaillis, fewfermes and utheris dueteis particularlie abonewrittin, to be peciablie bruikit and joisit be thame during all the dayes of thair lyfetymes, and willis and decernis that thir presentis sall stand as ane effectuall and valide richt to the said Maister Johne and his said sone to the effect foirsaid, nochtwithstanding of the act of annexatioun of all kirklandis and fewfermes thairof to his hienes croun maid in the yeir of God jM vC fourscoir sewin yeiris, and nochtwithstanding of quhatsumevir actis and statutis maid sensyne quhairby all pensionis and dispositiounes of the fewmaillis and fewfermes of annexit landis or blenche dueteis of the erectit landis ar annullit and dischargeit, with the quhilkis lawes, statutis and utheris quhatsumevir alreadie maid or to be maid quhilkis may derogat heirto, his majestie and estaittis foirsaidis, ex certa scientia et proprio motu, dispenses be thir presentis for evir. Attoure, his majestie and estaittis foirsaidis decernis and declaris that this present gift and pensioun of the saidis fewmaillis, fewferme dueteis and utheris abonewrittin disponit to the said Maister Johne and his said sone sall nawayes be hurte nor prejudgeit be quhatsumevir erectionis and heretable dispositiounes of the saidis kirklandis, abbaceis, prioureis and utheris abone specefeit in blenche ferme to quhatsumevir persone or persones, nochtwithstanding the saidis erectiounes be maid and grantit be his majestie and his hienes estaittis in plane parliament, bot that nochtwithstanding tharof the said Maister Johne and his said sone sall have gude and indoubtit richt to the saidis fewmaillis, fewfermes and utheris dueteis of the kirklandis, abbaceis and utheris abonespecefeit, siclyk as gif the samin wer nocht erectit nor disponit in blenche ferme, and that during all the dayes of thair, or ather of thair, lyfetymes, decerning and ordaning the fewmaillis, fewfermes dueteis and utheris dueteis of the landis abonewrittin to be expreslie exceptit or reservit, lyk as his majestie and estaittis foirsaidis, be the tennour of this present act, per expressum exceptis and reserves the samin furth and fra all and sindrie erectionis and heretable dispositionis of the saidis landis to be maid in blenche ferme to quhatsumevir persone or persones, and that during the lyfetymes of the said Maister Johne and his said sone, and ather of thame in maner abonewrittin; and decernis and ordinis this present exceptioun and reservatioun to be alsua valide, sufficient and effectuall to the said Maister Johne and his said sone as gif the samin exceptionis and reservationis wer insert and contenit in the saidis erectionis and heretable dispositionis maid or to be maid to quhatsumevir persone or persones of the landis and utheris abonespecefeit, to the quhilkis erectionis and heretable dispositionis this present act sall mak express dirogatioun in favouris of the said Maister Johne and his sone during thair lyfetymes alanerlie as said is.

Ratification in favouris of James Hay of Kingask of his infeftment of the fewfermes of Grangemure etc.

Oure soverane lord and estaittis of parliament presentlie convenit ratefeis and appreves the infeftment maid by James, commendatar of Melrose, to umquhile James Lumisdene of Ardrie and his airis and assignais of the fewfermes of the landis of Grange and Grangemure, lyand within the schirefdome of Edinburgh and constabularie of Hadingtoun, quhilkis fewfermes now belang heretablie to James Hay of Kingask be alienatioun and dispositioun of the samin maid unto him be Robert Lummisden, now of Ardrie, brother and air to the said umquhile James Lummisden. And his majestie and estaittis declaris that the said infeftment sall be gude, valide and sufficient to the said James Hay and his airis for injoying, bruiking and possessing of the fewfermes of the landis abonespecefeit in all tyme heireftir.

Ratification in favouris of Patrik Kynnard of that Ilk of his infeftment of his landis of Kynnard etc.

Oure soverane lord, with advyse of the estaittis of this present parliament, hes ratefeit and approvin and, be the tennour heirof, ratefeis, appreves and, for his hienes and his successouris, perpetualie confermis the heretable chartour maid, gewin and grantit under the great seall to Patrik Kynnard of that Ilk, his airis maill, quhilkis failyeing to his airis and assignais quhatsumevir, off all and haill the landis and baronie of Kynnard, tour, fortalice, manerplace, orchardis, yairdis, woddis, dowcattis, mylnis, multuris, fischeingis, tennentis, tennendreis and service of frie tennentis, annexis, connexis, pairtis, pendiclis and pertinentis thairof, and of all and haill the passage of the watter of Tay of Dundie, in all and sindrie pointis, heidis, articlis, clauses, conditionis and provisionis contenit in the foirsaid chartour, as the samin of the date at Halyrudhous, the auchtene day of December, the yeir of God jM vC fourscoir fyftene yeiris in the self at mair lenth proportis, togidder with the precept and instrument of seasing following thairupoun. Attoure oure soverane lord and estaittis foirsaidis, understanding that sindrie of his hienes lieges upoun plane malice daylie trublis and molestis the passingeris, boittis, ferreis quhilkis pass and repass at the passage of the said watter of Tay of Dundie and makis impediment to thame to schip, boitt and land peciablie at the Craiggis and utheris pairtis and places quhair the passingeris, ferrieris and boittis hes bene accustomit to schip, boitt and land peciablie thir mony yeiris bigane, quhairupoun great truble, controversie and inconvenient may fall furth and arryse amongis the liegis of the realme hanting and repairing to the said passage and ferrie of the said watter of Dundie; for remede quhairof, oure said soverane lord, with advyse foirsaid, statutis and ordinis that nane of oure soverane his liegis of quhatsumevir state, qualitie, degrie or conditioun they be of tak upoun hand or presume to stop, truble or molest ony of oure soverane lord his liegis or subjectis in passing at the said ferrie of Dundie, schipping, boitting or landing of the boittis, ferrieris and passingeris quhilkis salhappin to pas at the said ferrie, bot to suffer and permitt thame peciablie in all tyme heireftir schip, boitt and land at the Craiggis and utheris partis and places quhair they have bene accustomed to land, schip and botte thir mony yeiris bigane, and to mak thame na stope nor impediment thairintill; and gif ony persone or persones dois in the contrair, to be callit and accusit thairfoir befoir the lordis of his hienes secrete counsaill as oppressouris and trubleris of oure soverane lordis liegis. And ordanis publicatioun to be maid heirof at all places neidfull.

Act in favouris of Maister Alexander Hay anent the dispositioun to him of the fewfermes of Ardett and Dron under reversioun of twentie thowsand merkis money

Oure soverane lord and estaittis of this present parliament conveyned, considering the great charges and expenses debursit by his majesteis servitour, Maister Alexander Hay, in attending by his majesteis directioun in his hienes service at court, and als respecting the great sowmes of money laid out by the said Maister Alexander in his majesteis said service, quhairof as yit he hes had na repayment nor recompance, being nochtourlie knawin to his majestie and to his haill estaittis; thairfoir, it is declarit by act and statute of this present parliament that is lauchfull, ressonable and most expedient that the kingis majestie, for the said Maister Alexander, his greater security of payment of those debursed be him, suld grant, annalie and dispone to the said Maister Alexander, his airis and assignais the haill fewfermes, silver caynis, customes and utheris dueteis payit by the tennentis and possessouris of the landis of Ardett and Drone, and quhairof the said Maister Alexander hes heirtofoir richt and securitie during all the dayes of his lyfetyme, the samin fewfermes, customes, silver dueteis, caynis and utheris dewtyes of the saidis landis of Ardett and Drone being alwayes redimable fra the said Maister Alexander Hay and his airis and assignais upoun the delyverie of the sowme of tuentie thowsand merkis usuale money of the realme of Scotland, and that conforme to the particular clause of redemptioun to be contenit in the said Maister Alexander, his richt, security and infeftment to be past and expede to him upoun the warrand of this present act, quhilk infeftment oure said soverane lord and estaittis conveynit declaris sall be in all tyme cuming ane valiable, effectuall and unretreatable securitie and richt to him and his airis to bruik and injoy the samin fewfermes and uther dueteis of the saidis landis of Ardett and Drone ay and quhill the lauchfull redemptioun of the samin be payment of the said sowme of twentie thowsand merkis to the said Maister Alexander and his foirsaidis, and that nochtwithstanding quhatsumevir actis of parliament maid at ony tyme heirtofoir, quhilkis may awayes appeir to be hurtfull or prejudiciall to this present act, to the quhilkis actis this present act sall mak and makis full derogatioun, becaus this present act is maid for the saidis causes quhilkis ar tryit be oure soverane lord and the estaittis to be sene, proffitable and necessar causes for the weill of the realme. And the saidis estaittis decernis, declaris and ordinis this present act to be ane effectuall and sufficient reversioun to oure soverane lord and his majesteis successouris for redemptioun of the saidis fewfermes, customes, silver duetie, caynis and utheris dueteis of the saidis landis of Ardet and Drone fra the said Maister Alexander Hay and his foirsaidis be payment to thame of the said sowme of twentie thowsand merkis money foirsaid, siclyk and in the samin maner as gif thair wer ane severall and particular letter of reversioun maid, seallit and subscryvit be the said Maister Alexander for redemptioun thairof.

Ratification in favouris of Marjorie Marjoribankis, relict of umquhile Maister Johne Durie, minister, of hir pensioun

Oure soverane lord, with advyse of the estaitis of this present parliament, ratefeis and appreves the letter of pensioun grantit be his hienes of the yeirlie dewtye of sewinscoir pundis payed furth of the fewmaillis of the lordschip of Altrie in favouris of umquhile Maister Johne Durie, minister of Christis evangell, Marjorie Marjoribankis, his spous, and Maister Josua Durie, thair sone, and the langest levar of thame thrie, quhilk letter of pensioun wes also ratefeit and approvin and confermit befoir be oure soverane lord and estaittis of parliament, the fyft of Junii jM vC fourscoir tuelf yeiris; lyk as his hienes, with advyse foirsaid, of new gives and grantis the said yeirlie pensioun to the said Marioun during all the dayes of hir lyfetyme and to the said Maister Josua during all the dayes of his lyfetyme, nochtwithstanding of ony act or constitutioun maid or to be maid for annulling or rescinding of pensiounes grantit furth of the annexit temporalitie or new erectionis, to the quhilk these presentis sall mak express dirogatioun in safer as may be extendit to the said yeirly duetie of sewinscoir pundis as the fewmaillis of the lordschip of Altrie.

Ratificatioun in favouris of the Marquess of Hammyltoun and Huntlie of thair marquisadis

Oure soverane lord and estaittis of this present parliament, remembering the mony trew and thankfull services done to his grace and his majesteis maist nobill progenitouris of worthie memorie be his hienes darrest cousingis and counsaillouris umquhile Johne, marques of Hammyltoun, father to James, now marques of Hammyltoun, and him self, and be George, marques of Huntlie, and thair predecessouris, and to gif thame and thair posterioritie the better occasioun to continew in the lyk trew, thankfull and gude service to his majestie and his successouris, oure said soverane lord in the moneth of [...] in the yeir of God jM vC fourscoir nyntene yeiris, creat, institute, erectit and inaugurat the saidis umquhile Johne, than erle of Arran, lord Hammyltoun, and George, than marques of Huntlie, in marqueses, and than gaif thame the place, honour and dignitie of marqueses, the said umquhile Johne to be stilit in his lyfetyme, and eftir his deceis his airis and successouris, marques of Hammyltoun, erle of Arrane, lord Ewen, and the said George, erle of Huntlie to be stylit in his lyfetyme, and eftir his deceis his airis and successouris, marqueis of Huntlie, erle of Enyie, lord Gordoun and Badyenocht etc., with badge, armes and all utheris solemniteis requisit and than sett doun in thair said creatioun, and they, thair airis and successouris to have fra thyne furth in all tyme cumming voite, place and suffrage in all parliamentis, conventionis, generall counsaillis and utherwayes as marquess, as at mair lenth is contenit in thair said creatioun, institutioun and erectioun, quhilk oure said soverane lord and estaittis foirsaidis convenit in this present parliament ratefeis, appreves and perpetualie confermis to, and in favouris of, the saidis marquesses and thair successouris; and statutis and ordanis that they, thair airis and successouris sall in all tyme cumming bruik, joise, posses and use the honouris, places, styles, digniteis and immuniteis quhatsumevir of marqueses according to thair institutioun and creatioun foirsaid in all parliamentis, conventionis, counsaillis and utherwayes as marqueses, but stope, trubill or impediment evir to be maid to thame thairanent; and declaris and ordinis thir presentis to be als sufficient, valide and sufficient and effectuall richt, titill and securitie to thame for bruiking and joising of the places, styles, honouris and digniteis of marqueses as gif thair said creatioun and inauguratioun had bene grantit to thame in plane parliament, and as gif thair said creatioun wer de verbo in verbum insert heirin.

Ratificatioun to the Erle of Angus and to the Lord Dowglas, his sone, of thair infeftment

Oure soverane lord and estaittis of this present parliament, for mony great and wechtie causes, ratefeis and appreves and for his hienes and his successouris perpetualie confermis the chartour maid and grantit be his hienes under his majesteis great seall to his richt traist cousing and counsaillour Williame, erle of Angus in lyfrent, and to Williame, lord Dowglas, his eldest sone and apperand air, and his airis maill heretablie, off all and haill the landis, baroneis and lordschippis of Kiremure, Abernethie, Thometaloun, Bothwell, Prestoun, Boncle, Dowglas and of all utheris landis, baroneis, lordschippis, privileges, liberteis and immuniteis generalie and specialie comprehendit in the foirnameit chartour, as the samin of the date at [...] the [...] day of [...] jM [...] yeiris in the self at mair lenth proportis, with the preceptis and instrumentis of seasing following thairupoun in all and sindrie pointis, heidis, articlis, clauses, provisionis and conditiounes thairin contenit; and findis, decernis and declaris the foirsaid infeftment to be ane perfyte, valide and sufficient richt and securitie to the said Williame, erle of Angus and Williame, lord Dowglas, and his airis maill for bruiking and joising of all and sindrie landis, baroneis, lordschippis, castellis, touris, fortalices, mylnis, woddis, fischeingis, privileges, immuniteis, liberteis and utheris quhatsumevir, alsweill generalie as specialie comprehendit in the foirsaid chartour, conforme to the tennour thairof in all pointis; and als willis and declaris that this present confirmatioun and ratificatioun is, and sall be, of als great strenth, force and effect as gif the foirnameit chartour, precept and instrument of seasing following thairupoun wer word be word insert and ingrostit heirin; quhairanent oure said soverane, with advyse foirsaid, for now and evir be thir presentis dispenses.

Act in favouris of the Erle of Cathnes

Oure soverane lord and estaittis of parliament presentlie convenit, for certane causes and considerationis, hes thocht meit and expedient to alter and change the name of the castell of Girnigo in Caithnes, and statutis and ordinis that in all tyme cumming the said castell sall be callit Castell Sinclair.

Ratificatioun in favouris of the Lord Lyndesay

Oure soverane lord and estaittis of this present parliament, considering the gude, trew and thankfull service done to his majestie and his predecessouris of worthie memorie be his grace traist cousing and counsaillour Johne, lord Lyndesay of the Byres, his umquhile father, gudschir, grandschir and thair predecessouris, and willing that the said Johne, lord Lyndesay, his airis and successouris be in sum measour gratefeit for the said gude, trew and thankfull service that heireftir they may continew in the lyk for all ages to cum, and for sindrie utheris sene and proffitable causes digestlie considerate, throuchlie advysit and concludit be his majestie, with advyse of all the saidis estaittis, have thairfoir ratefeit, approvin and perpetualie confermit, and be the tennour heirof ratefeis, appreves and perpetualie confermis, the chartour and infeftment under the great seall grantit be his majestie to the said Johne, lord Lyndesay, his airis maill and of tailyie mentionat in the said chartour and thair assignais quhatsumevir heretablie, off all and haill the landis of Auchter Utherstruther, with the castell, toure, fortalice, maner place, mylnis, multuris, woddis, fischeingis, cunyngeris, pairtis, pendielis and pertinentis thairof quhatsumevir, and of the landis of Kirkforther, superiouritie of the landis of Lethame and utheris quhatsumevir, alsweill specialie as generalie sett doun and exprest in the said chartour, in all and sindrie heidis, pointis, clauses, articlis, circumstances and conditionis thairof, quhilk is of the date at Halyrudhous, the fyft day of Aprile the yeir of God jM vjC and thrie yeiris, togidder with the seasing and utheris wryttis and securiteis following thairupoun gevin and grantit to, and in favouris of, the said Johne, lord Lyndesay and his foirsaidis; and declairis and ordinis this present ratificatioun to be als gude, valide, effectuall and sufficient as gif the said chartour and infeftment de verbo in verbum [word for word] had bene exprest and sett doun heirintill; and als decernis and declaris the said infeftment to be gude and sufficient richt, titill and securitie to the said Johne, lord Lyndesay and his foirsaidis to bruik, joise, posses and use the landis and utheris quhatsumevir contenit in the said chartour and infeftment as thair heretage at thair plesure, nochtwithstanding of quhatsumevir law, statute, act or ordinance maid, or to be maid in this present parliament, bot that the said infeftment sall stand in the full force, strenth and effect nochtwithstanding thairof in all tyme cumming.

Act in favouris of Schir Johne Moncreiff

Oure soverane lord, with advyse of the estaittis of this present parliament, ratefeis and appreves that gift and letter of pensioun gewin be his hienes, with advyse of his grace controller, to Schir Johne Moncreif, now of Kynmonth, knycht, of the sowme of thrie hundreth merkis during all the dayes of his lyfetyme, with the assignatioun thairin contenit, as the letter and gift maid and grantit to the said Schir Johne, than stylit Maister Johne Moncreif of Eistermoncreif, of the date at Perth, the sext day of August, the yeir of God jM vjC and ane yeiris, at mair lenth beiris, quhilk is haldin as ingrost and insert heirin word be word, to be payit be him as is contenit in the said former gift and letter of pensioun maid to him thairanent; decerning and ordaning the samin to stand in full strenth and effect to him, nochtwithstanding of quhatsumevir act, statut, constitutioun or law maid, or to be maid, in the contrair heirof, or that may dirogat the samin in ony tyme heireftir.

Ratificatioun in favouris of Williame Lermonth of Hill

Oure soverane lord and estaittis of this present parliament ratefeis, appreves and confermis the letter of rehabilitatioun and restitutioun grantit be his majestie under his hienes great seall of his kingdome of Scotland to Williame Lermonth of the Hill, being foirfaltit for the treassonable assisting of Francis, sumtyme erle of Bothuell, and declairis that the said Williame is fullelie restorit by his majesteis most gratious mercie and pardoun to his blood agane, whiche, by his former crymes of treassoun, wes blemisched; and ordinis this present act to be extendit in ampill forme with all clauses neidfull conforme to the tennour of those lettres of rehabilitioun under his majesteis great seall as said is.

Act in favouris of the towne and bischop of Dunkeld

Oure soverane lord and estaittis of this present parliament ratefeis, appreves and confermis, and of new gevis, grantis and disponis to ane reverend father in God, Petir, bischope of Dunkeld, and to the citineris of the towne of Dunkeld the privilege and liberties grantit to the bischoppis of Dunkeld and citineris thairof of befoir be oure soverane lordis maist nobill progenitouris, of thair haill fairis and oulkie marcatt in use to be haldin within the said citie and fredomes thairof, with the haill jurisdictionis, fredomes, toll and customes of the samin. And siclyk oure soverane lord and estaittis of this present parliament, being informit how necessar it is to have ane marcat or fair to stand in and about the said towne of Dunkeld at Martymes yeirlie, being ane propir tyme of the selling of gudis for sustentatioun of oure soverane lordis liegis, quhair ane great number of the heland men of this cuntrey wald resorte rather than to ony uther pairt, thairfoir oure said soverane lord and estaittis of this present parliament geves and grantis full libertie to the said reverend father and citineris of the said towne of Dunkeld to hald ane marcat and publict fair within and about the said citie within the fredome thairof, to begin yeirlie heireftir upoun Monunday eftir Mertymes day, being the ellevint day of November, and thaireftir to continew for the space of aucht dayes with the haill jurisdictionis, fredomes, toll and customes of the samyn.

Ratificatioun of the erectioun of the schole of Dunkeld

Oure soverane lord and estaittis of this present parliament, considering that his majestie, upoun gude and godlie respectis tending to the publict weill of this realme, hes erectit ane grammerschole within the citie of Dunkeld and, for the sustentatioun of the maister and teacher of the youth within the samin, his hienes hes dotit and disponit certane annuallis rentis and dueteis specefeit in the foirsaid erectioun, quhilk erectioun his majestie, be his hienes chartour under the great seall maid with advyse of his officiaris of estait, hes ratefeit and appreveit, as in the said erectioun and chartour of ratificatioun at lenth is contenit. And as the said erectioun wes maid for gude respectis to the glorie of God and commoun weill of the realme, sua his majestie and estaittis foirsaidis ar nawayes willing that his hienes godlie deid sall be alterit or diminissit ony maner of way in tyme cumming, thairfoir oure said soverane lord and estaittis foirsaidis hes ratefeit and approvin and, be the tennour heirof, ratefeis and appreves the foirsaid erectioun and his hienes confirmatioun thairof abonespecefeit, in all and sindrie the heidis, clauses, articlis and circumstances thairof thairin mentionat, eftir the forme and tennour of the samyn in all pointis; and his majestie and estaitis foirsaidis willis, grantis and declaris that the erectioun and gift abonespecefeit is and sall be ane sufficient richt to the maisteris of the foirsaid grammer schole present and to cum for ressaveing and uplifting of the rentis and dueteis dotit thairto, conforme to the tennour of the said erectioun in all pointis, nochtwithstanding quhatsumevir act or statute maid in the contrair, declaring all actis and statutis maid to the hurte and prejudice of the yeirlie rent dotit to the sustentatioun of the said grammer schole in that point thairof to be null.

Act in favouris of the capitane and keiparis of the castell of Dunbartane

Oure soverane lord and estaittis of this present parliament, considering how necessar it is for the weill of Scotland that the castell of Dunbartane, quhilk is the key and speciall hald of that pairt of oure cuntrey, be intertenyit, thairfoir oure said soverane lord, with advyse and consent of the saidis estaittis, hes ratefeit and approvin and, be the tennour heirof, for his hienes and his successouris, ratefeis, appreves and perpetualie confermis the lettres of gift and dispositioun maid, gevin and grantit be oure said soverane lord, with advyse of his majesties cousing and counsaillour David, lord of Scone, comptroller to the captane, constable and keiparis of the said castell of Dunbartane present and to cum and thair successouris, off all and haill the fewfermes, proffeittis and dueteis of the landis of the Ile of Bute, lyand within the schirefdome thairof, extending to ellevine chalderis, fyftene bollis beir, ten chalderis of aittis, tuentie four bollis of meill, ane hundreth fourtie pundis silver maill and fourtie ane sufficient merkis to be uptakin be thame fra the fewaris, tennentis and possessouris of the landis of the Ile of Bute at the termes of payment useit and wont, as the foirsaidis lettres of gift, assignatioun and dispositioun thairin contenit, past under his hienes privie seall of the date at Quhythall, the last day of December, the yeir of God jM vjC and four yeiris, in thame selffis at mair lenth proportis in all and sindrie pointis, heidis, articlis, clauses, circumstances and conditionis thairof; and findis, decernis and declaris the foirsaidis lettres of gift, assignatioun and dispositioun thairin contenit to be ane perfyte, sufficient and valide richt and securitie to the captane, constable and keiparis of the said strenth and castell of Dunbartane present and to cum and thair successouris for bruiking and joising of the foirsaidis fewfermes and utheris dueteis thairin contenit, and that for all the dayes and termes sen the date thairof, and siclyk yeirlie and termelie in all tymes cumming siclyk and als frelie in all respectis as gif the fewfermes, silver maill and utheris dueteis exprest in the saidis lettres of gift had bene assignit be ane speciall act and statute of parliament for keiping of the said castell of Dunbartane, nochtwithstanding quhatsumevir act of parliament, statute or constitutioun maid in this present parliament or at ony tyme of befoir, quhilkis sall nawayes be hurtfull nor prejudiciall to the foirsaid lettres of gift, nor mak dirogatioun thairto in ony sorte; and willis and grantis that this present confirmatioun is and sall be of als great strenth, force and effect as gif the saidis lettres of gift had bene word be word ingrossit and insert heirin, quhairanent oure soverane lord, with advyse foirsaid, be thir presentis, dispenses; lyk as oure said soverane lord, with advyse and consent foirsaid, be the tennour heirof, statutis and ordanis that the foirsaidis fewfermes of victuall and silver maill and martis comprehendit in the foirnameit lettres of gift sall remane and abyd in all tyme cumming with the captane, constable and keiparis of the said strenth and castell of Dunbartane for sustening of thair charges in keiping thairof. Attoure oure said soverane lord and estaittis foirsaidis ratefeis, appreves and confermis the act of parliament maid in his hienes nynt parliament haldin at Edinburgh, the tuentie twa day of August, the yeir of God jM vC fourscoir four yeiris, anent the money and victuall assignit to the keiping of the castell of Edinburgh, Striviling, Dunbartane and Blaknes, insafar as the foirsaid act of parliament is extendit to the maillis, fermes, proffeittis and dueteis of the landis of Cardross and Mekill Cumray, to the pensioun, ferme, meill of Kirkpatrik and fyve hundreth and fyftie merkis out of the superplus of the thriddis of the benefices assignit for keiping of the said castell of Dunbartane and ordanit be the tennour of the samin act to remane and abyd in all tymes cumming with the captanes and keiparis of the said castell of Dunbartane for sustening of the charges of thair offices.

Act in favouris of George and Maister Petir Hayis

Forsamuche as in the annexatioun of the landis of Scone to oure soverane lordis crowne, the same be falling in his hienes handis by the foirfaytour of the late traytour Erle of Gowrie, speciall exceptioun wes maid furth thairof of the landis of Nather Leif, pertening heretablie to George Hay, gentilman of his majesties privie chamber, and of the landis of Nather Duirdy, pertenig to Maister Petir Hay, and of the teyndis and teyndscheves of the saidis landis, and that for speciall infeftmentis to be gevin to the saidis George and Maister Petir of the samin, to be haldin of oure soverane lord by thame as his hienes immediat tennentis and vassellis of the samin; thairfoir oure said soverane lord and estaittis of parliament presentlie conveyned ratefie and appreve the said exceptioun maid frome the said annexatioun and infeftmentis following thairupoun, declairing heirby that the saidis George and Maister Petir Hayes, thair airis, successouris and assignais, heretable proprietaris of the saidis landis and teyndis, sall, in all tymes heireftir, be immediat tennentis and vassellis to his majestie, nochtwithstanding quhatsoevir gift grantit by oure said soverane lord, ather of the few or blenche duetie of the saidis landis, or utherwayes of the landis thame selffis, oure soverane lord and estaitis heirby declaring that, nochtwithstanding ony grant maid to the contraire heirof, the saidis George and Maister Petir and thair foirsaidis heretable proprietaris sall remane evir in all tyme heireftir immediat tennentis to oure said soverane lord and his hienes successouris. At Grenweich, the xxiiij day of Maii jM vjC and sex yeiris.

Ratificatioun in favouris of the young laird of Calderwood of certane takkis of teyndis

Oure soverane lord and estaittis of this present parliament ratefeis, appreves and perpetualie confermis the letter of tak and assedatioun maid and sett be Francis, sumtyme erle Bothuell, than commendatar of Kelso, to Edward Maxwell, eldest lauchfull sone to Schir James Maxwell of Calderwood, knycht, for all the dayes of the said Edwardis lyfetyme, and eftir his deceis to his airis and assignais for the space of nynetene yeiris, of all and sindrie the teyndis, baith personage and vicarage, of the parochkirk and parochin of Carluk; and als the letter of tak and assedatioun contenand ane express ratificatioun of the former tak maid and sett be umquhile Johne, lord Thirlistane, commendator of Kelso for the tyme, to the said Edward Maxwell and his foirsaidis for the space abonewrittin, off all and sindrie the foirsaidis teyndis, baith personage and vicarage; and siclyk the thrid letter of tak ratefeand and apprevand the tua former letteris of takkis sett and maid be Williame, now commendatar of Kelso, with consent of Andro Ker of Romannogrange, his iconymus, to the said Edward Maxwell and his foirsaidis for the spaces and yeiris abonerehersit, off all and sindrie the samin teyndis, baith personage and vicarage, of the said parochkirk and parochin of Carluik, as the samin letter of tak and assedationis and ratificationis thairof in thame selffis at mair lenth proportis, in all and sindrie pointis, heidis, articlis, clauses, circumstances, conditionis and provisionis insert and contenit in the foirnameit letteris of tak and ratificationis, or ony of thame; and findis, decernis and declaris the foirsaidis letteris of takkis and ratificatiounes thairof to be gude, valide and sufficient richtis to the said Edward Maxwell and his foirsaidis for bruiking and joising of the saidis teyndis, baith personage and vicarage, during the haill space, tymes and yeiris thairin mentionat; and willis and declaris this present ratificatioun and confirmatioun thairof to be of als great strenth, force and effect to the said Edward Maxwell and his foirsaidis as gif the saidis letteris of takkis and ratificatiounes thairof wer word be word insert heirin; quhairanent his majestie, with advyse foirsaid, for now and evir be thir presentis dispenses.

Act in favouris of Barnard Lyndesay of the Kingis Wark in Leith

Oure soverane lord and estaittis of this present parliament findis and declaris that the infeftment of fewferme maid to his hienes trustie servitour Barnard Lyndesay, ane of his majestie gromes of bedchamber, off the landis and boundis callit the Kingis Work in Leyth, with houses, biggingis, partis, pendiclis and pertinentis quhatsumevir contenit in the said Barnardis infeftment of the samin, to be gude, valide and sufficient to the said Barnard for bruiking and injoying of the samin; and oure said soverane lord and estaittis foirsaidis declaris and ordinis the said Barnard his infeftment to be als lauchfull and valiable to the said Barnard, his airis and assignais as gif thair had precedit ane speciall dissolutioun of the annexatioun of the said Wark and houses of Leith to the crowne, gif ony sic be, befoir the granting of the said infeftment, quhilk oure soverane lord and estaittis foirsaidis findis to be sufficientlie supplyit by this present act and ordinance.

Ratificatioun in favouris of Schir Alexander Stratoun of Laurenstoun, knycht, of his pensioun

Oure soverane lord and estaittis of parliament presentlie convenit ratefeis, appreves and confermis that letter of gift and pensioun grantit be his majestie to his trustie counsaillour Schir Alexander Stratoun of Laurenstoun, knycht, for all the dayes of his lyfetyme, of the blenche duetie of the lordschip of Scone, extending to ane thowsand merkis Scottis be yeir; and declaris that the samin sall be ane sufficient and valide richt to the said Schir Alexander for bruiking and injoying of the said yeirlie pensioun be himself, his factouris or assignais in all tyme cumming during his lyfetyme without ony retractioun quhatsumevir.

Ratificatioun in favouris of the laird of Balmaghie

Oure soverane lord and estaittis of this present parliament ratefeis, apprevis and confermis the chartour and infeftment under the great seall, maid and grantit be his hienes, with advyse of his majesteis thesaurar and collectour generall, to Alexander Maghie of Balmaghie and his airis maill and of tailyie thairin specefeit, off all and haill the landis and baronie of Levingstoun and sextene schilling, aucht penny land of Slogarrie, with the advocatioun, donatioun and richt of the patronage of the personage and vicarage of the kirk and parochin of Balmaghie, all lyand within the stewartrye of Kirkcubright, as the said infeftment of the date at Edinburgh, the tuentie nynt day of Maii last bipast 1606 yeiris at mair lenth proportis, in all and sindrie pointis, passes, heidis, articlis, clauses, provisionis, privileges and conditionis quhatsumevir thairin contenit. And oure said soverane lord and estaittis foirsaidis declaris that the foirsaid infeftment sall stand ane effectuall richt and securitie to the said Alexander Maghie, his saidis airis maill and of tailyie thairin mentionat, for bruiking and joising of the landis, baronie, patronages and utheris particularlie thairin specefeit, eftir the forme and tennour thairof in all pointis, and be als valide and sufficient as gif the samin had bene at lenth word be word ingrossit heirintill.

Act in favouris of the Laird of Burlie

Oure soverane lord and estaittis convenit in this present parliament, haveing consideratioun of the gude and thankfull service done to his hienes be his lovit Schir Michell Balfour of Balgarvy, knycht, in mony respectis, bot namelie in provisioun be his labour, travell and expenses of this his hienes kingdome of Scotland with gude and sufficient armour transportit be him out of forane cuntreyis, being specialie imployit to that effect, quhilk armour wes nocht onlie imbrocht be the said Schir Michell, but also ane gude pairt thairof ressavit be his hienes to his majesteis behuif, the price quhairof extendis to the sowme of fyve thowsand merkis usuale money of Scotland. And his hienes being willing to have the said Schir Michell provydit be sufficient securitie for payment of the said sowme, and knawing perfytlie that the said Schir Michell, be infeftment of fewferme grantit be his hienes predecessouris to quhome he succeddis of the landis of the Star, with the pertinentis, lyand within the schirefdome of Fyf, is oblist to pay yeirlie to his majestie and his successouris the sowme of ten pundis money of this realme, tuentie aucht bollis quheat, threttie ane bollis, tua firlottis, tua pairt firlott beir, tua dossone of capones, four dossone of pultrie for the fewfermes and dueteis of the saidis landis of Star, with the pertinentis, his hienes and estaittis foirsaidis, for his better securitie of the said sowme and payment of the annualrent justlie addebtit thairfoir ay and quhill the wedsett eftirmentionat be lauchfullie redemit, hes thocht meit and expedient that the fewfermes of the saidis landis of Star sall be wodsett be his hienes to the said Schir Michell, his airis and assignais ay and quhill they be lauchfullie payit of the said sowme of fyve thowsand merkis and to be peciablie bruikit and joisit be him in the mentyme in satisfactioun of the annualrent justlie addebtit for the said sowme under reversioun, alwayes contenand the said sowme of fyve thowsand merkis for redemptioun of the saidis fewfermes quhilk is leist hurte to his majestie and his patrimonie, the saidis fewfermes being alwayes redimable be his hienes and his successouris fra the said Schir Michell and his foirsaidis. And for the said Schir Michell his better securitie of the said wedsett, his hienes and estaittis foirsaidis hes dissolvit and presentlie dissolvis the saidis fewfermes of the landis of Star fra the annexatioun maid of his hienes propirtie to the crowne, lawes and constitutionis maid thairanent, to the effect the said wedsett may tak full effect in the persone of the said Schir Michell and his foirsaidis and all lauchfull securitie to be maid and expede to him thairupoun; and inrespect thairof, his hienes and estaittis foirsaidis, as alsua with express consent and assent of David, lord of Scone, his hienes comptroller, ordanis ane chartour to be maid under his hienes great seall in dew forme in favouris of the said Schir Michell and his foirsaidis, makand mentioun of the said wedsett and expreslie giffand, grantand and disponand to the said Schir Michell, his airis and assignais all and haill the saidis fewferme dueteis of the saidis landis of Star, extending to the quantitie abonespecefeit, and that in satisfactioun of the yeirlie annuelrentis justlie addebtit for the said sowme of fyve thowsand merkis during the non redemptioun thairof, redimable alwayes be his hienes and his successouris be payment of the said principall sowme of fyve thowsand merkis to the said Schir Michell and his foirsaidis, to be haldin be the said Schir Michell and his foirsaidis, all and sindrie the saidis fewferme dueteis, extending yeirlie for the saidis landis of Star to the sowme of ten pundis money foirsaid, tuentie aucht bollis quheat, threttie ane bollis, tua firlottis, tua pairt firlott beir, tua dossone of capones and four dossone of pultrie, off oure soverane lord and his successouris in frie heretage and frie blenche ferme for evir, frelie, quietlie etc., but ony revocatioun etc., gevand thairfoir, the said Schir Michell and his foirsaidis, to oure soverane lord and his successouris ane penny usuale money of this realme at the terme of Witsonday yeirlie upoun the ground of the saidis landis in name of blenche ferme, gif it beis askit, alanerlie; provyding alwayes (lyk as his hienes and estaittis foirsaidis, with advyse foirsaid, ordanis the provisioun eftir mentionat to be insert in the said chartour) that howsone or at quhat tyme it salhappin his majestie or his successouris to thankfullie pay and delyver to the said Schir Michell, his airis or assignais, upoun ane day betuix the sone rising and dounpassing thairof befoir the feist of Witsonday or Mertymes in numerat money the foirsaid sowme of fyve thowsand merkis within the paroch kirk of Sanctgeill in Edinburgh, than, and in that caise, the said Schir Michell and his foirsaidis sall be haldin to resigne, renunce, quitclame and overgif to his hienes and his successouris the saidis fewferme dueteis of the landis of Star, with the pertinentis, togidder with the said infeftment and securitie foirsaid, with all utheris chartouris, preceptis, instrumentis of seasing and utheris securiteis quhatsumevir of the saidis fewfermes, with all richt clame of richt quhilk he hes or may pretend thairto in tyme cumming, the premonitioun and warnig to be maid to the said Schir Michell and his foirsaidis for making of the said redemptioun to procede upoun fourtie dayes warning befoir the feistis of Witsonday or Mertymes, and that he and his foirsaidis be lauchfullie warnit thairto, ather personalie apprehendit or at thair duelling places in presens of ane notar and witnesses as efferis, and the said Schir Michell and his foirsaidis sall nawayes fraudfullie absent thame selffis fra the ressait of the said sowme; and incaise of thair absence or refusall, the consignatioun to be in the handis of the thesaurar or dene of gild of the said burgh to the effect the samin may be furthcummand to the utilitie and proffeitt of the said Schir Michell and his foirsaidis. And forder, his hienes and estaittis foirsaidis, with advyse foirsaid, findis and declaris that the foirsaid infeftment, or ony uther infeftment to be purchessit heireftir according to this present securitie, sall be valide and sufficient richtis and titillis to the said Schir Michell and his foirsaidis for bruiking and joising of the saidis fewferme dueteis of the saidis landis of Star, with the pertinentis, ay and quhill the lauchfull redemptioun thairof be payment of the said sowme of fyve thowsand merkis, nochtwithstanding of quhatsumevir law, statute or constitutioun maid or to be maid in the contrair, renunceand for him and his saidis successouris all exceptioun that may be proponit thair aganis, and dischargeing his hienes advocat, present and to cum, to compeir in the contrair and of his office in that part. And finalie that this present securitie and infeftment foirsaid to be expede thairupoun sall be ane als sufficient exoneratioun to the said Schir Michell and his foirsaidis anent the yeirlie payment of the saidis fewfermes, as gif the samin wer yeirlie payit to his hienes comptroller and his deputtis and yeirlie acquittances reportit thairupoun, and ordinis lettres to be direct heirupoun in forme as efferis.

