Legislation

In the first, it is statute and ordanit that the fredomes of halie kirk and liberteis thairof, with all immuniteis and privilegeis and of all spirituall persounis, be observit and keipit in honour and worschip for the tyme of our soverane lord that now is, lyke as it hes bene in tymes of his maist nobill progenitouris of gude mynde of befoir.

Item, anent the article of the divisioun of schirefdomes quhilk was ordanit be ane act of parliament maid in the parliament haldin at Edinburgh in the yeir of God ane thousand fyve hundreth and thre yeiris, it is now statute and ordanit that fra thine furth the said act of parliament have strenth allanerlie anent the courtis of justice airis, baith for suit, presence and all thingis concerning the justice airis.

And as for the schiref courtis and all uther courtis and doingis, that thay cum to the townis and schirefdomes that thay come to and war of befoir the making of the said act of parliament, and thair to answer and gif suit and presence and thole law as thay war wont to do, exceptand the landis pertening to Schir Duncane Forrester, that is to say the landis of Garden, Discher, Kippane, Eon and Gibbin Eister, to remane at the justice airis and schiref courtis of Striuiling as thay war of befoir the making of this present act.

  1. Source is printed The Actis and Constitutionis of the realme of Scotland maid in parliaments haldin be the rycht excellent, hie and mychtie princeis kingis James the First, Secund, Third, Feird, Fyft, and in tyme of Marie now Quene of Scottis, viseit, correctit, and extractit furth of the registers be the lordis deputs be speciall commissioun thairto, anno Domini 1566, held as NLS, Black Acts, 1566-94, H.33.c.21, f.110r. Back
  2. Source is printed The Actis and Constitutionis of the realme of Scotland maid in parliaments haldin be the rycht excellent, hie and mychtie princeis kingis James the First, Secund, Third, Feird, Fyft, and in tyme of Marie now Quene of Scottis, viseit, correctit, and extractit furth of the registers be the lordis deputs be speciall commissioun thairto, anno Domini 1566, held as NLS, Black Acts, 1566-94, H.33.c.21, f.110r. Back