Act of dissolutioun of the Lowmondis

Oure soverane lord and estaittis of this present parliament convenit and haldin within his majesteis realme of Scotland, understanding that it is necessar that the haill landis lyand waist of his majesteis propirtie, quhairof his majestie ressaves na yeirlie proffeitt, be sett in fewferme heretablie to sic persones as will gif maist; thairfoir, for the augmentatioun of his majesteis propir rent within this realme, hes with ane advyse and consent be thair decrete in parliament dissolvit and, be the tennour of this present act, dissolvis frome his majesteis crowne and patrimonie of the samin, all and haill the hillis of the Lowmoundis and mures of Falkland, with the propir pairtis and pertinentis thairof, annexit of befoir to his hienes crowne and patrimonie thairof, now and in all tyme heireftir to remane separat and dissolvit frome all former annexatiounis thairof, to the effect the samin may be sett in fewferme heretablie, in haill or in pairt, to sic persone or persones as will gif maist thairfoir in augmentatioun of his majesteis propir rent.

Act in favouris of the Erle of Errole anent blankis

Oure soverane lord, remembering that his richt traist cousing and counsaillour Francis, erle of Erroll, lord Hay, greate constable of his majesteis realme of Scotland, is laitlie discendit of his hienes bloode, and that his umquhile richt traist cousing and counsaillour Andro, erle of Erroll quha last deceissit, father to the said Francis, eftir his age of threscoir yeiris, did compleit mariage with Maistres Agnes Sinclair, dochter to umquhile George, erle of Caithnes, upoun ressonable conditionis mentionat in the contract of that mariage and litill to the decay of his estait, bot the said erle and the said Maistres Agnes, continewing a certane space togidder, scho tuk occasioun be his infirmitie and waik judgement, he being than nocht so solide as wes necessar for the weill of his estait, to invent and devyse mony fraudfull meanis in the hurte and prejudice of the airis and successouris of the first mariage in thair successioun to the said erledome of Erroll, office of constabularie and landis and leving of the samin, specialie be a great number of inventit and colourit bandis and obligationis, charteris, preceptis and instrumentis of seasing of a great pairt of the foirsaid erldome and landis thairof, to hirself and the successioun procreat of the said secund mariage, tending to the perpetuall wrak and destructioun of the said ancient and nobill house of Erroll, quhilk mony ages of befoir had continewit a nobill famelie and haill leving; and the secreittis of the saidis pernicious inventionis pairtlie cumming to licht and revelit unto his hienes, being within the realme of Scotland at sindrie tymes in the yeir of God jM vC fourscoir thre yeiris, his majesteis effectioun towardis the said erldome moveit his hienes to be mair cairfull in his duetie in the conservatioun and mantenance of the honorabill estait thairof; at the quhilk tyme his hienes enterit in tryell quhat had bene inventit and done to the hurte and prejudice of the estait of the said erledome, and eftir lang inquisitioun and tryell a great pairt of the saidis fraudulent inventionis wer disclosit and mony of the controverseis that mycht aryse betuix his hienes richt traist cousing and counsaillour Francis, now erle of Erroll, and the said umquhile Andro, his father, Dame Agnes Sinclair, his spous, and thair bairnis of the said secund mariage wer appeisit and pacefeit, as at mair lenth is contenit in ane decrete arbitrall gevin and pronuncit be oure said soverane lord upoun the [...] day of December, the yeir of God jM vC fourscoir thrie yeiris, and in ane declaratioun maid thaireftir, upoun the tuentie fyft day of Marche, the yeir of God jM vC fourscoir four yeiris, off certane obscure clauses contenit in the samin decrete, quhairby oure said soverane lord, the said Francis, erle of Erroll and freindis of his house thocht thame void of ony uther fraudfull inventioun to be devysit be the said Dame Agnes at ony tyme thaireftir, and that all questionis and controverseis that mycht follow wer alluterlie bureit be the said decreit arbitrall and declaratioun, be the quhilkis thair wes a perfyte reull sett doun quhat suld abyd with the airis and successouris of the said erle, and quhat suld be gevin for supporte of all the bairnis baith of the first and secund mariage, and quhat sould remane with the said Dame Agnes for hir lyfetyme; bot scho perseverand mair and mair in hir malice and incurageing hir self, be the detriment of hir said husbandis wit and judgement in his aige, moveit him to subscryve with his hand a great number of blankis, sum in parchement and sum in paper, quhilkis the said Dame Agnes hes in hir handis, at the leist hes fillit the samin, or sum number thairof, as scho hes thocht gude for hir awin commoditie and of hir bairnis procreat of the said secund mariage, or utheris hir speciall friendis and kynismen for thair weill and commoditie directlie, or as immediat persounes quhilkis micht transmit in hir foirsaidis bairnis or utheris; and being laitlie persewit at the instance of the said Francis, erle of Errol, befoir the lordis of counsaill and sessioun within this realme for productioun and exhibitioun of auchtene blankis, sum in paper and sum in parchement, subscryvit be the said umquhile Andro, erle of Erroll, quhilkis wer delyverit in hir handis, and scho had the samin, at the leist had fraudfullie put the saidis blankis away, and the said Dame Agnes, hir haill defenses and ressonis proponit in that mater being repellit, the summondis wes admittit to the said Francis, erle of Errole, his probatioun. And becaus the mater grew with so great a consequence, and that the said Dame Agnes, in presens of the saidis lordis, maid mony and terribill contestationis be hir aith that scho nevir had nor saw ony blankis subscryvit be the said umquhile erle, hir spous, the lordis wer moveit to declair that the said summondis suld be provin aganis hir be a sufficient number of witnesses that sould be nocht onlie omni exceptione majores, bot everie witnes that suld depone in that mater suld be valiant in land and geir ane thowsand merkis money of Scotland; upoun the quhilk persute the saidis lordis of counsaill and sessioun, eftir examinatioun of mony witnesses of the qualitie contenit in the said declaratioun, and eftir the sicht of mony wryttis and evidentis producit be the said Francis, erle of Eroll for probatioun of his said summondis, hes pronuncit and gevin thair decrete upoun the [...] day of Merche, the yeir of God jM vjC and sex yeiris in favouris of the said Francis, erle of Errole, aganis the said Dame Agnes, decerning hir to exhibit and produce befoir the saidis lordis sewin of the saidis auchtene blankis, off the quhilkis sewin thair ar four in paper and thrie in parchement, and eftir the exhibitioun thairof, to delyver the samin to the said Francis, erle of Errole and his successouris in the said erldome, to be cancellat and destroyit or utherwayes useit be thame at thair plesure. Yit, nochtwithstanding of all the premisses and decrete befoir specefeit, the doubtis and questionis of the damage and interes that may fall to the said Frances, erle of Erroll and his successouris in the said erldome ar nocht takin away, bot the samin remanis to importe the extreme perrell and danger for the said wrak and ruyne of the said house and erldome of Erroll throw the multitude of the saidis blankis and the generaliteis of the subjectis and materis quhairwith the samin may be fillit, and throw the infinit persones in quhais favouris the samin may be fillit, nane of thame haveand ony determinatioun, designatioun or inscriptioun for the quhilk they wer destinat, except there be sum uther remede competent be the law quhairby it may certanelie be knawin quhat is becum of all the saidis blankis, quhidder they be fillit or yit standing blank, and gif they be fillit to knaw with quhat mater or subject. And thair being sindrie remedeis for that purpose, oure soverane lord, with advyse of his thrie estaittis of parliamentis, hes thocht this remede eftirmentionat to be verie propir for a beginning to the effect foirsaid, and thairfoir have ordanit and directit and, be the tennour of thir presentis, ordanis and directis the lordis of his majesteis counsaill and sessioun within the said realme of Scotland, supreme judges in all causes and actionis civile, to gif and grant lettres at the instance of the said Francis, erle of Eroll, his airis and successouris of the said erldome, and at the instance of his hienes advocat now present, or that sall be for the tyme, sa oft and in quhat maner and libell the said Francis, erle of Eroll and his successouris and oure said soverane lordis advocat for his majesteis interes sall require aganis quhatsumevir persone and persounes, generall or speciall, as they sall pleis, to compeir befoir the saidis lordis at the dayes and places to be appointit in the said summondis, with continewatioun of dayes, chargeing thame in generall or be thair names as the summondis sall beir, to exhibit and produce quhatsumevir contractis, bandis and obligationis, indentouris and appointmentis, infeftmentis, chartouris, preceptis, instrumentis of seasing, confirmationis and ratificationis thairof, procuratreis and instrumentis of resignatioun maid alsweill in favouris of quhatsumevir uther persone for new infeftment, as maid be the said umquhile Andro, erle of Eroll in his superiouris handis ad perpetuam remanentiam, reversiounes, assignatiounes to reversiounes, bandis and obligationis for making and delyvering of reversionis, renunciationis and granting of redemptionis, discharges and renunciationis of reversionis, takkis, assedationis and rentallis, and all utheris wryttis and securiteis of quhatsumevir forme or qualitie maid and subscryvit be the said umquhile Andro, erle of Erroll at ony tyme fra his birth to his deceis, concerning the landis, lordschip and baronie of Slaynis, annexis, connexis, pairtis, pendiclis and pertinentis of the samin, and the said office of great constabularie within the realme of Scotland, and als of the landis, lordschip and baronie of Errole, with annexis, connexis, pairtis, pendiclis, and pertinetis or ony pairt of the samin, and of the lordschip and baronie of Logy Almond, regalitie thairof, or ony pairt of the samin, ather in propirtie or tennandrie, with advocatioun, donatioun and richt of patronage of quhatsumevir kirkis, chaplanreis and alterages pertening to the said erldome, and siclyk to produce and exhibit quhatsumevir takkis, assedationis and assignationis to takkis and assedationis of quhatsumevir teindis, personages and vicarages quhilkis pertenit to the said umquhile Andro, erle of Erroll, and siclyk to exhibit and produce quhatsumevir bandis and obligationis allegeit maid be the said umquhile erle to quhatsumevir persounes, subscryvit with his hand, oblissing him for sowmes of money or doing and perfyting of ony uther deid quhairupoun actioun micht be foundit aganis his airis and successouris in the law, to be sene and considerit be the saidis lordis, and to heir and sie the samin civilie improvin as accordis of the law; and that the persones to be specialie callit to the effect foirsaid, being within the realme of Scotland, sall be summond personalie or at thair duelling places, and that sic utheris as sall be specialie callit and sall be furth of the realme sall be summond at thair duelling places quhair they maid thair residence befoir thair depairting, and at the marcat croces of the heid burghis of the schyres quhair they duelt, and at the mercat croces of Edinburgh, peir and schore of Leyth. And gif ony utheris that ar generalie to be summond becaus it can nocht be certane to the said Francis, erle of Erroll and oure said soverane lordis advocat for quhat effectis the saidis blankis or ony of thame ar or may be fillit, the generall sumondis sall be execute upoun thriescoir dayes warning at all the heid burghis of the schires within the realme of Scotland, and at all the heid burghis of all the regaliteis, stewartreis and bailleries within the samin, upoun the quhilk summondis the saidis persones generalie to be summond, or that sall be absent furth of the realme, howbeit they be absent animo remanendi, sall be answerable to the jurisdictioun of the saidis lordis of counsaill and sessioun ratione rei de qua agitur in sic sorte as upoun the secund summondis; the saidis persones quha sall be generallie summonit and specialie sall be haldin to exhibit and produce all and quhatsumevir contractis, bandis and obligationis foirsaidis, indentouris and appointmentis, infeftmentis, chartouris, preceptis, instrumentis of sensing, confirmationis and ratificationis thairof, procuratoreis and instrumetis of resignatioun, maid alsweill in favouris of quhatsumevir uther persone for new infeftment as maid be the said umquhile Andro, erle of Erroll in his superiouris handis ad perpetuam remanentiam, reversionis, assignationis to reversionis, bandis, obligationis for makeing and delyvering of reversiounes, renunciationis and granting of redemptionis, discharges and renuciationis of reversionis, takkis, assedationis and rentallis and all utheris wryttis, evidentis and securiteis quhatsumevir, of quhatsumevir forme, tennour and qualitie maid and subscryvit be the said umquhile Andro, erle of Erroll at ony tyme fra his birth to his deceis, concerning the saidis landis, lordschip and baronie of Slaynis, annexis, connexis, partis, pendiclis and pertinentis of the samin, and the said office of great constabularie within the said realme of Scotland, and als all and haill the saidis landis, lordschip and baronie of Erroll, with annexis, connexis, pairtis, pendiclis and pertinentis thairof, or ony pairt of the samin, and of the lordschip and baronie of Logy Almond, regalitie thairof, or ony pairt of the samin, ather in propirtie or tennendrie, with advocatioun, donatioun and richt of patronage of the kirkis, chaplanreis and alterages pertening to the said erldome; and siclyk to exhibit and produce quhatsumevir takkis, assedationis or assignationis of takkis of quhatsumevir teyndis, personages or vicarages quhilkis pertenit to the said umquhile Andro, erle of Erroll, maid be him to quhatsumevir persones, and siclyk quhatsumevir bandis or obligationis allegeit maid be the said umquhile Andro, erle of Erroll to quhatsumevir persones, subscryvit with his hand, bindand and oblissand him for sowmes of money or doing or perfyting of ony uther deid quhairupoun actioun may be foundit aganis his airis or successouris in law, according to the forme and ordour foirsaid, to be sene and considerit be the saidis lordis, and to heir and sie the haill wryttis and evidentis in forme and qualitie as they ar befoir specefeit or of quhatsumevir uther forme, tennour or qualitie subscryvit be the said umquhile Andro, erle of Erroll generalie or specialie, to be improvin as accordis of the law, with certificatioun to the foirsaidis persones, generalie and specialie, that gif they failyie in productioun thairof as said is, the samyn sall be decernit and declarit to mak na faith in judgement nor outwith in ony tyme thaireftir. And forder that the saidis persones in generall and speciall sall nevir be hard to move actioun, cause or questioun be vertue thairof aganis the said Francis, erle of Erroll, his airis and successouris, or be vertue of ony of the saidis wryttis, evidentis, infeftmentis and utheris quhatsumevir of the qualitie and forme abone expremit or quhatsumevir uther tennour or qualitie the samyn be of, subscryvit be the said umquhile Andro, erle of Errole, directlie or indirectlie to the prejudice of the said Francis, erle of Erroll, his airis and successouris, concerning the saidis landis, lordschippis, baroneis, offices, advocatioun and donatioun of benefices, propirtie and tennendrie thairof, or for ony sowmes of money or fulfilling of ony deid contenit in ony band, contract or obligatioun foirsaid, or for ony teindis, rowmes and possessionis pertening to the said erle, quhilk ordour of proces oure soverane lord, with advyse of his thrie estaittis, hes fundin and declarit and, be the tennour of thir presentis, findis and declaris to be in the self just and lauchfull to all constructiounes for the effect foirsaid, affermand the samin be the authoritie of this present parliament that na persone sall be heireftir hard to impugne the samin, bot in this caise and quhan ony siclyk occurris, the samin sall stand for a law and statute immutable.

Act in favouris of Williame, maister of Murray of Tullibardin, anent the changeling of the name of the baronie of Trewin in Earne

Oure soverane lord and estaittis of this present parliament, for certane causes and considerationis moveing thame, hes thocht meit and expedient at the desyre of Williame, maister of Murray of Tullibardin, to alter and change the name of the landis and baronie of Trewin pertening to him in the name of Earne; and statutis and ordinis the saidis landis and baronie now callit Trewin to be callit in all tyme cumming the landis and baronie of Earne.

Ratificatioun in favouris of Maister Johne Drummond of his office of clerkschip

Oure soverane lord and estaittis of this present parliament ratefeis and appreves the gift of the office of clerkschip of the collectorie gevin, grantit and disponit be his majestie to Maister Johne Drummond, servitour to Alexander, erle of Dunfermeling and chancellar of this realme, with all feis, casualteis, dewteis, pensionis and quhatsumevir his majestie hes disponit to him belanging thairto, to be brukit and joisit be him during his lyfetyme siclyk and als frelie as ony uther clerk of collectorie had, hes or sall be knawin to have bruikit the samin and utheris foirsaidis in ony tyme bigane; and decernis and declaris the foirsaid gift of the said office to be effectuall and valide to the said Maister Johne in all heidis, articlis and clauses thairof, to the effect the said office and utheris abonespecefeit may be possessit be him but impediment or contradictioun during his lyfetyme as said is; and declaris that the saidis pensionis disponit to the said Maister Johne for discharge of the said office sall eftir the deceis of the said Maister Johne returne and accresce to the bischop of Ross and his successouris as a propir pairt of the patrimonie of the said bischoprik and sall nawayes appertene to the said clerkschip of collectorie as a pairt of the fie or duetie of the samin in ony tyme heireftir.

Ratificatioun in favouris of Schir Johne Arnochte of his gift of the impost of threttie tounis wyne

Oure soverane lord, with advyse and consent of the thrie estaittis of this present parliament, ratefeis and confermis the gift and dispositioun thairin contenit maid, gevin and grantit be his hienes under the privie seall to Schir Johne Arnochte, thesaurar depute, and Margaret Craig, his spous, and the langer levand of thame twa, to bring in yeirlie within this realme of Scotland be thame selffis, thair friendis, factouris and servitouris in thair names, threttie twnis of wyne frie, but payment of ony kynd of impost, custome or uther duetie to be payit be thame thairfoir, as the said gift of the date at Quhithall, the tuentie sext day of October, the yeir of God jM vjC and four yeiris, at mair lenth proportis; quhilk gift and dispositioun thairin contenit as said is, oure soverane lord, with advyse foirsaid, decernis and ordinis to be of als great force, strenth and effect as gif the samin wer insert heirin word be word; quhairanent his hienes be this present act dispenses.

Ratificatioun in favouris of Schir Johne Arnochte of his infeftment of his landis in Orknay

Oure soverane lord, with advyse of the estaittis of this present parliament, for the gude, trew and thankfull service done to his majestie be his servitour Johne Arnochte, burges of his hienes burgh of Edinburgh, and for diverse utheris great respectis and gude considerationis moveing his majestie and the saidis estaittis, hes ratefeit, apprevit and confermit and, be the tennour heirof, for his hienes and his successouris, ratefeis, appreves and confermis the chartour and infeftment, with the precept and instrument of seasing following thairupoun, venditioun and alienatioun in thame contenit, maid, gevin and grantit be Patrik, erle of Orknay, lord Yetland, to the said Johne and Margaret Craig, his spous, and thair airis specefeit thairin, with consent and assent of Dame Margaret Levingstoun, his spous, off all and haill the landis and ilis of Birsay, Sandwick, Hoy, Wallis and Southrounaldsay, Schappinschaw, Deirnes, Sanday, Stronissay, Egilsay, Rowsay and Northrounaldsay, with the houses, biggingis, yairdis, castellis, touris, fortalices, orchardis, doucattis, mylnis and multuris quhatsumevir pertenig thairto, with all thair pertinentis, all lyand in the mayne land and ilis of Orknay, within the schirefdome of the samin, with the annexatioun and unioun contenit in the said infeftment, with all clauses specefeit and contenit thairin. And his majestie and estaitis foirsaidis of this present parliament decernis and declaris that the generalitie heirof sall be als effectuall in all respectis as gif the foirsaid haill chartour, infeftment, precept and instrument of seasing following thairupoun wer at lenth word be word insert heirin, dispensand thairanent be thir presentis. As lykwyis his majestie, with advyse of the saidis estaittis of parliament, willis and grantis, and for his hienes and his successouris, decernis and ordinis that the infeftment, richt and titill maid be the said Patrik, erle of Orknay, with consent of his said spous, to the said Johne Arnochte, his spous and thair airis foirsaidis, in respect of this present ratificatioun and approbatioun thairof, sall be ane gude and sufficient richt and titill to thame in all tyme cumming for bruiking and joising of all and sindrie the landis and ilis abonewrittin, with the houses, biggingis, yairdis, castellis, touris, fortalices, orchardis, doucattis, mylnis, multuris and thair pertinentis, with the haill proffeittis and commoditeis thairof, ay and quhill the lauchfull redemptioun of the samin be payment of the sowmes of money contenit in the last reversioun grantit to the said erle for redemptioun thairof, extending to twa hundreth thowsand merkis money, nochtwithstanding of quhatsumevir lawis, constitutionis, actis of parliament maid anent the annexatioun of the ilis to the crowne, prohibitiounes and provisiounes maid for nocht dispositioun or alienatioun thairof, or quhatsumevir uther constitutioun, cannoun, civill or municipall, quhairupoun the samin may be querrellit or impugnit in tyme cumming, and als nochtwithstanding of quhatsumevir cryme, fact or deid committit be the said Patrik, erle of Orknay befoir or eftir the said alienatioun, as lykwayes nochtwithstanding of the summondis of treassoun intentit aganis him, dispensand thairanent for his majestie and his successouris for evir; dischargeing heirfoir his majesteis advocattis, thesauraris, comptrolleris, collectouris and all utheris his hienes officiaris, present and to cum, of all querrelling, impugning or objecting aganis the richtis titillis foirsaidis maid and grantit to the said Johne, his said spous and thair airis of the landis, ilis and utheris abonespecefeit, with thair pertinentis or ony pairt thairof, in the law nor by the law be ony maner of way in tyme cumming, of thair offices in that pairt for evir be thir presentis, reserveand alwayes to his majestie and his successouris the fewmaillis and dueteis of the foirsaidis landis and ilis useit and wont to be payit to his majesties comptrollaris be the said Patrik, erle of Orknay for the samin of befoir, conforme to the infeftment grantit to the said erle thairupoun alanerlie gevin at Quhythall, the [...] day of [...] the yeir of God jM vjC and sex yeirs.

Ratificatioun in favouris of the Laird of Moncreif of his pensioun

Oure soverane lord, with advyse of the estaittis of this present parliament, ratefeis and appreves that gift and letter of pensioun maid and grantit be umquhile Williame, commendatar of Pittinweme, with consent and assent of the metropolitane kirk of Sanctandrous, to Williame Moncreif of that Ilk of ane yeirlie pensioun of twa hundreth and ten merkis yeirlie, to be uptakin and upliftit furth of the first and reddiest of the fruittis and rentis of the said priourie of Pittinweme during all the dayes of the said Williame Moncreiffis lyfetyme; and for sure payment thairof, assignig to him the fewmaillis of Eistir and Wester Rindis, togidder with the teynd scheves of the parochkirk of Rynd extending justlie to the said sowme appointit to be confermit in parliament, as the gift and letter of pension maid thairanent of the date at Pittinweme and Sanctandrous, the aucht and nynt dayes of Februar, jM vC fourscoir foure yeiris in it self at lenth beiris, quhilk haill letter of pensioune, with all clauses and articlis thairin contenit is haldin as repetit and word be word ingrossit thairin, and declaris the samin to be als valide and sufficient as gif the samin wer insert heirin; quhairanet the saidis estaitis dispenses.

Act anent salvo jure cujuslibet

Forsamekle as in this present sessioun of parliament thair is mony ratificationis past quhairin diverse and new clauses ar insert quhilk may be prejudiciall to particular parteis richtis and dirogative to mony and diverse lawes lauchfullie maid and establishit of befoir, albeit the meaning of the estaittis be at this tyme, as it wes evir in all preceding parliaments, that by no act of ratificatioun ony uther pairtie sould be hurte or prejudgeit; for remede quhairof, it is statut and ordanit that na ratificatioun past in this sessioun of parliament sall be prejudiciall to ony privat pairteis richt, bot that the saidis ratificationis be alwayes understude quhidder the samin be generall or speciall to be saving the right of anyone.

Erectioun of the lordschip of Abirbrothok in favouris of James, marques of Hammyltoun

Oure soverane lord, with advyse and consent of the estaittis of parliament presentlie convenit, considering the princelie duetie quhilk bindis his hienes in exampill of his maist nobill progenitouris to impairt to his maist loving subjectis sic honour and digniteis as thair meritis and vertuous actis in great services and of proffitable offices to his majestie and the commoun weill justlie requiris, to the end that nocht onlie be gratificatioun of his weill affectionat subjectis they micht continew thair ardour and affectioun in weill, bot als that throw thair exampill the nobill hairtis of his weill qualefeit subjectis may, in tyme cumming, throw hope of ane worthie remuneratioun, be mair prompt and desyrous to serve his celsitude and his successouris, to the advancement of the commoun weill quhairin they wer borne and nurischit. And heirwithall his majestie, perfytlie understanding that his hienes richt trustie and weilbelovit cousing James, now marques of Hammyltoun, is neirlie discendit of his majesteis blude, and that umquhile James, duik of Chatellarault, his gudschir, had the governament and reull of the realme of Scotland during the age pupillar of his majesties umquhile darrest mother, and that he faithfullie and trewlie dischargeit the duetie of his office to the weill of the realme and subjectis thairof, and that for the defence of the libertie of the said realme (than trublit be strangeris) the duikry of Chattellarault, the rent quhairof surmounting be yeir threttie thowsand frankis quhairin he was heretablie investit, was takin frome him and his posteritie be ressone of his assistance gevin to the removeing of the saidis strangeris, forinaris, furth of this realme; and als his majestie, understanding his maist constant and weill affectionat abyding with his hienes umquhile darrest mother foirsaid in mony of the trublis and afflictionis quhairin scho fell, to his great damage and skaith be the banisment of himself and his bairnis, the want of his rentis and leving for mony yeiris, besyd the loss of the lyffis of ane great number of his honorable friendis in defence of hir majesteis querrell; and lykwayes his majestie, considering the promptitude and readines of umquhile Johne, marques of Hammyltoun, father to the said James, now marques of Hammyltoun, to his service at all tymes as he was requirit nocht onlie as ane privat persone, bot als in mony and diverse commissionis of lieutennendrie gevin to him at diverse tymes as the necessitie of the realme requirit, with ane continewall perseverance of his ernestnes and zeall to tak away all dissentionis and seditionis that apperit to aryse within the realme, and safar as in him lay to unite all his majesteis subjectis to his hienes obedience, in the quhilk service he sua respectit his duetie to his majestie and to the weill of the realme that he left nathing undone on his pairt for the advancement thairof, without regaird had to the speciallis of the nobilitie, his neir kynnismen, quhairof his majestie had gude pruif and experience be his faithfull and cairfull attendance upoun his majesteis sacrate persone at diverse perrellous tymes in the feildis; and his majestie, calling to mynd the mony promesis maid be his hienes, nocht onlie in the word of a prince to the said umquhile Johne, marques of Hammyltoun to remunerat the saidis services as occasioun sall be offerrit, bot als be his majesteis letter, all writtin with his hienes hand direct to the said marques to that effect, and be his hienes infeftment under the great seall gevin to the said marques of the landis, lordschip, baronie, leving and regalitie of Aberbrothok as the samin beiris, and now willing to acquitt the said service in the persone and in favouris of the said James, now marques of Hamyltoun, his father being preventit be death, be sic gratificatioun and memorie as is presentlie possibill, and with leist hurte to his hienes crowne of Scotland and patrimonie thairof, and his majestie haveing now be speciall instructionis proponit to the saidis estaittis of parliament the saidis great services, actis and honorable deidis done to his majestie and to his said umquhile darrest mother and to the weill of the realme in particular be the saidis umquhile James, duik of Chattellarault, and umquhile Johne, marques of Hammyltoun, his sone, quhairupoun the saidis estaittis have takin full tryell and verificatioun and they have fundin, tryit, censurit and judgeit, lyk as they presentlie find, censure and judge the samin to be and to have bene great, sene and ressonable causes for the weill of his majestie and of his said realme of Scotland. And als his majestie and estaittis foirsaidis findis, decernis and declaris that his hienes, with thair advyse and consent, may for the saidis sens causes quhilkis they have knawin and tryit to be for the sene weill of his majestie and realme as said is, annalie and dispone ony pairt of the landis annexit to the crowne to the said James, now marques of Hammyltoun, his airis and successouris heretablie, to be haldin in sick maner and for sic service as his majestie pleisis; and to that effect that the annexatioun of they landis to the crowne quhilkis ar to be annaleit and disponit sall be simplicitir dissolvit fra the crowne for evir, that the samin may be annaleit and disponit to the said James, now marques of Hammyltoun, his airis maile and successouris. And the saidis estattis, being ryplie and gravelie advysit quhat his majestie may annalie and dispone with leist detriment to his yeirlie rent and crowne, the saidis estaittis, all in ane voce, have fundin and declarit and, be the tennour heirof, findis and declaris that the temporalitie, propirtie and superiouritie with the fewfermis and pertinentis of the monasterieof Abirbrothok, being in his majesteis handis be the generall annexatioun of the haill kirklandis of the realme of Scotland to the crowne, togidder with the spiritualitie of the said abbacie, being in his majesteis handis be dimissioun and resignatioun maid thairof be the abbot and convent of the samin, thair lauchfull procuratouris and patent lettres, as the said dimissioun beiris, may with leist detriment to his majestie or hurte to the rent and patrimonie of the crowne of Scotland, for the sene causes abonewrittin, be disponit to the said James, marques of Hammyltoun, his airis male and successouris heretablie in maist ampill forme. And, thairfoir, the saidis estaittis of parliament findis it necessar and expedient that his majestie, be his hienes infeftment to be maid with advyse of his majesteis ordiner officiaris, sall erect, unit, creat and incorporat all and sindrie the landis, baroneis, annualrentis, mylnis, woddis, fischeingis and utheris quhatsumevir pertening to the said abbacie of Abirbrothok, be thair names, in speciall, quhairevir the samin lyis within this realme of Scotland, togidder with the haill spiritualitie of the said abacie, kirkis, teyndscheves and utheris teyndis, fruitis, rentis and emolumentis pertening and belanging thairto, in ane haill and frie lordschip and baronie and estait of ane lordschip of his hienes parliament, and that the samin lordschip and baronie, with all privileges and commoditeis pertening thairto, togidder with the honour, dignitie and estait of ane lord of his majesteis parliament, with the additioun of sick badge and armes as the said James, marques of Hammyltoun sall think expedient, sall be annaleit and disponit for the causes foirsaidis to the said marques, his airis and successouris heretablie, to be haldin of his majestie and his successouris in frie lordschip and baronie with the honour and dignitie of ane lord of parliament for evir. And to that effect his majestie and estaittis foirsaidis of this present parliament dissolvis, annullis and infringis the said generall annexatioun of the kirklandis of this realme of Scotland to the crowne in safar as it may be extendit to the said temporalitie of the said abbacie of Aberbrothok alanerlie, and ordinis the infeftment to be maid heirupoun to be extendit in maist ampill forme, berand ane unioun and incorporatioun of all the particularis in ane haill and frie lordschip and baronie, with ane speciall remitt and discharge, with consent of the collectour generall, of the haill thriddis of the said abbacie of Aberbrothok, alsweill victuall as money, becaus his majestie will be relevit and dischargeit of the sustentatioun of the ministrie of the kirkis thairof, and also to beir and contene provisioun that the said lordschip sall pay all taxationis in tyme cumming with the temporall lordis of the realme for the said temporalitie, comptand the said lordschip to twa hundreth pund land of auld extent, and of new extent to sex hundreth pund land; and that the said marques, his airis male and successouris lordis of the said lordschip sall have thair releif of the saidis taxationis of the heretable tennentis of the saidis landis eftir the rate and quantitie of thair landis sa oft as the saidis taxationis sall occur, and with express pouer to the said marques, his airis and successouris lordis of the said lordschip to retreit and reduce quhatsumevir infeftmentis, richtis and titillis of ony pairt of the saidis landis, teyndis and utheris pertening to the said lordschip for quhatsumevir causes competent of the law with all utheris clauses and provisionis quhilkis sall be neidfull for the said marquis and his airis foirsaidis for bruiking of the said lordschip and baronie. And to the effect foirsaid, his majestie and estaittis of parliament hes suppressit and extinguischit the memorie of the said abbacie of Aberbrothok that thair sall be na successour provydit thairto, nor na farder mentioun maid of the samin in ony tyme heirefter, and to the said alienatioun and dispositioun now as gif it wes alreadie maid and perfytit, and than as now, his majestie and the saidis estaitis of parliament hes interponit and interponis thair consent and authoritie as that deid quhilk is now and sall be in all tymes heireftir estemit and judgeit for the weill of oure said soverane lord and for ane sene proffeitt and commoditie to his crowne and realme of Scotland for evir, reserveand and exceptand alwayes furth of this present act and erectioun foirsaid all regalitie and all privileges thairof possessit be the abbottis and titularis of Aberbrothok of befoir, to remane with oure soverane lord, his hienes successouris and thair crowne inseparablie in all tyme heireftir.

Erectioun of the lordschip and baronie of Kylismure with the kirk of Mauchlane in favouris of the Lord Lowdoun

Oure soverane lord and estaittis of this present parliament, remembering and perfytlie understanding the gude, trew and thankfull service done be his majesties richt traist cowsing Hew, lord of Lowdoun, nocht onlie in his hienes privat and particular affairis sen his majestie infancie, bot alsua in the publict of affairis of this realme, greatumlie tending to the commoun weill, peace and tranquilitie thairof and lieges of the samyn, and specialie in apprehending of ane great number of his majesteis rebellis and brokin men, oppressouris and committeris of hynowus and great crymes within the boundis of the schirefdome of Air, quhair the said Hew, lord of Lowdoun makis his residence, and utheris pairtis thairabout, and in the repressing of the insolence of the saidis rebellis and brokin men and conformeyng thame to the obedience of his majesteis authoritie and lawis of this realme mony yeiris befoir his majesteis preferment to the crownis of England, France and Irland. And lykwayes his majestie and estaittis foirsaidis, haveing consideratioun of the gude, trew and thankfull service done be the said Hew, lord of Lowdoun, tending to the honour and advancement of his majestie and estaittis foirsaidis and this realme of Scotland sen his hienes preferment to the saidis crownis of England, France and Irland, in attending upoun his majestie and conveying of his hienes to the citie of Londoun and thair remaning quhill his majesteis coronatioun and ane lang space thaireftir, quhairintill the said Hew, lord of Lowdoun hes debursit and sustenit great charges and expenses, notour to his majestie and estaittis foirsaidis, quhairof as yit he hes ressavit na recompense, quhilk service is sufficientlie tryit, verefeit and knawin to his hienes and haill estaittis of this present parliament to have bene verie proffitable to his hienes, this realme of Scotland and lieges thairof; in recompence quhairof, oure said soverane lord and estaittis of this present parliament hes dissolvit and, be this present act, dissolvis all and haill the landis, lordschip and baroneis of Kylismure and Barmure, with castellis, touris, fortalices, manerplaces, yairdis, orchardis, houses, biggingis, mylnis, multuris, woddis, fischeingis, tennentis, tennandreis, service of frie tennentis, fewfermes, annexis, connexis, dependences, pairtis, pendiclis and pertinentis of the samin quhatsumevir, lyand within the baillerie of Kylestewart and schirefdome of Air, fra the act of annexatioun maid upoun the tuentie nynt day of Julii, the yeir of God jM vC fourscoir sevin yeiris, annexand the temporalitie of all benefices within this realme to the patrimonie of his hienes crowne, togidder with the paroch kirk of Machlene, personage and vicarage thairof, withall and sindrie teyndscheves, utheris teyndis, fruittis, rentis, emolumentis and dueteis pertening and belanging thairto, lyand within the baillerie and schirefdome foirsaidis, fra the abbacie of Melrose and benefice thairof, quhairunto the samin pertenis and pertenit of auld as ane pairt of the patrimonie thairof, to the effect that his majestie may gif, grant and dispone to the said Hew, lord of Lowdoun and his airis maill lauchfullie gottin or to be gottin of his bodie, quhilkis failyeing to his narrest and lauchfull airis maill quhatsumevir beirand the surname and armes of Campbell heretablie, all and sindrie the foirsaidis landis, lordschip and baroneis of Kylismure and Barmure abonewrittin, with castellis, touris, fortalices, maner places, yairdis, orchardis, houses, biggingis, mylnis, multuris, woddis, fischeingis, tennentis, tennandreis and service of frie tennentis, fewfermes, annexis, connexis, dependences, pairtis, pendiclis and pertinentis of the samyn quhatsumevir, with all and sindrie teyndscheves, utheris teyndis, fruittis, rentis and emolumentis quhatsumevir pertening and belanging to the said personage and vicarage of the paroch kirk of Machlene, and all richt, titill, interes and clame of richt quhilk his majestie, his predessouris or sucessouris had, hes or onywayes may have or clame thairto, or ony pairt thairof, be ony maner of way in tyme cumming; and als to the effect the towne of Mauchlene may be erectit in ane frie burgh of baronie, to be callit in all tyme cumming the burgh of Mauchlene, with ane oulklie marcat day upoun Setterday and tua frie fairis yeirlie, and siclyk to the effect his majestie may unite and incorporat all and sindrie the landis, lordschip, baroneis, burgh of baronie and utheris foirsaidis with all and sindrie thair castellis, touris, fortalices, houses, biggingis, mylnis, woddis, fischeingis and utheris pertinentis abonespecefeit with the teyndscheves, utheris teyndis, fruittis, rentis and emolumentis of the said paroch kirk of Mauchlene, personage and vicarage thairof, in ane haill and frie temporall lordschip and baronie callit and to be callit the lordschip and baronie of Kylismure and Barmure, ordaning the maner place of Mauchlene to be the principall messuag of the said lordschip and baronie for ane seasing to be takin thairat in all tyme cumming; and lykwayes to the effect that the said Hew, lord of Lowdoun and his airis maill may have full richt and superiouritie of all and sindrie the samin landis, lordschip, baroneis, burgh of baronie, mylnis, woddis, fischeingis and teyndscheves, utheris teyndis, annexis, connexis and utheris specialie and generalie foirsaidis, and that the fewaris, tennentis and takismen thairof may hald the samin prinicpalie of the said Hew, lord of Loudoun and his foirsaidis in all tyme cumming for the yeirlie payment of the dueteis and service contenit in the infeftmentis, takkis and richtis maid to thame thairupoun; and to the effect his majestie may gif and grant to the said Hew, lord of Lowdoun and his abonewrittin full richt, actioun and interes for compelling of the saidis fewaris and tennentis to mak payment of thair yeirlie dueteis, and to observe and keep all utheris clauses contenit in thair saidis infeftmentis and takkis and to call for reductioun thairof, for quhatsumevir cause or occasioun competent of the law. And in lykmaner, to the effect the landis, lordschip, baroneis and utheres foirsaidis may nevir in ony tyme heireftir be taxat amongis the kirklandis or kirklevingis with the prelattis or ecclesiasticall, bot that the samin may be taxt according to the just valour and rent thairof, and that the said Hew, lord of Lowdoun and his foirsaidis may have thair releiff of the saidis taxationis aganis the fewaris, takismen, parochineris and possessouris of the saidis landis and teindis according to the rait of the samyn, and als oft as the saidis taxationis sall occur, and that the foirsaid lordschip and baronie may be judgeit and retourit in all breves and services in tyme cumming, and in the saidis taxationis to the sowme of tuentie twa pundis four schillingis fyve pennes and 3 pairt penny money of Scotland of auld extent and to the triple availl thairof, extending to threscoir sex pundis xiij s. iiij d. of new extent alanerlie, to be haldin of oure soverane lord and his successouris in frie blenche, frie heretage, frie lordschip and frie baronie for evir, payand thairfoir yeirlie the said Hew, lord of Lowdoun and his airis maill foirsaidis, to oure said soverane lord and his successouris, the service of ane frie lord and baroun in parliament with the sowme of ane hundreth merkis usuale money of this realme at the feist of Witsonday in name of blenche ferme, and als payand yeirlie to the minister serveing the cure at the said kirk of Mauchlene, fourtie bollis ait meill and thrie hundreth merkis money foirsaid, at the termes useit and wont, and furneschand bread and wyne yeirlie to the celebratioun of the communioun within the samyn kirk, and als freithand and relevand the said minister of all taxatioun and burdingis quhatsumevir to be imposit upoun the teindis and rentis of the said kirk or for reparatioun thairof in all tyme cumming alanerlie. And the saidis estaittis declaris that the pensioun grantit to Schir Williame Seytoun, brother germane to Alexander, erle of Dunfermeling, chancellar, furth of the saidis landis of Kylismure and Barmure and teyndis thairof sall nawayes be prejudgeit be this present act.

Act anent the dilapidatioun of bischoprikis

Oure soverane lord and estaittis of parliament, haveing consideratioun of that act of parliament maid in the tent parliament haldin be hes hienes in the yeir of God jM vC fourscoir fyve yeiris, and in the ellevint act of the said parliament, contening diverse cautionis and provisionis tending to restrane beneficit persones fra away putting of ony pairt of thair benefice, quhairby thair saidis benefices may be left in worse estait nor the samin wes at thair entrie thairto, as the said act dois at mair lenth contene, hes ratefeit and approvin the said act in all the articlis, heidis and circumstances thairof, declaring the samin to remane in full strenth and to have the effect and force of ane perpetuall law and statute of parliament in all tyme cumming with thir additionis: they ar to say, that it sall nawayes be lesum to ony persone provydit, or to be provydit, to ane bischoprik within this realme to dispone or gif in pensioun ony pairt of the patrimonie of his said bischoprik quhilk sall indure and last langer space nor the gevar of the said pensioun sall bruik the said bischoprik; and gif it salhappin the saidis persones provydit to the saidis bischoprikes now, or in ony tyme to cum, to dismember ony pairt of thair saidis benefices or patrimonie thairof, oure soverane lord and estaittis of parliament decernis and declaris all sic factis and deidis to fall under the compass, perrell and danger of dilapidatioun of benefices and to be ane express spes and kynd of dilipidatioun. And be ressone it hes evir bene fund necessar in all tymes past that the fewing of landis, setting of takkis and doing of sic uther lauchfull deidis be quhatsumevir bischop or prelat within this realme, off ony pairt of the patrimonie of thair saidis benefices, suld have the consent of the maist pairt of thair chaptour, without quhais consent had and obtenit to the saidis deidis in haill or the maist pairt thairof wes nawayes lesum to the saidis prelattis to do ony of the saidis deidis, thairfoir the saidis estaittis, according to the written lawis maid thairanent and custome perpetualie observit in suche caises of befoir, findis and declairis that na bischop within this realme may sett in few, tak or utherwayes, nor do ony uther deid in the disponing of ony pairt of the patrimonie of thair saidis bischoprikis, without the advyse, consent and assent of thair chaptouris, or the greatest number of thame, dewlie procurit and obtenit thairto, in the purchessing of quhais consent it sall nawayes be requisit to have thair saidis chaptouris chaptourlie convenit (bot the saidis deidis being utherwayes lauchfullie done and subscryvit be the maist pairt of the said chaptour), the nocht meting and convening chaptourlie at the tyme of the making of the saidis richtis and subscryveing thairof sall furnische na ground quhairupoun the saidis factis and deidis may be querrellit or the saides richtis and titillis impugnit or annullit throw the cause or occasioun foirsaid; quhilkes chaptouris decernis and declairis to remane now, and in all tyme cumming, according to the fundationis of the saidis bischoprikis and as hes bene in tyme bigane, without ony kynd of alteratioun to be maid thairin, exceptand alwayes the chaptour of the archibischopric of Sanctandrous, the alteratioun quhairof (quhilk is maid in maner underwritten) necessarlie procedis in that the samin, consisting of befoir of the priourie of Sanctandrous, is suppressit be the new erectioun of the said priourie, quhairby the said chaptour ceises; and thairfoir the saidis estaittis hes declarit, and declaris, that the chaptour of Sanctandrous heireftir sall consist of this number of persones following, viz: of sevin persones of the ministrie duelland and haveand thair charge within his diocie of Sanctandrous, to be electit and nominat be the said archibischop himself, to be perpetuall convent and chaptour of the said archibischoprie in all tyme cumming, and eftir the deceis or removeing of ony ane or ma of thame fra thair present places and functioun within his said diocie, the intrant succeding in that place and charge to succede alsua in that said rowme of the chaptour and convent, reserveand alwayes to the said archibischop and his successouris thair ancient privileges, that the commoun seall of the said chaptour to be maid of new be thair awin advyse, sall serve for thair consentis without thair subscriptionis. And forder, the saidis estaittis findis and decernis that the present commoun seall of the said chaptour, being appendit to the evidentis or richtis quhatsumevir alreadie maid and grantit be the said archibischop, hes bene, and sall be in all tyme cumming, ane sufficient and perfyte consent of the chaptour and als effectuall for secureing of the vassellis and tennentis ressaveris of the saidis richtis as the samin hes bene in ony tyme of befoir, and sua to indure in force heireftir for consent of the said chaptour ay and quhill the electioun of the said new chaptour and making of the said new commoun seall. Attoure, oure said soverane lord and estaittis of parliament findis and declaris that it is, and sall be, leasome to the saidis archibischoppis, bischoppis and thair successouris to sett als mony takkis of the fruittis and dueteis pertening to thair saidis benefices, ather schorte or lang takkis as they pleise and for als mony yeiris as they sall think expedient, quhilk may subsist of the law, in doing quhairof the saidis estaittis will mak na restrante or limitatioun of tyme to the saidis bischoppis, and be ressone that the dueteis of the saidis takkis to be sett be the persones provydit to the saidis bischoprikis ar to be applyit and convertit for satisfactioun and intertenement of the ministeris serveing the cure of the kirkis of the saidis bischoprikis and for supplie of ane pairt of thair stipendis to be gevin to thame, thairfoir the saidis estaittis ordinis the saidis bischoppis to have ane cairfull regaird that the saidis takkis be sett for ane competent duetie, quhilk may in sum ressonable proportioun ansring to that quhilk is sett in tak be mair meitt to supplie ane pairt of the saidis ministeris stipendis, quhilkis dueteis of the saidis takkis, and als the stipendis quhilkis sall be provydit to the ministeris serveing at the kirkis of everie bischoprik, sall be in all tyme cumming repute as ane pairt of the rentall of the saidis bischoprikis, quhilk rentall sall nawayes be hurte, viciat or diminischeat be the titular of the said bischoprik in ony tyme tocum. And to the effect that the ministeris of the saidis kirkis may be the mair certanelie provydit and the rentall of bischoprikis may be maid (quhilk sall nocht be alterit as said is), ordanis all archibischoppis and bischoppis quha ar alreadie provydit, or sall be provydit in tyme to cum, to mak ane sufficient rentall of the patrimonie of ilk bischoprik and to gif in the samin to the clerk of register and his deputtis, to remane in his register ad futuram rei memoriam; and that within the space of ane yeir eftir the date of this present act, under the pane of ane thowsand merkis to be payit be the persone quha sall failyie in geving of the said rentall within the space foirsaid to oure soverane lordis collectour generall, off the quhilk sowme the said collectour sall be haldin to mak compt and rakning to the auditouris of his hienes chekker. Lyk as it is provydit that it sall nawayes be lesum to the saidis archibischoppis or bischoppis to hurte or diminische ony pairt of the said rentall to be gevin in be thame as said is, quhilk will consist cheiflie of the quantitie of victuall and silver quhilk sall be provydit to the saidis ministeris for thair stipendis for serveing the curis of the kirkis of the saidis bischoprikis as said is, bot the said rentall sall remane in the awin integritie in all tyme cumming, to the effect the saidis ministeris and thair successouris serveing at the kirkis of the saidis bischoprikis as said is may be assurit of certane locall stipendis for thair said service, nocht to be subject to the mony changes and alterationis quhairwith frequentlie they have bene trublit in tymes preceding. And last of all, becaus that the rentall to be gevin in of the saidis bischoprikis will consist and be maid upe partlie of the dueteis of the saidis takkis to be sett as said is, and that the certaintie of the saidis locall stipendis standeth in the upgewing of the saidis rentallis, quhilkis oure said soverane lord and estaittis ordanis to be done with all gudlie diligence within the tyme prescryvit thairto, that the ministeris serveing the kirkis be nocht frustrat or dissapointit of dew satisfactioun and recompence for thair travellis tane in service foirsaidis, and that they may be put in certantie thairof in tyme to cum, quhairin the evident weill and proffeitt of the kirk dois appeir and manifest the self; and for that cause ordour is gevin and forme prescryvit for setting of takkis as the preceding articlis of this act proportis, quhairthrow that quhatsumevir actis and constitutionis maid be ony ather civill or ecclesiastik judge tending to the prohibitioun and restraint of setting of lauchfull takkis be ony beneficed persone aucht to be annullit, seing the saidis actis and constitutionis quhilkis wer maid upoun ony preconsavit fear of ony laik or want of mantenance for intertenement of the kirk or upoun ony uther ground ar now cleirlie satisfeit be the cairfull regaird quhilk his majestie and estaittis of this parliament hes alwayes had to the advancement of the kirk and to the certane provisioun of the ministrie thairof, with constant stipendis, ane work verie necessar and to be forderit and expede be the present bischoppis and to quhais cairis and travellis oure said soverane lord and the saidis estaittis hes recommendit and committis to gif ordour in the certane provisioun of the ministrie serveing at the kirkis of thair saidis bischoprikis with competent, ressonable stipendis answerable and aggreable for thair travellis and sustentatioun. And, thairfoir, oure said soverane lord and estaittis foirsaidis statutis, decernis and declaris all and quhatsumevir actis, lawis, statutis, ordinances and constitutionis ecclesiasticque or civill quhilkis ar alreadie maid in tyme bigane, or salhappin to be maid in tyme tocum, quhairby ony beneficed persone within this realme ar prohibitit and dischargeit to sett ony takkis of teyndis (quhilkis may subsist of the law) and quhilkis actis and ordinances may directlie or indirectlie seme to infring and annull the saidis takkis lauchfullie sett as said is, or to inflict ony pane or punischement upoun the settaris thairof, to be altogidder null and of nane availl and to have na strenth, force, nor effect now and in all tyme cumming siclyk as gif the samin had nevir bene maid, quhilkis and all utheris actis, ordinances and constitutionis to be maid anent the premises, and quhilk may tend to the lyk end in ony tyme to cum, oure said soverane lord and estaittis discharges simpliciter and for evir.

Erectioun of Dundrenan in favouris of Johne Murray

Oure soverane lord, with advyse and consent of the estaittis of this present parliament, remembering the gude, trew and thankfull service done be his majesties trustie and familiar servitour Johne Murray, grome of his majesteis bedchalmer, in continuall attendance upoun his majesteis sacrate persone, quhairin he hes behavit himself maist faithfullie and deutyfullie as is notour and weill knawin to the saidis estaittis; thairfoir, oure said soverane lord and estaittis of this present parliament dissolvis all and sindrie the landis, baroneis, touris, fortalices, maner places, mylnis, multuris, woddis, fischeingis, annualrentis, caynis, customes, casualiteis, emolumentis and dueteis quhatsumevir of the temporalitie of the abbacie of Drundrennan fra the act of annexatioun maid in his hienes parliament haldin at Edinburgh, the tuentie nynt day of Julii, the yeir of God jM vC fourscoir sevin yeiris, annexand the temporalitie of all benefices within this realme to the patrimonie of his hienes crowne, with the precinct, monasterie and manerplace of Dundrennan fra the said abbacie of Dundrennan and benefice thairof, quhairunto the samin pertenis and pertenit of auld, togidder with the haill spiritualitie of the kirkis of the samyn abbacie, viz: the kirkis of Dundrennane, alias Ririk, and Kirkmabrek, with all and sindrie teyndscheves, utheris teyndis, fruittis, rentis, proffeittis, proventis, emolumentis and dueteis quhatsumevir pertening and belanging thairto; and that the saidis estaittis of parliament findis it necessar and expedient that his majestie, be his hienes infeftment to be maid with advyse of his majesteis ordinar officiaris, sall gif, grant and dispone to the said Johne Murray and his airis maill and assignais quhatsumevir, all and sindrie the saidis landis, baroneis, touris, fortalices, manerplaces, mylnis, multuris, woddis, fischeingis, annualrentis, caynis, customes, casualiteis, emolumentis and dueteis quhatsumevir of the temporalitie of the said abbacie, kirkis of Dundrennan and Kirkmabrek, teyndscheves thairof, utheris teyndis, fruittis, rentis, proffeittis and emolumentis pertening thairto, with all richt, titill, interes and clame of richt quhilk his majestie, his predecessouris and successouris had, hes or onywayes may have or clame thairto, or ony pairt thairof be ony maner of way in tyme cumming, to be erectit, unit, maid, creat and incorporat in all and haill ane frie baronie, to be callit in all tyme cumming the baronie of Dundrennan, and ordinis the manerplace of Dundrennan to be the principall messuage of the said haill baronie of Dundrennan for taking seasing thairat in all tyme cumming. And lykwayes, the saidis estaittis suppresses and extinguisches perpetualie in all tyme cumming the said abbay and monasterie of Dundrennan, and declaris na persone, nor persones to be provydit thairto in ony tyme cumming heireftir; and ordinis ane infeftment to be past under his hienes great seall heirupoun, to be haldin of oure said soverane lord and his successouris in frie blenche, frie heretage and frie baronie for evir, gevand thairfoir yeirlie the said Johne Murray and his foirsaidis to oure said soverane lord and his successouris the sowme of fourtie pundis usuale money of this realme of Scotland yeirlie at the feist of Witsonday in name of blenche ferme alanerly, with ane speciall remitt and discharge, with consent of the collectour generall, of the haill thriddis of the said abbacie of Dundrennane, alsweill victuall as money, and of the haill monkis portionis of the samyn abbacie, becaus his majestie will be relevit and dischargeit of the sustentatioun of the ministerie of the kirkis thairof, and als decernis all pensionis disponit furth of the thriddis of the said abbacie in ony tyme bigane to be null in all tyme cumming. And oure said soverane lord and estaittis of parliament hes interponit and interponis thair consent and authoritie to the said dispositioun and to the infeftment to follow thairupoun, now as gif it wer alreadie maid and perfytit and than as now, as that deid quhilk is now and sall be in all tymes heireftir estemit and judgeit for the weill of oure said soverane lord and for ane seand proffeit and commoditie to his crowne and realme of Scotland for evir.

Ratificatioun in favouris of Maister Archibald Moncreif of his pensioun

Oure soverane lord, with advyse of the estaittis of this present parliament hes ratefeit and approvin and, be the tennour heirof, for his hienes and his successouris, ratefeis, appreves and perpetualie confermis the lettres of pensioun of the date at Quhythall and Edinburgh respective, the first and sevintene dayes of Maii 1606, maid, gevin and grantit be oure said soverane lord, with express advyse, consent and assent of Maister Johne Prestoun of Fentounbarnis, his majesteis collectour generall and thesaurar of his hienes new augmentationis, to Maister Archibald Moncreif, minister at Abernethie, during all the dayes of his lyfetyme, off all and haill the sowme of four hundreth threscoir sex pundis threttene schillingis four pennies money of this realme of Scotland yeirlie to be upliftit at twa termes of payment useit and wont furth of the abbacie, lordschip and baronie of Ferne, teynd fruittis, rentis, emolumentis and utheris dueteis thairof, with the decreitt of the lordis of counsaill interponit thairto, in all and sindrie heidis, pointis, clauses, articlis, circumstances and conditiounes thairof, sua far as the saidis pensioun and decrete extend or may be extendit to the said Maister Archibald Moncreif himself during his awin lyfetyme alanerlie; and findis, decernis and declaris the foirsaid letter of pensioun to be ane valide, lauchfull and sufficient richt to the said Maister Archibald for bruiking and joising of the said yeirlie pensioun during all the dayes of his awin lyfetyme alanerlie, nochtwithstanding quhatsumevir statute or constitutioun of parliament maid at ony tyme of befoir, to the quhilkis haill actis and constitutionis, be the quhilk the said pensioun in onywayes during the said Maister Archibald his lyfetyme may be impugnit, this present act sall mak and makis express dirogatioun, sua that the said Maister Archibald during his lyfetyme sall peciablie bruik and joise the said yeirlie pensioun siclyk and als frelie in all respectis as gif the foirsaid letter of pensioun wer specialie reservit and exceptit furth of the saidis haill actis, statutis or constitutionis of parliament maid at ony tyme of befoir, quhilkis in ony sorte may appeir to be hurtfull and prejudiciall to the said letter of pensioun during the lyfetyme of the said Maister Archibald alanerlie.

Ratificatioun to the kirk of Borthuik

Oure soverane lord and estaittis of parliament, understanding that his majestie, for the zeall he hes to the glorie of God and propagatioun of Christis blessed evangell, hes, be his hienes chartour under the great seall, maid with advyse of his hienes officiaris of estaitt, disunit and dissolvit all and sindrie the teynd scheves and utheris teyndis, baith great and small, alsweill of the personage as vicarage, and haill fruittis of the parochkirk of Borthuik, townis, landis and mylnis within the parochin thairof, and als the prebendareis of Arnetstoun, Myddeltoun, first and secund prebendarie of Vogrie, and twa clerkis to serve in the divines within the college kirk of Creichtoun, ane yeirlie rent for thair sustenatioun foundit of auld within the said college kirk of Creichtoun and haill vicarage of Borthuik, fruittis, rentis, manse and gleib thairof, fra the said uther kirk of Creichtoun to the quhilk the samin wes foundit and annexit of befoir, and hes unitit, erectit and incorporatit the samin in ane severall and distinct benefice of the said parochkirk of Borthuik, to be callit the personage of Borthuik, and to be ane yeirlie rent and stipend to the minister serveing the cure thairat in all tyme cumming, as the said chartour of the date the feird day of Aprile, the yeir of God jM vC fourscoir sextene yeiris at mair lenth proportis; quhilk chartour of erectioun and incorporatioun his majestie and estaittis foirsaidis and haill bodie of this present parliament have ratefeit and approvin, and ratefeis and appreves in all and sindrie the heidis, clauses, articlis and circumstances thairof, with all that hes followit, or that may follow thairupoun eftir the forme and tennour of the samin in all pointis; and als will and grantis that this generall ratificatioun is, and sall be, als gude, valide and effectuall in all respectis as gif the samin and everie particular clause thairof wer heirin specialie and expreslie mentionat or insert; and decernis and declaris that the erectioun and incorporatioun of the teyndis of the said parochkirk of Borthuik and prebendarie abonewrittin, quhilk wes of befoir ane pertinent and part of the said college kirk of Creichtoun, and is now erectit in ane severall and distinct personage, to be callit the personage of Borthuik in all tyme cumming, is and sall be als valide and sufficient in all respectis as gif the said unioun, erectioun and incorporatioun had bene past and expede be the consent of the patrone, titularis and prebendaris of the samin, and that the want of the consent of the saidis patroun, titularis and prebendaris sall nawayes dirogat, nor be prejudiciall thairto, nochtwithstanding quhatsumevir law, act or constitutioun maid in the contrair under the quhilkis the said erectioun and incorporatioun sall nawayes be comprehendit, bot specialie exceptit and reservit furth of the samyn. Attoure his majestie and estaittis foirsaidis, for the causes abonewrittin, be the tennour of thir presentis, of new disunitis and dissolvis the saidis teyndschaves and utheris teyndis, great and small, and haill fruitis of the paroche kirk foirsaid, prebendareis and utheris respective abovewrittin, and erectis the samin in ane severall and distinct personage to be callit the personage of Borthuik in all tyme cumming, and decernis and ordinis the samin unioun, erectioun and incorporatioun of the personage foirsaid to stand and abyd perpetualie in all tyme cumming, and the persounes provydit, or to be provydit thairto, be his hienes and his successouris to have als gude richt to the teyndis, baith great and small, fruitis, rentis, emolumentis and dueteis quhatsumevir of the said personage of Borthuik as gif the samin had bene ane severall and distinct personage fra the beginning, but prejudice of the particular prebendares provisionis yit on lyve, quha wer provydit to the saidis benefices befoir the moneth of Aprile jM vC fourscoir sextene yeiris, for thair lyfetymes alanerlie.

Ratificatioun in favouris of Maister Lawrence Gordoun of his infeftment of Glenluce

Oure soverane lord and estaittis of this present parliament, understanding that his majestie, upoun gude considerationis moveing his hienes, be his chartour under the great seall, hes gevin, grantit and disponit to Maister Laurence Gordoun, commendater of Glenluce, his airis maill and assignais quhatsumevir, all and haill the place and monastery of Glenluce, with all and sindrie houses, mansionis, doucattis, yairdis and orchardis thairof, alsweill within the precinct as outwith, and als all and haill the burgh of baronie and towne of Ballinglache, with the burrow landis, tenementis, houses, marcattis, fairis and privileges thairof, with the kirk of Glenluce, personage and vicarage of the samin, with the chaplanrie of oure lady and Christis chapellis, with all the teyndschaves and utheris teyndis pertenig thairto, and siclyk all and sindrie the croftis and fischingis pertening of auld to the said abbacie of Glenluce and benefice thairof, as the said chartour maid and grantit thairupoun, quhairin oure said soverane lord, be his hienes princelie word, hes faithfullie promittit to cause the samin chartour be ratefeit and appreveit be ane speciall act of parliament, at mair lenth proportis; thairfoir, and for fulfilling of his majesteis princelie promeis foirsaid, his hienes and estaittis of this present parliament hes ratefeit and apprevit and, be the tennour heirof, ratefeis and appreves the chartour and infeftment abonespecefeit in all and sindrie heidis, articlis, circumstances and provisionis thairof, eftir the forme and tennour of the samin in all pointis, with the seasing and all that hes followit, or that may follow thairupoun, provyding alwayes that the said Maister Laurence Gordoun, his airis maile and assignais satisfie the present minister of Glenluce and his successouris ministeris thairof in all tyme cumming, of ane sufficient stipend furth of the reddiest teyndis of the said personage and vicarage of Glenluce according and conforme to ane act and ordinance maid in this present parliament thairanent. Exceptand alwayes furth of this said infeftment and ratificatioun thairof all regaliteis, gif evir ony wes grantit to the said abbacie of Glenluce, and declaris the samin regaliteis to remane with oure said soverane lord and his hienes successouris inseparablie frome his hienes crowne for evir, nochtwithstanding of the said infeftment grantit to the said Maister Laurence Gordoun, his airis male and assignais foirsaidis, and this present ratificatioun thairof in parliament.

Erectioun of the abbacie of Scone in ane temporall lordschip in favouris of David, lord of Scone

Oure soverane lord and estaittis of this present parliament, considering the gude, trew and thankfull services monywayes done to his hienes be David, lord of Scone, his grace comptroller, and for uther great, ressonable, proffitable and sene causes nochtourlie knawin be the saidis estaittis, hes dissolvit and, be the tennour of this present act, dissolvis frome his hienes crowne and patrimonie thairof and frome all annexationis maid thairto of befoir, and als frome the abbacie of Scone and patrimonie of the samin simpliciter and for evir, all and sindrie the landis, baroneis, mansionis, manerplaces, yairdis, orchardis, mylnis, multuris, woddis, parkis, fischeingis, loches, iles, inches, hauchis, medowis, muris, mossis, coillis, coilheuches, annualrentis and utheris quhatsumevir of the temporalitie of the abbacie of Scone, with pairtis, pendiclis and pertinentis, tennentis, tenandreis and service of frie tennentis, superiouriteis, yeirlie fewfermes, caynis, customes and dueteis thairof, teynd pennies, jurisdictioun, privileges and immuniteis of the samin, and als all and sindrie the kirkis, chaplanreis and alterages of the said abbacie with all teyndscheves, utheris teyndis, fruittis and rentis belanging to the said abbacie and monasterie of Scone, alsweill to the spiritualitie as temporalitie thairof, and monkis portiounes of the samin, or wer possessit be the abbottis and commendataris thairof respective for the tyme as thair propirtie or patrimonie of the samin, baith tua pairt and thrid pairt thairof, and quhilkis thaireftir pertenit to oure said soverane lord be vertue of quhatsumevir actis of annexatioun, speciall or generall, be ressone of foirfaltrie or quhatsumevir uther maner of way. And the saidis esaittis declairis it sall be lesum to oure said soverane lord to annalie, gif, grant and dispone the samin to the said David, lord of Scone and to his airis maill lauchfullie gottin, or to be gottin, of his bodie, quhilkis falyeing to Andro Murray of Balvaird and his airis maile lauchfullie gottin, or to be gottin, of his bodie, heretablie, and for the erectioun of the samin to thame in ane haill and frie temporall lordschip and baronie callit, and to be callit in all tyme cumming, the lordschip and baronie of Scone, to be haldin of his hienes and his successouris in frie heretage, frie lordschip and baronie for evir for the yeirlie payment to his hienes thairfoir of ane thowsand pundis usuale money of Scotland at the terme of Witsonday in name of blenche ferme alanerlie. And thairwith the ministeris of all and sindrie parochkirkis of the said abbacie being provydit of ressonable yeirlie stipendis and rentis to be payit to thame furth of the teyndis, fruittis and dueteis of the saidis kirkis respective, and alsua to have the manses and gleibis pertening thairto, conforme to the actis of parliament maid thairanent, togidder with the small teyndis of the vicarages of the samin kirkis for thair sustentationis, and to that effect oure said soverane lord and estaittis foirsaidis dissolvis, suppresses and abolisches the foirsaid abbey and monasterie of Scone, memorie and name thairof, with the haill ordouris, institutionis and fundationis of the samin simpliciter and for evir, reserveand and exceptand alwayes furth of this present act and erectioun foirsaid all regaliteis and all privileges thairof possessit be the abbottis and titularis of Scone of befoir, to remane with oure soverane lord and his hienes successouris and thair crowne inseparablie in all tyme heireftir.

Ratificatioun in favouris of the Lord Abircorne of his infeftment off Abircorne

Oure soverane lord, with advyse of the estaittis of this present parliament, for mony greit and wechtie causes, for his hienes and his successouris, ratifies, apprevis and perpetuallie confermis the chartour maid and grantit be his hienes under the greit seill to his richt traist cousing and counsellour James, stylit than maister of Paisley and now lord Abircorne, his airis maill and assignais quhatsumevir heretablie, off all and sindrie the landis and barony of Abircorne contenit in the said chartour, with the advocatioun, donatioun and richt of patronage of all and haill the rectorie and vicarage of the paroche kirk and parochin of Abircorne, with all and sindrie landis, teindis fruitis, rentis, proffites, emolumentis and dewteis quhatsumevir pertening thairto, togidder with all priviledges, liberties and commoditeis thairof, togidder also with the office of schirefschip of Linlithgow and all and sindrie utheris landis, offices, priviledges, liberties and utheris quhatsumevir generalie and specialie comprehendit in the samyne chartour, as the said chartour of the dait at Halyruidhous, the fyft day of Aprile, ane thousand sex hundreth and thrie yeiris in the selff at mair lenth proportis, in all and sindrie heidis, pointis, clauses, articlis, circumstances, provisionis and conditionis mentionat and contenit in the foirsaid chartour, with the precept and instrument of seasing following thairupoun; and findis, decernis and declairis the foirsaid chartour, precept and instrument of seasing, with the richtis and securities maid of befoir to the said James, lord of Abircorne, his predecessouris and authouris fra quhome his richt proceidis, to be perfyte, lauchfull, valide, guide and sufficient richtis to the said James, lord Abircorne and his foirsaidis, for bruiking and joising perpetuallie in all tyme cuming, off all and sindrie the landis, barony, richt of patronage, offices, priviledges and utheris quhatsumevir, alsueill generallie as specialie comprehendit in the samin chartour, and that nochtwithstanding quhatsumevir actis, statutis or constitutionis of parliament maid in this present parliament at ony tyme of befoir or to be maid heirefter, quhilkis sall nawayes be hurtfull, nor prejudiciall to the fornemmit chartour, precept and instrument of seasing following thairupoun, nor mak dirogatioun thairto in ony sorte; and that the foirsaid chartour, precept and instrument of seasing grantit to the said James, lord Abircorne sall stand and remane in all tyme cuming in the awin strenth, force and effect and that this present confirmatioun and ratificatioun thairof is, and shalbe, als valide as if the infeftmentis of the saidis landis, offices, richt of patronage and utheris generalie and specialie befoir rehersit maid to his authouris and predecessouris thairof had bene lauchfullie and deulie confermit in parliament of befoir. And siclike, our said soverane lord, with advyse foirsaid, willis and declairis this present ratificatioun and confirmatioun to be of als greit force, strenth and effect as if the foirsaid chartour wer word be word ingrost and insert heirin, quhairanent oure said soverane lord, with advyse foirsaid, be thir presentis dispenses.

The commissioneris warrant anent the provisioun of the kirk of Abircorne

Whereas in the parliament haldin in the moneth of Julii jM vjC sex yeiris a speciall act of ratificatioun wes past and exped in favouris of James, now erle of Abircorne, of his infeftment of the landis and barony of Abircorne, with the advocatioun, donatioun and richt of patronage of the personage and vicarage of Abircorne, as the said act at mair lenth beiris, wherein a speciall restrictioun wes past that the act of parliament sould remayne unbooked or extractit untill it should be cleared unto us (who wer by the estaittis apointit commissioneris for that effect) that the said kirk of Abircorne wes provydit of ane sufficient stipend for maintenance of the minister serwing the cure at the same, and finding that the present minister hath assignit to him for the personage of Abircorne tua hundreth fiftie merkis money, ane chalder meill, aucht bollis beir to be payit be the takismen and parochyneris of Abircorne, with ten pundis money out of Tullilun, with the vicarage of the said kirk, for his yeirlie stipend, thairfoir we declair the said kirk to be sufficientlie provydit of maintenance and ordanis the samin act of ratificatioun to be insert and extractit as shalbe requyred. Sic subscribitur, Al., cancell[arius]., Sanctandrois, Glasgo, Jo. Prestoun, Ja., bishop of Orcade, S. T. Hammiltoun, Ross, J. Cokburne.

Act in favouris of James Maxuell and Robert Douglas

Oure soverane lord and estaites of this present parliament, having considerit the guid, trew and thankfull services done and performit to his majestie be his hienes domestick servitouris James Maxuell, ane of the gentlemen ischearis, and Robert Douglas, ane of the equyriers to his hienes derrest sone, the prince, and for other grave, wechtie and proffitable sene causes of this the realme of Scotland concerning the honour, weilfair, peace and tranquilitie thairof, weill advysit, tryit digestlie, considerit and approvin be his majestie and estaites foirsaidis, and be thair decreit of this present parliament hes thocht meitt, concludit, statute and ordanit that ane charter and infeftment under the great seill in maist ample forme salbe exped and granted be his hienes and officers of estaite to, and in favouris of, the saidis James Maxwell and Robert Douglas conjointlie and equallie betuix tham, and to thair airis maill and assignais quhatsumevir heretablie, of all and sindrie the landis underwrittin, of before callit the debetable landis, viz: the landis of Tarresfute, Monibyherst, Broumsheilhill, Quhitliesyde, Bankheid, Menmeirburne, Harlaw and Harlaw Wod, Rowingburne, Wodeheid, Thorniequhattis, Waberhillis, Barresknowis, Wodhousleyis, Hoilhous, Torcune, Broumsheilburne, Auchinrissok, lyand within the parochin of Cannabie, and of the landis of Glunyeart, Mortoun and Barnegleis, lyand within the parochin of Mortoun, with all and sindrie the manor places, houses, biggingis, yairdis, orchardis, milnis, multures, wodis, fischingis, doucattis, cunningharis, tenentis, tenandreis, service of frie tennentis, annexis, connexis, partis, pendicles and pertinentis of the samin quhatsumevir, all lyand within the schirefdome of Drumfreis, and to be unite, annexit, erectit and incorporat in ane haill and frie baronie to be callit in all tyme cuming the baronie of Tarres, to be haldin of oure said soverane lord and his successoures in frie blenshe for payment of a pair of gilt spurs in name of blenshe ferme on the ground of the landis foirsaidis yeirlie at the feist of Witsonday, if it beis askit, allennarlie, and the said infeftment to be als largelie extendit and to contene als ample clauses, liberteis and privilegis as may be devysit be the saidis James and Robert for thair securities thairanent, and that hes bene granted in favoures of ony barroun upoun quhatsumevir other baronie within this realme. And if ather it hes or may be tryed or estimat that the forsaidis landis or any part thairof have bene of the annexit propertie at any tyme heirtofoir, oure said soverane lord and estaites forsaidis hes, for the causes and consideratiounis abonewritin, dissolvit and, be thir presentis, dissolvis the forsaidis landis and all thair pertinents fra the croun and fra all annexationis thairof, ather speciall or generall, to the effect and for granting and expending of the infeftment thairof abonewrittin to and in favoures of the saidis James and Robert and thair forsaidis and for thair greater and mair large securitie of the saidis landis. And forder, oure said soverane lord and estaitis foirsaidis, now as if the said infeftment wer maid and past and than as now, ratifeis and approves the samyn chartour and infeftment in all and every heid, claus, circumstance and conditioun thairof, decerning and ordaning the samyn, with the precept and saising to follow thairupoun, to be guid, valid, effectuall and sufficient rychtis, titles and securities to the saidis James and Robert and thair forsaidis, to bruik, joyse, posses and use the foirnamit landis and utheris abonewrittin with all the privilegis, liberties and immunities to be contenit in the said infeftment, nochtwithstanding quhatsumevir law, act, statute and ordinance maid, or to be maid in the contrair, quhairunto thir presentis sall mak expres dirogatioun.

Annexatioun of the personage and vicarage of Glasgou to the archibischoprik thereof

Oure soverane lord and estaites of parliament, haiving consideratioun that the rentis and yeirlie proffeitis of the archibischoprik of Glasgow ar greatlie exhaustit be fewis, pensiouns and otherwayes, and that for supplie thairof his hienes wes pleased to provyde Johne, now archibischop of Glasgow, to the personage and vicarage of the samyn and to the haill fructis, rentis, dewtyes, emolumentis and casualities belonging thairto during his lyftyme, for diverse wechtie causes and considerationis moving his hienes and estaites foirsaidis, unitis, annexis and incorporatis the saidis personage and vicarage of Glasgo, with the haill fructis, rentis, deuties, emolumentis and casualities of the samyn, to the said archibischoprik of Glasgow, to remane thairwith for evir, inseparablie as a propir pairt and pertinent of the patrimonie thairof, sua that the provisioun maid, or to be maid, be his hienes to the said Johne, now archbischop, and his successoures of the said bischoprik salbe, in all tyme cumming, als valiable and sufficient to them for bruiking, joising, uplifting and ressaving the haill fructis, rentis and emolumentis of the said personage and vicarage of Glasgo, or otherwayes using, setting and disponing the same as the said archbischop or any of his predicessoures have bruikit, joysit, upliftit, ressavit and usit any of the auld and auncient rentis and fructis annexat and incorporat to the said archbischoprik be the former fundationis in any tyme bygane. And to that effect his majestie, with avyse of the saidis estaites, dissolves the saidis benefices of the personage and vicarage of Glasgow from his hienes croune in sa far as the samyn wer severall benefices be them selfes, willing and ordaning the samyn to be and be estemit a proper pairt and patrimonie of the said archbischoprik of Glasgow, and to be conjoynit with the presentatioun of the said archbischoprik in all tyme cuming, but prejudice alwayes of the Lord of Blantyre and his sones takes of the personage and vicarage of Glasgow.

Erectioun of the lordschip of Halieroodhous

Oure soverane lord, with advyse and consent of the estaittis of the parliament of Scotland presentlie convenit, considdering the manyfold guide, trew and thankfull services done to his majestie be his hienes richt trustie and familiare counsellour, Maister Johnne Bothuell of Alhammer, ane of the lordis and senatouris of his majesties colledge of justice, alsueill in his daylie and continuall attending in the secreit counsell and sessioun for the administratioun of justice to all his majesties lieges, as in diverse and sindrie utheris greit, wechtie and honorable services committit to his charge be his hienes concerning the commounweill of this realme of Scotland, quhairin he hes evir dischargit himself maist faithfullie to his majesties greit honour and contentment and to the singular commoditie and weill of the realme of Scotland and lieges thairof; and his majestie, being alwayes of mynd and intentioun to remwnerat his saidis faithfull services as occasioun sall offer with sum takin of his hienes favour, his majestie, haifing now be speciall instructionis proponit to the saidis estaittis of parliament the saidis greit and faithfull services done to his hienes and for the commounweill of the realme of Scotland, in particuler be his said richt trustie and familiar counsellour, and the saidis estaittis, haveing thairupoun takin full tryall and verificatioun, they have fund, tryit, censourit and judged, like as they presentlie find, censour and judge the samyne to be, and to have bene, greit, seand and ressonable causes for the weill of his majestie and of the said realme of Scotland; as also his hienes and estaittis foirsaidis findis, decernis and declairis that his majestie, with thair advyse and consent, may for the saidis causes quhilk they have knawin and tryit to be for the seand weill of his majestie and realme as said is, gif, annalie and dispone ony part of the landis annexit to his hienes crowne to his said richt trustie and familiar counsellour, his airis and assignais heritablie, to be haldin in sic maner and in sic forme as his majestie best pleises, and to that effect that annexatioun of tha landis to the crowne that ar to be annaleit and disponit salbe simpliciter dissolvit fra the crowne swa that they may be annaliet and disponit to his said hienes richt trustie and familiar counsellour and his airis heritablie. And the saidis estaittis, being ripelie and gravelie advysit quhat his majestie may annalie and dispone with leist detrement to his hienes crowne and yeirlie rent, the saidis estaittis, all in ane voice, haif fund and declairit and, be the tennour heirof, findis and declairis that the temporalitie, propirtie and superiouritie with the fewfermes and dewties of all and sindrie sic landis, baronies, commownis, pittance silver, annuelrentis and utheris, with the fewfermes and dewties thairof, quhilkis pertenit of auld to the abbacie of Halyruidhous as ane part of the temporalitie thairof and wer annext to the crowne be vertew of the generall act of annexatioun of the haill kirklandis of the realme of Scotland to the crowne in the parliament haldin at Edinburgh in the moneth of Julii, the yeir of God jM vC fourscoir sevin yeiris, now being in his majesties handis be vertew of the said annexatioun, lykas the spiritualitie of the said abbacie contening the abbay place and monasterie with the houses, biggingis, yairdis and utheris lyand within the precinct thairof, togidder with the teindschevis and utheris teindis, fruitis, rentis, emolumentis and dewties, baith personage and viccarage, of the parochkirkis and parochynnis of Quhitkirk, Libertoun, Tranent, Crawfurdelindesay, Sanctcudbert and Halyruidhous, quhilk cumis under the generall exceptioun fra the said annexatioun and pertenit to Johnne, commendater of the said abbacie of Halyruidhous and convent thairof, as ane pairt of the spiritualitie of the same, being now presentlie in his majesties handis be demissioun and resignatioun maid thairof be the said commendater and convent of the said abbay, thair lauchfull procuratouris and patent lettres, as the said demissioun beiris, may, with leist detriment to his majestie or hurt to the rent and revennew of the crowne, for the seand causes abonewrittin, be annaliet and disponit be his majestie to his said richt trustie and familiar counsellour and his airis heritablie in maist ample forme; and, thairfoir, the saidis estaittis of parliament findis it necessar and expedient that oure said soverane lord, be his hienes infeftment to be maid be the advyse of his majesties ordiner officiaris, sall erect, unite, create and incorporate all and sindrie the landis, baronies, annuelrentis, precinct, commownes, pittance silver and utheris pertening to the said abbacie of Halyruidhous as ane pairt of the temporalitie thairof be thair names in speciall quhairever thay ly within this realme of Scotland, and quhilkis wer annext to the crowne be vertew of the foirsaid generall act of annexatioun, togidder with all and sindrie the teindschevis and utheris teindis, fruitis, rentis, emolumentis and dewties quhatsumever, baith personage and viccarage, of the foirsaidis kirkis and parochynnis off Quhytkirk, Libbertoun, Tranent, Crawfurdelindesay, Sanctcudbert and Halyruidhous in ane haill and frie barony and estait of ane lordschip of his hienes parliament; and that the samyne, with all priviledgis and commodities pertening thairto, togidder with the honour, dignitie and estait of ane lord of his majesties parliament, with badge and armes, for the causes foirsaidis, salbe annaliet and disponit to his said hienes richt trustie and familiar counsellour, his airis and successouris heritablie, to be haldin of his majestie and his sucessouris in frie barony and lordschip with the honour and dignitie of ane lord of parliament for ever. And to that effect his majestie and estaittis foirsaidis of parliament dissolvis, annullis and infringis the said generall annexatioun of the kirklandis of this realme of Scotland to the crowne insafar as it may be extendit to ony pairt of the temporalitie of the said abbacie of Halyruidhous that may be comprehendit under any part of the said annexatioun allanerlie, and ordanis the infeftment to be maid heirupoun to be extendit in maist ample forme, berand ane unioun and incorporatioun of all the particularis in ane barony and lordschip with ane speciall remit and discharge of the thriddis of the said abbacie of Halyruidhous, alsueill money as victuell, togidder with all monkis portionis, first yeiris fruitis and fyft penny of the said abbacie and benefice thairof, becaus his majestie wilbe relevit and dischargit of the sustentatioun of the ministeris at the foirsaidis kirkis, and als to beir and contene provisioun that the said lordship pay all taxationis, with the temporall lordis for the said temporalitie comptand the same to fiftie pundland of auld extent, and to haif thair releif of the heritable fewaris, tennentis and utheris takismen of the saidis landis and teindis efter the rait and quantitie of thair landis and teindis sa oft as the saidis taxationis sall occure, and with expres poware to thame to reduce and retreit quhatsumever infeftmentis, takkis, assedationis, richtis and titillis of ony part of the saidis landis, kirkis and teindis for quhatsumever caus compitent of the law with all utheris clauses and provisionis quhilk salbe neidfull to thame for bruiking of the said lordschip and barony; and to the effect foirsaid, his majestie and estaittis of parliament hes supprest and extingueshit the memorie of the said abbacie of Halyruidhous swa that thair sall be na successour provydit thairto, nor na forder mentioun maid of the samyne in ony tyme heireftir. And to the said alienatioun and dispositioun, now as if it wer alreddie maid and than as now, his majestie and the saidis estaittis of parliament hes interponit and interponis thair consent and authoritie as that deid, quhilk is now, and salbe in all tymes heireftir, estemit and judgeit for the weill of oure said soverane lord and for ane seand proffeit and commoditie to his croun and realme of Scotland, payand thairfoir yeirlie the said Maister Johnne Bothuell, his airis and successouris to oure said soverane lord, his airis and successouris the sowme of tua hundreth pundis money of Scotland at the feist of Witsounday in name of blenche ferme, and als payand yeirlie to the ministeris serveing the cures at the kirkis foirsaidis the particular stipendis underwrittin modifiet and apointit to thame for serving the cures of the saidis kirkis be the commissioneris apointit for that effect, viz: to the minister serving the cure at the said kirk of Quhytkirk, thrie chalderis victuell, to witt ten bollis quheit and tuentie aucht bollis aittis, with the cheritie, with the soume of ane hundreth merkis money, with viccarage, manse and gleib; to the minister serving the cure at the said kirk of Libbertoun, sex chalderis victuell, viz: ane chalder quheit, ane chalder beir, four chalderis aittis, with viccarage, manse and gleib; to the minister serving the cure at the said kirk of Tranent, tua hundreth merkis money and thrie chalderis victuell, viz: tuelff bollis quheit, tuelff bollis beir and tuentie four bollis aittis, with viccarage, manse and gleib; to the minister serving the cure at the said kirk of Craufurdelindesay, four hundreth merkis money, with the gleib; to the minister serving the cure at the said kirk of Sanctcudbert, sevin chalderis victuell, viz: ane chalder quheit, thrie chalderis beir and thrie chalderis sufficient infeild aittis, with the viccarage, manse and gleib; and to the minister serving the cure at the said kirk of Halyruidhous, tua hundreth merkis money and thrie chalderis victuell, viz: ane chalder quheit, ane chalder beir, and ane chalder aittis, with the cheritie.

Act in favouris of Maister Robert Williamsone of the tempillandis fra the croune

Oure soverane lord and estaittis of this present parliament ratifies, appreves and confermis the contract and apointment maid betuix James Sandilandis of Calder, lord Torphechin on the ane part, and Maister Robert Williamsoun, writtar, and James Tennent of Linhous on the uther part, quhairby the said Lord Torphechin hes sauld, annaleit and disponit to the saidis Maister Robert Williamsoun and James Tennent, equallie betuix thame, all and sindrie and quhatsumever tempillandis and tenementis pertening to the said Lord Torphechin ather in propertie or tennandrie, quhairever they ly within the realme of Scotland, ather in burgh or outwith burgh in landwart, and quhilkis ar or may be knowne to pertene, or to have pertenit, to the said lordschip of Torphechin at ony tyme bigane preceiding the dait underwrittin of the said contract, with tennentis, tennendries, service of frie tennentis, priviledges and immunities of the foirsaidis landis and tenementis quhatsumever richteouslie pertening thairto, and quhilkis the said Lord Torphechen and his predicessouris haif enjoyit in ony tymes bipast, or contenit in the auld infeftmentis of the samin, with castellis, touris, fortalices, houses, biggingis, orchardis, medowis, parkis, milnes, woddis, fischeingis and all thair pertinentis quhairever they ly within the realme of Scotland (exceptand alwayes as is exceptit in the said contract), to be haldin of oure said soverane lord and his hienes successouris fra the said Lord Torphechin and his airis be sic maner of halding as may stand be the lawis of this realme, and as they may procure of oure said soverane lord and his successouris handis, ather in blenshe fewferme or uther wayes, and ratifies and apprevis the haill pointis, heidis, clauses, articlis, priviledgis and conditionis contenit thairin and efter the forme and tennour thairof in all pointis, of the dait the nynt day of November, the yeir of God jM vC fourscoir nynetene yeiris, and registrat in the buikis of counsell, the tuentie aucht day of November, the yeir of God jM sex hundreth yeiris. And als the saidis estaittis of parliament ratifies and appreves the assignatioun and dispostioun maid be the said James Tennent of Linhous to the said Maister Robert Williamsoun and his airis of his part of the said contract, assignand and transferrand his haill richt and titill thairof in the persone of the said Maister Robert and his foirsaidis, of the dait the sextene day off Junii, the yeir of God jM sex hundreth four yeiris. And oure said soverane lord and estaittis of this present parliament, haiffand considderatioun that the said tempillandis are of small quantitie and importance, lyand disperst throuchout all the partis of this realme, and are, for the maist part, disponit of auld to the possessouris thairof for payment yeirlie of very small annuellis and utheris dewties, sa that the expenses of the ingaddering of the samyne will farre surmount the haill yeirlie annuellis and dewties thairof, and als haifand considderatioun that the said Lord Torphechin hes sindrie baronies of land particulerlie mentionat in his infeftment of the said lordschip off Torphechin, sufficient for payment to oure said soverane lord and his successouris of his hienes few dewtie of fyve hundreth merkis addettit yeirlie for the said haill lordschip of Torphechin in all tymes cuming, as also that the said Lord Torphechin be the said contract hes tane upoun him and his airis the payment of the said few dewtie of fyve hundreth merkis to his hienes and his successouris and to mak the foirsaidis tempillandis to be frie thairoff, thairfoir, and for guide and thankfull service done to his hienes be the said Maister Robert Williamsoun, quha hes acquyrit the haill richt of the saidis tempillandis to himselff and his airis in maner abonewrittin, oure said soverane lord and estaittis of this present parliament hes dissolvit and dissolvis the foirsaidis haill tempillandis, annuellis and few dewties thairof frome the crowne and patrimonie thairof suafar as the samyne tempillandis, annuellis and few dewties payit thairfoir hes ever bene annext or wer annext to the patrimonie of the crowne, to the effect the samin tempillandis, fewdewties and annuellis may be disponit be his hienes to the said Maister Robert Williamsoun, his airis and assignais heritablie, in all tyme cuming; and for that effect, ordanis ane new infeftment to be maid in dew and compitent forme of the saidis tempillandis and utheris abonewrittin with all priviledgis and immunities belonging thairto, to the said Maister Robert Williamsoun, his airis and assignais, to be haldin of oure soverane lord and his hienes successouris for payment of ane penny in name of blenshe at Witsounday, if it beis askit, allanerlie, conforme to the tennour of the foirsaid contract and the said Lord Torphechin and his predicessouris' infeftmentis of the samyne tempillandis and utheris abonewrittin, priviledgis and immunities belonging thairto and contenit in the former infeftmentis of the said lordschip of Torphechin; the quhilk infeftment of the saidis tempillandis, with the priviledgis and immunities belonging thairto, and of all the pertinentis thairof abonewrittin, oure said soverane lord and estaittis foirsaidis, now as gif the said infeftment of the saidis tempillandis wer past to the said Maister Robert Williamsoun and his foirsaidis and than as now, ratifies and apprevis the said infeftment in the haill articlis and clauses thairof efter the forme and tennour of the samin in all pointis, to the effect he and his foirsaidis may bruik and jois and dispone thairupoun as thair heritage at thair plesour in all tyme cuming; and this infeftment to be extendit in ample forme with all clauses necessar belonging thairto, renunceand all actioun that his majestie, his predicessouris or successouris had, hes or may have aganis the samin for quhatsumever caus may mak ather the infeftment grantit to the said Lord Torphechin or his predicessouris, or the said Maister Robert Williamsoune awin infeftment following heirupoun, invalide and ineffectuall in thameselves to and in favouris of the said Maister Robert Williamsoun, his airis and assignais, safar as concernis the saidis tempillandis and utheris foirsaidis contenit in the said contract and utheris writtis abonewrittin.

Act in favouris of Schir George Bruce anent the ratificatioun of his infeftment of Carnok

Oure soverane lord and estaittis of parliament presentlie convenit ratifies, apprevis and, for his hienes and his successouris, perpetuallie confermis the charter and infeftment maid and grantit be his majestie under the greit seill to his lovitt George Bruce of Carnok off all and haill the landis and barony of Carnok, with the partis, pendiclis and pertinentis of the same, with the advocatioun, donatioun and richt of patronage of the personage and viccarage of the paroche kirk of Carnok, with the taxt waird thairin contenit, off the quhilk infeftment the tennour followes:

Jacobus Dei gratia rex Scotorum omnibus probis hominibus totius terre sue clericis et laicis salutem. Sciatis nos cum auisamento predilecti nostri familiaris consiliarii domini Georgii Home de Spot militis nostri thesaurarii ac nostri familiaris consiliarii Magistri Joannis Prestoun de Fentounbarnis thesaurarii nostrarum nouarum augmentationum de terris ecclesiasticis huius nostri regni ad nostram coronam annexatis dedisse concessisse disposuisse et hac presenti nostra carta confirmasse tenoreque eiusdem dare concedere disponere et hac presenti carta nostra confirmare dilecto nostro Georgio Bruce portionario de Gellatis suisque heredibus et assignatis quibuscunque hereditarie totas et integras terras et baroniam de Carnok specialiter in se comprehendentes omnes et singulas terras de Carnok ac vtrasque dimedietates earundem, cum turre fortalicio manerie domibus edificiis hortis pomeriis parcis pratis forrestis columbariis carbonibus carbonariis molendinis tam granorum quam fullonum terris molendinariis multuris siluis piscariis partibus pendiculis annexis connexis dependenciis toftis croftis lie outsettis tenentibus tennandriis libere tenentium seruitiis et omnibus earundem pertinentiis quibuscunque vbicunque iacent ex vtrisque lateribus aque cum integris priuiledgiis proficuis et commoditatibus earundem, iacentibus infra vicecomitatum de Fyffe. Quequidem terre et baronia predicte cum pertinentiis perprius predilecto nostro consanguineo Joanni domino Lindesay de Byris hereditarie pertinuerunt et quas ipse cum expressis consensu et assensu dominr Euphamie Leslie sue matris relicte quondam Jacobi domini Lindesay de Byris ac cum consensu Anne Oliphant eius sponse per eorum procuratores ad hoc legittime constitutos et literas eorum patentes in manibus nostris tanquam in manibus domini eorum immediati superioris earundem apud Dumfermling sursum reddidit, pureque et simpliciter per fustum et baculum resignauit, ac totum ius et clameum proprietatem et possessionem que et quas in eisdem habuit habet seu quouismodo in futurum habere potuit omnino quiete clamauit imperpetuum in fauorem dicti Georgii Bruce suorumque heredum et assignatorum, pro hac nostra noua carta et infeodatione hereditaris ipsis nostro sub magno sigillo desuper in debita forma danda et conficienda. Insuper nos pro bono fideli et gratuito seruitio nobis per prefatum Georgium Bruce prestito et impenso ac pro diuersis aliis magnis respectibus et bonis considerationibus nos moventibus de nouo cum auisamento predictorum dedimus concessimus et disposuimus tenoreque presentis carte nostre damus concedimus et disponimus prefato Georgio Bruce suisque heredibus et assignatis predictis totas et integras predictas terras et baroniam de Carnok specialiter in se comprehendentes omnes et singulas predictas terras de Carnok et vtrasque dimedietates earundem cum turre fortalicio manerie domibus edificiis hortis pomeriis pratis parcis forrestis columbariis carbonibus carbonariis molendinis tam granorum quam fullonum terris molendinariis multuris siluis piscariis partibus pendiculis annexis connexis dependenciis toftis croftis lie outsettis tenentibus tenandriis libere tenentium seruitiis et omnibus earundem pertinentiis quibuscunque vbicunque iacent ex vtrisque lateribus aque, cum integris priuiledgiis proficuis et commoditatibus earundem, vnacum omnibus iure titulo interesse iurisclameo tam petitorio quam possessorio que seu quas nos nostri predicessores aut successores ad easdem seu ad aliquam earundem partem vel ad census firmas proficua aut deuorias earundem de quibuscunque annis aut terminis preteritis habuimus habemus seu quouismodo habere vel clamare poterimus aut poterint, ratione warde releuii nonintroitus eschaete forisfacture recognitionis purprusionis disclamationis bastardie infeofamentorum sasinarum seu retornatum reductionis totius aut maioris partis alienationis seu virtute antedicti acti annexationis terrarum ecclesiasticarum huius nostri regni ad nostram coronam aut ob non confirmationem in debito tempore vel virtute quorumcunque actorum parliamenti aliorumve actorum legum seu constitutionum nostri regni aut ob quamcunque aliam causam actionem seu occasionem preteritam diem date presentis nostre carte precedentem. Renunciando et exonerando eisdem cum omnibus actione et instantia earundem pro nobis et successoribus nostris prefato Georgio Bruce suisque heredibus et assignatis predictis pro nunc et imperpetuum cum pacto de non petendo ac cum supplemento omnium defectuum tam non nominatorum quam nominatorum quos tanquam pro expressis in hac presenti carta nostra haberi volumus. Praeterea considerantes rectoriam et vicariam ecclesie parochialis de Carnok cum omnibus et singulis terris decimis fructibus redditibus emolumentis et deuoriis quibuscunque ad huiusmodi spectantibus et pertinentibus ab antiquo vnam partem patrimonii et proprietatis ministerii de Scotlandwell et beneficii eiusdem existentem in manibus nostris per Andream Arnochte ministrum de Scotlandwell conventu nunc destitutum per suos procuratores ad hoc legittime constitutos et literas suas patentes dimissam resignatam et simpliciter extradonatam esse, ad effectum quod dicta rectoria et vicaria omni tempore affuturo a dicto ministerio de Scotlandwell et beneficio eiusdem dissoluatur et supprimatur et vt ius et titulus patronatus eiusdem per nos dicto Georgio Bruce suisque heredibus et assignatis hereditarie conferatur et concedatur prout in dicta dimissione latius continetur. Ideo cum auisamento predictorum dissoluimus et suppressimus tenoreque presentis carte nostre pro nobis et successoribus nostris dissoluimus et suppressimus antedictam ecclesiam parochialem de Carnok rectoriam et vicariam eiusdem cum omnibus et singulis terris decimis fructibus redditibus emolumentis et deuoriis quibuscunque ad eandem spectantibus et pertinentibus a dicto ministerio de Scotlandwell et beneficio eiusdem et quod dicta rectoria et vicaria decime fructus et eiusdem redditus nulla pars seu portio patrimonii seu proprietatis antedicti ministerii de Scotlandwell et beneficii eiusdem vllo tempore futuro sint, necnon nos cum auisamento predictorum vniuimus annexauimus et incorporauimus tenoreque presentis carte nostre pro nobis et successoribus nostris vnimus annexamus et incorporamus advocationem donationem et ius patronatus antedicte ecclesie parochialis de Carnok rectorie et vicarie eiusdem ad predictam baroniam de Carnok cum eadem pro perpetuo omni tempore affuturo inseparabiliter remanentes ac fecimus constituimus et ordinauimus tenoreque presentis carte nostre pro nobis et successoribus nostris facimus constituimus et ordinamus perfatum Georgium Bruce suosque heredes et sibi in dicta baronia de Carnoch successores indubitatos et irrevocabiles hereditarios patronos antedicte ecclesie de Carnoch rectorie et vicarie eiusdem cum potestate ipsis personas habiles aptas et per huiusmodi qualificatas toties quoties dictam rectoriam aut vicariam per dimissionem depriuationem seu inhabilitatem possessorum presentium seu futurorum aut alias quovismodo vacare contigerit ordinariis presentare vt iuris postulat ordo, ac omnia alia et singula que ad dictam advocationem donationem et ius patronatus predicti spectant adeo libere vtendi gaudendi et exercendi sicuti aliquis alius hereditarius patronus infra regnum nostrum facit seu in similibus facere possit. Ac etiam volumus et concedimus et pro nobis et nostris successoribus pro perpetuo decernimus et ordinamus quod vnica sasina nunc per prefatum Georgium et omni tempore affuturo per suos heredes et successores apud turrim fortalicium et principale messuagium de Carnok capienda stabit et ipsi erit sufficiens sasina pro totis et integris predictis terris et baronia de Carnoch cum vtrisque dimidietatibus earundem turre fortalicio manerie domibus edificiis hortis pomeriis pratis parcis forrestis columbariis carbonibus carbonariis molendinis tam granorum quam fullonum terris molendinariis multuris siluis piscariis partibus pendiculis annexis connexis dependentiis toftis croftis lie outsettis tenentibus tenandriis libere tenentium servitiis et earund pertinentiis quibuscunque vbicunque iacent ex vtrisque lateribus aque; cum integris priveligiis proficuis et commoditatibus earundem, vnacum dicta advocatione donatione et iure patronatus antedicte ecclesie parochialis de Carnoch rectorie et vicarie eiusdem, non obstante quod non iacent insimul et contigue sed in diuersis partibus; super quo nos pro nobis et successoribus nostris dispensauimus ac per presentis carte nostre tenorem dispensamus pro nunc et in perpetuum tenendas et habendas totas et integras predictas terras et baroniam de Carnoch ac vtrasque dimidietatis earundem cum turre fortalicio manerie domibus edificiis hortiis pomeriis parcis pratis forrestis columbariis carbonibus carbonariis molendinis tam granorum quam fullonum terris molendinariis multuris siluis piscariis partibus pendiculis annexis connexis dependenciis toftis croftis lie outsettis tenentibus tenandriis libere tenentium serviciis et omnibus earundem pertinentiis quibuscunque vbicunque iacent ex vtrisque lateribus aque, cum integris priuilegeis proficuis et commoditatibus earundem, unacum dicta advocatione donatione et iure patronatus antedicte ecclesie parochialis de Carnoch rectorie et vicarie eiusdem, prefato Georgio Bruce suisque heredibus et assignatis predictis de nobis et successoribus nostris in feodo hereditate et libera baronia imperpetuum per omnes rectas metas suas antiquas et diuisas prout iacent in longitudine et latitudine, in domibus edificiis boscis planis moris marresiis viis semitis aquis stagnis riuolis pratis pascuis et pasturis molendinis multuris et eorum sequellis aucupationibus venationibus piscationibus petariis turbariis carbonibus carbonariis cuniculis cuniculariis columbis columbariis fabrilibus brasinis brueriis et genestis siluis nemoribus et virgultis lignis tignis lapicidiis lapide et calce cum curiis et earundem exitibus hereyeldis bludewitis et mulierum mercheitis cum communi pastura liberoque introitu et exitu ac cum furca sossa sok sak thole theme vert wraik wair vennisone infangtheif outfangtheif pitt et gallous ac cum omnibus aliis et singulis libertatibus commoditatibus proficuis et asiamentis ac iustis suis pertinentiis quibuscunque tam non nominatis quam nominatis tam subtus terra quam supra terram procul et prope ad predictas terras et baroniam cum pertinentiis spectantibus seu iuste spectare valentibus quomodolibet in futurum libere quiete plenarie integre honorifice bene et in pace absque vlla revocatione contradictione impedimento aut obstaculo quocunque. Reddendo annuatim dictus Georgius suique heredes et assignati predicti nobis et successoribus nostris pro maiore dimidietate predictarum terrarum et baronie cum pertinentiis servitium varde et releuii ac pro minore dimidietate earundem terrarum et baronie cum pertinentiis summam triginta trium solidorum et quatuor denariorum usuallis monete regni nostri nomine cane tantum. Proviso tamen quod Georgius suique heredes et assignati omnibus temporibus futuris solummodo tenebuntur persoluere nobis nostrisque successoribus quandocunque contigerit predictas terras et barroniam In manibus nostris nostrorumue successorum ratione varde seu nonintroitus ob minoritatem seu defectum heredum vel successorum dicti Georgii aut alias quouismodo deuenire summam viginti librarum usuallis monete regni nostri annuatim durante spatio warde et non introitus earundem, ad duos anni terminos festa viz pentecostes et Sancti Martini in hieme per equales portiones vnacum summa centum librarum monete predicte pro heredis maritagio tantum. Ac volumus et concedimus et pro nobis et nostris successoribus pro perpetuo decernimus et ordinamus ex certa scientia et proprio motu cum avisamento predictorum quandocunque imposterum contigerit predictas terras et barroniam de Carnoch cum pertinentiis in manibus nostris nostrorumue successorum ratione dicte warde seu nonintroitus ob minoritatem seu defectum heredum et successorum dicti Georgii aut alias quovismodo deuenire, vt premissum est, ut nihilominus heredes assignati et successores dicti Georgii Bruce totas et integras predictas terras et barroniam et vtrasque dimidietates earundem cum partibus pendiculis tenentibus tenandriis libere tenentium servitiis et omnibus suis pertinentiis cum integris censibus firmis proficuis et deuoriis earundem, absque vlla molestatione seu impedimento ipsis per nos nostrosue successores quovismodo inde fiendo in futurum pacifice et libere gaudebunt et possidebunt heredes assignati et successores dicti Georgii soluendo annuatim nobis nostrisque successoribus durante tempore warde et non introitus earundem antedictam summam viginti librarum monete predicte ad duos anni terminos consuetos festa viz pentecostes et Sancti Martini in hieme per equales portiones, vnacum dicta summa centum librarum pro heredis maritagio tantum pro quaquidem annualis diuorie solutione viginti librarum, unacum dicta summa centum librarum pro heredis maritagio ut premissum est, nos pro nobis et successoribus nostris cum auisamento predictorum dedimus concessimus et assignauimus et disposuimus tenoreque presentis carte nostre damus concedimus et assignamus et disponimus heredibus assignatis et successoribus dicti Georgii Bruce antedictam wardam et nonintroitum totarum et integrarum predictarum terrarum et barronie de Carnoch cum vtrisque dimidietatibus eiusdem partibus pendiculis tenentibus tenandriis libere [tenentium] servitiis et omnibus earundem pertinentiis, unacum releuamine eiusdem et heredis maritagio toties quoties easdem terras et barroniam in manibus nostris nostrorumue successorum ratione warde seu nonintroitus deuenire contigerint omni tempore affuturo vt premissum est. In cuius rei testimonium huic presenti carte nostre magnum sigillum nostrum apponi precepimus; testibus predelectis nostris et consanguineis et consiliariis Joanne marchione de Hamiltoun comite Arranie domino Owen etc., Joanne comite de Montrois domino Graham etc. cancellario nostro, Georgio comite Mariscali domino Keith etc. regni nostri mariscallo, dilectis nostris familiaribus consiliariis dominis Jacobo Elphingstoun de Barrontoun nostro secretario, Ricardo Cokburne juniore de Clerkingtoun nostri secreti sigilli custode militibus, Magistro Joanne Skene nostrorum rotulorum registri ac consilii clerico, Domino Joanne Cokburne de Ormestoun milite nostro justiciarie clerico, et Magistro Willielmo Scott de Elie nostre cancelarie directore. Apud Dunferling quarto die mensis Maii anno Domini milesimo sexcentesimo secundo, regnique nostri anno trigesimo quinto, in all and sindrie heidis, poyntis, artikillis, clauses, provisiones and conditiones quhatsumevir thairin contenit; and decernis and declairis the same infeftment to have well grantit and for seand causes and guid serveice done to his majestie be the said George, and thairfoir to remaine and abyde in all tyme cuming as guid, valide and effectuall richtis and securiteis to the said George Bruce, his airis and successouris for bruiking and joysing of the forsaidis landis and baronie, with the advocatioun, donatioun and richt of patronage of the paroche kirk theirof, with the taxt waird thairin conteinet. To the quhilk ratificatioun George, arschbischope of Sanctandros, being personallie present in this present parliament, consentit, and wes content that the same infeftment, with the taxt wairde thairin conteinet, sould stand and remaine for ever as guid, valied and effectuall to the said George Bruce and his foirsaidis, provyding alwayis that the said ratificatioun prejudge nocht the archibischope nor his successouris in thair richt of the superiouritie of the ane half of the saidis landis and baronie of Carnoch and of the deuteis dew to thame conteinet in the said infeftment ratiefiet as said is, and siclyke the said George Bruce of Carnoch paying yeirlie to the minister serving the cure at the said kirk of Carnoch, and his successouris serving the cure at the said kirk, the yeirlie stipend underwrittin, viz: fourtene boillis, tua pairt boill beir, ane chalder, fourtene boillis, tua pairt boill meill.

Act in favouris of Maister Williame Scott of Elie anent his landis of Grangemuir Wester

Oure soverane lord and haill estaittis of this present parliament ratifeis and appreves and, for his hienes and his successouris, perpetuallie confermis the confirmatioun and new infeftment of fewferme grantit be his hienes under the great seall of all and haill the landis of Grangemure and haill mure of the samyn, croftis, akeris and all utheris landis thairin contenit, with the pertinentis, to Maister Williame Scott of Elie and to umquhile Issobell Durie, his spous, and to thair airis and assignais specefeit thairin, pertening of befoir to umquhile Thomas Dischingtoun of Ardross and Johne Strang of Balcaskie respective, lyand within the barony of Pittinweme and schirefdome of Fyf, in the haill heidis and clauses specefeit thairin, and eftir the forme and tennour thairof in all pointis, of the date the aucht day of October jM vC fourscoir ellewin yeiris. And siclyk, oure soverane lord and estaittis foirsaidis ratifeis and appreves the dispositioun maid be umquhile Williame Scott of Abbottishall to the said Maister Williame Scott and to his airis mentionat thairin, of all and haill the sextene part of all and haill the saidis landis of Grangemure, with the pertinentis pertening to the said umquhile Williame Scott of Abbottishall. And lykwayes oure said soverane lord and estaittis foirsaidis ratifeis and appreves all infeftmentis of few grantit be the priouris or commendataris of Pittinweme, with advyse of the convent, to the saidis umquhile Thomas Dischingtoun of Ardross and to Johne Strang of Balcaskie and to the said umquhill Williame Scott of Abbottishall and to thair authouris, thair airis or assignayis specefeit thairin, off the saidis landis of Grangemure, or ony pairt thairof, and haill mure of the samyn and utheris abonewrittin, with the pertinentis and haill infeftmentis maid be them or ony of them, thair airis or successouris to the said Maister Williame Scott and to his airis specefeit thairin, in the haill heidis, clauses, tennouris and contentis of the samin of quhatsumevir date or datis the samyn be of, and decernis and declaris the samyn haill infeftmentis foirsaidis of the samyn landis, with the preceptis and instrumentis of seasing following thairupoun, grantit to the said Maister Williame Scott and to his authouris foirsaidis, thair airis and assignayis specefeit thairin, to be als effectuall, valide and sufficient in the self to the said Maister Williame Scott and to his foirsaidis for bruiking, josing and possessing of the said landis, mure and utheris foirsaidis particularlie abone expressit in the saidis infeftmentis, as gif the saidis infeftmentis of fewferme grantit be his hienes to the said Maister William and his said umquhile spous of the saidis landis of Grangemure, with the pertinentis, and as gif his haill authouris and predecessouris infeftmentis and the said Maister William his awin infeftmentis and dispositionis maid be them to him of the samyn landis wer insert de verbo ad verbum in this present act. And forder, oure soverane lord and estaitis foirsaidis findis, decernis and declaris that the saidis haill landis of Grangemure and haill mure thairof, and utheris foirsaidis now pertening to the said Maister Williame Scott heretablie as said is, nawayes to be comprehendit nor contenit in the act of parliament maid this instant day in favouris of Frederik Stewart, sone to umquhile Schir Williame Stewart, lord Pittinweme, quhairby the lordschip and baronie of Pittinweme and utheris pertening of auld to the priourie of Pittinweme ar gevin and erectit to him and his airis thairin specefeit in ane temporall lordschip and baronie, and nawayes to be comprehendit nor contenit in ony of the infeftmentis to follow thairupoun, in favouris of the said Frederik, his airis and successouris, to the effect the said Maister Williame Scott and his airis specefeit in his saidis infeftmentis alredie past, or in his infeftmentis to be past and thair successouris, may hald the samin of his hienes and his successouris in ane frie tennandrie, to be callit in all tyme cumming the tennandrie of Wester Grangemure, for the yeirlie payment to oure soverane lord and his successouris and thair comptrolleris in thair names of the yeirlie dueties as is contenit thairin alanerlie. And in lykmaner, oure said soverane lord and estaittis foirsaidis, for the said Maister Williames better securitie, ordanis ane new infeftment to be past his hienes register and seallis to the said Maister Williame Scott and to his airis and successouris as sall pleis him to designe, off all and haill the foirsaidis landis of Wester Grangemure, haill mure of the samyn and utheris foirsaidis, acquirit and conquest be the said Maister Williame fra the said umquhile laird of Ardross, laird of Balcaskie and laird of Abbottishall, to be haldin of his hienes and his successouris in frie tennandrie, to be callit the tennandrie of Wester Grangemure in all tyme cuming, and with all utheris privileges contenit in the said Maister Williames his former infeftmentis, and with ony utheris privileges may stand with the lawes and consuetude of this realme, for the yeirlie payment to his hienes and his successouris and to thair comptrolleris of the yeirlie dueteis as is contenit thairin alanerlie.

Act in favouris of my lord great commissionar anent the landis of Cowgask

Oure soverane lord and estaittis of parliament presentlie convenit, calling to rememberance and haveing sufficientlie tryit in the said parliament the monyfald great, proffitable, gude, trew and thankfull services monywayes done to his majestie and in the publict affairis of the realme of Scotland, to the proffeitt and commoditie thairof, be his richt trest cousing and counsaillour Johne, erle of Montrose, lord Grahame and Mukdok, lait chancellar of Scotland and now his majesteis commissionar generall within the said kingdome, continewalie sen his majesteis birth and coronatioun, and specialie in the cairfull, diligent and faithfull exerceing of the said office of chancellarie, alsweill in secrete counsaill as in sessioun and utherwayes thir mony yeiris bigane, and namelie sen his majesteis passing furth of the said kingdome of Scotland to the realme of England, to his majesteis great contentment and to the peax, tranquilitie and commoun weill of the said realme of Scotland, as also to the singular weill and proffeitt of his hienes liegis and subjectis thairof, as alsua the said Johne, erle of Montrose his passing laitlie furth of Scotland to the pairtis of England and remaning thairintill ane lang tyme at his majesteis desyre as the principall commissionar nominat and appointit be his majestie, with advyse of the estaitis of Scotland, for treting upoun the unioun betuix the saidis tua realmes, in the quhilk service and in exerceing of the said office of chancellarie and commissionarie foirsaid the said erle hes nocht onlie sustenit great travellis and paynis in his persone, bot alsua hes debursit great sowmes of money, charges and expenses quhairby he hes greatumlie burdenit his landis, rentis and heretages to the great hurte and harme of the estait of his house, quhairout of thair hes heirtofoir procedit mony moist worthie and gude memberis of the commoun weilth and quha, in former ages, hes done maist honorable services baith to thair princes contentment and for thair countreyis benefite; in recompense quhairof, and for the helping of the estait of the said house of Montrose, hurte be his said cousingis great charges, and for ane perpetuall memorie and rememberance thairwith of his majesteis royall and princelie liberalitie, and for the causes abonewrittin, being proffitable and sene causes tending to the weill of the said haill realme of Scotland, sa nochtourlie knawin, fundin, tryit and declairit be the saidis estaittis of parliament, oure said soverane lord, with advyse of the saidis estaittis and all with ane consent, have dissolvit and, be the tennour heirof, dissolvis the act of annexatioun of the erledome of Gowrie and lordschip of Ruthvene to his hienes crowne, maid in his hienes parliament haldin at Edinburgh, the fyftene day of November, the yeir of God jM sex hundreth yeiris, and all utheris actis of annexatioun of the landis following to his hienes propirtie insafar as the samyn actis or ony of them ar extendit or onywayes may concerne the landis and utheris eftirspecefeit: they ar to say, all and haill the landis of Cowgask, with the teyndscheves thairof, with mylnis, multures, woddis, fischingis, pairtis, pendiclis and pertinentis of the samyn; the landis of Peill; the landis of Lethame; the landis of Eister Lethem; the landis of Goodlieburne; the Hoill of Huntingtour; the landis of Halyland; the landis of Few; the landis of Wester Lethem, with all thair houses, biggingis, yairdis, orchardis, doucattis, mylnis, multuris, woddis, fischingis and thair pertinentis quhatsumevir, alsweill nocht nameit as nameit, all lyand within the schirefdome of Perth, stewartreis of Stratherne and Huntingtour respective, quhilkis landis and utheris particularlie abonewrittin pertenit of befoir to umquhile Johne, sumtyme erle of Gowrie, and pertenis to his majestie throw proces and dome of foirfaltour led and deduceit aganis him and wer annexit to the crowne as said is. And that to the effect his majestie, with consent of his ordinar officiaris, for the saidis gude and sene causes abone writtin, may dispone the samyn landis and utheris abonementionat to his saidis richt trest cousing and counsaillour Johne, erle of Montrose in lyfrent and Johne, maister of Montrose, his sone, fear of the said erledome, and his airis maill, and of tailyie, heretablie, to be haldin of his majestie and his successouris in frie blenche for payment of ane penny Scottis money yeirlie upoun the grond of the said landis at the feist of Witsonday, gif it be askit, alanerlie. And his majestie and the saidis estaitis findis and declaris that the said infeftment to be grantit to the said Johne, erle of Montrose in lyfrent and to the said Johne, maister of Montrose, his sone, in fie is disponit to them inrespect of the said noble erle, his gude, trew and paynfull service, fundin and tryit be the saidis estaittis to have bene maist proffitable services for the commoun wealth of Scotland and for sene causes worthie of the said gift; and thairfoir findis and declairis and decernis that the said infeftment sall nawayes fall under the danger of the act of annexatioun, nor of ony uther act or actis maid heirtofoir, bot that nochtwithstanding the samyn the said infeftment sall be ane sufficient richt and heretable titill to the saidis Johne, erle of Montrose, Johne, maister of Montrose, his sone, and thair foirsaidis, for bruiking and possessing of the foirsaid landis and utheris abone specefeit heretablie and perpetualie in all tyme cuming.

Ratificatioun in favouris of the Lord of Scone of his pensioun of ten chalderis victuall furth of the priourie of Sandrous

Oure soverane lord and estaittis of this present parliament, for the causes mentionat and contenit in the gift of pensioun undirwrittin, with ane consent and assent, ratifeis, apprevis and confermis the letter of gift and pensioun following maid be his hienes, with advyse of his collectour generall to his trustie and weilbelovit counsaillour David, lord of Scone and his assignayis thairin mentionat, of all and haill that equall half of tuentie chalderis of victuall disponit of befoir to Patrik Home, now of Polwart, and umquhile Schir Patrik Murray of Geynis, knycht, during all the dayes of thair lyfetyme, extending to ten chalderis victuall in all the heidis, articlis and clauses thairof, off the quhilk the tennour followes: James, be the grace of God, king of Great Britane, France and Irland, defender of the faith, to the lordis of oure counsaill and sessioun and to all and sindrie utheris liegis and subditis quhome it efferis, quhais knawlege thir present lettres sall tocum, greiting. Wit ye us, remembering the gude, trew and thankfull service done to us be oure trest cousing and counsellor David, lord of Scone, oure comptroller in oure realme of Scotland, in all the services committit to him, and that the gift of pensioun underwrittin pertenit of befoir to umquhile oure trustie counsaillour Schir Patrik Murray of Geynis, knycht, and umquhile Robert Murray of Pittillok, successive eftir utheris, baith brether germane to oure said trustie cousing, willing still of our awin speciall favour to continew oure princelie kyndnes to all the saidis brether, the said David, lord of Scone being now the last on lyfe, and the pensioun underwrittin in oure handis throw the deceis of the said umquhile Robert, last possessour thairof, with advyse and consent of oure trustie counsallour, Maister Johne Prestoun of Fentounbarnis, oure collectour generall and thesaurer of the new augmentationis, to have gevin, grantit and disponit to the said trustie and weilbelovit counsaillor during all the dayes of his lyfetyme, all and haill the equall half of the yeirlie pensioun of tuentie chalderis victuall disponit of befoir to Patrik Home, than apperand of Polwart, ane of his majesteis carveris, and umquhile the said Schir Patrik Murray, than ane of his majesteis fewaris, equalie betuix them during all the dayes of thair lyfetymes respective, viz: ilkane of them the equall half thairof furth of the thrid and half of the priourie of Sanctandrous, extending to ten chalderis victuall, to be upliftit furth of the particular townis and landis yeirlie quhilkis ar contenit in the gift grantit of befoir to the said umquhile Robert Murray and quhairof the said umquhile Schir Patrik and Robert wer in possessioun yeirlie during thair lyfetymes, betuix the feistis of Yuill and Candelmes, be ressaveing thairof fra the handis of the tennentis and possessouris of the landis contenit in thair saidis giftis, all lyand within the parochinis of Sanctandrous and Lathreis respective, all assumit in the thrid of the said benefice, viz: furth of the landis of Pursk, aucht bollis of quhyte, ane chalder, fyve bollis beir; furth of the landis of Scottiscraig, within the parochin of [...], tuelf bollix beir; furth of the landis of Ferrytoun, ane chalder, tua bollis beir; furth of the landis of Dron, aucht bollis quheit; furth of the landis of Newgrange, tua bollis quheat, ane chalder aittis; furth of the landis of West Balrymonth, aucht bollis aittis; furth of the landis of Kynmonth, tuelf bollis aittis; furth of the landis of Ouer Maynis, thrie bollis beir, sewin bollis aittis; furth of the parochin and landis of Lathrisk, tua chalderis, tuelf bollis meill, all lyand in the parochinnis of Sanctandrous, Lucheris and Lathrisk respective foirsaidis, and within the said priourie of Sanctandrous and assumit in the thrid of the samyn, beginnand the first yeiris payment of the said yeirlie pensioun betuix the saidis feistis of Yuill and Candelmes in the yeir of God jM vjC and four yeiris, and sua furth yeirlie thaireftir for the said Lord of Scones lyfetyme. With power to the said David, lord of Scone, be himself, his factouris and utheris in his name, to intromett with and uplift the foirsaid yeirlie pensioun fra the tennentis of the foirnameit landis and utheris addebtit and in use of payment of the samin, call and persew thairfoir gif neid beis, acquittances and discharges upoun the payment thairof to gif and delyver, quhilkis sall be als sufficient to the ressaveris as we or oure collectour generall foirsaid had gevin the samin, transact, compone and aggrie thairanent as he sall think expedient, and with speciall power to the said David, lord of Scone, during all the dayes of his lyfetyme, seik haill or in the verie hour of his death, to transfer and dispone the said yeirlie pensioun to quhatsumevir persone or persones he best pleisis nominat; quhilkis persone or persones to be nominat be the said Lord of Scone as said is, sall bruik, joyse and possess the said yeirlie pensioun of ten chalderis victuall yeirlie to be upliftit as said is during all the dayes of thair lyfetymes eftir the deceis of the said David, lord of Scone, siclyk and als frelie in all respectis as the saidis umquhile Schir Patrik and Robert Murrayes or the said David, lord of Scone or ather of them did or micht have done at ony tyme bigane or heireftir, beginnand the first yeirlie payment thairof betuix the feastis of Yuill and Candelmes immediatlie following the deceis of the said David, lord of Scone, and sua forth yeirlie during all the dayes of the said persone or persones lyfetyme, to and in quhas favouris it salhappin the said David, lord of Scone to transfer and dispone the foirsaid pensioun; quhilk translatioun and dispositioun sua to be maid as said is, we, with advyse foirsaid, will and grant and, for us and oure successouris, ordinis to be als valide and effectuall to the persone or persones in and to quhome the same salhappin to be maid as ather thir oure lettre of gift maid to oure said trest cousing or ony of the former giftis of the said ten chalderis victuall maid to the saidis umquhile Schir Patrik and Robert Murrayes, or ather of them, is or hes bene, sua that the persone in quhome it salhappin to be transferrit and disponit as said is, sall bruik and joise the samin during all the dayes of thair lyfetymes be vertue of this present gift and dispositioun, and the translatioun thairof to be maid as said is, alanerlie without ony new gift and disposoun thairof to be maid be us or ony of oure successouris of the samin. And forder we, with advyse and consent foirsaid, will and grantis that this present gift in all heidis, articlis and clauses thairof, to be ratifeit, approvin and confermit, lyk as we be the tennour heirof willis oure commissionar, estaittis and lordis of parliament to ratifie, appreve and confirme the samin in all the heidis and pointis thairof, commanding alsua yow, the saidis lordis of oure counsaill and sessioun, to grant and direct oure utheris lettres for causing oure said trest cousing and counsaillour, David, lord of Scone and his foirsaidis to be ansuerit and obeyit of the foirsaid yeirlie pensioun in forme as efferis. Gevin under oure privie seall at Quhythall, the last day of December jM vjC and four yeiris, and of oure regne the secund and threttie aucht yeiris, per signaturam manu supremi domini nostri regis suprascriptam manibusque dominorum cancellarii presidis collegii justicie dicti domini regis collectouris generalis et dicti domini regis advocati. Quhilk letter of gift and pensioun befoir insert his majestie, with advyse and consent of his saidis estaittis and lordis of this present parliament, decernis and declairis to stand and to be effectuall to his hienes said trest cousing and to his assignay or assignayis, ane or ma foirsaidis, during all the dayes of thair lyfetymes, conforme to the tennour thairof in all the heidis, articlis and clauses of the samyn insert in this present act beiris.

Exceptioun in favouris of Schir Thomas Hammyltoun of Bynnyng, knycht, frome the erectioun of Jedburgh

The quhilk day the haill estaittis of parliament exceptis furth of the erectioun of the landis and kirkis of the abbacie of Jedburgh appointit to be maid in favouris of Alexander, erle of Home, all and haill the kirk landis of Dummany, togidder with the advocatioun, donatioun and richt of patronage of the kirk of Dummany, quhairin Schir Thomas Hammyltoun of Monkland, knycht, his hienes advocat, standis heretablie infeft, and nochtwithstanding of the said erectioun, decernis and declairis the said Schir Thomas and his airis to hald the saidis landis and patronage foirsaidis immediatlie of oure soverane lord in all tyme cumming; and to that effect, the saidis estaittis hes dissolvit and dissolvis the saidis kirklandis of Dummany fra the generall act of annexatioun of the kirklandis to the crowne and fra all utheris actis of annexatioun maid thairanent to the effect the samyn may be of new disponit be his majestie to the said Schir Thomas, to be haldin of his majestie in frie blenche ferme for payment of sic duetie as his majestie pleises to grant the samin. And siclyk the saidis estaittis ratifeis and apprevis the procuratorie of dimissioun of the said kirk of Dummany maid be umquhile Andro, commendatar of Jedburgh, for dimitting and resigning of the said kirk in his majesteis handis, quhilk procuratorie is of the date the [...] day of [...] jM vC fourscoir sextene yeiris, togidder with the instrument of dimissioun of the samin following thairupoun, with the infeftment grantit be his majestie to the said Schir Thomas and his foirsaidis of the advocatioun, donatioun and richt of patronage of the said kirk of Dummany and dissolutioun of the said kirk fra the said abbay of Jedburgh specefeit and contenit in the said infeftment. Lyk as the saidis estaittis, considering that nocht onlie the said kirk of Dummany wes of auld dimittit be the said umquhile Andro, commendatar of Jedburgh, in his majesteis handis, bot also that the said Alexander, erle of Home hes of lait maid dimissioun and resignatioun in his majesteis handis of the haill spiritualitie and kirkis of the said abbay of Jedburgh, and inrespect thairof hes suppressit the said abbacie and ordinit the memorie thairof to ceise and be extinguishit in all tyme cumming. Thairfoir, the saidis estaittis hes of new dissolvit the said kirk of Dummany fra the said abbacie of Jedburgh to the effect the samin may be disponit be his majestie to the said Schir Thomas in sic forme and maner as sall pleise his majestie to gif the samyn.

Exceptioun in favouris of Schir Thomas Hammyltoun of Bynning, knycht, frome the erectioun of Elcho

The quhilk day the haill estaittis of parliament exceptis furth of the erectioun of the landis and kirkis of the priourie of Elcho appointit to be maid in favouris of David, lord of Scone all and haill the kirk landis of Eister Bynning, Wester Bynning, Braidlaw alias Myddil Bynning, callit the Nunlandis, quhairin Schir Thomas Hammyltoun of Monkland, knycht, his hienes advocat, standis heretable infeft, haldin immediatlie of oure soverane lord, and nochtwithstanding thairof decernis and declairis the said Schir Thomas and his airis to hald the samyn landis of oure soverane lord in all tyme cumming; and to that effect, the saidis estaittis hes dissolvit and be thir presentis dissolvis the foirsaidis landis of Eister, Wester and Myddill Bynningis frome the generall act of annexatioun of all kirklandis to his hienes crowne maid in anno jM vC fourscoir sewin yeiris, and fra all former annexatiounes maid of the landis pertening to nunnis or priourisses for annexing of the samyn to his hienes crowne, to the effect his majestie may of new dispone the saidis landis to the said Schir Thomas and his foirsaidis to be haldin blenche of his majestie for payment to his hienes of sic duetie as he sall ples gif the samyn.

Erectioun of the abbacie of Couper in ane temporall lordschip in favouris of James Elphingstoun

Oure soverane lord, with advyse and consent of the estaittis of the parliament of Scotland presentlie convenit, considering the gude, trew and thankfull service done to his majestie be his richt traist cousing and counsaillour James, lord of Balmerinnoch, his majesteis secretar and president of the college of justice, alsweill in his daylie and continuall attending in the secret counsaill and sessioun for the administratioun of justice to all his majesteis liegis, as in diverse and sindrie utheris great, wechtie and honorable services committit to his charge be his hienes concerning the commoun weill of this realme, in the quhilkis he hes dischargeit himself maist faithfullie, to his majesteis great honour and contentment and to the singular commoditie of the realme and liegis thairof, and heirwith remembering that his majestie was witnes and godfather to James Elphingstoun, sone to his said richt traist cousing, procreat betuix him and Dame Marjorie Maxwell, his spous, and that it becummis his majestie of his princelie duetie to remember his said godsone with some token of his hienes favour; and his majestie, haveing now be speciall instructiones proponit to the saidis estaittis of parliament the saidis great and faithfull services done to his majestie and for the particular commoun weill of the realme of Scotland be his said richt traist cousing and counsaillour, and the saidis estaittis haveing thairupoun takin full tryell and verificatioun, they have fundin, tryit, censurit and judgeit, lyk as they presentlie find, censour and judge the samyn to be, and to have bene, greate, seand and ressonable causes for the weill of his majestie and of his said realme of Scotland, as also his majestie and estaittis foirsaidis findis, decernis and declairis that his hienes, with thair advyse and consent, may for the saidis causes quhilkis they have knawin and tryit to be for the seand weill of his majestie and realme as said is, annalie and dispone ony pairt of the landis annexit to his crowne to the said James Elphingstoun, his majesteis godsone, sone to his said richt traist cousing, and to his airis and successouris, to be haldin in sic maner and for sic service as his majestie best pleises; and to that effect that the annexatioun to the crowne of the samin landis that ar to be annaleit and disponit sall be simpliciter dissolvit fra the crowne, that they may be annaleit and disponit to the said James Elphingstoun and his airis eftir mentionat. And the saidis estaittis, being ryplie and gravelie advysit quhat his majestie may annalie and dispone with leist detriment to his hienes yeirlie rent and crowne, the saidis estaittis all in ane voce have fundin and declairit and, be the tennour heirof, findis and declairis that the temporalitie, propirtie and superioritie with the fewfermes and dueteis of the abbacie and monasterie of Couper, situat within the schirefdome of Forfar, being in his majesteis handis be ressoun of the generall annexatioun of the kirklandis of this realme of Scotland to the crowne be speciall act maid thairanent in the parliament haldin at Edinburgh, the tuentie nynt day of Julii, the yeir of God jM vC fourscoir sevin yeiris, lyk as the spiritualitie of the said benefice contening the abbay place and monasterie with the houses, biggingis, orchardis, yairdis and thair pertinentis lyand within the precinct of the said abbay, togidder with the teyndscheves and utheris teyndis, fruittis, rentis, emolumentis and dueteis, baith personage and vicarage, of the parochkirkis and parochines of Bendochie, Airlie, Mathy, Glenylay and Fossoquhy, quhilkis cummis under the generall exceptioun fra the said annexatioun and quhilkis laitlie pertenit to Maister Andro Lamb, indoubtit commendatar of the spiritualitie of the said abbacie and now resignit be the said commendatar (thair being nane of the convent thairof now on lyff) be his lauchfull procuratouris and patent lettres under the commoun seall of the said abbay in his majesteis handis, and simpliciter dimittit and ouergevin be the said commendatar to be useit and disponit be his majestie at his hienes plesure, may, with leist detriment to his majestie or hurte to the rent and revinew of the crowne, for the seand causes abonewrittin, be disponit to the said James Elphingstoun and his foirsaidis in maist ample forme; and thairfoir the saidis estaittis of parliament findis it necessar and expedient that oure said soverane lord, be his hienes infeftment to be maid with advyse of his majesteis ordinar officiaris, sall erect, unit, creat and incorporat all and sindrie landis, baroneis, mylnis, woddis, fischeingis, annualrentis and utheris quhatsumevir pertening to the said abbacie of Couper be thair names in speciall quhairevir the samyn lyis, ather within the schirefdomes of Forfar, Perth, Aberdene or within ony utheris within the realme of Scotland, togidder with all and sindrie the teyndscheves and utheris teyndis, baith personage and vicarage, fruittis, rentis, emolumentis, proffeittis and dueteis quhatsumevir of the foirsaidis kirkis and parochinnes of Bendoquhy, Airlie, Mathy, Glenylay and Fossoquhy in ane haill and frie baronie and estait of ane lordschip of his hienes parliament, and that the samyn, with all privilegis and commoditeis pertening thairto, togidder with the honour, dignitie and estait of ane lord of his majesteis parliament, with badge and armes for the causes foirsaidis, sall be annaleit and disponit to the said James Elphingstoun and his airis maill lauchfullie to be gottin of his bodie, quhilkis failyeing to the said James, lord of Balmerinoch, his father, and to his airis maill and of tailyie contenit in his infeftment of the landis and baronie of Ballumbie, heretablie to be haldin of oure soverane lord and his successouris in frie baronie and frie lordschip with the honour and dignitie of ane lord of parliament for evir. And to that effect his majestie and estaittis of parliament foirsaid dissolvis, annullis and infringis the said generall annexatioun of the kirklandis of this realme of Scotland to the crowne insafar as it may be extendit to the said temporalitie of the said abbacie of Couper alanerlie, and ordinis the infeftmentis to be maid heirupoun to be extendit in maist ampill forme, beirand ane unioun and incorporatioun of all the particularis in ane baronie and lordschip with ane speciall remitt and discharge of the thriddis of the said abbacie of Couper, alsweill victuall as silver, togidder with all monkis portiounes, first yeiris fruittis and fyft penny of the samin abbacie and benefice, because his majestie will be relevit and dischargeit of the sustentatioun of the ministeris of the foirsaidis kirkis, and also to beir and contene provisioun that the said lordschip pay all taxatiounes with the temporall lordis for the said temporalitie, comptand the samyn to ane hundreth merkland of auld extent, and to haif his releif of all the heretable tennentis and utheris takismen of the saidis landis and teyndis eftir the rait and quantitie of thair landis and teyndis sa oft as sall occur the saidis taxatiounes, and with express power to the said James and his airis foirsaidis to retreit and reduce quhatsumevir infeftmentis, takkis, assedatiounes, rychtis and titillis of ony pairt of the saidis landis, mylnis, woddis, fischeingis, teyndis and utheris for quhatsumevir cause competent of the law with all utheris clauses and provisiounes quhilkis sall be neidfull for the said James and his airis for bruiking of the said lordschip and baronie. And to the effect foirsaid his majestie and estaittis of parliament hes suppressit and extinguissit the memorie of the said abbacie of Couper that thair sall be na successour provydit thairto, nor na forder mentioun maid of the samyn in ony tyme heireftir, and to the said alienatioun and dispositioun, now as gif it wer alreadie maid and than as now, his majestie and the saidis estaittis of parliament hes interponit and interponis thair consent and authoritie as that deid quhilk is and sall be in all tymes heireftir estemit and judgeit for the weill of oure said soverane lord and for ane seand proffeitt and commoditie to his crowne and realme of Scotland, reserveand and exceptand alwayes furth of this present act and erectioun foirsaid all regalities and privileges thairof (gif ony be) possessit be the abbottis and titularis of Couper of befoir, to remane with oure soverane lord and his hienes successouris and thair crowne inseparablie in all tyme heireftir.

Erectioun of the abbacie of Balmirrenoch, with the landis and baroneis of Kirknewtoun and Balerno unite thairto, in ane temporall lordschip in favouris of the Lord Balmirrenoch

Oure soverane lord, with advyse and consent of the estaittis of the parliament of Scotland presentlie convenit, considering the princelie duetie quhilk bindis his hienes in the exampill of his maist nobill progenitouris to impairt to his maist loving subjectis sic honouris and digniteis as thair merittis and vertuous actis in great services and proffitable offices to his majestie and the commoun weill justlie requirit, to the end that nocht onlie be gratificatioun of his weill affectionat subjectis they micht continew thair ardour and affectioun in weill doing, bot als throw the example of them the nobill hartis of his weill qualifeit subjectis may in tyme cumming throw hope of ane worthie remuneratioun be mair prompt and desyrous to serve his celsitude and his successouris to the advancement of the commoun weill quhairin they wer borne and nurischit, and heirwithall his majestie, deiplie remembering the great, lang and panefull service done to his majestie be his richt trest counsaillour Schir James Elphingstoun of Barntoun, knycht, brother germane to his traist cousing Alexander, lord Elphingstoun, secretar to oure soverane lord and president of the college of justice, continuallie sen he retyrit him frome the realme of France, quhair he spent his youth in lettres to inabill him self for the advancement of the commoun weill in his native soyle, first serveing his hienes in his secret affairis in the quhilkis he wes verie oftin imployit, thaireftir serveing in ane ordinar place of counsill and sessioun and administratioun of justice with all sinceritie and diligence be the space of mony yeiris bipast, and also chargeit with the burding of the office of secretarie principall to oure said soverane lord, and specialie now in thir lait dayes quhan his majestie, be the providence of God and his awin richt, succedit to the crowne of England and thairby become monarche of all Great Bretane, during the quhilk tyme ane great pairt of the burding of his hienes greatest affairis, quhilkis wer than multiplyit alsweill in England as in Scotland, wes uphaldin and sustenit to the great plesure of oure said soverane lord be the said Schir James in mony great and diverse worthie actis, offices and services, quhilkis ar nocht necessar to be specefeit in thir presentis, sa weill acceptit and allowit be oure said soverane lord, and quhilkis wer necessar and proffitable to his majestie and for the weill of the said realme of Scotland, the said Schir James being also descendit of ane nobill race and ancient linage for the quhilk his majestie on his pairt of his princelie duetie can nocht omit to remunerat and acquit the said service be sic gratificatioun as is now possibill and with leist hurte to his crowne of Scotland. And his majestie, haveing now be speciall instructiounes proponit to the saidis estaittis of parliament the saidis great services, actis and vertuous deidis done be the said Schir James in particular, quhairupoun the saidis estaittis have takin full tryell and verificatioun, they have fund, tryit, censourit and judgeit, lyk as they presentlie find, censour and judge the samin to be and to have bene great, seand and ressonable causes for the weill of his majestie and of the said realme of Scotland. And als, his majestie and estaittis foirsaidis findis, decernis and declairis that his majestie, with thair advyse and consent, may (for the saidis causes quhilkis they have knawin and tryit to be for the seand weill of oure said soverane lord and realme as said is) annalie and dispone ony pairt of the landis annexit to his crowne to the said Schir James, his airis and successouris, to be haldin in sic maner and for sic service as his majestie pleisis, and to that effect that the annexatioun to the crowne of the samin landis that ar to be annaleit and disponit sall be simpliciter dissolvit and dischargeit for evir, that the samyn may annaleit and disponit to the said Schir James and his airis eftirmentionat. And the saidis estaittis, being ryplie and gravelie advysit quhat his majestie may annalie and dispone with leist detriment to his yeirlie rent and crowne, the saidis estaittis all in ane voce have fundin and declarit, and be the tennour of thir presentis, findis and declairis that the temporalitie, propirtie and superiouritie, with the fewfermis and pertinentis of the abbacie and monasterie of Balmirrenoch, situat within the diocie of Sanctandrous and schirefdome of Fyffe, being in his majesteis handis be ressone of the generall annexatioun of the kirklandis to the crowne be the act of parliament haldin at Edinburgh, the tuentie nynt day of Julii the yeir of God jM vC fourscoir sewin yeiris, lyk as the spiritualitie of the said benefice contening the abbay place and monasterie with the houses, biggingis, orchardis, yairdis and thair pertinentis lyand within the precinct of the said abbacie, togidder with the teyndscheves and utheris teyndis, fruittis, rentis, emolumentis and dueteis, baith personage and vicarage, of the parochkirkis and parochines of Balmirrenoch, Barry and Logy and of the vicarage pensionarie of Barry, fruitis and rentis thairof, quhilkis cummis under the generall exceptioun fra the said annexatioun and quhilkis laitlie pertenit to Maister Robert Auchmowithtie, undoubtit commendatar of the spiritualitie of the said abbacie and now resignit be the said commendatar (thair being nane of the convent thairof now on lyfe) be his lauchfull procuratouris and patent lettres under the commoun seall of the said abbay in his majesteis, and simpliciter dimittit and over gevin be the said commendatar to be useit and disponit upoun be his majestie at his plesure, and siclyk all and sindrie the landis and baronyis of Kirknewtoun and Ballerno, alias callit the West Barony, and haill pairtis, pendiclis and pertinentis thairof lyand within the schirefdome of Edinburgh, togidder with the advocatioun, donatioun and richt of patronage of the parochkirk of Kirknewtoun, personage and vicarage thairof, pertening to his majestie be vertue of the act of annexatioun of the erldome of Gowrie, and leving thairof, to the crowne in the parliament haldin at Edinburgh, the fyftene day of November, the yeir of God jM vjC yeiris, may with leist detriment to his majestie or hurte to the rent and revenew of the crowne, for the seand causes abonewrittin, be disponit to the saidis James and his foirsaidis in maist ample forme; and thairfoir the saidis estaittis of parliament findis it necessar and expedient that oure said soverane lord be his hienes infeftment to be maid with advyse of his ordinar officeris sall unite and incorporat the foirsaidis landis and baronyis of Kirk Newtoun and Ballerno, with the pertinentis, advocatioun, donatioun and richt of patronage of the said parochkirk of Kirknewtoun, personage and vicarge thairof, with the landis, baronyis, milnis, woddis, fischeingis, teyndis, fruittis, rentis and utheris abone expressit, quhilkis pertenit of auld to the said abbacie of Balmirrenoch, baith spiritualitie and temporalitie of the samin, to remanebe inseparablie thairwith in all tyme cumming as ane pairt and propir pertinent of the samin, and that thaireftir his majestie sall erect, unit and incorporat all and sindrie the samin landis, baronyis, mylnis, woddis, fischeingis and utheris quhatsumevir pertening to the said abbacie of Balmirrenoch be thair names in speciall quhairevir the samyn lyis, ather within the schirefdomes of Fyff, Forfar, Perth or ony uther pairt within the realme of Scotland, togidder with the saidis teyndscheves and utheris teyndis, fruittis, rentis, emolumentis and dueteis of the saidis kirkis and parochines of Balmirrenoch, Logy and Barry, personage and vicarage thairof, and als all and sindrie the foirsaidis landis and baronyis of Kirknewtoun and Ballerno with the said advocatioun, donatioun and richt of patronage of the said kirk of Kirknewtoun, personage and vicarage thairof, in ane frie baronie and estait of ane temporall lordschip of his hienes parliament, and that the samin, with all privilegeis and commoditeis pertening thairto, togidder with the honour, dignitie and estait of ane lord of his majesteis parliament, with the additioun of sic badge and armes as the said Schir James sall think expedient, sall for the seand causes foirsaidis be annaleit and disponit to the said Schir James and his airis maill and of tailyie and provisioun contenit in his infeftment of the landis of Barntoun heretablie, to be haldin of his majestie and his successouris in frie baronie and frie lordschip with the honour and dignitie of ane lord of parliament for evir. And to that effect his majestie and estaittis foirsaidis of this present parliament dissolvis, annuleis and infringis the said generall annexatioun of the kirklandis of this realme of Scotland to the crowne insafer as it may be extendit to the said temporalitie of the said abbacie of Balmirrenoch alanerlie; and siclyk dissolvis, annullis and infringis the said act of annexatioun of the erldome of Gowrie and leving thairof to the crowne insafar as the samin may be extendit to the saidis landis and baronyis of Kirknewtoun and Ballerno and to the said advocatioun, donatioun and richt of patronage of the said kirk of Kirknewtoun, personage and vicarage thairof; and ordinis the infeftment to be maid heirupoun to be extendit in maist ample forme, beirand ane unioun and incorporatioun of all the particularis in ane baronie and lordschip, and ane speciall remit and discharge of the haill thriddis of the said abbacie of Balmirrenoch, alsweill victuall as silver, togidder with all monkis portiounes, first yeiris fruittis and fyft penny of the said abbacie and benefice thairof, becaus his majestie will be relevit and dischargeit of the sustentatioun of the ministeris at the foirsaidis kirkis, and also to beir and contene provisioun that the said lordschip pay all taxatiounes with the temporall lordis of the said realme of Scotland, comptand the said lordschip to threttie twa pund, four schillingis, fyve pennyland of auld extent, and to have his releif of all the heretable tennentis and utheris takismen of the saidis landis and teyndis eftir the rate and quantitie of thair landis and teyndis sa oft as the saidis taxatiounes sall occur; and with express power to the said Schir James and his foirsaidis to retreit and reduce for ressonable causes competent of the law all and quhatsumevir infeftmentis, seasingis, takkis, assedatiounes, rentallis, richtis and titillis of ony pairt of the foirsaidis landis, kirkis, teyndis and utheris abonespecefeit with all utheris clauses and provisiounes quhilkis sall be neidfull for the said Schir James and his airis foirsaidis for bruiking of the said lordschip and baronie. And to the effect foirsaid, his majestie and estaittis of parliament hes suppressit and extinguischit the memorie of the said abbacy of Balmirrenoch, that thair sall be na successour provydit thairto, nor na forder mentioun maid of the same in ony tyme heireftir. And to the said alienatioun and dispositioun, now as gif it wer alreadie maid and perfytit, his majestie and the saidis estaittis of parliament hes interponit and interponis thair consent and authoritie as that deid quhilk is now and sall be in all tymes heireftir estemit and judgeit for the weill of oure said soverane lord and for ane seand proffeitt and commoditie to his said realme of Scotland, reserveand and exceptand alwayes furth of this present act and erectioun foirsaid all regaliteis and privileges thairof (gif ony be) possessit be the abbottis and titularis of Balmirrenoch of befoir, to remane with oure soverane lord and his hienes successouris and thair crowne inseparablie in all tyme heireftir.

Erectioun of the abbaceis of Dryburgh and Cambuskynneth and priourie of lnchmahomo in ane temporall lordschip, callit the lordschip of Cardroise, in favouris of the Erle of Mar

Oure soverane lord and estaittis of this present parliament, considering the gude, trew and thankfull services done heirtofoir be his hienes richt trustie and weilbelovit cousing and counsaillour Johne, erle of Mar, lord Erskyne, Alloway and Gareoch, and his predecessouris, in thair great cair, vigilance and faithfulnes in all thingis that micht tend to the advancement of his majesteis honorable affairis, quhairof he and his umquhile father gaif evident and manifest pruif and experience in thair worthie, memorable and acceptable panis and travellis tane be them in the educatioun of his majesties maist royall persone fra his birth to his perfyte age, and in the lyk nochtable service done be the said erle himself in the educatioun of his majesteis darrest sone, the prince; and also his majestie, remembering the happie and prosperous jornayis and expeditiounes quhilkis the said erle hes tane in ambassages frome his hienes, quhilkis he has dischargeit na less dewtifullie nor he hes accomplisheit spedelie, to his hienes great contentment; and his hienes, being nawayes of mynd to forget the saidis great services nor leave the samin unrewardit, and finding na mene better to reward the same in sum pairt than be the dispositioun of sic rentis, proventis, proffeittis and emolumentis of the landis, kirkis and utheris particularlie underwrittin as did pertene of befoir to the monastereis of Inchmahomo, Cambuskynneth and Dryburgh, the samyn monastereis and superstitiounis thairof being now abolishit, and the kirklandis of the samin now annexit to his hienes crowne; and thairwith considering that the saidis monastereis have bene in all tyme heirtofoir commounlie disponit be his majesteis predecessouris to sum that wer cum of the House of Erskeyne; and that inrespect thairof his majestie, be his hienes chartour and infeftment under his hienes great seall, have grantit and disponit to his said richt traist cousing and counsaillour Johne, erle of Mar, his airis maill and assignayis heretablie, all and sindrie the landis, baroneis, castellis, touris, fortalices, maner places, mylnis, multuris, salmond fischeingis and utheris fischeingis, woddis, parkis, medowes, forrestis, teyndis, teyndscheves, annualrentis, fewfermes, maillis, dewteis, casualiteis, tennentis, tenandreis, service of frie tennentis and utheris quhatsumevir at lenth specefeit and contenit in the said chartour, quhilkis pertenit of auld to the said priourie of Inchmahomo and abbaceis of Dryburgh and Cambuskynneth, and quhairof the priouris and abbottis of the samin hes bene in possessioun as pairtis of the rentis and patrimonie thairof in ony tyme bigane, togidder with the advocatioun, donatioun and richt of patronage of all and sindrie the parochkirkis, baith personages and vicarages, of the saidis monastereis with all thair pertinentis, all unitit, annexit and incorporatit in ane frie lordschip and baronie callit, and to be callit in all tyme cumming, the lordschip and barony of Cardroise, as in the said chartour contening sindrie utheris commoditeis, privilegis, articlis and clauses of the date the [...] day of [...], the yeir of God jM vjC and four yeiris mair fullelie is contenit; thairfoir, and for the uther gude causes underwrittin, oure said soverane lord and estaittis of this present parliament ratefeis, apprevis and confermis the foirnameit chartour, with the precept and instrument of seasing following thairupoun, grantit to his said richt trest cousing and counsaillour Johne, erle of Mar, his airis maill and assignayis foirsaidis heretablie, off all and sindrie the foirnameit landis, baroneis, castellis, touris, fortalices, maner places, mylnis, multuris, salmond fischingis and utheris fischeingis, woddis, parkis, medowes, forrestis, teyndis, teyndscheves, annualrentis, fewfermis, maillis, dueteis, casualiteis, tennentis, tennandreis, service of frie tennentis, advocatioun, donatioun and richt of patronage of all and sindrie the kirkis, baith personages and vicarages, and utheris alsweill generall and speciall mentionat in the said chartour, quhilkis pertenit of befoir to the saidis priourie and abbaceis of Dryburgh, Cambuskynneth and Inchmahomo, in all and sindrie heidis, articlis, clauses, circumstances and conditiounes specefeit and contenit in the said chartour with the precept and instrument following thairupoun. Attoure, oure said soverane lord and estaittis foirsaidis, weyand and considering with them selffis the great and wechtie causes abonewrittin (quhilkis oure said soverane lord and estaittis foirsaidis) moweit his majestie to the granting of the said infeftment fra the beginning, quhilkis, being nochtour and manifest in them selffis, ar maist cleirlie verefeit and provin to his majestie and estaittis foirsaidis in plane parliament, ar now fundin, decernit and declarit to be greate, sene and ressonable causes tending to the advancement of his hienes honour and to the proffeitt of the commoun weill of this realme of Scotland; thairfoir and for the said Johne, erle of Mar and his foirsaidis better and perpetuall securitie of the landis, baroneis and utheris particularlie underwrittin, quhilkis of befoir wer annexit to his hienes crowne, oure said soverane lord and estaittis of this present parliament, be the tennour heirof, expreslie dissolvis fra the act of annexatioun of all the kirklandis within this realme to his hienes crowne and fra the patrimonie of the said crowne, all and sindrie the landis, baroneis, castellis, touris, fortalices, manerplaces, mylnis, multuris, salmond fischeingis, utheris fischingis, woddis, parkis, medowes, forrestis, teyndis, teyndscheves, annualrentis, fewfermis, maillis, dueteis, casualiteis, tennentis, tennandreis, service of frie tennentis of the foirnameit priourie of Inchmahomo and abbaceis of Dryburgh and Cambutkynneth, with all thair pertinentis, allsweill under as abone expressit, sua far as micht have fallin, or may fall, under the said act of annexatioun, to remane separat and dissolvit thairfra in all tyme cumming to the effect the samin may be of new gevin, grantit and disponit to the said noble erle and his foirsaidis in maner eftir following. Lyk as for that effect, his majestie and estaittis foirsaidis, be the tennour heirof, suppresses, extinguischis and abolisches for evir all and haill the saidis abbaceis of Dryburgh, Cambuskynneth and priourie of Inchmahomo and the monasteries, with the first ordour and monasticall institutiones thairof, and dissolvis and disunitis all and sindrie the kirkis underwrittin pertening thairto for evir thairfra; and thairfoir oure said soverane lord and his estaittis foirsaidis, be the tennour heirof, for the causes abonewrittin, of new gevis, grantis and disponis to the said noble lord Johne, erle of Mar, his airis maill and assignayis heretablie, all and sindrie the landis, baroneis and utheris particularlie eftirspecefeit quhilkis pertenit of befoir to the said priourie of Inchmahomo and to the saidis abbaceis of Dryburgh and Cambuskynneth as pairtis of the patrimonie thairof, viz: all and haill the landis, baroneis and utheris underwrittin quhilkis pertenit of befoir to the said priourie of Inchmahomo: that is to say, all and haill the place and mansioun of Inchmahomo, with houses, biggingis, yairdis, orchardis and doucattis of the samyn and all thair pertinentis; all and haill the landis and baronie of Cardrose, viz: the landis of Arnepriour, the landis of Eist Garden, the landis of Kepe, the landis of Wester Poldarie, the landis of Eister Poldarie, the landis of Gaitleddernie and Hiltoun Myln, the myln of Arnepriour with the astrict multuris, houses, biggingis, watter gangis, passages and pertinentis thairof, the landis of Arneviccar with the landis of Clerkcum, the landis of Gairttours, over and nather, the landis of Lochend, the myln of Cardrose, with the astrict multuris and suckin of the samin and all thair pertinentis, the landis of Ardinclerich, the landis of Drummancloch, the landis of Blairsesnocht, the landis of Ballingrew, the landis of Hornehaick, the landis of the Waird of Gudie, with the astrict multuris of all and sindrie the foirnameit landis, with tennentis, tennandreis and service of frie tennentis of the samin and all thair pertinentis, the landis of Bordland callit the Maynis of Cardrose, with cottages and cotlandis thairof, the loch and ilis of Inchmahomo, with the salmond fischeing and utheris fischeingis thairof upoun the watter of Forth and Gudie, all and haill the medow, callit the Priour Medow, the landis of Armavak with the pertinentis, the kirklandis of Poirt with houses and yairdis alsweill on the north as south syd of the kirk of Poirt lyand thairto, the kirkland of Leny, the priouris manse or tenement with the yaird and pertinentis thairof in Stirling, ane house and yaird with ane rude of land in Dunbartane, and the landis in Row with all and sundrie utheris landis, villages, fischeingis, annualrentis, privileges, liberteis, tennentis, tennandreis, service of frie tennentis, fewfermes, maill dueteis, casualiteis and pertinentis quhatsumevir quhilkis pertenit of befoir to the said baronie of Cardroise and priourie of Inchmahomo or to ather of them, alsweill nocht nameit as nameit, quhilkis his majestie and his estaittis foirsaidis have haldin as expressit in this present act and chartour appointit to follow thairupoun, and declairis the samin generall clause sall be als sufficient as gif the foirsaidis haill landis with castellis, touris, fortalices, manerplaces, woddis, mylnis, fischeingis, pairtis, pendiclis, annexis, connexis, tennentis, tenandreis, service of frie tennentis, fewfermes, maillis, fermes dewteis and casualiteis wer specialie expressit in the same, all lyand within the schirefdomes of Perth, Striviling, stewartrie of Menteth and [...] respective. And als all and sindrie the landis, baroneis and utheris particularlie underwrittin quhilkis pertenit of befoir to the said abbacie of Cambuskenneth; that is to say, all and haill the place and mansioun of Cambuskynneth with houses, biggingis, orchardis, doucattis, toftis, croftis and all thair pertinentis, the towne, landis, akeris and hinde of Cambuskynneth, with the ward, damsyde, Nakit landis, the Craigmyln and mylnlandis thairof, the landis of Eist and West Granges with the medow thairof, togidder with the teyndscheves and small teyndis, baith personage and vicarage, of all the saidis landis includit, the landis of Cambus, myln, mylnlandis and pertinentis, the landis of Polhouse, the landis of Bolfernocht and fourtie akeris of land within the boundis of the baronie of Clakmannan, with the pasturage of ane sowmes gresse in the commountie of Clakmannane, the kirkland of Clakmannane, the kirkland of Tullibodie, the landis of Cowie and Cowiebank, myln, mylnlandis and pertinentis thairof, the landis of Badindaich and Cukispow with the teyndscheves and small teyndis, baith personage and viccarage thairof includit, the landis of Muirtoun, Mobiscroft and thair pertinentis, the landis of Popiltreis with the teyndscheves and small teyndis thairof includit, the landis of Saltcoittis, the tenement of land bak and foir with the yaird and pertinentis thairof lyand within the burgh of Striviling on the south syd of the Bakraw betuix the land of umquhile Alexander Crystesoun on the eist, and the landis of umquhile Robert Grahame on the west pairtis, the burrow maill of the burgh of Striviling, the landis of Kersie, Throsk, Ladyland, Donypace and Chappellandis thairof, the kirkland of Sanct Niniane, the kirkland of Alveth, the kirkland of Tullicultrie and ten akeris of land thair, the landis of Kintillis, Kettilstoun Myln, mylnlandis, multuris, sequelis and pertinentis thairof, the landis of Pitorthie and Balcormo and thair pertinentis, the landis of Dowglie, the landis of Maler, the kirklandis of Arnegosk Myln, mylnlandis, multuris, sequelis and pertinentis thairof, the kirklandis of Lenyie, the kirklandis of Kilmarannok, the kirklandis of Lekcropt, the kirkland of Kincairdin with Sanct Laurence croft, the kirkland of Forteviott and brewlands thairof, the kirkland of Kippen, the kirkland of Kintillocht, the kirkland of Crathie, the kirkland of Kynnowll, the house, land and pasturage of Camsheny, the hospitall of Sanct James at the calsyend of the brig of Striviling, with the landis thairof and all thair pertinentis, the tenement of land in Edinburgh, the tenement of land in Perth, the tenementis of land in Berwick, the tenementis of land in Lynlithqw, the tenementis of land in Caraill, the tenementis of land in Renfrew, with toftis, croftis and annuallis thairof, all and sindrie the salmond fischingis and utheris fischeingis quhatsumevir in and upoun the watter of Forth, with ane salmond net upoun the watter of Clyd pertening of auld to the said abbacie of Cambuskynneth as ane pairt of the rent and patrimonie thairof, fyve chalderis quheat and aucht pundis fyve schillingis stirling money furth of the landis of Bothkennan, the tent pairt of the fermes of Aythray, ane chalder meill yeirlie furth of the abbacie of Dunfermeling, the pensioun of fyve pundis money furth of the kirk of Blair, the pensioun of ten pundis money furth of the kirk of Glenleith, the pensioun of four pundis stirling money furth of the kirk of Kinclevin, ane annuall of fyve schillingis stirling money addebtit yeirlie be the Erle of Montrose, ane annualrent of ten pundis stirling money addebtit yeirlie furth of the landis of Playne, togidder with all utheris landis, baroneis, castellis, touris, fortalices, mylnis, multuris, woddis, fischeingis, pairtis, pendiclis, annexis, connexis, tennentis, tenandreis, service of frie tennentis, annualrentis, fewfermes, maillis, dewteis, casualiteis, privileges, liberteis and pertinentis quhatsumevir pertening of befoir to the said abbacie of Cambuskynneth as ane pairt of the rent and patrimonie thairof, quhilkis his majestie and estaittis foirsaidis willis, grantis and ordinis to be als sufficient as gif the samin wer specialie nominat and exprest heirintill, all lyand within the schirefdomes of Striviling, Clakmannane, Fyf, Perth [...] respective. And siclyk all and sindrie the landis, baroneis and utheris respective underwrittin quhilkis pertenit of befoir to the said abbacie of Dryburgh; they ar to say, all and haill the place and mansioun of Dryburgh, with houses, biggingis, yairdis, orchardis and doucattis of the samin and thair pertinentis, the towne and landis of Dryburgh, myln, mylnlandis, mylnhauch, suckin, yairdis, tenementis, housis, biggingis, toftis, croftis and all thair pertinentis, the landis of Gleddiswod, the kirklandis of Smelame and landis of Smelame Spittell, the landis of Broderstanis, the kirklandis of Erlistoun, the landis of Dogerslate, the landis of Sanct Johnes Chappell, Caddissie and Haggis, the kirklandis of Lauder, the landis of Ouer and Nather Scheilfald, the towne and landis of Ugistoun, the landis of Banylaw, the landis of Bernis, the landis of Elbottle, the landis of Inglisberrie Grange with the teyndis thairof includit, the landis of Ivilie, the landis of Foulden, the landis of Baggiswallis, the landis of Bouthatritt, the kirklandis of Saltoun, the kirklandis of Pencaitland, the landis of Sanct Leonard, the landis of Snawdoun, the landis of Triorne, the Channonis croft, the landis of Pettorthie and Innergellie, the akeris and house of Anstruther, the kirklandis of Mertoun, the landis of Kersmyre, the landis of Kingstoun, the yeirlie annualrent of threttie schillingis to be upliftit furth of the burgh of Edinburgh, fourtie schillingis furth of the priourie of Quhithorne, fourtie schillingis furth of Adingstoun be the laird of Craigmyller to be payit, threttie schillingis furth of the burgh of Dunbar be [...] Kellie to be payit, tuentie schillingis be the laird of Blakbaronie, threttene schillingis four pennies furth of St Johnes Chepell for Birkinsyd, tuentie schillingis furth of Ednem for the laird of Edmestoun, threttene schillingis four pennies furth of Dalcove be the laird of Schaw, sex schillingis aucht penneis be the Lord Yester out of Bothanies, threttene schillingis four penneis furth of Lessudane, sex schillingis aucht penneis furth of Huntrodlane, and sex schillingis aucht penneis furth of Flemingtoun, the salmond fischeing with all utheris fischeingis quhatsumevir upoun the watter of Tweid or ony pairt thairof pertening of auld to the said abbacie of Dryburgh, or quhilkis may be knawin to pertene thairto be quhatsumevir evident, infeftment, document or lauchfull probatioun quhatsumevir, and all utheris landis, baroneis, castellis, touris, fortalices, houses, biggingis, yairdis, mylnis, multuris, woddis, fischeingis, pairtis, pendiclis, annexis, connexis, tennentis, tennandreis, service of frie tennentis, annualrentis, fewfermes, maillis, dueteis, casualiteis, privileges, liberteis, commoditeis and pertinentis quhatsumevir pertening of befoir to the said abbacie of Dryburgh, alsweill nocht nameit as nameit, quhilkis his majestie and estaittis foirsaidis willis, grantis and ordinis sall be als sufficient as gif the samin wer speciallie insert and expressit in this present act and chartour appointit to follow thairupoun, all lyand within the schirefdomes of Roxburgh, Berwick, Lanerk, constabularie of Hadingtoun, [...] respective. With power to the said noble lord Johne, erle of Mar, his airis maill and assignayis foirsaidis, to intromett with and uptak all and sindrie the fewfermes, maillis and dueteis of the foirnameit landis, baroneis, mylnis, fischeingis and utheris, baith generall and speciall befoir contenit, quhilkis pertenit of befoir to the said priourie and abbaceis or ony of them fra the fewaris, tennentis and utheris subject and addebtit in payment thairof, and to ressave and enter the airis that salhappin to succede to them thairintill in immediat tennentis to them of the samin, and to grant them preceptis of clare constat or new infeftmentis thairupoun siclyk als frelie and amplie in all respectis as his majestie micht have done him self befoir the making of thir presentis. With power alsua to the said erle and his foirsaidis to call and persew all and sindrie the pretendit heretable fewfermoraris of the foirnameit landis, baroneis and utheris abonewrittin for productioun and reductioun of quhatsumevir pretendit infeftmentis, richtis and titillis grantit to them of the samin landis, baroneis and utheris abonespecefeit, or ony pairt thairof, for quhatsumevir ressone and cause now competent, or that may be onywayes competent be the lawes of this realme, ather throw nocht fulfilling of ony heid, article or provisioun contenit in thair infeftmentis, or throw ony uther cause or occasioun quhairby the samin may be onywayes reduceit, rescindit or annullit, ather be way of actioun, exceptioun, reply or utherwayes as may stand with the lawes and practique of this realme, siclyk as his majestie himself, or ony uther superiour within this realme, hes done or may do in sic caises. Mairoure, oure said soverane lord and estaittis foirsaidis, understanding that the paroch kirkis underwrittin, quhilkis pertenit of befoir to the said priourie of Inchmahomo and abbaceis of Dryburgh and Cambuskinneth, and quhilkis disunit and dissolvit thairfra be the tennour of this present act in maner underwrittin, viz: the kirk of Kilmadok, Poirt, Leny and Lintrethin, baith personages and vicarages thairof, quhilkis pertenit of befoir to the said priourie of Inchmahomo; the kirkis of Cambuskenneth, Tullibodie, Clakmannane with the pendicle thairof callit the chappell or kirk of Alloway, the kirk of the Kirktowne, alias Sanct Ninianes kirk, with the pendicles thairof, viz: the chapell or chappell kirkis of Laithbairt, Donypace, Mwre and Gargunnok, the kirkis of Kincardin, Kippin, Kilmaronnok, Lecropt, Lenyie, Alveth, Tullicultry, Kynnoull, Forteviott, Arngosk and Crathie, baith personages and vicarages thairof, [...] with all prebendareis and chaplanreis belanging thairto, quhilkis pertenit of befoir to the said abbacie of Cambuskynneth; and the kirkis of Smalham, Mertoun, Maxtoun, Lessudane, Lauder, Gullen, Chingilkirk, Saltoun, Pencaitland, Kilrany, Lanerk and Pettinane, baith personages and vicarages of the samin, quhilkis pertenit of befoir to the said abbacie of Dryburgh, ar and wer for the maist pairt destitute of precheing of the word of God and conforte of the samyn in defaulte of sufficient pastouris and ministeris thir mony yeiris bigane; and his majestie, willing that the samin parochkirkis be in all tyme heireftir plantit with sufficient and learnit ministeris for instructioun of the people in that faith presentlie professit within this realme and quhairof his hienes is maist zelous, and knawing the gude zeall and ardent affectioun of the said Johne, erle of Mar, and that he will omitt nathing quhilk may tend to the furtherance of Godis glorie, thairfoir oure said soverane lord hes erectit and erectis all and sindrie the particular parochkirkis of the saidis thrie abbaceis abonewrittin in severall and distinct personages and vicarages, and ordinis the samin in all tyme cumming to be callit the personages and vicarages of Kilmadok, Porte, Leny, Lintreithine, Cambuskynneth, Clakmannane, Kirktoun and Sanct Ninianes kirk, Kincarne, Kippin, Kilmarannok, Lecrop, Lenyie, Alveth, Tullicultrie, Kynnoull, Forteviott, Arngosk, Crathie, Smailhame, Mertoun, Maxtoun, Lessuden, Lauder, Gullen, Chingilkirk, Saltoun, Pencaitland, Kilrynnie, Lanerk and Pittinane; and willis and declairis that the foirsaidis personages and vicarages sall be provydit and plantit with qualefeit godlie and learnit persones apt and hable to instruct the parochineris thairof in the knawin veritie. And to that effect his hienes and estaittis foirsaidis hes gevin, grantit and disponit and, be the tennour heirof, givis, grantis and disponis to the said noble lord Johne, erle of Mar and his foirsaidis heretablie the advocatioun, donatioun and full richt and titill of all and sindrie the foirsaidis kirkis, parochinnes, alsweill personages as vicarages of the samin, and with all and sindrie privileges, liberteis and commoditeis quhatsumevir pertening thairto; and makis, constitutis and ordinis the said erle and his foirsaidis lauchfull and indoubtit patrones of all and sindrie the foirsaidis paroch kirkis, personages and vicarages thairof for evir, with full power to him and his airis maill and assignayis foirsaidis to present qualifeit and sufficient persones to all and sindrie the saidis kirkis according to the lawes, actis and constitutiounes of this realme in all tyme cumming, how oft and sa oft as the samin salhappin to vaik, ather be deceis, deprivatioun, dimissioun or for quhatsumevir uther cause or occasioun competent be the lawes of this realme, and generalie all and sindrie utheris liberteis and privileges quhilk be the said advocatioun and richt of patronage of the foirsaidis kirkis, parochinnes, personages and viccarages thairof, pertenis or belangis, siclyk and als frelie as ony uther patrone within this realme in the lyk caises may do, or dois. Attoure oure said soverane lord and estaittis foirsaidis, for the cause abonewrittin, hes unite, annexit and incorporat and, be the tennour heirof, unitis, annexis and incorporattis all and sindrie the foirsaidis landis, baroneis, woddis, mylnis, fischeingis, annualrentis and utheris particularlie and generalie abonementionat, with castellis, touris, fortalices, maner places, woddis, forestis, mylnis, fischeingis, pairtis, pendiclis, annexis, connexis, tennentis, tenandreis, fewfermes and dueteis of all and sindrie the foirnameit landis and baroneis, woddis and fischeingis, quhilkis pertenit of befoir to the said priourie of Inchmahomo and abbaceis of Cambuskynneth and Dryburgh, with advocatioun, donatioun and richt of patronage of all and sindrie the foirsaidis kirkis, personages and viccarages as said is in ane haill and frie lordschip and baronie, to be callit in all tyme cumming the lordschip and baronie of Cardroise; and ordinis the maner place of Cardroise to be the principall messuage thairof, and ane seasing to be tane thairat to stand and be sufficient seasing for the saidis haill landis and utheris abonewrittin, and gevis to the said noble lord, his airis and successouris that salhappin to be provydit be him to the said lordschip and baronie of Cairdroise, the honour, estait, dignitie and preheminence of ane frie lord of parliament, to be callit Lord of Cardroise in all tyme cumming, with all honouris and privileges belanging thairto, and that the said lordschip and baronie sall nawayes be accomptit amongis the ecclesiasticall landis of this realme, bot sall be taxt with the temporall landis thairof, and sall be estimat, judgeit and retourit in all brevis, services and retouris in tyme cumming to ane hundreth pundland of auld extent; and siclyk decernis and declaris that the said lordschip and baronie of Cairdroise sall be frie fra all payment of ony thriddis, first fruittis, fyft penny and monkis portiounes quhilkis may be askit and acclamit be quhatsumevir lawes, actis and constitutiounes furth of the saidis abbaceis and prioureis respective foirsaidis, and decernis the auld assumptioun or quhatsumevir new assumptioun thairof to be alluterlie extinguischit and extinct, for evir to be haldin all and sindrie the foirsaidis landis, lordschip and baronie of Cardroise, comprehending as is abonespecefeit, in frie heretage, frie lordschip and frie baronie for evir, be all richtis, merches etc., payand thairfoir yeirlie the said noble erle and his foirsaidis to oure said soverane lord and his successouris the sowme of fyve hundreth merkis usuale money of Scotland in name of blencheferme alanerlie, reserveand alwayes to the saidis David, commendatar of the abbaceis of Dryburgh, Inchmahomo, and Adam, commendatar of Cambuskynneth, the rentis, proventis and emolumentis quhatsumevir of the saidis landis, baroneis and utheris particularlie abonewrittin siclyk and als frelie as they possessit and bruikit the samin befoir the making of thir presentis. And inrespect of the said reservatioun, his hienes exoneris the said erle and his foirsaidis of all payment of the said blencheferme duetie during all the dayes of thair lyfetymes, and heirupoun his majestie and estaittis foirsaidis ordanis ane chartour to be maid, grantit and exped to the said noble lord Johne, erle of Mar, his airis maill and assignayis foirsaidis, or to ony utheris quhome he sall nominat and think expedient, to be extendit in dew and ample forme, with all clauses necessar, contening sic utheris privileges and liberteis thairintill as it sall pleis his majestie to grant thairwith to them; quhilk new infeftment sua to be past his majestie and estaittis foirsaidis decernis and declaris to be sufficient, valiable and effectuall in all tyme cumming for bruiking, joising and possessing of all and sindrie the foirnameit landis, lordschippis, baroneis and utheris, baith generall and speciall, particularlie befoir expremit, with all thair pertinentis, as thair heretage at thair plesure; declairing be thir presentis that the foirsaid infeftment to be past as said is sall be ane sufficient richt to the said noble lord and his foirsaidis for bruiking and joising of all and sindrie the foirnameit landis, baroneis, tenementis and utheris generalie and specialie befoir expremit, quhairof the saidis commendataris and priouris be them selffis, thair tennentis and utheris in thair names, hes bene in possessioun be the space of fourtie yeiris bigane preceiding the date of thir presentis. Reserveand and exceptand alwayes furth of this present act and erectioun foirsaid all regaliteis and privileges thairof (gif ony be) possessit be the abbottis and titularis of the saidis abbaceis and priourie of Dryburgh, Cambuskynneth and Inchmahomo of befoir to remane with oure soverane lord and his hienes successouris and thair crowne inseparablie in all tyme heireftir.

Ratificatioun in favouris of Alexander, erle of Dunfermeling, lord chancellar

Oure soverane lord and estaittis of this present parliament hes ratefeit and approvin and confermit and, be the tennour of this present act, ratifeis, appreves and confermis the twa chartouris underwrittin; the ane thairof maid be oure soverane ladie, the quenis majestie, with express consent, assent and authoritie of oure said soverane lord, his hienes darrest spous, and hir majesteis counsaillouris, under subscryveris thairof, to Alexander, erle of Dunfermeling, chancellar of this realme of Scotland, stylit in the said infeftment, Alexander Seytoun, lord Urquhard, and his airis maill thairin specefeit, makand, constituand, creatand and ordinand the said noble lord and his saidis airis maill undoubtit and irrevocable keiparis, gardianes or constabillis of the palace of Dunfermeling, and utheris specialie enumerat in the said chartour maid thairupoun, and for keiping thairof disponand and assignand to the said Alexander, lord Urquhard and his foirsaidis, for his fie in the said office, the particular teyndscheves and utheris expressit in the said chartour maid thairupoun, as the samin of the date the fyftene day of Februar, the yeir of God jM vC fourscoir sextene yeiris in the self at mair lenth proportis; and the uther of the saidis twa chartouris maid be oure said soverane ladie, with consent foirsaid, to the said Alexander, erle of Dunfermeling, stylit in the said chartour Alexander, lord Urquhart, and his airis thairin mentionat, off all and haill the heretable officeis of baillarie and justiciarie of the lordschip and regalitie of Dunfermeling, lyand upoun the southsyd of the watter of Forth and of all and sindrie landis of the lordschip and regalitie of Dunfermeling, rowmes, possessiounes and teyndscheves thairin contenit, disponit to him for his fie of the saidis offices of baillierie and justiciarie, as the said chartour maid thairupoun of the date the tuentie day of the said moneth of Februar jM vC fourscoir sextene yeiris in the self at mair lenth proportis, in all and sindrie heidis, pointis, articlis, clauses and circumstances thairof; and decernis and ordinis the saidis tua chartouris to be sufficient and valiable richtis and titillis to the said Alexander, erle of Dunfermeling and his airis mentionat thairintill for the peciable bruiking and joising of the saidis offices and possessing of the landis, teyndis, feis and utheris dueteis particularlie mentionat in the saidis chartouris without ony stope, truble or impediment to be maid to him and his foirsaidis thairanent upoun ony occasioun bigane, present or to cum, and eftir the forme and tennour of the saidis twa chartouris in all pointis. And forsamekle as be ane act maid in the threttene parliament haldin be oure soverane lord upoun the tuentie ane day of Julii jM vC fourscoir threttene yeiris and the 189 act of that parliament, the haill landis, lordschippis, houses, castellis, biggingis, teindis, fruittis, rentis, commoditeis and quhatsumevir utheris pertening to the said abbay and monasterie of Dunfermeling ar specialie annexit to the crowne, as the said act it self dois mak large recorde; thairfoir oure said soverane lord and estaittis foirsaidis has dissolvit and, be the tenuour of this present act, expreslie dissolvis the foirsaid annexatioun contenit in the said act insafar as the samyn may be in onywayes extendit to the saidis heretable offices of baillerie and justiciarie and constabularie abonespecefeit, or to the landis, rowmes, possessiounes, teyndis or utheris dueteis enumerat in the said tua chartouris disponit to the said nobill lord and his foirsaidis in maner thairin contenit for his fie in the saidis offices. And oure said soverane lord and estaittis decernis, declairis and ordanis this present dissolutioun of the said annexatioun, quhilk is maid alanerlie in this pairt thairof and sua far as concernis the saidis tua chartouris and contentis thairof respective as said is, and na farder, to stand in all tyme cumming and to be of full force and effect to the said Alexander, erle of Dunfermeling and his airis specialie designit in the saidis tua chartouris for the peciable bruiking and possessing of the saidis offices, feis, dueteis and utheris disponit respective be the saidis tua chartouris and ather of them, quhilkis ar nocht nor sall nocht be comprehendit in the said annexatioun, bot sall be and ar alluterlie excludit thairfra and exceptit furth of the said act sua that the samin sall remane sure and valiable to the said Alexander, erle of Dunfermeling and his foirsaidis for now and evir, eftir the forme and tennour of the saidis twa chartouris maid thairupoun in all pointis, nochtwithstanding of the said annexatioun and without ony danger or querrell to insew thairupoun, and als nochtwithstanding of quhatsumevir uther act, law or constitutioun maid in ony tyme bigane, or quhilkis may be heireftir maid in ony tyme cumming, quhilkis may derogat to the validitie of the saidis tua chartouris or ather of them in haill or in pairt of the samin, dispensand thairwith and with the effect thairof for now and evir; and decernis and declaris this present ratificatioun, dissolutioun and exceptioun fra the said annexatioun to be alse valiable, sufficient and effectuall in all respectis as gif the samin had bene maid and done in parliament at the verie tyme of the making of the said act of annexatioun of the said abbacie or of befoir or as gif the said exceptioun and ratificatioun had bene specialie and expreslie insert in the said act of annexatioun; and thairfoir, and for the better corroboratioun of the saidis tua chartouris and establisheing of the indoubtit richt of the saidis offices and feis and utheris thairin contenit in the persone of the said Alexander, erle of Dunfermeling and his airis contenit in the samin, oure soverane lord and estaittis ordanis the saidis tua chartouris to be ingrossit ad longum in this present act, off the quhilkis respective the tennour followes:

Anna Dei gratia regina Scotorum ac domina dominii de Dunfermeling vniuersis et singulis hanc cartam visuris vel audituris salutem in domino sempiternam. Cum totum et integrum dominium de Dunfermeling ac omnes et singule baronie dominia terre et predia ac lacus eiusdem cum omnnibus et singulis ecclesiis capellis decimis garbalibus et aliis decimalibus Minutis que perprius olim abbatibus commendatariis et conventui monasterii de Dunfermeling pertinebant dum monasterium esset eidem monasterio annexatis et incorporatis nobis heredibus nostris inter illustrissimum et serenissimum principem Jacobum Dei gratia regem Scotorum dilectissimum nostrm coniugem et nos legitime procreatis seu procreandis quibus deficientibus legitimis et propinquioribus heredibus dicti serenissimi regis quibuscunque datum et concessum sit, per quamquidem concessionem sicuti totius dominii predicti ita est etiam totius monasterii ac palatii eidem adiacentium cum omnibus edificiis hortis et pomariis infra precinctum eiusdem monasterii sitis plenariam investituram accepimus, et nos considerantes quam sit necessarium predictum palatium nostrum de Dunfermeling ac edificia omnia eidem pertinentia sarta tecta custodiri, pomarios ac hortos infra septa ac muros dicti nostri palatii diligenter coli ne negligentia et tractu temporis labascant, quod in eiusmodi palatiis sepe fieri contingit, nisi diligenter cura habeatur, ac eidem palatio edificiis et hortis diligens et prudens custos adhibeatur et constituatur, pari etiam cura et sedulitate omnes et singulos lacus nostros iacentes in dominio nostro et vicecomitatu de Fyf custodiri convenit, ne errones et vagabundi pisces in dictis lacubus geniti seu gignendi depredentur, nos igitur premissorum intuitu authoritate et consensu dicti illustrissimi et serenissimi principis necnon consiliariorum nostrorum subscribentium precedente diligenti tractatu vtilitate nostra heredum et successorum nostrorum predictorum in hac parte vndique preuisa, noveritis nos fecisse constituisse creasse et ordinasse ac presentis carte per tenorem facere constituere creare et ordinare dilectum nostrum consiliarium Alexandrum Seytoun dominum de Urquhard presidem consilii et sessionis dicti supremi domini nostri regis et heredes suos masculos de corpore suo legitime procreatos seu procreandos, quibus deficientibus Willielmum Seytoun de Kylismure militem fratrem eius germanum et heredes suos masculos de corpore suo legitime procreatos vel procreandos, quibus omnibus deficientibus heredes masculos dicti Alexandri domini de Urquhard quoscunque cognomen et arma de Seytoun gerentibus, nos veros indubitatos et irreuocabiles custodes guardianos seu constabularios dicti palatii nostri de Dunfermeling et capitalis messuagii dominii eiusdem, cum vniuersis et singulis domibus edificiis hortis pomariis infra muros et precinctum eiusem; ac etiam omnium et singulorum lacuum subscriptorum in dominio predicto nostro de Dunfermeling et infra vicecomitatum de Fyf iacentium viz Lochfittie Blaikloch [...]; necnon omnium et singulorum aliorum lacuum dicto nostro dominio de Dunfermeling spectantium et pertinentium iacentium in dicto vicecomitatu de Fyf cum postestate et facultate dicto Alexandro predicto nostro consiliario heredibus et successoribus suis antedictis per seipsos et eorum deputatos pro quibus respondere tenebuntur predictum nostrum palatium domus edificia hortos seu pomaria infra septa antedicta custodiendi, ianitores seu portarios dicti nostri palatii constituendi et remouendi, hortulanos et alios eius generis seruos visitandi et corrigendi, necnon predictos lacus et pisces in iisdem nunc et in futurum existentes ad usum nostrum et successorum nostrorum disponendi et si opus fuerit cymbas in dictis lacubus imponendi quoties expediens videbitur, omnesque alios quibus ius nullum competit in dictis lacubus ab omni piscatione in iisdem lacubus arcendi, operarios in edificatione vel refectione dicti palatii et edificiorum eiusdem latomos scilicet fabros lignarios tegularios et alios quoscunque eiusmodi operibus qui in posterum laborabunt visitandi et corrigendi (si ita res postulat), quo sumptibus nostris et successorum nostrorum palatium nostrm sartum et tectum conseruari possit, pro quaquidem custodia guardia seu constabularia dicti nostri palatii cum pertinentiis et lacuum prefatorum nos cum consiliis et authoritate antedictis dedimus concessimus disposuimus et assignavimus atque adeo presentium tenore damus concedimus disponimus et assignamus antedicto Alexandro domino de Vrquhard heredibus suis masculis suprascriptis pro suo feodo in dicto officio guardiani seu constabularii suprascripto omnes et singulas decimas garbales terrarum nostrarum de Mastertoun et Petloware dicto nostro dominio de Dunfermeling incorporatarum et iacentium in dicto vicecomitatu de Fyf cum omnibus firmis et devoriis earundem, necnon cum potestate libera facultate et omnimodo nostro iure dictas decimas garbales antedictarum terrarum a colonis et tenentibus earundem levandi et percipiendi ac quoties opus fuerit literas inhibitionum promulgandi et publicandi et pro dictarum decimarum garbalium spoliatione (si res ita exigat) coram competenti iudice litem seu lites movendi et debito sine terminandi, non secus ac nos ipsi possemus ante confectionem presentis carte nostre; tenendum et habendum dictum officium custodie guardie seu constabularie dicti nostri palatii de Dunfermeling cum vniuersis et singulis domibus edificiis hortis pomariis infra muros et precinctum eiusdem ac etiam omnium et singulorum lacuum suprascriptorum, cum dictis decimis garbalibus dictarum terrarum nostrarum de Maister towne et Pitlevar, tanquam pro feodo dicti officii dicto Alexandro domino de Vrquhart et heredibus suis masculis antedictis de nobis et heredibus nostris inter nos et dictum supremum nostrum dominum regem procreatis seu procreandis, quibus deficientibus heredibus et successoribus dicti supremi domini nostri regis quibuscunque, in feodo et hereditate imperpetuum, cum omnibus et singulis iuribus privilegiis vtilitatibus ac commoditatibus ad dictum officium custodie guardie seu constabularie pertinentibus spectantibus seu iuste spectare valentibus sine retinemento impedimento vel obstaculo quocunque. Reddendo inde annuatim dictus Alexander dominus de Vrquhart heredes sui masculi antedicti nobis heredibus et successoribus nostris antedictis seruici´um dicti officii, vnacum denario argenti apud dictum nostrum palatium in die festi penthecostes nomine albe firme si petatur tantum, pro omni alio onere exactione questione seu demanda que de dicto officio cum decimis garbalibus antedictis per quoscunque iuste exigi poterint quomodolibet vel requiri. Et nos vero cum consensu et authoritate antedictorum heredes nostri et successores prescripti predictum officium custodie guardie et constabularie, vnacum prefatis decimis garbalibus dictarum terrarum de Mastertoun et Petloware tanquam pro feodo dicti officii prefato Alexandro domino de Vrquhard et heredibus suis masculis prescriptis in omnibus et per omnia forma pariter et effectu vt premissum est contra omnes mortales warrantizabimus acquietabimus et imperpetuum defendemus. Insuper dilectis nostris Jacobo Harper [...] et vestrum cuilibet coniunctim et diuisim balliuis nostris in hac parte specialiter constitutis salutem. Vobis precipimus et mandamus quatenus visis presentibus indilate statum sasinam hereditariam pariter et possessionem corporalem realem et actualem prefati officii custodie guardie et constabularie dicti nostri palatii de Dunfermeling cum vniuersis et singulis domibus edificiis hortis pomariis infra muros et precinctum eiusdem ac etiam omnium et singulorum predictorum lacuum, cum omnibus et singulis decimis garbalibus terrarum nostrarum de Mastertoun et Petlovare cum omnibus firmis ac devoriis earundem decimarum tanquam pro feodo dicti officii prefato Alexandro domino de Vrquhart vel suo certo actornato latori presentium per traditionem clavium dicti nostri palatii de Dunfermeling, apud idem palatium nostrum, que stabit et sufficiens erit sasina pro omnibus tam dictis officio decimis garbalibus quam lacubus superius ad longum specificatis secundum tenorem antescripte carte nostre tradatis et deliberetis seu alter vestrum tradat deliberet et haberi faciat et hoc nullo modo omittatis. Ad quod faciendum vobis et vestrum cuilibet coniunctim et diuisim balliuis nostris in hac parte antedictis nostram plenariam et irreuocabilem tenore presentium committimus potestatem. In cuius rei testimonium presentibus manu nostra manibusque supremi domini nostri regis in signum sui ad premissa consensus ac predictorum nostrorum consiliariorum subscriptis sigillum nostrum appendi curavimus. Apud Halyrudhous decimo quinto die mensis Februari anno Domini millesimo quingentesimo nonagesimo sexto, et regni supremi domini nostri regis anno trigesimo. Sic subscribitur Jacobus R[ex] Anna R[egina] Maister Johne Lyndsay Blantyre, maister almussar M T Hamyltoun Maister Jacobus Elphingstoun

Followes the uther chartour:

Anna Dei gratia regina Scotorum ac domina totius et integri dominii de Dunfermeling uniuersis ac singulis hanc cartam visuris vel audituris salutem in domino sempiternam. Cum illustrissimo domino nostro regi coniugi nostro charissimo ac nostris consiliariis maxime necessarium et expediens sit compertum, vt balliuis hereditariis pro iusticia administranda in omnibus et singulis terris regalitatis et dominii nostri de Dunfermeling iacentium ex parte australi aque de Forth, vassallis nostris incolis et inhabitantibus earundem ordinetur et constituatur prout abhinc multis retro annis balliuus hereditarius constitutus fuit qui ius dicere vasallis tenentibus incolis et inhabitantibus omnium et singularum aliarum terrarum dominiorum et predictorum eiusdem nostri dominii et regalitatis de Dunfermeling ex parte boreali dicte aque de Forth idque magno emolumento et commodo dicti nostri dominii et regalitatis et nos cum consensu et authoritate dicti illustrissimi principis coniugis nostri deliberatione etiam habita desuper cum consiliariis nostris et ad plenum persuasi de fideli seruicio nobis temporibus retroactis post nostrum in hoc regno Scotie appulsum per predilectum nostrum et confisum consiliarium Alexandrum Seytoun dominum de Vrquhart presidem consilii dicti supremi domini nostri regis multipliciter impenso et in posterum impendendo, consideratis idoneis animi dotibus eiusdem quibus munus balliuo hereditario dicte regalitatis incumbenti prudenter et legitime obire possit, hoc insuper cognito nobis et dicto illustrissimo principi coniugi nostro quod nuper Dauid Durie de eodem indubitatus balliuus hereditarius omnium et singulorum baroniarum prediorum et dominiorum dicti nostri dominii et regalitatis de Dunfermeling ex dicta boreali parte aque de Forth iacentium, accedente etiam consensu Roberti Durie filii sui et heredis apparentis totum ius et titulum quod ipse habuit in dicto balliatu feodis accedentibus et casualitatibus eidem pertinentibus per resignationem in manibus nostris factam in fauorem dicti Alexandri domini de Vrquhart et heredum suorum masculorum rite et legaliter factam pro ingentibus pecuniarum summis transtulerit, et ex ea translatione idem Alexander consiliarius noster pro se et heredibus suis subscriptis per nos legitime in eodem balliatu investitus sit, et postremo intelligentes dictum nostrum consiliarium et heredes suos masculos in regimine et iurisdictione omnium et singulorum nostrorum hominum tenentium et vassallorum totius et integri predicti nostri dominii et regalitatis vbicunque iacent infra regnum Scotie promptiores futuros et denique post receptas magnas pecuniarum summas a predicto nostro consiliario pro causis infrascriptis ac in nostram vtilitatem conversis. Noveritis igitur nos cum expressis consensu assensu et authoritate antedictis dedisse concessisse hereditarie dimisisse et hac presenti carte nostra confirmasse necnon tenore presentium dare concedere hereditarie dimittere et hac presenti carta nostra confirmare prefato Alexandro Seytoun domino de Vrquhart et heredibus masculis de corpore suo legitime procreatis seu procreandis, quibus deficientibus Willielmo Seytoun de Kylismure militi fratri suo germano et heredibus suis masculis de corpore suo legitime procreatis seu procreandis, quibus omnibus deficientibus heredibus masculis dicti Alexandri domini de Vrquhard quibuscunque cognomen et arma de Seytoun gerentibus, totum et integrum hereditarium officium balliuatus et iusticiarie dominii nostri ac regalitatis de Dunfermeling et omnium et singularum terrarum prediorum et possessionum quarumcunque ad predictum dominium nostrum spectantium iacentium vbicunque locorum infra regnum Scotie ex australi parte aque et ftuminis de Forth ac fecisse constituisse et ordinasse tenoreque presentium facere constituere et ordinare dictum Alexandrum dominum de Vrquhart et heredes suos masculos suprascriptos nostros veros legitimos et indubitatos et irreuocabiles hereditarios balliuos et iusticiarios dicti nostri dominii et regalitatis infra bondas predictas, necnon dedisse concessisse disposuisse et assignasse, tenoreque presentium cum expressis consensu et authoritate quibus supra damus concedimus disponimus et assignamus antedicto Alexandro domino de Vrquhard et heredibus suis masculis suprascriptis omnes et singulas nostras decimas garbales villarum et terrarum nostrarum de Stanyhill et Quhythill cum pertinentiis dicto nostro dominio de Dunfermeling incorporatas iacentes ex dicta australi parte aque et fluminis de Forth infra regalitatem nostram de Dunfermeling et vicecomitatum de Edinburgh tanquam pro feodo dicti officii balliuatus et iusticiarie, cum omnibus firmis et deuoriis earundem, necnon cum potestate libera facultate et commodo nostro iure dictas decimas garbales antedictarum terrarum respectiue a colonis et tenentibus earundem levandi et recipiendi ac quoties opus fuerit literas inhibitionum promulgandi et publicandi et pro dictarum decimarum garbalium spoliatione (si res ita exigerit) coram competenti iudice litem seu lites movendi et debito fini terminandi, non secus ac nos ipsi possemus ante confectionem presentis carte nostre, monendo etiam et precipiendo feodifirmariis tenentibus firmariis et possessoribus predictarum terrarum memorato Alexandro domino de Vrquhart eiusque heredibus supradictis de iisdem annuatim (vt premissum est) prompte et expedite respondere et obedire, cum plenaria potestate memorato Alexandro domino de Vrquhart et suis heredibus masculis supradictis curias dicti nostri dominii et regalitatis de Dunfermeling super omnes et singulas terras dominia predia possessiones et alia quecunque intra limites prescriptos vel aliquam eorundem partem toties quoties opus fuerit seu expediens videbitur, tenendi assigendi affirmandi et easdem continuandi pro iusticie administratione feodifirmariis tenentibus et occupatoribus prenominatarum terrarum et aliarum prescriptarum ac aliis quorum interest secundum tenorem ordinemque iuris et personarum ordinem pro criminibus et condemnatis et iustificatis eschaetis levandi et percipiendi dimidiam partem earundem ad suos proprios usus applicandi et alteram dimidiam partem nobis nostrisque successoribus nostris eorumve camerariis pro tempore existentibus colligendi importandi et earundem nobis heredibus et successoribus nostris rationem reddendi; necnon curiarum dicti dominii nostri et regalitatis de Dunfermeling intra bondas prescriptas bludwetas et amerciamenta levandi et intromittendi ac pro eisdem namandi et destringendi et easdem ad suos proprios usus et commoda pro suis laboribus applicandi, prefatosque feudifirmarios tenentes et occupatores dictarum terrarum prediorum et possessionum coram quibuscunque iudicibus spiritualibus seu temporalibus intra Scotie terminos pro quibuscunque actionibus criminibus seu causis arrestatos et accusatos ad privilegia et libertatem dicti nostri dominii et regalitatis, et ad curies eiusdem balliuatus et iusticiarie replegiandi et reducendi, cautionem de collerauch pro iusticia partibus conquerentibus ministrandi concedendi et inveniendi, deputatos balliuos seu iusticiarios vnum vel plures sub ipsis non minoris authoritatis status et conditionis qua principales, vnacum clericis seriandis adiudicatoribus ac omnibus aliis officiariis et membris curie creandi et deputandi, et eorum iuramenta pro fideli iusticie administratione recipiendi pro quibus respondere tenebuntur, assisas inquisitores ac testes ad comparendum coram ipsis sub penis iuris citari summoneri caussandi et generaliter omnia alia et singula dicendi faciendi gerendi et exercendi que ad officia dicti hereditarii balliuatus et iusticiarie pertineri dignoscuntur, vel que nosmet facere potuissemus si personaliter interessemus, ratum gratum firmum ac stabile habentes et habituri totum et quicquid dicti nostri balliui rite duxerint faciendum in premissis cum omnibus et singulis libertatibus commoditatibus proficuis ac suis pertinentiis ad prefatum officium hereditarii balliuatus et iusticiarie spectantibus seu iuste spectare valentibus quomodolibet in futurum, libere quiete plenarie integre honorifice bene et in pace sine aliquo impedimento contradictione reuocatione aut obstaculo. Tenendum et habendum totum et integrum antedictum officium hereditarium balliuatus et iusticiarie dominii nostri ac regalitatis suprascriptorum infra bondas supra mentionatas, vnacum predictis decimis garbalibus levandis et percipiendis in villis et terris nostris suprascriptis pro suo feodo vt premittitur concessis et assignatis cum omnimoda iurisdictione, omnibus et singulis privilegiis vtilitatibus commoditatibus et casualitatibus eiusem modo et forma supra particulariter mentionatis, prefato Alexandro domino de Vrquhard heredibus suis masculis de corpore suo legitime procreatis seu procreandis, quibus deficientibus dicto Willielmo Seytoun suo fratri germano et heredibus masculis de corpore suo legitime procreatis seu procreandis, quibus omnibus deficientibus heredibus masculis dicti Alexandri domini Vrquhart quibuscunque hereditarie, de nobis et heredibus nostris inter dictum supremum dominum nostrum regem et nos legitime procreatis vel procreandis, quibus deficientibus de heredibus et successoribus dicti supremi domini nostri regis quibuscunque, in feodo et hereditate imperpetuum. Reddendo inde annuatim prefatus Alexander dominus de Vrquhart suique heredes suprascripti nobis heredibus et successoribus nostris antedictis debitum seruitium in dicto officio balliuatus et iusticiarie secundum tenorem nostre presentis carte facultatis et infeofamenti, prout de iure reddere tenebuntur, necnon vnum denarium argenti annuatim ad festum penthecostes nominie albe firme si petatur tantum, pro omni alio onere exactione questione seu demanda que de predicto balliuatus et iusticiarie officio cum feodo et aliis eiusdem suprascriptis exigi poterint quomodolibet vel requiri. Insuper dilectis nostris Jacobo Richardsoun de Smetoun et vestrum cuilibet coniunctim et diuisim balliuis nostris in hac parte specialiter constitutis salutem. Vobis et vestrum cuilibet firmiter precipimus et mandamus quatenus visis presentibus indilate statum sasinam hereditariam pariter et possessionem realem actualem et corporalem prefati officii hereditarii balliuatus et iusticiarie dicti dominii et regalitatis nostre de Dunfermeling infra bondas prescriptas cum omnibus et singulis decimis garbalibus predictarum terrar´ et villarum nostrarum de Stenehill et Quhythill cum omnibus firmis earundem decimarum tanquam pro feodo dicti officii, prefato Alexandro domino de Vrquhart vel suo certo actornato latori presentium per traditionem libri curiarum prefati dominii ac regalitatis intra easdem bondas (que stabit et sufficiens erit sasina, pro omnibus tam officii dicti balliuatus et iusticiarie quam decimis garbalibus superius specificatis), apud pretorium de Mussilburt secundum tenorem antescripte carte nostre tradatis et deliberetis seu alter vestrum tradat et deliberet vel haberi faciat et hoc nullo modo omittatis. Ad quod faciendum vobis et vestrum cuilibet coniunctim et diuisim balliuis nostriis antedictis cum consensu assensu et authoritate quibus supra nostram plenariam et irreuocabilem committimus potestatem. In cuius rei testimonium presentibus manu nostra manibusque dicti serenissimi regis ac coniugis nostri charissimi consiliariorumque nostrorum in signum eorum ad premissa consensus et assensus suprascriptis sigillum nostrum appendi curavimus. Apud Halyrudhous vicesimo die mensis Februarii anno Domini millesmo quingentesimo nonagesimo sexto, et regni supremi domini nostri regis anno trigesimo. Subscribitur Jacobus R[ex] Anna R[egina] Maister Johne Lyndsay Blantyre Maister Jacobus Elphingstoun Maister T. Hamyltoun maister almosser.

Ratificatioun in favouris of the Laird of Kylsayth of his infeftment thairof

Oure soverane lord and estaittis of parliament presentlie convenit ratifeis, appreves and confermis the chartour and infeftment under the great seall maid and grantit be his hienes eftir his majesteis perfyte age of tuentie fyve yeiris compleit and generall revocatioun maid in parliament to his lovitt Williame Levingstoun of Kylsayth, than stylit fear of Kylsayth, and his airis maill and of talyie thairin specefeit, of all and haill the landis and baronie of Wester Kylsayth with touris, fortalices, mylnis, multuris, woddis, salmond fischeingis, annexis, connexis, pendiclis, outsettis, tennentis, tennandreis and service of frie tennentis thairof, togidder with the advocatioun, donatioun and richt of patronage of the kirk and parochin of Campsie, personage and vicarage thairof, with uther landis mentionat in the said chartour, unit and annexit in ane frie baronie, and all privileges thairof, contening ane clause of de novo damus and taxt waird with utheris privileges specefeit thairintill, as the foirsaid chartour of the date at Edinburgh, the first of August the yeir of God jM vC fourscoir tuelf yeiris, at mair lenth proportis, in all and sindrie heidis, pointis, clauses and articlis contenit in the samyn chartour. And oure said soverane lord and estaittis foirsaidis declaris, statutis and ordinis that the foirsaid chartour and infeftment sall stand in all tyme heireftir in full strenth and vigour, and sall be effectuall to the said Williame Levingstoun of Kylsayth and his saidis airis maill and of tailyie thairin specefeit, and thair successouris, for bruiking and joising of the foirsaidis landis and baronie, mylnis, patronage and utheris particularlie specefeit in the said chartour and infeftment eftir the forme and tennour thairof in all pointis, nochtwithstanding ony act maid or to be maid in the contrair that may appeir to derogat the samin in ony pairt thairof; and to be alse valide and sufficient as gif the said chartour had bene at lenth word be word ingrossit heirintill.

Ratificatioun in favouris of the Lord Balmirrenoch and his sone, James Elphingstoun, of thair infeftmentis of Ballumbie and Barntoun

Oure soverane lord and estaittis of parliament presentlie convenit ratifeis, apprevis and confermis the chartour and infeftment under the great seall maid and grantit be his hienes, with advyse and consent of his majesteis commissionaris and lordis of chekker, to his trustie and familiar counsaillour Maister James Elphingstoun of Barntoun, ane of the senatouris of the college of justice, now Lord of Balmirrinoch, and his airis maill and tailyie thairin specefeit, of all and haill the landis of Ouer Barntoun, with the tour, fortalice, manerplace, tennentis, tenandreis, service of frie tennentis and all thair pertinentis, lyand within the baronie of Barntoun and schirefdome of Edinburgh, contening clause de novo damus and dispositioun of the foirsaidis landis, and landis of Craigschott, Blakleithie, Muresyd and Kingis Medow and Mure of Cramond, with advocatioun, donatioun and richt of patronage of the personage and vicarage of the kirk and parochin of Cramond, dissolvit fra the bischoprik of Dunkeld and unite to the saidis landis of Overbarntoun, as the said chartour of the date at Faulkland, the ellevint day of August, the yeir of God jM vC fourscoir sevintene yeiris, at mair lenth proportis; and siclyk ane uther chartour and infeftment under the great seall maid and grantit be oure soverane lord to the said Schir James Elphingstoun of Barntoun, knycht, his hienes secretar, in lyfrent for all the dayes of his lyfetyme, and to James Elphingstoun, his eldest lauchfull sone gottin betuix him and Dame Marjorie Maxwell, his spous, and his airis maill and of tailyie thairin specefeit heretablie, off all and haill the landis callit the Maynis of Ballumbie, with tour, fortalice, manerplace, houses, biggingis, yairdis, orchardin, pairtis, pendiclis and pertinentis thairof, and alsua of the Myln of Ballumbie, with mylnlandis, multuris and pertinentis thairof, lyand within the schirefdome of Forfar, with advocatioun, donatioun and richt of patronage of the personage and vicarage of the paroch kirk of Barry, with the vicarage pensionarie of the samyn; and siclyk of all and haill the landis of Innerpeffer with pairtis, pendiclis, annexis, connexis, dependances, tennentis, tennandreis and service of frie tennentis of the samyn lyand within the said schirefdome of Forfar; togidder with the advocatioun, donatioun and richt of patronage of the kirk and parochin of Monyfuth, personage and vicarage thairof, and personage and vicarage of Ballumbie, with all proffeittis and commoditeis of the samyn, contening ane clause of de novo damus of the foirsaidis landis, myln, patronages and utheris abonewrittin; togidder alsua with the advocatioun, donatioun and richt of patronage of the kirk and parochin of Auchterhouse, personage and vicarage thairof, being ane of oure soverane lordis commoun kirkis, as at mair lenth also is contenit in the said last chartour of the date the tuentie thrid day of August jM vjC and twa yeiris, in all and sindrie heidis, pointis, clauses and articlis contenit in the samin twa chartouris and ilkane of them. And oure said soverane lord and estaittis foirsaidis declaris that the foirsaidis twa chartouris and infeftmentis sall stand in all tyme heireftir in full strenth and vigour, and sall be effectuall to the said James, lord of Balmirrenoch and his said sone, thair airis maill and of talyie thairin mentionat and thair successouris, for bruiking and joising of the foirsaidis landis, mylnis, patronages and utheris particularlie specefeit in the saidis twa chartouris and infeftmentis eftir the formes and tennour thairof in all pointis, and the samyn to be in all tyme cumming unrevocable and unretreatable ony maner of way quhatsumevir, and to be alse valiable and sufficient as gif the samyn twa chartouris had bene at lenth word be word ingrossit heirintill.

Erectioun of the priourie of Sanctandrois in ane temporall lordschip in favouris of the Duk of Lennox

Oure soverane lord, with advyse and consent of the estaittis of the parliament of Scotland presentlie convenit, considering the princelie duetie quhilk bindis his hienes in the example of his maist noble progenitouris to impairt to his maist loving subjectis sic honouris and digniteis as thair merittis and vertuous actis in great services and proffitable offices to his majestie and the commoun weill justlie requiris, to the end that nocht onlie be gratificatioun of his hienes weill affectionat subjectis they mycht continew thair ardour and affectioun in weill doing, bot als that throw thair example the noble hairtis of his weill qualifeit subjectis may in tyme cummyng, throw hope of ane worthie remuneratioun, be mair prompt and desyreous to serve his selsitude and his successouris to the advancement of the commoun weill and honour of the realme; and heirwith his majestie, remembering that his hienes darrest cousing Lodovick, duik of Lennox, erle Darnelie, lord Torboltoun, Methven and Obegny etc., is nocht onlie discendit of his majesteis blude royall and neir attingent in consanguinitie to his hienes, bot alse his majestie, remembering the manyfald trew, diligent and faythfull services done to his hienes at all tymes be his said darrest cousing and his promptitude and reddines in the said service as he wes requirit, alsweill within the realme of Scotland as in the realmes of France and England, to the quhilkis realmes he for his worthines, knawlege, discretioun and wisdome, besyd the great dignitie and rowme quhairunto he wes callit, wes diverse tymes directit ambassadour for sindrie great affairis and worthie materis concerning his majesteis persone and the particular weill and estait of the realme of Scotland, quhais great diligence and faithfull service brocht evir with it ane happie succes tending to the weill and honour of his majestie and the crowne and to the particular commoditie and proffeitt of the realme of Scotland; and his majestie and the saidis estaittis of this present parliament, haveing speciall regard and respect to the saidis particular services done be the said Lodovick, duik of Lennox, besydis mony utheris nochtabill services done be him to his majestie alsweill in his privat and domestique affairis as for the proffeitt and commoditie of the said realme of Scotland, for the quhilkis he hes nocht onlie as yit remanit unrecompensit, bot alse the greatest pairt of the saidis services wer done and performit be him in forane realmes upoun his awin propir charges and expenses (nawayes as yit recompansit), for the quhilkis he wes forceit to ingage ane great pairt of his landis and heretage; quhilkis all being considerit be his hienes and estaittis foirsaidis, his majestie, with thair advyse and consent, following the honorable and loveable example of his maist nobill progenitouris, hes thocht and estemit maist aggreabill with his princelie deutie that his said darrest cousing sall be respectit in honour and dignitie with sic benefite as for the present his majestie may giff with leist hurte to his hienes crowne of Scotland, unto the tyme sum better occasioun may be offerrit mair amplie to remunerat his said service to the end he may be the better moveit to continew in the promptitude of his said service and thairby gif utheris occasioun to follow his gude example; and his majestie, haveing now be speciall instructiounes proponit to the saidis estaittis of parliament the saidis great services, actis and honorable deidis done to his majestie and to the particular weill of the realme be his said darrest cousing, quhairupoun the saidis estaittis hes takin full tryell and verificarioun, and they have fundin, tryit, censurit and judgeit, lyk as they presentlie find, censure and judge the samin to be, and to have bene, great, seand and ressonable causes for the weill of his majestie and of his said hienes realme of Scotland; and alse his majestie and estaittis foirsaidis findis, decernis and declairis that his majestie with thair advyse and consent may, for the saidis seand causes quhilkis they have knawin and tryit to be for the seand weill of his majestie and realme of Scotland as said is, gif, annalie and dispone ony pairt of the landis annexit to his majesteis crowne to his said darrest cousing, his airis and successouris heretablie, to be haldin in sic maner and for sic yeirlie duetie as his majestie pleisis, and to that effect that the annexatioun of they landis to the crowne quhilkis ar to be gevin, annaleit and disponit sall be simpliciter dissolvit fra the crowne for evir, that the samyn may be gevin, annaleit and disponit to his said darrest cousing, his airis and successouris heretablie, and the saidis estaittis being ryplie and gravelie advysit quhat his majestie may gif, annalie and dispone to his said darrest cousing with leist detriment to his majesteis rent and crowne, the saidis estaittis all in ane voce have fundin and declairit and, be the tennour heirof, findis and declaris that the temporalitie, patrimonie, propirtie and superiouritie with the fewfermes, rentis and dueteis of the abbacie and priourie of Sanctandrois, being in his majesteis handis be the generall annexatioun of the haill kirklandis of the realme of Scotland to the crowne, togidder with the spiritualitie of the said abbacie, kirkis, teyndis, fruittis and rentis thairof being in his majesteis handis be dimissioun and resignatioun maid of the samyn be the priour and convent of the said abbay, thair lauchfull procutouris and patent lettres, as the said dimissioun beiris, may with leist detriment to his majestie or hurte to the rent and patrimonie of the crowne of Scotland, for the seand causes abonewrittin, be gevin and disponit to the said Lodovick, duik of Lennox, his airis and successouris heretablie, in maist ample, competent and dew forme; and thairfoir, the saidis estaittis of parliament findis it necessar and expedient that our said soverane lord, be his majesteis infeftment to be maid with advyse of his hienes ordinar officeris, sall erect, unit, annex, creat and incorporrat all and sindrie landis, lordschippis, baroneis, mylnis, woddis, fischeingis, parkis, forrestis, mansiones, manerplaces, yairdis, orchardis, kirkis, collegis, teyndscheves and utheris teyndis, fruitis, rentis, emolumentis, fewfermes, maillis, fermes, annualrents, caynis, customes, casualiteis, tennentis, tennandreis, service of frie tennentis and all utheris proffeittis, richtis, emolumentis and dueteis quhatsumevir pertening or that richteouslie hes pertenit to the said priourie and abbacie of Sanctandrous, patrimonie and propirtie thairof, baith temporalitie and spiritualitie of the samin, and quhairof the priouris and conventis of the said abbay hes bene in posessioun in ony tyme bigane in ane haill and frie temporall lordschip, baronie and estait of ane temporall lordschip of his hienes parliament, and that the samyn, with all privileges and commoditeis pertenyng thairto, togidder with the honour, dignitie and estait of ane lord of his majesteis parliament, with the additioun of badge and armes, sall be for the seand causes foirsaidis gevin, annaleit and disponit to the said Lodovick, duik of Lennox and his airis maill lauchfullie gottin, or to be gottin, of his bodie, quhilkis failyeing to Esmie Stewart, his brother germane, and his airis maill lauchfullie to be gottin of his bodie, quhilks failying to returne agane to his majestie and to his hienes successouris, to be haldin of his majestie and his successouris in frie lordschip and baronie with the honour and dignitie of ane lord of parliament for evir. And to that effect, his majestie and estaittis foirsaidis of this present parliament dissolvis, annullis and infringis the said generall annexatioun of the saidis kirklandis of this realme of Scotland to the crowne insafar as it may be extendit to the temporalitie of the foirsaid priourie and abbacie of Sanctandrois alanerlie; and ordanis the infeftment to be maid heirupoun to be extendit in maist ample forme, beirand ane erectioun, unioun and incorporatioun of all the particularis, baith temporalitie and spiritualitie, of the said priourie and abbacie in ane temporall lordschip and baronie, and ane speciall remit and discharge, with consent of his majesteis thesaurar and of his hienes generall collectour, of the haill monkis portiounes and of the haill thriddis of the said priourie and abbacie, alsweill victuall as silver, becaus his majestie will be releiffit and dischargeit of the sustenatioun of the ministerie of the kirkis quhilkis pertenit of befoir to the said priourie; and also to beir and contene provisioun that the said lordschip pay all taxatiounes with the temporall lordis of the said realme of Scotland, comptand the said lordschip to [...] pundland of auld extent, and that the said Lodowick, duik of Lennox, his airis and successouris sall have thair releif of the saidis taxatiounes of all the heritable tennentis of the saidis landis eftir the rate and quantitie of the samin landis sa oft as the saidis taxatiounes sall occur; and with express power to the said Lodovick, duik of Lennox, his airis and successouris, to retreat and reduce for ressonable causes competent of the law all and quhatsumevir infeftmentis, takkis, assedatiounes, rentallis, richtis and titillis of ony pairt of the saidis landis, kirkis, teyndis and utheris abonespecefeit, with all utheris clauses and provisiounes quhilkis sall be neidfull for the said Lodovick, duik of Lennox, his airis and successouris foirsaidis, for bruiking of the said lordschip and baronie. And to the effect foirsaid, his majestie and estaittis of parliament hes suppressit and extinguishit the memorie of the said priourie and abbacie of Sanctandrois, that thair sall be na successour provydit thairto, nor na farder mentioun maid of the samyn in ony tyme heireftir; and to the said alienatioun and dispositioun, now as gif it wer alredie maid and perfytit and than as now, his majestie and the saidis estaittis of parliament hes interponit and interponis thair consent and authoritie as that deid quhilk is now, and sall be in all tymes heireftir, estemit and judgeit for the weill of oure said soverane lord and for a seand proffeitt and commoditie to his crowne and realme of Scotland, reserveand and exceptand alwayes furth of this present act and erectioun foirsaid all regaliteis and privileges thairof possessit be the priouris and commendataris and titularis of the said priourie of Sanctandrous of befoir, to remane with oure soverane lord and his hienes successouris in all tyme cummyng, and siclyk reserveand and exceptand furth of this present act and erectioun foirsaid the bischoprik of Sanctandrois, regaliteis belanging thairto and haill rentis, dueteis, emolumentis and proffeittis of the said bischoprik, and declairis that the samin sall nawayes be hurte, prejudgeit nor impairit be the said act of erectioun; and alse reserveand and exceptand furth of the said act of erectioun the haill heretable baillreis of the haill landis of the bischoprik of Sanctandrois quhairevir they ly within this realme of Scotland, to the heretable bailleis thairof, and specialie reserves to the laird of Darsie his heritable bailliarie of the baronie of Sanctandrois haldin of the archibischop of Sanctandrois conforme to the tennour of his heretable infeftment of the said bailliarie in all pointis; and in lykmaner reserves and exceptis furth of the said act of erectioun of the said priourie of Sanctandrois the kirk and the haill teyndscheves of the paroch kirk and parochin of Kilgour, with the landis of Freirtoun pertening to David, lord Scone.

Erectioun of the abbacie of Lundoris in ane temporall lordschip in favouris of Lord Lundoris

Oure soverane lord and estaittis of this present parliament convenit and haldin within his majesteis realme of Scotland, and the saidis estaittis, at his majesteis desyre, understanding perfytlie and haveing sufficient tryell and considerit in the said parliament the mony gude, trew, thankfull and proffitable services monywayes done to his majestie be Patrik, now lord of Lundoris, sumtyme commendatar of the abbacie thairof undermentionat, and of the great charges, expenses and sowmes of money that he hes sustenit and debursit, nocht onlie in his majesteis domestick and privie affairs and busines thir tuentie four yeiris bigane or thairby during all the quhilk tyme the said Patrik, lord Lundoris hes bene actuall and domestick servand gentilman in his majesteis chalmer, bot alsua of the uther great sowmes of money, charges and expenses sustenit be him at his majesteis mariage, baptisme of the prince his darrest sone and utherwayes sensyne, baith within this his hienes kingdome of Scotland and alse within his majesteis uther kingdome of England, continewalie sen his hienes repairing thairto (quhilk his majestie hes nevir yit recompensit), and for uther great, ressonable, proffitable and sene causes of the said realme of Scotland concerning the weilfair thairof, notorlie knawin to his hienes and estaitis of the samyn, and weill advysit, tryit, digestit and considerit and approvin be them; and be decreit of this present parliament, upoun sufficient verificatioun taken be them thairupoun, thairfoir oure said soverane lord and estaittis foirsaidis of this present parliament, with ane full, deliberat mynd and consent, hes to the effect underwrittin in pairt of remuneratioun of the saidis great and profitable services and of the saidis large sowmes of money and expenses dissolvit and, be the tennour of this present act, simpliciter and for evir dissolvis fra his majesteis crowne and patrimonie thairof and fra the first act of annexatioun of all kirklandis and temporall rentis of benefices within this realme to his said crowne and fra all uther annexatiounes, baith speciall and generall maid thairto at ony tymes heirtofoir, all and sindrie landis, lordschihpis, baroneis, castellis, touris, fortalices, mansiounes, manerplaces, yairdis, orchardis, townes, burrowis, mylnis, multuris, woddis, schawis, parkis, fischeingis, lochis, ilis, inches, hauches, medowes, mures, mosses, coillis, coilheuchis, annuelrentis, tenementis, reversiounes, customes, great and small, and utheris quhatsumevir of the temporalitie of the said abbacie of Lundoris, with all and sindrie thair pairtis, pendiclis, pertinentis, tennentis, tenandreis, service of frie tennentis, superiouriteis, yeirlie fewfermes, caynis, customes and dueteis thairof, offices, jurisdictiounes, privileges and immuniteis of the samyn, advocatiounis, donatiounes and richtis of patronages of kirkis, personages, vicarages, prebendareis, chaplanreis, alterages and utheris benefices, and all and sindrie utheris rentis, commoditeis, proffeittis and emolumentis quhatsumevir quhilkis pertenit of befoir and of auld to the said abbacie and monasterie of Lundoris, quhilkis wer generalie annexit to oure said soverane lordis crowne and patrimonie thairof upoun the tuentie nynt day of Julii, the yeir of God jM vC fourscoir sewin yeiris, or at ony uther tyme ather befoir or sensyne, dissolvand the samin thairfra simpliciter and for evir to the effect alwayes eftirspecefeit; and lykwayes, seing the principall mansioun, abbay place, houses, biggingis, yairdis and utheris undermentionat within the precinct of the said abbacie and utheris adjacent thairto as followis, and siclyk all and sindrie the kirkis, personages, vicarages, chaplanreis, alterages, teyndschewes, utheris teyndis, manses, glebis, fruittis, rentis, proffeittis and emolumentis pertening of befoir to the spiritualitie of the said abbacie of Lundores wes for ressonable and necessar causes resignit and dimittit of befoir be the abbott and convent thairof in oure said soverane lordis handis, to the effect his majestie micht dispone the samyn in sic maner as he suld think expedient, thairfoir and to the effect ane severall rectour and minister of Goddis word may be provydit to everie ane of the saidis kirkis, and for the utheris causes abonewrittin, oure said soverane lord and estaittis foirsaidis hes dissolvit and, be the tennour of this present act, dissolvis fra the said abbacie and monasterie of Lundoris and frome the patrimonie thairof simpliciter and for evir, the principall mansioun and manerplace of Lundoris, callit of auld the monasterie and abbay place thairof, with all and sindrie castellis, fortalices, houses, biggingis, yairdis and utheris lyand within the clausure and precinct of the said abbacie, and with all doucattis, grenis, office houses and utheris adjacent and pertening thairto of befoir; and siclyk all and sindrie the kirkis, personages, vicarages, chaplanreis, alterages, prebendareis and utheris benefices quhilkis pertenit of befoir and of auld to the said abbacie of Lundoris, with all and sindrie the teyndscheves, utheris teyndis, fruittis, rentis, manses, glebis, proffeittis and emolumentis of the samyn, togidder with the advocatioun, donatioun and richt of patronage thairof, and all utheris rentis, possessiounes, proffeittis, commoditeis and utheris quhatsumevir, alsweill in speciall as in generall quhilkis pertenit in ony tyme bygane to the said abbacie of Lundoris, alsweill to the spiritualitie as temporalitie thairof, and monkis portiounes of the samyn, or wes possessit be the abbottis, commendataris and convent thairof respective for the tyme as thair propirtie or patrimonie of the samin, baith tua pairt and thrid pairt thairof, quhilkis, be vertue of oure said soverane lordis anteriour chartour and infeftment maid and grantit be his majestie thairupoun of befoir under his great seall of Scotland of the date at Perth, the last day of Marche, the yeir of God jM and sex hundreth yeiris, to Patrik, now maister of Lundoris, than stylit and designit thairintill Patrik Leslie, sone lauchfull to the said Patrik, lord of Lundoris, his airis maill quhatsumevir and thair assignais heretablie, wer than be his majestie erectit, unitit, annexat and incorporat in ane haill and frie temporall lordschip and baronie to the said Patrik Leslie and his foirsaidis, callit and to be callit the lordschip and baronie of Lundoris; quhilk chartour and infeftment maid thairupoun to the said Patrik, maister of Lundoris and his foirsaidis (now sene, red and considerit be the saidis estaittis of this present parliament) wes also ratifeit, approvin and confermit of befoir be oure said soverane lord and estaittis of this realme for the tyme in the parliament haldin at Edinburgh, the fyftene day of November, the said yeir of God jM and sex hundreth yeiris. And inrespect thairof, his majestie and estaittis foirsaidis of this present parliament declairis and ordinis this present act of dissolutioun of all and sindrie the saidis landis, kirkis and utheris abone rehersit in generall contenit in the said anteriour chartour for avoiding of prolixitie, to be alse valide, sufficient and effectuall as gif the samin anteriour chartour and infeftment, with all and sindrie the particular landis, mylnis, fischeingis, kirkis, teyndis, mansionis, rentis and utheris thairin specefeit wer de verbo in verbum haillelie insert in this act, to the effect it may and sall be lesum to oure said soverane lord, be vertue of his new chartour and infeftment to be maid and past under his great seall of Scotland, to annalie, gif, grant, dispone and conferme to the said Patrik Leslie, now callit Patrik, maister of Lundoris, his airis maill and assignayis foirsaidis heretablie, all and haill the said lordschip and baronie of Lundoris, comprehending thairintill all and sindrie the saidis townis, landis, burghis of baronie, castellis, touris, fortalices, mansiounes, manerplaces, mylnis, woddis, fischeingis, rentis, fewfermes, dueteis, superiouriteis, annualrentis, tennentis, tennandreis and services of frie tennentis, offices, jurisdictiones, privileges, kirkis, richtis of patronages, teyndis and utheris quhatsumevir abone rehersit, contenit alsweill specialie as generalie in the said anteriour chartour and infeftment maid thairupoun be his hienes of befoir to the said Patrik Leslie and his foirsaidis heirin haldin as for expressit; and for new erectioun, unioun and incorporatioun of the samin to them in ane haill and frie temporall lordschip and baronie callit, and to be callit in all tyme cumming, the lordschip and baronie of Lundoris, with the honour, digniteis, voittis and estait of ane temporall lord of his majesteis parliamentis and counsallis, with additioun of badge and armes, to be haldin of oure soverane lord and his hienes successouris in frie heretage, frie lordschip and baronie for evir, for yeirlie payment to his hienes and his successouris thairof of [...] usuale money of this his hienes realme of Scotland at the terme of Witsonday in name of blenche ferme alanerlie, and thairwith payand to the rectouris and ministeris of the saidis kirkis and thair successouris thair yeirlie stipendis and utheris dueteis specefeit in the said anteriour chartour alanerly, nochtwithstanding that sum of the saidis landis and utheris abonerehersit specefeit thairintill wer utherwayes haldin of his majestie of befoir be vertue of the foirsaid act of annexatioun for yeirlie payment of certane fewfermes and dueteis contenit in the said anteriour chartour, quhairwith oure said soverane lord and estaittis foirsaidis now, ex certa scientia, for the causes abonewrittin, hes expresllie dispensit and dispenses be thir presentis, and renunceand all richt and actioun competent or that may be competent to his majestie and his successouris thairanent. And to the effect abonewrittin oure said soverane lord and estaittis foirsaidis dissolvis, suppresses, extinguisches and abolisches the foirsaid abbay and monasterie of Lundoris, memorie and name thairof, with the haill ordouris, institutiones and fundatiounes of the samin simpliciter and for evir, ordaning this present act of dissolutioun foirsaid to be alse valiable and effectuall as any uther act of dissolutioun maid in this present parliament; and that the infeftment to follow heirupoun be extendit in mair ampill and sufficient forme with all clauses neidfull, reservand and exceptand alwayes furth of this present act and erectioun foirsaid all regaliteis and privileges thairof, gif ony be possessit be the abbottis and titularis of the said abbacie of befoir, to remane with oure said soverane lord and his hienes successouris for evir in all tyme cumming.

Ratificatioun in favouris of Maister Alexander Gibsoun of his infeftment of Grantoun

Oure soverane lord and estaittis of parliament presentlie convenit hes ratefeit, approvin and confermit and, be the tennour of this present act, ratifeis, appreves and confermis the chartour, confirmatioun and dispositioun thairin contenit maid and grantit be his hienes, with consent of his majesteis counsaillouris and officiaris, subscryveris thairof, to Maister Alexander Gibsoun, ane of the clerkis of sessioun, and Margaret Craig, his spous, and thair airis and utheris thairin contenit, off all and haill they landis of Grantoun quhilkis wer disponit to him be Maisteris David Ayttoun and Johne Russell, advocattis of befoir, as in the wryttis and securiteis maid to him thairupoun and in oure said soverane lordis infeftment of the date the first day of August, the yeir of God jM vjC thrie yeiris, at mair lenth is contenit; and decernis, declairis and ordinis the said chartour, confirmatioun and dispositioun thairin mentionat to be gude, valiable and sufficient to the said Maister Alexander and his foirsaidis now and in all tyme cumming, in all and everie heid, point, article and clause thairin expressit; quhilk and haill contentis thairof, oure soverane lord and estaittis foirsaidis hes allowit and ratefeit, and specialie that pairt thairof anent the disponing of the samyn landis in taxt waird to the said Maister Alexander and his foirsaidis in maner particularly thairin expressit, quhilk clause and dispositioun and remanent haill clauses and pointis of the said chartour decernis and declairis to be valide and effectuall to the said Maister Alexander and his foirsaidis for the peciable bruiking and possessing of the saidis landis as belanging to him and them heretablie, and on nawayes to be trublit thairin or to be querrellit in his richt thairof be ony maner of occasioun bigane or throw ony defaulte or eilest, be the quhilk the richt or possessioun of the saidis landis may be challangeit, or the said Maister Alexander or his foirsaidis trublit thairin be ony privilege, titill or richt competent to oure soverane lord and belanging to his hienes or quhatsumevir uther persone rysing upoun quhatsumevir richt, titill or ground, bigane, present or tocum; with the quhilkis and all utheris oure soverane lord and estaittis foirsaidis hes dispensit and, be the tennour heirof, dispenses for now and evir, granting thir presentis to be als effectuall and sufficient in all respectis as gif the tennour of the said chartour and dispositioun wer insert and ingrossit word be word in this present act.

Act in favouris of the Vicount of Fentoun anent the dissolutioun of Restenneth fra the abbacie of Jedburgh

Oure soverane lord and estaittis of this present parliament, calling to rememberance the faithfull and loyall service done to his hienes continualie sen his infancie be his trest cousing Thomas, vicount of Fentoun, lord Dirltoun etc., and capitane of his hienes guardis, and specialie that nochtable service done be him at Perth in resisting of the monstrous, ungodlie and horrible tressoun conspyrit thair aganis his hienes royall persone be umquhile Johne, sumtyme erle of Gowrie, and his brother, deserveing justlie perpetuall memorie and commendatioun to all ages, with gude recompence and remuneratioun; and his hienes and estaittis in sum measure being willing to gratifie his said trest cousing for the present be dispositioun to him, his airis maill and assignais heretable of the haill temporall landis and rentis quhilkis pertenit of befoir to the priourie of Restenneth, being ane cell of the abbacie of Jedburgh, now pertening to his majestie be vertue of the act of annexatioun of the kirklandis within this realme to the crowne, with the richt of the patronage of the kirkis of the said priourie, viz: the kirkis of Restenneth, Donynald and Aberlemno erectit in ane frie baronie as followes; thairfoir his majestie and estaittis of this present parliament, eftir sufficient tryell tane in this parliament and of befoir of the said nochtable service done be the said Vicount of Fentoun in the preservatioun of his hienes maist royall persone, being sene, maist ressonable and proffitable causes for the weill of his haill realme and subjectis thairof, hes dissolvit and, be thir presentis, dissolvis all and sindrie the temporall landis, annuallis and rentis pertening of befoir to the said priourie of Restenneth fra the said act of annexatioun and patrimonie of the crowne; and siclyk hes dissolvit and, be thir presentis, dissolvis all and sindrie the saidis parochkirkis of the said cell and priourie of Restenneth, personages and vicarages thairof, with all and sindrie teyndis, fruittis, proventis, emolumentis and dueteis of the samin fra the first fundatiounes thairof, quhairupoun the samin proceidit, and fra the said abbacie of Jedburgh, to the quhilk the said cell and priourie of Restenneth wes unitit of auld as ane pairte of the patrimonie thairof, and fra all utheris actis of annexatioun quhatsumevir maid of the samin priourie, rentis and kirkis thairof in tyme bigane, and hes suppressit and, be thir presentis, suppressis, buryis and extinguissis the name and memorie of the said priourie for evir, to the effect his majestie may grant and dispone heretablie to his said trest cousing Thomas, vicount of Fentoun, his airis maill and assignayis, all and sindrie the temporall landis and rentis pertening to the said priourie with the place, cloister, yairdis, orchardis and haill boundis within the precinct of the samin, and all thair pertinentis, togidder with the advocatioun, donatioun and richt of patronage of the paroch kirkis foirsaidis, personages and vicarages thairof, erectit in ane frie baronie as said is, haldin of his hienes and his successouris in frie blenche for yeirlie payment of tuentie pundis in name of blenche ferme alanerlie, and frie of payment of all monkis portiounes, first yeiris fruittis, fyft penny, thrid and all utheris dueteis quhairunto his majestie, his predecessouris or successouris had, hes or onywayes may have or pretend richt in ony tyme cumming, be vertue of quhatsumevir law, statute, actis of parliament, counsall or conventioun quhatsumevir maid or to be maid in the contrair, quhilkis his hienes and estaittis foirsaidis for the causes abonespecefeit renuncis and dischargis for evir be thir presentis; and that the said chartour be extendit in the best forme with all clauses necessar; and this present act to be ane sufficient warrand for making and perfyting thairof.

Ratificatioun in favouris of the Laird of Kinnard Carnegie

Oure soverane lord and estaittis of this present parliament ratifeis, apprevis and perpetualie confermis the lettres of gift, donatioun and mortificatioun maid be Alexander, bischop of Brechin, haveing indoubtit richt and titill to all and sindrie the teyndscheves of the landis of Kinnaird, Balnamone, Pentoskell and Over Dalgatie, with the pertinentis, lyand within the parochin of Brechine and schirefdome of Forfar, pertening to him as ane propir pairt of the patrimonie of the said bischoprik; and that with consent of the deane, channones and chaptour of the cathedrall kirk of Brechine, and siclyk be Robert Kynneir, viccar of the parochkirk and parochin of Brechin foirsaid, haveing indoubtit richt and titill to all and sindrie the vicarage and small teyndis of all and haill the samin landis of Kinnard, Balnamone, Pentoskell, Overdalgatie and of the teyndis of Medill Drummes and Grenedene, with thair pertinentis, lyand within the said parochin of Brechin, pertening to the said Robert as ane propir pairt of the patrimonie of the said viccarage, with consent of oure soverane lord as patroun of the samin vicarage and of the bischop, dene, channonis and chapter of the cathedrall kirk thairof; and in lykmaner be Maister Johne Weymis, minister at Kynnaird, prebendar of the prebendarie callit the subdenrie of the said cathedrall kirk of Brechine, lyand within the diocie of [...] and schirefdome of Forfar foirsaid, with consent of his majesteis as patrone of the said prebendarie and of the saidis bischope, dene, chanounes and chaptour of the said cathedrall kirk of Brechine; and alse be the said Maister Johne Weymis as persone and viccar of the personage and vicarage of Cukestoun, with consent of Schir David Carnegie of Kinnaird, knycht, undoubtit patrone of the said personage and vicarage of Cusktoun, quhairby the saidis Alexander, bischop of Brechin, Robert Kinneir, viccar of Brechine, and Maister Johne Weymis, all with ane consent and assent, and alse with the speciall advyse and consent of the saidis patrones, dene, channones and chapter of the samyn for thair richt and interes, gaif, grantit, disponit, unitit, incorporatit, mortifeit and annexit simpliciter and for evir to the kirk of Kynnaird, laitlie biggit and erectit be umquhile Maister David Carnegie of Kynnaird, father to the said Schir David Carnegie of Kynnaird, knycht, in place of the kirk of Cukestoun, quhilk is altogidder ruynous and decayit, all and sindrie the teyndis, alsweill great as small, of all and haill the saidis landis of Kynnaird, Balnamone, Pentoskell and Overdalgatie, with thair pertinentis, togidder with all and sindrie the yeirlie teyndsilver, proffeittis and dueteis of all and sindrie the samyn teyndis, personage and vicarage thairof, and alse of all and sindrie the vicarage and small teyndis of the saidis landis of Middill Drum and Grenedene, with the pertinentis, with the yeirlie teyndsilver, proffeittis and dueteis of the samyn teyndis, togidder with the manse, gleib, houses, yairdis, haill fruittis, rentis, emolumentis and dueteis, alsweill pertening and belanging to the said prebendarie callit the subdenrie of the said cathedrall kirk of Brechine, as to the haill personage and vicarage of Cukestoun, of the cropt and yeir of God jM vjC and [...] yeiris, and of all yeiris croppis and termes thaireftir following, to the effect that ane severall personage and vicarage may be erectit and composit of all and sindrie the saidis teyndscheves and small teyndis of the foirsaidis landis of Kynnaird, Balnamone, Pentoskell and Over Dalgatie, and of the vicarage and small teyndis of the saidis landis of Middill Drummes, Grenedene, with all and sindrie manses, gleibis, houses, yairdis, orchardis, haill fruittis, rentis and emolumentis, alsweill pertening of befoir to the said personage and vicarage of Cukestoun as to the said prebendarie callit the subdenrie of the said cathedrall kirk of Brechine, to be callit in all tyme cumming the personage and vicarage of Kynnaird, and that the parochin and parochkirk thairof may be lykwayes callit the parochin and parochkirk of Kynnaird, and to the effect that all and sindrie the foirsaidis fruittis, rentis, teyndis, manses, gleibis, utheris rentis and emolumentis befoir rehersit may remane in all tyme cumming with the said parochkirk of Kynnaird, personage and vicarage thairof, as the propir rent and patrimonie of the samin, togidder with the procuratorie of resignatioun or dimissioun contenit in the said letter of mortificatioun, quhairby the saidis Alexander, bischop of Brechine, Robert Kynneir, viccar of Brechine, and Maister Johne Weymis, with advyse and consent foirsaid, maid and constitute certane procuratouris for thame to resigne, dimit and overgif all and sindrie the foirsaidis teyndis, manse, gleibis, utheris rentis and emolumentis befoir rehersit with the advocatioun, donatioun and richt of patronage of the said parochkirk of Cukestoun, personage and vicarage thairof, in the handis of oure soverane lord or utheris haveand his hienes power and commissioun to ressave the said resignatioun or dimissioun, to the effect contenit in the saidis letteris of gift and mortificatioun, as the samin of the date at Edinburgh, Dundie, Kynnaird and Brechine respective, the thrid, fourt and sewintene dayes of September, the yeir of God jM vjC and four yeiris and the tuentie twa day of Julii jM vjC and fyve yeiris at mair lenth beiris, with the instrument of resignatioun and dimissioun following thairupoun of the date at Edinburgh, the tuentie sewint day of Marche, the yeir of God jM vjC and fyve yeiris, togidder with the infeftment maid and grantit be his majestie under the great seall, quhairby his hienes gaif, grantit and disponit to the said Schir David Kynnard, knycht, and to the airis maill lauchfullie gottin, or to be gottin, of his bodie, quhilkis failyeand to his narrest and lauchfull airis maill, beirand the surname and armes of Carnegie and thair assignayes quhatsumevir, all and sindrie the landis and utheris particularlie underwrittin, to wit: all and haill the landis of Cukestoun; all and haill the landis of Addecat with their pendiclis and pertinentis lyand within the said schirefdome of Forfar; all and sindrie the saidis landis of Middill Drummis and Greneden with thair pendiclis and pertinentis, togidder with the teyndscheves of the samyn includit, lyand within the schirefdome foirsaid; and all and haill the myln of Cauldhame with the mylnlandis, toftis, croftis, pairtis, pendiclis and pertinentis of the samyn quhatsumever, lyand within the said schirefdome of Forfar. And als his majestie gaif, grantit, disponit, unitit, incorporat, mortefeit and annexit simpliciter for ever to the foirsaid kirk of Kynnaird all and sindrie the foirsaidis teyndscheves, alsweill great as small, of all and haill the saidis landis of Kynnaird, Balnamone, Pentoskell and Over Dalgatie with thair pertinentis, togidder with all and sindrie the yeirlie teyndsilver, proffeittis and dewteis of the samyn landis, personage and viccarage thairof; and als all and sindrie the vicarage and small teyndis of the saidis landis of Middill Drummis and Greneden, with the pertinentis, with the yeirlie teyndsilver, proffeittis and dewteis of the samin landis; togidder lykwayse with the manse, gleib, houses, yairdis, haill fruittis, rentis, emolumentis and dewteis, alsueill pertening and belanging to the said prebandrie callit the subdeanrie of the said cathedrall kirk of Brechin, as to the haill personage and vicarage of Cukistoun, of the foirsaid cropt and yeir of God jM vjC and [...] yeiris, and of all yeiris croptis and termes thairefter following. And siclyk his majestie gaif, grantit and disponit to the said Schir David Carnegie and his foirsaidis the advocatioun, donatioun and richt of patronage of the said kirk of Kynnaird, personage and viccarage thairof, quhilkis landis and myln abonewrittin with thair pertinentis, togidder with the advocatioun, donatioun and richt of patronage of the said kirk of Kynnaird, personage and viccarage thairof, ar unit, annexit, creat and incorporat in ane haill and frie tennandrie to be callit now, and in all tyme cumyng, the tennandrie of Cukistoun, as the said infeftment under the great seall of the date at Edinburgh, the [...] day of Aprile, the yeir of God jM vjC and sex yeiris at mair lenth beiris, togidder with the precept and instrument of seasing following thairupoun. And als his majestie and estaittis foirsaidis ratifeis and apprevis the lettre of erectioun maid and grantit be his majestie under the great seall in favouris of the said umquhile Maister David Carnegie of Kynnaird and his airis maill, creatand and erectand ane bursarie of the college of St Leonardis within the citie of St Androus, to be callit the bursarie of Drummis, and geveand, grantand and disponeand for sustenatioun of the bursareis to be presentit to the said bursarie the sowme of threscoir pundis money of this realme of Scotland as the yeirlie fewferme of all and haill the foirsaidis landis of Middill Drummis and Greneden, with the pertinentis now pertening in fewferme heretablie to the said Schir David Carnagie of Kynnaird, knycht, and makand, constituand and ordinand the said umquhile Maister David and his airis maill foirsaidis lauchfull and indoubtit patrones of the said bursarie in all tyme cumyng, as the said lettre of erectioun of the dait at Halyrudhous, the tuentie aucht day of Julii, the yeir of God jM vjC fourscoir tuelf yeiris at mair lenth proportis, in all and sindrie pointis, passes, heidis, articles, clauses, conditiones and circumstances quhatsumever contenit in the saidis lettres of mortificatioun, instrument of resignatioun following thairupoun, infeftment abonewrittin, precept and instrument of seasing following thairupoun, and lettre of erectioun of the bursareis abonespecifeit, eftir the formes and tennouris thairof, with all that hes followit or may follow thairupoun. Attoure, his majestie and estaittis foirsaidis consentis, decernis and declairis that the securiteis particularlie abonespecifeit salbe valeid, effectuall and sufficient to the said Schir David Carnegie of Kynnaird, knycht, and his airis maill abonedesignit, for bruiking and joyseing of all and haill the foirsaidis landis of Cukistoun and Addecat, with thair pertinentis, and all and haill the foirsaidis landis of Middill Drummis and Greneden, with the teyndscheves of the samin includit, as also all and haill the foirsaid myln of Cauldhame, with the pertinentis, togidder with the advocatioun, donatioun and richt of patronage of the said paroche kirk of Kynnaird, personage and viccarage thairof, as thair propirtie and proper heretage at thair plesoure in all tyme cumyng; and lykwayse to the persones and vicaris quha salhappin to be provydit to the said personage and viccarage of Kynnaird for bruiking and joyseing of all and sindrie the teyndscheves and small teyndis of all and haill the saidis landis of Kynnaird, Balnamon, Pentoskell and Overdalgatie, with thair pertinentis, togidder with all and sindrie the yeirlie teyndsilver, proffeittis and dewteis of all and sindrie the samin teyndis, personage and viccarage thairof; and als of all and sindrie the viccarage and small teyndis of the saidis landis of Middill Drummis and Greneden, with the pertinentis, with the yeirlie teyndsilver, proffeittis and dewteis of the samin teyndis; togidder lykwayse with the manse, gleib, houses, yairdis, haill fruittis, rentis, emolumentis and dewteis, alsueill pertening and belanging to the said prebandrie callit the subdeanrie of the cathedrall kirk of Brechin as to the haill personage and viccarage of Cukistoun, of the cropt and yeir of God jM vjC and [...] yeiris, and of all croptis and termes to cum, as being annexit and mortefeit to the said kirk of Kynnaird, personage and viccarage thairof, in maner abonewrittin in all tyme cumyng; and in lyk maner to the said Schir David and his foirsaidis for bruiking and joyseing of the richt of patronage of the foirsaid bursarie within the said college of Schir Leonardis in St Androus, callit the bursarie of Drummis, and to the bursareis presentit, and to be presentit, thairto be the said Schir David and his foirsaidis for bruiking, joyseing and uplifting of the sowme abonewrittin for thair sustenatioun according to the said lettre of erectioun in all tyme cumyng, and that nochtwithstanding quhatsumever actis, statutis or constitutiounes of parliament maid in this present parliament, or at ony tyme of befoir; and willis, decernis and declairis this present ratificatioun and confirmatioun to be of alse great strenth, force and effect as gif the said procuratorie, instrument of resignatioun, chartour, precept and instrument of seasing foirsaid wer, word be word, ingrossit and insert heirin; quhairanent his majestie, with advyse foirsaid, be thir presentis, for now and ever dispenses.

Ratificatioun in favouris of the Lord Uchiltrie of his infeftment of the kirkland of Uchiltrie

Oure soverane lord and estaittis of this present parliament, for the gude service done to his majestie be Andro, lord Stewart of Uchiltrie and his predecessouris, hes ratefeit and approvin and, be the tennour heirof, ratefeis and apprevis ane infeftment grantit be his majestie of the kirklandis of Uchiltrie, callit the Vicaris Holme of Uchiltrie, with the advocatioun, donatioun and richt of patronage of the personage and vicarage of Uchiltrie of the date, the xxj day of Marche jM sex hundreth and ane yeiris, in all and sindrie heidis, clauses and conditiones thairof, sua that the said infeftment contenand the saidis landis and richt of patronage may be ane valide and sufficient richt to the said Andro, lord Stewart of Uchiltrie, his airis and successouris mentionat thairintill, nochtwithstanding quhatsumevir act and statute of parliament maid in this present parliament or of befoir, quhilk oure said soverane lord and estaittis foirsaidis declairis nawayes to be hurtfull nor prejudiciall to the said infeftment and richt of patronage thairin contenit, bot the samin sall stand valide and sufficient richtis to the said lord, his airis and successouris abonespecefeit in all tyme cummyng; and to be also sufficient as gif the said chartour had bene word be word ingrossit heirintill.

Erectioun of the abbaceis of Jedburgh and Coldinghame in ane temporall lordschip in favouris of the Erle Home

Oure soverane lord and estaittis of this present parliament, calling to rememberance the gude, trew and memorable service done to his majestie, his realme and liegis be his richt trest cousing Alexander, erle of Home, lord Jedburgh and Dunglas etc., and his predecessouris in all tymes and at all necessar occasiounes bygane, alsweill in tyme of peax as in tyme of warre, and als the great cair, ernest zeill and reddines of the said erle to underly all gude offices and service tending to his hienes honour, great weill and proffeitt of the countrey, nocht onlie in the dischargeing of sindrie ambassages and commissiounes in forane countreyis, bot likwayes in the executioun of diverse commissiounes for quieting of the bordouris of this realme and repressing of all insolence and disordour within the samyn at all occasiounes bigane, upoun his great charges and expenses, in the quhilkis offices the said Alexander, erle of Home dischargeit his duetie maist faithfullie, as is notourlie knawin to his majestie and haill estaittis of this present parliament, quhairupoun sufficient tryell wes tane befoir them and, eftir tryell tane, his majestie and estaittis being of deliberat mynd that the saidis gude offices and services with the great charges sustenit be the said Alexander, erle of Home be in sum measure recompensit, and finding na better meane for the present than that the haill temporall landis and rentis quhilkis pertenit of befoir to the abbacie of Jedburgh and priourie of Cannabie, being ane cell of the said abbacie, and haill temporall landis and rentis quhilkis lykwayes pertenit of befoir to the priourie of Coldinghame and now pertening to his majestie be the actis of annexatioun of the temporall landis and rentis of the saidis benefices to the crowne (except the landis eftir specefeit), togidder with the haill spiritualitie of the kirkis of the saidis abbaceis of Jedburgh, Cannabie and Coldinghame, teyndscheves and utheris teyndis, fruittis, rentis and emolumentis pertenyng and belanging thairto (except the teyndis of the kirkis eftir specefeit), togidder with the abbay place, closteris, houses, biggingis, yairdis, orchardis and all thair pertinentis lyand within the precinctis of the saidis places, sall be grantit and disponit be his hienes to the said erle heretablie, he being alredie provydit to the spiritualitie of the saidis benefices, and haveing resignit and dimittit the samyn in his hienes handis to the effect following; thairfoir his majestie, with advyse of the saidis estaitis of parliament, eftir sufficient tryell tane be them in the said parliament of the haill premisses, and that the causes foirsaidis ar sene, ressonable and proffitable causes for the weill of the realme, hes dissolvit and, be thir presentis, dissolvis all and sindrie the temporall landis and rentis quhatsumevir pertening of befoir to the saidis benefices of Jedburgh and Coldinghame and the said cell of Cannabie fra the generall act of annexatioun maid of the kirklandis within this realme to his hienes crowne, and fra the speciall act of annexatioun maid of the temporall rentis of the said priourie of Coldinghame to the crowne in the parliament haldin at Edinburgh in the moneth of [...] the yeir of God jM vC fourscoir yeiris, and fra all utheris actis of annexatioun quhatsumevir maid of the temporall rentis of the saidis benefices, or ony of them or ony pairt thairof in ony tyme bygane; and lykwayes hes dissolvit and, be thir presentis, dissolvis all and sindrie the parochkirkis pertening to the saidis abbacie of Jedburgh, cell of Cannabie and priourie of Coldinghame, personages and vicarages thairof, with all and sindrie teyndis, fruittis, rentis, proventis, emolumentis and dueteis quhatsumevir pertening and belanging thairto fra the first fundatiounes thairof, quhairupoun the samyn proceidit, with the abbay places, closteris, yairdis, orchardis and all aismentis and commoditeis within the precinctis of the saidis benefices, fra the samyn benefices; and hes supprest and, be thir presentis, suppresses, buryis and extinguisches the names and memorie of the samyn benefices for now and evir, to the effect his majestie, with advyse of his ordinar officeris, may grant and dispone heretablie to the Erle of Home, his airis maile and assignayis, all and sindrie the temporalitie, propirtie and superiouritie with the fewfermes and pertinentis pertening to the saidis benefices be thair names in speciall quhair evir the samyn lyis, with the saidis abbay places, closteris, houses, biggingis, yairdis, orchardis and all thair pertinentis lyand within the precinctis of the saidis places and all thair pertinentis, togidder with the spiritualitie of the saidis benefices, teyndscheves and utheris teyndis, fruittis, rentis and emolumentis pertening and belanging thairto, erectit in ane haill and frie lordschip and baronie, with all privileges, immuniteis and jurisdictioun pertening to ane frie lordschip and baronie, to be callit in all tyme cummyng the lordschip of Coldinghame, haldin of his hienes and his successouris in frie blenche for payment of four hundreth merkis Scottis at the feist of Witsonday in name of blenche ferme alanerlie, and to be lykwayes frie of all payment of all monkis portiounes, first fruittis, fyft penny, thrid and all utheris dueteis quhairunto his majestie, his predecessouris or successouris had, hes or onywayes may have or pretend ony richt in ony tyme cumming be vertew of quhatsumevir law, statute, actis of parliament, counsaill or conventioun quhatsumevir maid, or to be maid, in the contrair, quhilk his hienes, with advyse of the saidis estaittis, for the causes abonespecefeit, renuncis and discharges for now and evir be thir presentis, becaus his majestie and his successouris will be relevit and dischargeit of the sustentatioun of the ministeris serveing the cure at the saidis kirkis; and ordinis the said infeftment to beir and contene provisioun that the said lordschip sall pay all taxatiounes in tyme cummyng with the temporall landis of the realme, comptand the said lordschip to twa hundreth pundland of auld extent, and of new extent to ane sex hundreth pundland, and that the said erle, his airis maill and successouris lordis of the said lordschip sall have thair releif of the saidis taxatiounes of the heretable tennentis of the saidis landis and teyndis eftir the rate and quantitie of thair landis and teyndis sa oft as the said taxatioun sall occur; and lykwayes ane express power to the said erle and his foirsaidis to call for reductioun of quhatsumevir infeftmentis, richtis and titillis of ony pairt of the saidis landis, teyndis and utheris pertening to the said lordschip for quhatsumevir cause competent of the law, exceptand alwayes furth of the said infeftment the kirk of Dummany, quhilk is ane of the kirkis of the said abbacie of Jedburgh pertening now to Schir Thomas Hamyltoun of Bynning, knycht, advocat to oure soverane lord, and sicklyk excepting furth of the said infeftment the landis, kirkis and teyndis respective eftirspecefeit, quhilkis pertenit to the said abbacie of Coldinghame and now pertenis to George, erle of Dunbar etc.: they ar to say, the landis of Lauertoun with the kirk of Lauertoun and teyndis thairof, the landis of Horslie and Grenwod with the teyndis thairof, the landis of Fernysyd with the teyndis thairof, the landis of Flemyngtoun callit Nather Aytoun, Reidhall, Natherbyre, Brounisland and Gunnisgrene, with the mylnis and haill teyndis of the samyn, the landis and maynis of Falscastell or Wester Lumisdane, Dewlaw, Duddoholme, als Cauldsyde, Auldtoun, Newtoun, with the mylnis, fischeingis and haill teyndis of the saidis landis, with the maner place and castell of Falscastell and all thair pertinentis; reservand and exceptand alwayes furth of this present act and erectioun foirsaid all regaliteis and privileges thairof, gif ony be possessit be the abbottis and titularis of the saidis abbaceis and prioureis of befoir, to remane with oure said soverane lord and his hienes successouris for evir in all tyme cummyng. And oure said soverane lord and estaittis foirsaidis, now as gif the said infeftment wes alredie past and perfytit, and than as now, hes interponit and interponis thair consent and authoritie thairto as to that deid quhilk is now and sall be heireftir estemit and judgeit for the weill of his hienes and his successouris and sene proffeitt and commoditie of his hienes crowne and this realme.

Erectioun of the priourie of Pittinweme in favouris of Frederik Stewart

Oure soverane lord, with advyse of the estaitis of this present parliament, understanding that the haill temporall landis of all benefices, great and small, within this realme quhilkis pertenit of befoir to bischoppis, abbottis, prioures, freiris, priouresses or utheris ecclesiastick persones, with all and sindrie teyndis, fruittis, rentis, emolumentis, fewfermes and dueteis thairof, wer, be act of parliament maid in the yeir of God jM vC fourscoir sewin yeiris, annexit to his hienes crowne to remane thairwith as ane propir pairt of the patrimony thairof perpetualie in tyme cumming, as in the act of annexatioun maid thairanent at mair lenth is contenit; and nochtwithstanding thairof be ane uther act maid in the said parliament anent the dissolutioun of the former act it wes lesum to his majestie to sett all his landis, alsweill nocht annexit as annexit, to ony persone or persones in fewferme and heretage without diminuatioun of the rentall, be vertue quhairof, be ane thrid act maid in his hienes current parliament haldin at Edinburgh, the fyft day of Julii, the yeir of God jM vC fourscoir tuelf yeiris, it wes fundin expedient and his majestie and estaittis consentit that it suld be lesum to his hienes to wedsett and annalie to umquhile Schir Williame Stewart, commendatar of Pittinweme, his airis and assignayis quhatsumevir, all and haill the temporall landis, lordschippis, baroneis, castellis, touris, fortalices, woddis, mylnis, multures, fischeingis, tenentis, tennandreis and service of frie tennentis, pairtis, pendiclis and pertinentis quhatsumevir pertening and belanging, or knawin to pertene and belang at ony tyme of befoir, to the priourie of Pittinweme, and to mak and delyver to the said umquhile Schir Williame sic chartouris and infeftmentis as he plesit to devyse for his securitie thairof, redemable alwayes and under reversioun to be maid to his hienes and his succcessouris be the said umquhile Schir Williame and his foirsaidis, contenand the sowme of aucht thowsand merkis usuale money of Scotland, and that nochtwithstanding the foirsaid act of annexatioun or ony uther lawes, actis or statutis maid in the contrair that micht derogat the said infeftment, as the said act of parliament of the date foirsaid at mair lenth proportis; in consideratioun quhairof, his majestie, considering and remembering the gude, trew and thankfull service done to his hienes be his said umquhile trustie and weilbelovit servitour Schir Williame Stewart, comendatar of Pittinweme, in his lyfetyme, alsweill in his majesteis awin particular and honorable affairis as in certane particular negotiationes committit to his charge, tending nocht onlie to his hienes awin particular bot alsua to the publict weill and estait of the haill realme and lieges thairof, and haveing gude hope and expectatioun of the educatioun and gude conversatioun of his hienes lowit Frederik Stewart, sone lauchfull to the said umquhile Schir Williame, and to gif him occasioun to continew and perseveir in the lyk service, his majestie, for the causes foirsaidis and diverse utheris causes, occasiounes and gude consideratiounes moveing his hienes, with express advyse and consent of the saidis estaittis, dissolvis the foirsaid act of annexatioun insafar as the samyn extendis, or may be extendit, to the said priourie of Pittinweme, contening the particular landis, akeris, salt pannis, woddis, mylnis, fischeingis and utheris eftirspecefeit, to wit: the maner place of Pittinweme of auld callit the monasterie of Pittinweme, with all houses, biggingis, yairdis, orchardis and pertinentis of the samyn within the close, precinct or wallis of the said abbay and place thairof, burgh and village of Pittinweme and Anstruther be west the burne, and alsua the landis and akeris of Pittinweme and Anstruther, with the teyndis and teyndscheves thairof includit, the Mylntoun of Pittinweme, with the akeris and teyndscheves thairof includit, the landis callit Fawsyd with the teyndscheves thairof includit, the landis of Grangemure Eister, the landis of Crambrigis with the teyndscheves thairof includit, the landis of Lyngo with the teyndscheves thairof includit, the landis callit the Inche with the teyndscheves thairof includit, the landis callit Pittotter with the teyndscheves thairof includit, the landis of Lochend with the teyndscheves thairof includit, the Ile callit the Ile of Maii, croft of Carrall callit Monkis Croft with the teyndscheves thairof includit, all lyand within the schirefdome of Fyf; the landis and baronie of Eister and Wester Ryndis with the teyndis and teyndscheves thairof includit, the boitt and fischeing upoun the watter of Tay with the teyndfisches includit, lyand within the schirefdome of Perth; the landis of Mayschellis with the teyndscheves thairof includit, the landis of Maisland of Barro with the teyndis and teyndscheves thairof includit, the croft and land of Belhevin with the teyndscheves thairof includit, lyand in the constabularie of Hadingtoun within the schirefdome of Edinburgh; the croft of land in Abirbiothok callit Abirbrothok Croft lyand within the schirefdome of Forfar with the teyndis thairof includit; togidder with coillis and coilheuchis of Pittinweme, salt pannis, kane salt, houses, biggings and biggingis thairof and pertinentis of the samin lyand within the schirefdome of Fyf; and also with the commounes of Pittinweme, mylnis and mylntoun thairof with thair pertinentis, and with the haill teyndis, teyndscheves, utheris fruittis, rentis, dueteis, proffeittis, emolumentis, advocatioun, donatioun and richt of patronage of all and sindrie kirkis and parochinnes of Pittinweme laitlie erectit, Anstruther bewest the burne and ruidis, unitit and annexit as partis of the patrimonies of the said abbay; togidder with all and sindrie utheris landis, lordschippis, baroneis, mylnis, fischeingis, woddis, medowes, forrestis, mansiounes, manerplaces, teyndschewes, utheris teyndis, houses, biggingis, yairdis, tenementis of the burghis or villages of Pittinweme and Anstruther be west the burne, with thair pertinentis; togidder with the seatoun and portis thairof, anchorages, customes, privileges, proffeittis, immuniteis and casualiteis quhatsumevir belanging to the said abbacie, or quhilkis at ony tyme bygane pertenit thairto and patrimonie thairof, or quhilkis ony abbottis, commendatares or conventis of the samyn had in possessioun in ony tyme bigane, and quhilkis ar contenit in the chartouris of erectiounes of the saidis townis of Pittinweme and Anstruther be west the burne, with thair pertinentis, in burghis regall, quhilkis his hienes will have as exprest and insert heirin and in the chartour and infeftment to follow heirupoun; and findis and declaris that it is, and sall be, lesum to his majestie to dispone the foirnameit haill landis, lordschippis, baroneis, mylnis, woddis, fischeingis, coillis, coilheuchis, salt pannis, landis, tenementis respective and particularly abone expremit with the teyndscheves and utheris teyndis, fruittis, rentis and dueteis of the said abbacie to the said Frederik, his airis and assignayis, with all and sindrie privileges and immuniteis pertening and belanging thairto, alsweill superiouritie as tenandrie thairof, advocatioun, donatioun and richt of patronage of the kirkis respective foirsaidis, to remane with him and his foirsaidis heretablie without reversioun or redemptioun for evir, nochtwithstanding the foirsaidis actis or ony of them or ony utheris lawes, actis, statutis or proclamatiounes, speciall or generall, maid or to be maid in the contrair; and siclyk be the tennour of the said act, suppresses and dissolvis the foirsaid benefice with all privileges and immuniteis belanging thairto frome the spirituall estate of ane priourie in ane temporall lordschip and baronie, to be callit the lordschip or baronie of Pittinweme, and to be taxit and stentit in all taxatiounes and impositiounes with the lordis and baronis. And forder his majestie, with advyse foirsaid, unitis, erectis, creatis and incorporatis the samin with all landis, lordschippis, baroneis, woddis, mylnis, fischingis, pairtis, pendiclis and pertinentis thairof, tennentis, tennandreis and service of frie tenentis of the samin, in ane temporall lordschip and frie baronie, to be callit in all tyme cumming the foirsaid lordschip and baronie of Pittinweme, and that ane seasing now and in all tymes cumming to be takin at the principall place and mansioun of Pittinweme sall stand extend and be sufficient seasing for all and sindrie the landis, lordschippis and utheris respective and particularlie abone expremit, nochtwithstanding that the samyn lyis nocht contigue but dispersit in diverse schireffdomes, quhairanent his majestie, be the tennour of the said act, dispenses. And forder, to the effect this present act and infeftment to follow heirupoun may be the mair better richt and securitie to the said Frederik and his foirsaidis, his majestie, with advyse abone specefeit, retreittis, rescindis, cassis and annullis the foirsaidis actis of annexatioun, act of dissolutioun and act maid anent the dispositioun of the said priourie to the said umquhile Schir Williame under reversioun of the said sowme of aucht thowsand merkis, insafar as the saidis actis, or ony of them respective, extendis, or may be extendit to the hurte and prejudice of thir presentis and infeftment to follow heirupoun alanerlie; and willis and ordinis that the said lordschip, comprehending the particularis thairof abonespecefeit, sall remane with the said Frederik and his foirsaidis heretablie, but reversioun or redemptioun quhatsumevir for evir; quhilk reversioun and redemptioun his hienes, with advyse foirsaid, be the tennour of the said act, renuncis, quitclamis and simpliciter discharges in favouris of the said Frederik and his foirsaidis with full power and speciall libertie to them to impugne, querrell and reduce all and sindrie infeftmentis, chartouris, preceptis, seasingis, takkis, rentallis or utheris richtis and securiteis quhatsumevir, off the landis, lordschippis, baroneis, akeris, houses, salt pannis, woddis, mylnis, medowis, fischeingis, teyndis, fruittis, rentis, emolumentis and dueteis of the said lordschip, maid, sett and grantit to quhatsumevir persone or persones, for the samin ressones and causes quhilkis his hienes or his predecessouris micht have reducit and retretit the samyn, and that als frelie in all respectis as his hienes micht have done be vertue of the said act of annexatioun, or ony utheris may do be vertue of his majesteis gift grantit to them in the lyk caises, with command to his majesteis advocat present and to cum to concur and assist the said Frederik and his foirsaidis in the persute of the saidis reductionis, or ony of them as occasioun sall offer, and siclyk with power to the said Frederik and his foirsaidis to ressave all and sindrie the heretable tennentis and fewaris of quhatsumevir landis, rentis, houses, biggingis, aikers, teyndis or utheris respective and particularlie befoir nameit in the richtis and titillis of thair predecessouris, and the saidis fewaris and tennentis sall hald thair landis and utheris of him and his foirsaidis immediatlie, to quhome also he sall mak and delyver chartouris, infeftmentis or preceptis of seasing, quhilkis his hienes, with advyse foirsaid, declaris sall be als gude, valide and sufficient to the saidis fewaris, tennentis, vassallis and utheris ressaveris thairof as gif they had bene maid and grantit be his majestie, with advyse of his hienes collectour generall, be vertue of the said act of annexatioun; for the quhilkis infeftmentis, richtis and securiteis the saidis tennentis, vassallis and fewaris sall be haldin to pay to the said Frederik and his foirsaidis thair ressonable compositiounes according to the valour of the landis and utheris to the quhilkis they sall be enterit for the tyme. Attoure, oure said soverane lord, with advyse foirsaid, hes dispensit and, be the tennour heirof, dispenses with the generall and originall lawes, actis and statutis quhairby express provisioun is maid that his hienes annexit propirtie and annexit temporalitie may nocht be disponit insafar as the samyn may be extendit to the foirsaidis landis and lordschip of Pittinweme, particularlie abonerehersit, to the quhilkis thir presentis sall mak express dirogatioun; and specialie dispenses with that act of parliament maid anent ratificatiounes and dispositiounes maid in parliament contenit in the tua hundreth fourtie thrid article of the fyftene parliament haldin at Edinburgh, the nyntene day of December jM vC fourscoir fyftene yeiris; axceptand alwayes and reserveand furth of this present act and erectioun foirsaid all regaliteis and privileges thairof, gif ony wes pertening to the said priourie and lordschip of Pittinweme, to oure said soverane lord and his successouris, to remane with them for evir; and siclyk exceptand and reserveand furth of this present act of parliament all and sindrie the landis of Grangemuir Wester and all thair pertinentis lyand within the said schirefdome of Fyf, quhairin Maister Williame Scott of Elie is heretablie infeft, conforme to ane speciall act maid in his favouris in this present parliament. Lyk as oure said soverane lord, with advyse of the estaittis foirsaidis, presentlie dissolvis the foirsaid act of annexatioun insafar as the samyn may be extendit to the foirsaidis landis of Grangemure Wester.

Parliamentary Register addenda
The table of the actis of parliament haldin at Perth, the ellevint day of July 1604, bookit in ordour following:
The table of the actis of parliament haldin at Perth, the nyntene day of July 1606, bookit in ordour following:
  1. NAS, PA2/16, f.49v. Back
  2. The top left hand corner of NAS, PA2/16, f.49v has been torn away and has resulted in a large amount of missing text. Back
  3. NAS, PA2/16, f.49v. Back
  4. The top right hand corner of NAS, PA2/16, f.49r has been torn away and has resulted in a large amount of missing text. Back
  5. NAS, PA2/16, f.49v-51r. Back
  6. 'V 2' written in margin beside heading. Back
  7. NAS, PS2/16, f.51r-v. Back
  8. 'V 3' written in margin beside heading. Back
  9. Followed by a word in superscript. However, word is illegible. Back
  10. NAS, PA2/16, f.51v. Back
  11. 'V 4' written in margin beside heading. Back
  12. NAS, PA2/16, f.51v-52r. Back
  13. 'V 5' written in margin beside heading. Back
  14. NAS, PA2/16, f.52r. Back
  15. 'V 6' written in margin beside heading. Back
  16. 'cumming' scored out and replaced by 'bigane'. Back
  17. NAS, PA2/16, f.52r. Back
  18. 'V 7' written in margin beside heading. Back
  19. NAS, PA2/16, f.52r-v. Back
  20. 'V 8' written in margin beside heading. Back
  21. NAS, PA2/16, f.52v. Back
  22. 'V 9' written in margin beside heading. Back
  23. NAS, PA2/16, f.52v. Back
  24. '10 V' written in margin beside heading. Back
  25. NAS, PA2/16, f.52v-53r. Back
  26. 'V 11' written in margin beside heading. Back
  27. NAS, PA2/16, f.53r. Back
  28. 'V 12' written in margin beside heading. Back
  29. 'and' repeated Back
  30. NAS, PA2/16, f.53r. Back
  31. 'V 13' written in margin beside heading. Back
  32. NAS, PA2/16, f.53r-v Back
  33. 'V 14' written in margin beside heading. Back
  34. NAS, PA2/16, f.53v. Back
  35. 'V 15' written in margin beside heading. Back
  36. NAS, PA2/16, f.53v. Back
  37. 'V 16' written in margin beside heading. Back
  38. NAS, PA2/16, f.53v. Back
  39. 'P V 17' written in margin beside heading. Back
  40. NAS, PA2/16, f.53v-55r. Back
  41. 'P 18' written in margin beside heading. Back
  42. 'vassell' deleted and replaced by 'prelat'. Back
  43. NAS, PA2/16, f.55r-v. Back
  44. 'P 19' written in margin beside heading. Back
  45. NAS, PA2/16, f.55v-58v. Back
  46. 'P 20' written in margin beside heading. Back
  47. 'and in' repeated. Back
  48. 'and' repeated. Back
  49. APS interpolation. Back
  50. NAS, PA2/16, f.58v-59r. Back
  51. 'P 21' written in margin beside heading. Back
  52. NAS, PA2/16, f.59r-v. Back
  53. 'P 22' written in margin beside heading. Back
  54. 'concernis' written in superscript. Back
  55. NAS, PA2/16, f.59v-60r. Back
  56. 'P 23' written in margin beside heading. Back
  57. NAS, PA2/16, f.60r-v. Back
  58. '24 P' written in margin beside heading. Back
  59. NAS, PA2/16, f.60v. Back
  60. 'V 25' written in margin beside heading. Back
  61. 'Huntingtour, alias Ruthven' in the contemporary printed collection of acts, Sir John Skene, The Lawes and Acts of Parliament made be the most excellent and mightie king and monarch, James ... since his majesties XV parliament the XIX day of December 1597 (Edinburgh, 1611), p.25. Back
  62. APS interpolation, taken from the contemporary printed collection of acts, Sir John Skene, The Lawes and Acts of Parliament made be the most excellent and mightie king and monarch, James ... since his majesties XV parliament the XIX day of December 1597 (Edinburgh, 1611), p.25. Back
  63. NAS, PA2/16, f.60v-61r. Back
  64. 'P 26' written in margin beside heading. Back
  65. NAS, PA2/16, f.61r. Back
  66. 'P 27' written in margin beside heading. Back
  67. NAS, PA2/16, f.61r-v. Back
  68. 'P 28' written in margin beside heading. Back
  69. NAS, PA2/16, f.61v. Back
  70. 'P 29' written in margin beside heading. Back
  71. NAS, PA2/16, f.61v-62r. Back
  72. 'P 30' written in margin beside heading. Back
  73. NAS, PA2/16, f.62r. Back
  74. 'P 31' written in margin beside heading. Back
  75. NAS, PA2/16, f.62r-v. Back
  76. 'P 32' written in margin beside heading. Back
  77. 'any tyme [illegible word]' have been crossed out. Back
  78. NAS, PA2/16, f.62v. Back
  79. 'P 33' written in margin beside heading. Back
  80. NAS, PA2/16, f.62v-63r. Back
  81. 'P 34' written in margin beside heading. Back
  82. NAS, PA2/16, f.63r. Back
  83. 'P 35' written in margin beside heading. Back
  84. NAS, PA2/16, f.63r. Back
  85. '36 P' written in margin beside heading. Back
  86. NAS, PA2/16, f.63r. Back
  87. 'P 37' written in margin beside heading. Back
  88. NAS, PA2/16, f.63v. Back
  89. 'V 38' written in margin beside heading. Back
  90. NAS, PA2/16, f.63v-64r. Back
  91. 'P 39' written in margin beside heading. Back
  92. NAS, PA2/16, f.64r-65r. Back
  93. 'P 40' written in margin beside heading. Back
  94. NAS, PA2/16, f.65r-66r. Back
  95. 'P 41' written in margin beside heading. Back
  96. NAS, PA2/16, f.66r. Back
  97. 'P 42' written in margin beside heading. Back
  98. NAS, PA2/16, f.66r. Back
  99. 'P 43' written in margin beside heading. Back
  100. NAS, PA2/16, f.66r-v. Back
  101. 'P 44' written in margin beside heading. Back
  102. NAS, PA2/16, f.66v. Back
  103. 'P 45' written in margin beside the heading. Back
  104. Sic. Back
  105. NAS, PA2/16, f.66v-67r. Back
  106. 'P 46' written in margin beside the heading. Back
  107. Sic. Back
  108. Sic, in error for earl? Back
  109. NAS, PA2/16, f.67r. Back
  110. 'P 47' written in margin beside heading. Back
  111. NAS, PA2/16, f.67r. Back
  112. 'P 48' written in margin beside heading. Back
  113. NAS, PA2/16, f.67r-v. Back
  114. 'P 49' written in margin beside heading. Back
  115. NAS, PA2/16, f.67v. Back
  116. 'P 50' written in margin beside heading. Back
  117. NAS, PA2/16, f.67v. Back
  118. 'P 51' written in margin beside heading. Back
  119. NAS, PA2/16, f.67v-68r. Back
  120. '52 P' written in margin beside heading. Back
  121. NAS, PA2/16, f.68r. Back
  122. 'P 53' written in margin beside heading. Back
  123. NAS, PA2/16, f.68r-v. Back
  124. '54 P' written in margin beside heading. Back
  125. NAS, PA2/16, f.68v. Back
  126. 'P 55' written in margin beside heading. Back
  127. NAS, PA2/16, f.68v-69r. Back
  128. 'P 56' written in margin beside heading. Back
  129. NAS, PA2/16, f.69r. Back
  130. 'P 57' written in margin beside heading. Back
  131. NAS, PA2/16, f.69r. Back
  132. 'P 58' written in margin beside heading. Back
  133. NAS, PA2/16, f.69r-v. Back
  134. '59' written in margin beside heading. Back
  135. NAS, PA2/16, f.69v-70r. Back
  136. '60' written in margin beside heading. Back
  137. NAS, PA2/16, f.70r. Back
  138. 'V 61' written in margin beside heading. Back
  139. NAS, PA2/16, f.70r-71v. Back
  140. '62' written in margin beside heading. Back
  141. NAS, PA2/16, f.71v. Back
  142. '63' written in margin beside heading. Back
  143. NAS, PA2/16, f. 71v-72r. Back
  144. '64' written in margin beside heading. Back
  145. NAS, PA2/16, f.72r. Back
  146. '64' written in margin beside heading. Back
  147. NAS, PA2/16, f.72r-v. Back
  148. '65' written in margin beside heading. Back
  149. The date, if given, is obscured by binding. Back
  150. NAS, PA2/16, f.72v. Back
  151. '66' written in margin beside heading. Back
  152. NAS, PA2/16, f.72v. Back
  153. 'W [? or VV] 67' written in margin beside heading. Back
  154. NAS, PA2/16, f.72v-73v. Back
  155. '68' written in margin beside heading. Back
  156. 'abbay and' crossed out and replaced by 'monasterie'. Back
  157. NAS, PA2/16, f.73v-74v. Back
  158. '69' written in margin beside heading. Back
  159. NAS, PA2/16, f.74v-75v. Back
  160. '70' written in margin beside heading. Back
  161. 'Sanctandrous, the' in superscript, replacing three illegible words. Back
  162. NAS, PA2/16, f.75v-76r. Back
  163. '72' written in margin beside heading. Back
  164. NAS, PA2/16, f.76r. Back
  165. '73' written in margin beside heading. Back
  166. NAS, PA2/16, f.76r-v. Back
  167. '74' written in margin beside heading. Back
  168. NAS, PA2/16, f.76v-77r. Back
  169. '75' written in margin beside heading. Back
  170. NAS, PA2/16, f.77r. Back
  171. '76' written in margin beside heading. Back
  172. NAS, PA2/16, f.77r-77v. Back
  173. The hand changes from here until NAS, PA2/16, f.82r, when the 'usual' hand resumes. Back
  174. NAS, PA2/16, f.77v-78r. Back
  175. NAS, PA2/16, f.78r. Back
  176. NAS, PA2/16, f.78r-v. Back
  177. NAS, PA2/16, f.78v-79v. Back
  178. NAS, PA2/16, f.79v-80r. Back
  179. NAS, PA2/16, f.80r-82r. Back
  180. NAS, PA2/16, f.82r-v. Back
  181. 'Usual' hand resumes. Back
  182. NAS, PA2/16, f.82v-83r. Back
  183. NAS, PA2/16, f.83r-84r. Back
  184. NAS, PA2/16, f.84r. Back
  185. NAS, PA2/16, f.84r-v. Back
  186. NAS, PA2/16, f.84v-85r. Back
  187. NAS, PA2/16, f.85r-86r. Back
  188. APS reads 'his majesteis hands'. Back
  189. 'remane' in superscript with 'be' written directly below. Back
  190. NAS, PA2/16, f.86v-89r. Back
  191. NAS, PA2/16, f.89r-91v. Back
  192. NAS, PA2/16, f.91v. Back
  193. Superscript. Back
  194. NAS, PA2/16, f.91v-92r. Back
  195. NAS, PA2/16, f.92r-93r. Back
  196. NAS, PA2/16, f.93r-94r. Back
  197. NAS, PA2/16, f.94r-v. Back
  198. Originally followed by 'of the said dispositioun', but this scored out. Back
  199. NAS, PA2/16, f.94v. Back
  200. NAS, PA2/16, f.95r-96r. Back
  201. Change of hand occurs midway through this act (f.95v). Back
  202. Sic. Back
  203. NAS, PA2/16, f.96r. Back
  204. Return to 'usual' hand. Back
  205. Written in superscript, replacing 'first', which has been crossed out. Back
  206. NAS, PA2/16, f.96r-97r. Back
  207. Originally followed by 'haill spiritualitie of the kirkis', but this phrase scored out. Back
  208. NAS, PA2/16, f.97r-98r. Back
  209. NAS, PA2/16, f.99r (f.98v is blank). Back
  210. The folio on which the following tables are found has been inserted into the register, being attached by tape, from the original manuscript. Back
  211. 'James' originally written, but scored out and replaced with 'Thomas'. Back
  212. NAS, PA2/16, f.99v. Back
  213. The list of acts 42-76 sit to the right hand side of the MSS folio, and is not fully visible due to the binding. Full titles have been inserted in conjunction with the titles of the acts as they have appeared earlier in the parliamentary register manuscript. Back
  214. APS interpolation. Back